ފާރިސް މައުމޫން ހައްޔަރު ކުރުމަށް ދިޔަ ފުލުހުންތަކެއް ފާރިސް ދިރިއުޅުއްވާ ސްނޯ ރޯސް ކައިރީގައި.
21 ފެބުރުއަރީ 2018 - 11:42
19 comments
ޑްރަގް މައްސަލައެއްގައި ހިމެނޭ މީހަކު ހޯދަން، ދިއްގަރު ދާއިރާގެ މެމްބަރު އަހްމަދު ފާރިސް މައުމޫންގެ އެޕާޓްމެންޓަށް ފުލުހުން މިއަދު ވަދެއްޖެ އެވެ.
ރިޝްވަތު ދީގެން ސަރުކާރު ވައްޓާލަން އުޅުމުގެ ތުހުމަތުގައި ހައްޔަރުކޮށްފައިވާ ފާރިސްގެ ގާތް ބޭފުޅަކު ވިދާޅުވީ ޑްރަގު މައްސަލައެއްގައި ހިމެނޭ މީހަކު ހޯދަން ކަމަށް ބުނެ މ. ސްނޯ ރޯސްގައި ހުންނަ ފާރިސްގެ އެޕާޓްމެންޓަށް ފުލުހުން ވަދެ އިރުތަކެއް ވަންދެން މަޑުކޮށްގެން ތިބި ކަމަށެވެ. ފާރިސްގެ ވަކީލަކު އެ ގެއަށް ގޮސް ސުވާލުކުރުމުން، އެ މީހުން ދިޔައީ ޑްރަގު މައްސަލައެއްގައި ހިމެނޭ މީހަކު ހޯދަން ކަމަށް ބުނެފައިވާ ކަމަށް ވެސް އޭނާ ވިދާޅުވި އެވެ.
ފާރިސް ފުލުހުންގެ ބެލުމުގެ ދަށުގައި. --ފޮޓޯ/މިހާރު
ފާރިސްގެ އެޕާޓްމެންޓަށް ފުލުހުން ދިޔައީ، ޑްރަގު ކޯޓުގެ އަމުރެއް ހިފައިގެންނެވެ. މަސްތުވާތަކެތި ބޭނުންކޮށްގެން ތިން އަހަރަށް ޖަލަށް ލާފައިވާ މީހަކު ހާޒިރުކުރަން ނެރެފައިވާ އަމުރުގައި ޖަހާފައި ވަނީ ކޯރުކެނޑި މަގު، ސްނޯރޯސް އެވެ. އަމުރުގައި އެ ގޭގެ ނަން ލިއެފައި ވަނީ ގަލަމަކުންނެވެ.
އެކަމަކު އެ އަމުރުގައި، ޑްރަގު ކޯޓަށް ހާޒިރުކުރަން ޖެހޭ މީހާ ދިރިއުޅެނީ މ.ސެނަރޯސްގަ އެވެ.
ފާރިސް ތިން ވަނަ ފަހަރަށް ހައްޔަރުކޮށްފައިވާއިރު އޭނާގެ ބައްޕާފުޅު ކުރީގެ ރައީސް މައުމޫން އަބްދުލްގައްޔޫމް ވެސް ހުންނެވީ ހައްޔަރު ކޮށް ދޫނިދޫގައި ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުސައިން އާދަމް
21 February 2018
ހެޔޮނުވަާނެ ތިޔަ ފުލުހުންނަށް އާންމުން ކުރާ އިތުބާރާއި ގަދަރު ގެއްލުވަން މަސައްކަތް ނުކޮށް އެންމެ އެއްބައިވަންތަވެގެން ގައުމު ކުރިއަރުވަން މަސައްކަތް ކުރަން ހިންގާ......
ކާފަ
21 February 2018
ކޯޓް އަމުރު ނެރުނީ ކޯޓު އަމުރަކަށް އެދިގެން ހެއްޔެވެ؟ އަމުރަށް އެދުމުގަވެސް އަދި އަމުރު ނެރުމުގަވެސް ޒިއްމާތަކެއް ހުންނާނެއެވެ. ވީމާ ކޮންމެ ކަމެއްގައިވެސް ޒިއްމާ އަދާކުރުމަކީ ރީތި ސިފައެކެވެ.
ދިގުބޯ
21 February 2018
މިދުވަސް ކޮޅު ބަންދު ކޮއްފަ ތިބިމީހުންގެ އެޕާޓްމެންޓުން ހުރިހާ އެއްޗެއްވެސް ފެންނާނެ. ބޮޑެތި އާގު ބޯޓު ހުރިތޯވެސް ޗެކުކުރާނެ. އެމް އެޗް ހޯދަން ވެސް ތިއެޕާޓްމެންޓް ނުބަލާފިއްޔާ ވާ ރަނގަޅު
ދިވެހި ދަރިއެކޭ
21 February 2018
ހިތާމަހުރި.. މިފަދަ ކަަންކަން ފުލުހުންގެ ފަރާތުން މި ފަހަކަށްއައިސް ފެންނަމުންދާ ކަމީ ހިތާހުރި ކަމެއް. އެއްމެ އިތުބާރުކުރާ އަދި އެއްމެ ޢިހްތިރާމް ކުރާ މުއައްސަސާގެ އަގުވެއްތެމުންދާތަން ބަލަން ހުރުމަކީ އަހަރެންގެ ޒަމީރު ގަބޫލުކުރާ ކަމެއްނޫން.. ފުލުހުން ޒިއްމާދާރު ވުމައް ގޮވާލަން..
ހާލު
21 February 2018
ރިހާކުރު ނުވިއްކާތަ އަނެއްކާ ފާރިސް އެޕާޓްމަންޓުން؟ ހުރިހާ ބާވަތެއްގެ އެއްޗެހި ލިބޭހެން ހީވާތީ އަހާލީ.
ބަގުވާސް
21 February 2018
ކުރިން ކަޅު ފޮށްޓެއް.. މަފަހަރު އެމް.އެޗް.370 ފެންނާނެ ކަމަށް އުންމީދުކުރެވޭ!! މެލޭޝިޔާގެ މީހުނަށް އުންމީދީ ވާހކައެއް..
ތިއަތު
21 February 2018
ތިވީގޮތުން މައުމޫނު ވިދާޅުވިކަހަލަ ފައިޓަރޖެޓެއްވެސް ތިތަނުން ފެނުން އެކަށީގެންވޭ
ތެއާސާ.
21 February 2018
އަނެއް ކަޅު ފޮށި ނެރެން ކައިރިވީ.. މިފަހަރުގެ ކަޅުފޮށީގައި: 1. ސަރުކާރު ވައްޓާލަން ދިއުމަށް ފާރިސް އަރައި އިންނާނެ އަލާއްދީންގެ އުދުހޭ މުސައްލަ، 2. ވައްޓާލާ ޕްލޭން ލިއެ ސޮއިކޮށްފައިވާ ޑޮކިއުމެންޓް އަދި އޭގެ ސޮފްޓް ކޮޕީ ހިމެނޭ 2 ޖީބީގެ ޕެންޑްރައިވް، 3. އައިއީޑީ އަކާއި އޭތި ގޮއްވާލާ މަންޒަރު ހިމެނޭ ވީޑިއޯ، 4. ވައްޓާލުމަށްފަހު ގޭދޮށު ކުދިންނަށް ބަހަން ތައްޔާރުކޮށްފައިހުރި ކާށިމެޓާ ފުޅިއެއް، 5. ފިސްތޯލައަކާއި ވައްތަރު ފެންބަޑިއެއް.
ބޮކުރީ
21 February 2018
ހަހަހަ.....މިމީހުންވެސް ހެއްވާ އެއްޗެއް ނޫނީ ނުލިޔާނެ..މަވެސް ބޭނުން އުދުހޭ މުސައްލައެއް.
ޖައިސާމް
21 February 2018
ދެން ފިސްތޯލައަކާ ވަޒަނަކާ، އެމްއެޗް މަތިންދާބޯޓު ފާރިސްގެ ގެއިން ކަންނޭގެ ފެންނާނީ.
ފުކެއްބޮޑުވަރު
21 February 2018
ހެޔޮނުވާނެ ދައުލަތުގެ ތިޔަ މުހިންމު މުއައްސަސާގެ އަގު ނުވައްޓަބަލަ. ތިޔަތަނަކީ ދައުލަތުގެ މީޑިއާ ބޭނުންކުރާހެން ކުރާތަނަކަށްވެއްޖެނަމަ ރައްޔިތުންނަށް ހުރި ނުރައްކަލުގެ ބޮޑުކަމާއޭ.