ވިލާ އިން ޓެކްސް ފައިސާތައް ދައްކައި ނިންމުމުން ދައުވާ އަނބުރާ ގެންގޮސްފި

ވިލާގެ ރިސޯޓެއްގައި މުވައްޒަފުންތަކެއް މަސައްކަތުގައި: ވިލާގެ ހަތަރު ރިސޯޓަކުން ޖީއެސްޓީގެ ގޮތުގައި ދައްކަންޖެހޭ ފައިސާ ވަނީ ދައްކާފައި --ފޮޓޯ/މިހާރު

މުއިއްޒު އިބްރާހިމް، މިހާރު

20 ފެބުރުއަރީ 2018 - 14:43

37 comments

ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ވިލާ ޝިޕިން ކުންފުނިން ދައުލަތަށް ޓެކްސްގެ ގޮތުގައި ދައްކަންޖެހޭ 56 މިލިއަން ރުފިޔާ ދެއްކުމުން، އެ ފައިސާ ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ކުރި ދައުވާ އަނބުރާ ގެންގޮސްފި އެވެ.

މުދަލާއި ޚިދުމަތުގެ އަގުން ނަގާ ޓެކްސް (ޖީއެސްޓީ)ގެ ގޮތުގައި 74 މިލިއަނަށް ވުރެ ގިނަ ރުފިޔާ ހޯދަން ވިލާ ޝިޕިންއާ ދެކޮޅަށް މީރާ އިން ތިން ދައުވާއެއް ކުރީ މިދިޔަ މަހު އެވެ. އޭގެ ތެރެއިން އެއް މައްސަލައިގައި ހިމެނޭ 1.2 މިލިއަން ޑޮލަރު (18 މިލިއަނަށް ވުރެ ގިނަ ރުފިޔާ) ވިލާ އިން ދެއްކުމުން އެ ދައުވާ މީރާ އިން ކުރިން އޮތީ އަނބުރާ ގެންގޮސްފަ އެވެ.

އަނެއް ދެ މައްސަލައިގައި ހިމެނޭ 3.2 މިލިއަން ޑޮލަރު (49 މިލިއަން ރުފިޔާ) އާއި 7.4 މިލިއަން ރުފިޔާ ވިލާ އިން މީރާ އަށް ދައްކާފައިވާ ކަމަށް މީރާ އިން ސިވިލް ކޯޓަށް އެންގީ އިއްޔެ އެވެ. އެހެންވެ އެ ދެ މައްސަލަ ވެސް މިހާރު ހައްލުވެފައިވާ ކަމަށް ކަނޑައަޅައި، ސިވިލް ކޯޓުން މިއަދު ވަނީ ހުކުމްކޮށްފަ އެވެ.

ވިލާ އިން ފަހުން ދެއްކި 3.2 މިލިއަން ޑޮލަރަކީ ވިލާގެ ހަތަރު ރިސޯޓެއް ކަމަށްވާ ސަން އައިލެންޑާއި ފަން އައިލެންޑާއި ޕެރަޑައިސް އައިލެންޑް ރިސޯޓާއި ހޮލިޑޭ އައިލެންޑް ރިސޯޓުން ދައުލަތަށް ދައްކަންޖެހޭ ޖީއެސްޓީ އާއި އެ ފައިސާ ނުދެއްކުމުން އަރާފައިވާ ޖޫރިމަނާ އެވެ. އަދި 7.4 މިލިއަން ޑޮލަރަކީ ވިލާ ޝިޕިން އިން ދައްކަންޖެހޭ ޖީއެސްޓީ އެވެ.

ވިލާ އިން ދައްކަންޖެހޭ ޓެކްސް ފައިސާތައް ދެއްކުމުން އެ މައްސަލަތައް އަނބުރާ ގެންދިޔަސް ވިލާގެ އެކި ކުންފުނިތަކަށް ދޫކުރި ރަށްތަކާއި ފަޅުތަކުގެ ކުއްޔާއި ޖޫރިމަނާގެ ގޮތުގައި 166 މިލިއަން ޑޮލަރު (2.5 ބިލިއަން ރުފިޔާ) ހޯދަން ދައުލަތުން ދައުވާކުރާ މައްސަލަތައް ކޯޓުގައި ދަނީ ހިނގަމުންނެވެ. އެކަމަކު ވިލާ އިން ބުނެފައިވަނީ އެއީ ދައްކަންޖެހޭ ފައިސާއެއް ނޫން ކަމަށެވެ.

ވިލާ އިން ދައްކަންޖެހޭ ފައިސާ ނުދައްކާތީ، އެ ކުންފުނީގެ ރިސޯޓްތަކަށް ދޫކުރި އޫރުމަހާއި ރާ އެތެރެ ކުރުމުގެ ހުއްދަ ސަރުކާރުން މިދިޔަ މަހު ވަނީ ހިފަހައްޓައިފަ އެވެ. އެކަމަކު ފަހުން އެކަމަށް ވަގުތީ ހުއްދައެއް ސަރުކާރުން ދިނެވެ. ފަހުން ދިން އެ ހުއްދައިގެ މުއްދަތު ވެސް ވަނީ ހަމަވެފަ އެވެ.

މެމްބަރު ގާސިމް އިބްރާހިމް (މާމިގިލި) ވިލާ ގްރޫޕް މީރާ ޓެކްސް

37 ކޮމެންޓް, 101 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންބެގެ ހުތާ

20 February 2018

ވިޔަފާރިކުރަންޏާ ޓެކްސް ދެއްކުމާ, ލަސްކުރުމާ, ފައިދާވުމާ, ދަރަނިވެރިވުން ހިނގާނެއެވެ. އެކަމު ދައްކަންޖެހޭ އެއްޗެއް ދެއްކީމާ އެކުންފުންޏެއްގެ ކިބައިން އެކަންތައް ނިމުނީއެވެ. މި ފައިސާދެއްކުމުންވެސް ލޮލަށް ނިދިނާންނަ މީހުން އުޅޭނެއެވެ. އެހެނީ އެބައިމީހުންނަށް ދައްކާނެ ވާހަކަ މަދުވީމައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންބާރާ

20 February 2018

ސިޔާސީ ގތުން ތަފާތުވީމާ, އިހުލާސްތެރިކަމެއްނެތޭ ނިޔަތެއްނެތޭ ކިޔައިގެން މީހުންގެ ބޮލުގަ ނުހައްގު ބޮޑެތި ދަރަނި އަޅުވައިގެންނުވާނެއެވެ. އެއަކީ ވަރަށްދެރަކަމެކެވެ. ތިމާއަށް ސަޕޯޓްކުރިއިރު ނެތް ދަރަނި ހަމަ ހުރެފަ ކުއްލިއަކަށް ވިހަނީ ކިހިނެތްހެއްޔެވެ. ޓެކްސް ފައިސާ ދައްކަންޖެހޭނެއެވެ. އެކަމަކު އެެހެނިހެން އަންނަ ސާބިތުނުވާ, ކޯޓު މަރުހަލާ އެއްކޮށް ނުނިމޭ ދަރަންޏޭ ކިޔައިގެން އަނެކާގެ އަގުވައްޓާލާ މީހާއަކީ ހާދަހާވާ ނުބައި މީހެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޖޭ

20 February 2018

އޮޅުވާނުލައްވާށެވެ. ސިޔާސީ ދައުވާއެކޭ ކިޔަނީ ކެންސަލޮކޮށް އަތުލި ފަޅުތަކުން ދައްކަންޖެހޭ ކަމަށްބުނާ ބުހުތާނު 2.5 ބިލިއަނަށެވެ. އެއަކީ ޓެކްސްއެއްނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެރިމޮދީ

20 February 2018

އެހެންވީމަ އެބައެނގޭތާ އެއީ ސިޔާސީ ދައުވާއެއްނޫންކަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބެ

20 February 2018

ގާސިމް އަތުން ނަގައިފަ އޮތް ފަޅުރަށްތަކަކަށް އެކިޔަނި 2.8 ބިލިޔަން ދައްކާށޭ. އަދުރޭއެ އެހެން މިކަޔަނީވެސް. ބަޔަކު މޮޔަނުވާނެތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖީތު

20 February 2018

ކޮންމެ ކުންފުންޏަކުންވެސް ޒިންމާވާންޖެހޭނީ ހަމަ އެކަނި އެކުންފުންޏެއްގެ ދަށުގައިވާ ކަންތައްތަކާ. ކުންފުނިތަކުގެ ނަމުގައި "ލިމިޓެޑް" އޮންނަނީ ސަބަބެއް އޮވެގެން. ގާސިމްގެ މަސްލަހަތު އޮތޭ ކިޔާފައި ގާސިމްގެ ހިއްސާވާ ހުރިހާ ކުންފުންޏަކުން އެއް ކުންފުނި އަނެއް ކުންފުނީގެ މައްޗަށް ޒިންމާވާކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއުފާދެއްވި ރައީސް ނަޝީދު

20 February 2018

ސަރުކާރުން ވިލާއަށް ދައްކަންޖެހޭ ލާރިއޭ ނުކިޔާ ތަމެން ދެން ދާންވީނު ކޯޓަށް؟ ރައްޔިތުންގެ ލާރި ނަގައިގެން، އެނުދައްކަންވެގެން އެލާރިން ކޯޓުތައް ގަނެގެން މޮޅުތަކެއް ވެއްޖެނު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

20 February 2018

މިމައްސަލަ ސްޕްރީމް-ކޯޓަށް ހުށައަޅާފަވާކަން ހަމަނޭގޭ ގަމާރެއްތަ ކަލޭތީ. މިމައްސަލަވެސް ނުނިމި އެވަނީ ސަރުކާރުގެ ނުފޫޒާހެދި. މުޅި ސިސްޓަމް މިއޮތީ ހިސާރު ކޮއްފަކަމަށް އަދިވެސް ޤަބޫލުނުކުރަންދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

20 February 2018

އެކަމަކު އަޑަށްބާރުލާފައި ޖުމްހުޜިޕާރޓިން ގޮވަމުންދިޔައީ ދައްކަންޖެހޭ ފައިސާއެއް ނޯންނާނެޔޭ ، ދޮގާއި މަކަރު ހެދުމުގެވެސް ޗާރޓުން ބޭރުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިޔަންބޭ

20 February 2018

ދެން އެންމެފަހު ކަމަކައް ގާސިމު މާލެއައިސް، ރައީސް ޔާމީނު ވަރެއްނެތޭ ބުނެލާފަ، ޕީޕީއެމައް ސޮއިކޮއްލާ. އޭރުން ހުރިހާކަމެއް ހަމަވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

20 February 2018

ސަރުކާރުން ވިލާއަށްދޭން އޮތް ފައިސާ އަޅާކަޑާލީމާ އަދިވެސް ސަރުކާރު އޮތީ ވިލާއަށް ދަރާފަ. އެހެންވީމާ އެބުނަނީ ސަރުކާރަށް ދައްކަންޖެހޭ ލޯލާރިއެއްވެސް ނޯންނާނޭ. ސާފުވެއްޖެ ކަމަށް ހީކުރަން.