އެނބޫދޫ ފަޅު ހިއްކައިގެން ތަރައްގީ ކުރާ އިންޓަގްރޭޓެޑް ރިސޯޓް މަޝްރޫއުގެ ބިން ހިއްކުމުގެ ފިޔަވަހީގެ މަސައްކަތް ކުރިއަށް ދަނީ.---މިހާރު ފޮޓޯތައް: ހުސެއިން ވަހީދު
22 ފެބުރުއަރީ 2018 - 10:46
15 comments
ޓޫރިޒަމް ދާއިރާ ފުޅާކުރުމުގެ ބޭނުމުގައި މާލެ އަތޮޅުގެ 27 ފަޅެއް ތަރައްގީ ކުރުމަށް އާންމު ފަރާތްތަކަށް ދޫކޮށްފައިވާ ކަމަށް ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރުގެ ފުރަތަމަ ޖަލްސާގައި އިއްވެވި ރިޔާސީ ބަޔާނުގައި، އެމަނިކުފާނު ވިދާޅުވީ މާލެ އަތޮޅުގެ ފަޅުތައް ތަރައްގީ ކުރަން ނިންމީ މާލެ އާއި ހުޅުމާލެ އާއި ވިލިމާލޭގެ އާބާދީ ބޮޑުވަމުން ދިއުމާއެކު، ޒުވާނުންނަށް ވަޒީފާގެ ފުރުސަތު އިތުރު ކޮށްދިނުމުގެ މަގްސަދުގައި ކަމަށެވެ. ނަމަވެސް އާންމުންނަށް ދޫކުރި ފަޅުތަކުގެ ތަފްސީލެއް ރައީސް ނުދެއްވަ އެވެ.
އެނބޫދޫފަޅުގައި ރިސޯޓްތައް ތަރައްގީކުރަން ހިއްކާފައިވާ ސަރަހައްދު.
މި 27 ފަޅު ތަރައްގީ ކުރުމުގެ އިތުރުން، ސަރުކާރުގެ ބަޖެޓުން ހަރަދުކޮށްގެން މި އަހަރު ފަސް ފަޅެއް ހިއްކައި، ޓޫރިޒަމް ތަރައްގީ ކުރުމަށް ދޫކުރުމަށް ހަމަޖެހިފައިވާ ކަމަށް އެ މަނިކުފާނު ވިދާޅުވި އެވެ.
"މި ދެންނެވި ފަޅުތައް ތަރައްގީކޮށް ނިމުމުން، 47،000 އާ ވަޒީފާ އުފެދިގެން ދާނެ. މި ފަޅުތައް ތަރައްގީ ކުރުމުގެ މަސައްކަތް ކުރިއަށް އޮތް ފަސް އަހަރު ދުވަހުގެ ތެރޭގައި ނިމޭނެ،" ރައީސް ވިދާޅުވި އެވެ.
ރައްޔިތުންގެ މަޖިލީހުން މި އަހަރަށް ފާސްކޮށް ދިން، 27.9 ބިލިއަން ރުފިޔާގެ ބަޖެޓުގައި ވިޔަފާރީގެ ބޭނުމަށް 20 ފަޅެއް ހިއްކުމަށް 107 މިލިއަން ރުފިޔާ ހިމަނާފައިވެ އެވެ.
ސަރުކާރުން ކުރިން ބުނި ގޮތުގައި، ފަޅުތައް ހިއްކައިގެން ރިސޯޓުގެ ގޮތުގައި ތަރައްގީ ކުރުމުގެ މަސައްކަތް ކުރަނީ ދައުލަތަށް އާމްދަނީ ހޯދުމުގެ ބޭނުމުގަ އެވެ.
ރައީސް ޔާމީން ވިދާޅުވީ ވޭތުވެދިޔަ އަހަރު ރާއްޖެ އަށް ޒިޔާރަތް ކުރާ ޓޫރިސްޓުންގެ އަދަދު އަށް ޕަސެންޓު އިތުރުވެފައިވާ ކަމަށެވެ. މިދިޔަ އަހަރު 1.3 މިލިއަނަށް ވުރެ ގިނަ ޓޫރިސްޓުން ޒިޔާރަތް ކުރި އެވެ.
"މިއީ ޓޫރިޒަމް ދާއިރާ އިން ރާއްޖެ ހޯދި ވަރަށް ބޮޑު ކުރިއެރުމެއް،" ރައީސް ވިދާޅުވި އެވެ.
މަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާގައި ރައީސް އަބްދުﷲ ޔާމީން ރޭ ރިޔާސީ ބަޔާން އިއްވަވައިދެއްވަނީ.-- ފޮޓޯ: ރައީސް އޮފީސް
މީގެ އިތުރުން ޓޫރިޒަމް ތަރައްގީ ކުރުމަށް ދޫކުރި ރަށްރަށުގެ ތެރެއިން 24 ރަށެއް މި އަހަރު ހުޅުވިގެން ދާނެ ކަމަށާއި މި އަހަރު އަލަށް ހުޅުވޭ ދެ ހޮޓަލާ އެކު، އެނދުގެ އަދަދު 5،300 އަށް ވުރެ އިތުރުވެގެން ދާނެ ކަމަށް ވެސް ރައީސް ޔާމީން އިއްވެވި ރިޔާސީ ބަޔާނުގައި ފާހަގަކުރެއްވި އެވެ.
ރައީސް ވިދާޅުވީ ކުރިއަށް އޮތް ފަސް އަހަރު ދުވަހުގެ ތެރޭގައި 1.6 ބިލިއަން ޑޮލަރު އިންވެސްޓް ކުރާ ގޮތަށް ޓޫރިޒަމް ދާއިރާ އިން 40 ފޮރިން އިންވެސްޓްމަންޓެއް މިދިޔަ އަހަރު ރަޖިސްޓްރީ ކުރެވިފައިވާ ކަމަށެވެ. އަދި ޓޫރިޒަމް ދާއިރާ ފިޔަވައި އެހެން ސިނާއަތްތަކުން 1.8 ބިލިއަން ޑޮލަރު ކުރިއަށް އޮތް ފަސް އަހަރު ދުވަހުގެ ތެރޭގައި އިންވެސްޓްކުރާ ގޮތަށް 50 އިންވެސްޓްމަންޓެއް ރަޖިސްޓްރީ ކުރެވިފައިވާ ކަމަށް ރައީސް ޔާމީން ވިދާޅުވި އެވެ.
މާލެ އަތޮޅުން ހިއްކާފައިވާ ފަޅެއް: ބައެއް ފަޅުތައް ހިއްކުމުން ރާއްޖޭގެ ރީތި ކަމަށް ނޭދެވޭ އަސަރު ކުރާނެ ކަމަށް މަޓީން ބުނޭ.---ފޮޓޯ: ކޮކީ
ބައެއް ފަޅުތައް ހިއްކުމުން ރާއްޖޭގެ ރީތި ކަމަށް ނޭދެވޭ އަސަރު ކުރާނެ ކަމަށް ބުނެ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އިން ވަނީ ކަންބޮޑުވުން ފާޅުކޮށްފަ އެވެ. އެ ކަންބޮޑުވުންތައް ޓޫރިޒަމް މިނިސްޓަރު މޫސާ ޒަމީރާ ހިއްސާ ކުރި އެވެ.
މީގެ ތެރެއިން އެއް މަޝްރޫއަކީ ތައިލެންޑުގެ ސިންގް އެސްޓޭޓުން ކ. އެނބޫދޫފަޅުގައި "ކްރޮސް ރޯޑްސް"ގެ ނަމުގައި ތަރައްގީ ކުރަމުން އަންނަ އިންޓެގްރޭޓެޑް ރިސޯޓެވެ. މާލޭގެ ދެކުނުން އޮންނަ ބޮޑު ފަޅުގައި އެ ރިސޯޓްތައް ހަދަނީ ރާއްޖޭގެ ގުދުރަތީ ރީތިކަން ފެންނަ ގޮތަށް އަދި ޗުއްޓީ ހޭދަކުރުމުގެ ހުރިހާ ކަމެއް ފުރިހަމަ އަށް ލިބޭ ގޮތަށެވެ.
ކްރޮސް ރޯޑްސްގައި އެންމެ މަތީ ފެންވަރުގެ ނުވަ ރިސޯޓުގެ އިތުރުން ވިޔަފާރީގެ ތަފާތު ގިނަ ފުރުސަތުތައް ހިމެނޭ ގޮތަށް ތަރައްގީ ކުރާ 12،000 އަކަމީޓަރުގެ ޓައުންޝިޕްގައި ދުނިޔޭގެ އެންމެ މަޝްހޫރު ފެޝަން ބްރޭންޑްތަކުގެ ފިހާރަތަކާއި ރެސްޓޯރަންޓްތަކާއި ކެފޭތަކުގެ އިތުރުން މަޝްހޫރު ހާޑް ރޮކް ކެފޭއެއް ވެސް ހުޅުވަން ނިންމާފައިވެ އެވެ. އޭގެ އިތުރުން އެތަނުގައި ޑިއުޓީ ފްރީ ފިހާރަ އާއި ކުޑަކުދިންނަށް ޚާއްސަ ގޮނޑުދޮށަކާ އެކު ހަދާ ބީޗް ކްލަބަކާއި ކަލްޗަރަލް ސެންޓަރަކާއި ވެލްނަސް ސެންޓަރަކާއި މެރިން ލައިފް ސެންޓަރެއް އަދި ޑައިވް ސެންޓަރެއް ވެސް ހުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
22 February 2018
ތިއީ ކަޑައެޅިގެން އުސޫލު ތަކުން ބޭރުގައި ހިންގާފައިވާ ކަންކަމަށްވާތީ ތިތަނުގައި ތިވާހަކަ ދައްކާން ޖެހުނީ. . ހަމަތަކާއި އުސޫލުގެ ތެރެއިން ހިންގުނު “ސައްހަ ވިޔަފާރީގެ މުއާމަލާތް ތަކެއްނަމަ” ތިކަންކަން ހިންގާފައިވާނީ ހިޔާނާތުގެ ފަސާދައަށް ކުޑަވެސް ޖާގައެއް ނުލިބޭގޮތަށް “އެކަށޭނަ ރަނގަޅު މުއްދަތު ދީގެން ހުޅުވާލެފިފައިވާ ބިޑިންގ ޕްރޮސެސް އެއްގެ ތެރެއިން” ކަމުގައި އަހަރުމެން ޤަބޫލު ކުރަން. . . މިހާރު ތިކުރެއްވި ކަމަކީ “ސިއްރުވެރި މުއާމަލާތް ތަކެއް ސައްހަ ކުރުމުގެ މަސައްކަތް” ވެރިކަމުގެ ވަގުތު ގާތްވެއްޖެކަން ކަށަވަރު ވުމުން ތިއުޅެނީ ހާވާފައިވާ ހަޑިތަކެއް ފޮރުވަން. ތިފުރުސަތެއް ނުލިބޭނެ. . . ޤާނޫނާއި ހިލާފަށް ބިޑް ކުރުމެއްނެތި ދައުލަތުގެ މުދަލާއި ފަޅުރަށްތައް އާއިލާ މީހުންނަށާއ ރަށްޓެހިންނަށް އަދި މާލީ ނަފާވެރިކަން ހަދިޔާ ކުރާ ފަރާތް ތަކާއި އެކު ވެފައިވާ “ސައްހަ ނޫން ހުރިހާ މުއާމަލާތެއް” ރައްޔިތުންގެ ސަރުކާރެއް ޤާއިމް ކުރުމާއި އެކުގައި ރޫޅާލާނެ.
މަންޑޭލާ
22 February 2018
އެމްޑީޕީގަ އުޅެނީ ހެޔޮނުވިސްނޭމީހުންގިނައީ.
ފާތި
22 February 2018
އާ ފަޅު ހިއްކާ ހިއްކާގޮސް ރާއްޖޭގެ ގުދުރަތީ ރީތިކަން ނަގާލީމަ ދެން އެއިގެން ޓުއަރިޒަމަށް ވަރަށް ފައިދާކުރާނެ. ހެޔޮނުވާނެ މިމީހުންގެ ކިބައިން ސަލާމަތްވުމަށް ހުރިހާ އެންމެން މަސައްކަތްކޮށް ދުވާކުރޭ!
މާލޭ މީހާ
22 February 2018
މިފެންނަނީ ތަރައްގީ ، ބަޔަކު މޭކެރިޔަސް މިސަރުކާރުން ކުރާ މަސައްކަތެއް ހުއްޓުވައެއް ނުލެވޭނެ. ސާބަހޭ ރައީސް
ހައްޖަ
22 February 2018
ކަނޑުގާ ރޮނގެއް އަޅާލިޔަސް ފައިސާ. މީވާ ސަޅިކަމެއް.. މަވެސް ފަޅެއްބޭނުން.
ކުރާތި
22 February 2018
މާލެ އަތޮޅުގެ 27 ފަޅެއް ޓޫރިޒަމަށް ވަނީ ދޫކޮށްފައި ވާނަމަ އެއީ އުފާވެރިކަން ލިބޭނެ ކަމެކެވެ. އެކަމަކު 27 ފަޅު މާ ބޮޑަށް މަދެވެ. މާލެ އަތޮޅުގައި 2000 ފަޅު އޮންނައިރު އަހަރަކު 200 ފަޅު ކުއްޔަށް ދެވެންވާނެ މާލެ އަތޮޅުން. މާލެ އަތޮޅުގައި އެބަޖެހޭ 2000 ފަޅު ހިއްކައިގެން ރިސޯރޓްސް ތައް ތަރައްގީ ކުރަން. އެއިރަށް ވެލާނާ އެއާރޕޯރޓް ފީސްބްލް ވާނީ. މީ ކޮންމެހެން ކުރަން ޖެހޭނެ ކަމެކެވެ.
ޢަލިދީދީއައްޑޫސިޓީ
22 February 2018
ރާއްޖޭގެ އުތުރާ ދެކުނުގައި މިހާރު ވެސް ހިކިފައިހުރި ފަޅުތަކާއި ރަށްތައް ތަރައްޤީ ނުކޮށްގެން މިއުޅެނީ ކީއްވެބާ؟؟ މުޅި ރާްޖޭގެ ކޮންމެ ރަށެއްގައި އެއަރޕޯރޓެއް މިއަޅަނީ ދެން ކީއްކުރަންބާ؟؟ އެ އެއަރޕޯރޓު ތަކުގެ މަރާމާތުކުރުމާއި ބެލެހެއްޓުމުގެ ޚަރަދު މޯލްޑިވިއަންގެ ޓިކެޓު ބޮޑު އަގުގައި ވިއްކައިގެން ދިވެހިންފެލާލައިގެން ހޯދުމުގެ މަކަރުވެރި ރޭވުން ދޫކޮށް ހުރިހާ ޑޮމެސްޓިކް އެއަރޕޯރޓެއް ޕްރައިވެޓައިޒްކޮށް އިތުރު އެއަރލައިންތަކަށް އެއަރޕޯރޓު ތައް ހުޅުވާލަންޖެހޭ. ޚާއްޞަކޮށް ގަން އެއަރޕޯރޓަށް ވެސް ފްލައިމީ އަށް ދަތުރުކުރެވެން ޖެހޭނެ.
ހައްޤުބަސް
22 February 2018
ޔަގީނޭ ތި ފަޅުތަކުން ޕާޓީގެ ބޮޑުންނަށް ބައިއެޅޭނެކަން. ސަރުކާރަށް ތި ވަންނަނީ ހާދަކުޑަ އެއްޗެކޭ ދޯ. ހަމަ ގައިމުވެސް ބިޑަށް ލާނަމަ މިއަށްވުރެ ރަނގަޅުއެއްޗެއް ބަޖެޓަށް ވަންނާނެއެވެ.
ހަރުބަސްމިބުނީ
22 February 2018
ދިވެހިންނަކީ ކަންކަންވީމަ ފެންނަބައެއް..ކުރިން ތަސައްވަރުކުރަން ވަރަށް އުނދަގޫބައެއް. ކިތަންމެ ރަގަޅު ފއަިދާހުރި ކަމެއްގެ ވާހަކަ ވިޔަސްމެ. ވެދާނެ ހުވަފެން ދައްކާފަ ގިނަ ވެރިން މިހާތަނަށް ކަންކަން ނުކޮއްދޭތީ ކަމަށްވެސް!
ފުދިއްޖެ
22 February 2018
ފަޅުތަކާއި ފަރުތަކާއި ނުހިއްކައި އުޅެވެން ނެތީބާ؟ އެތަންތަން ހިއްކައި ބޭރު މީހުންނަށް 100 އަހަރަށް ދިނީމާ އަހަރެމެންގެ ދަރީންނަށް މިގައުމުން ވާރުތަ ކުރާނީ ކޮންއެއްޗެއްތޯ؟ މިފަދަ ގުދުރަތީ ރިސޯސް ތަކަކީ ވަގުތީ ފައިދާޔަކަށްޓަކައި މިގޮތަށް ހަލާކު ކޮށްލައިގެން ހެޔޮވާވަރުގެ ތަންތަނެއް ނޫން. މިތަންތަނުގައި އަހަރެމެން އިންސާނުން ލެއްވީ އެތަންތަނަށް ރައްކާތެރިވެ އާރާސްތު ކުރަން. މިގޮތަށް އެތަންތަނުގެ ކަރާމަތް ނަގާލާ "ޢިއްފަތް ފޭރޭކަށް ނޫން"!