އެކުއިޒިޝަން ފީގެ މުއްދަތު އިތުރުކުރަން 1،000 ޑޮލަރުގެ ފީއެއް ނަގަނީ

ބިޑަށް ނުލައި އެކުއިޒިޝަން ފީއެއް ނަގައިގެން ސަރުކާރުން ރިސޯޓެއްގެ ގޮތުގައި ތަރައްގީކުރަން ކުއްޔަށްދީފައިވާ ކ. ފޭދޫފިނޮޅު. އެކުއިޒިޝަން ފީ ދެއްކުމުގެ މުއްދަތު އިތުރުކުރަން 1،000 ޑޮލަރުގެ ފީއެއް ނަގާ ގޮތަށް ވަނީ ހަމަޖައްސާފައި.

އަބްދުﷲ ޖަމީލު، މިހާރު

05 މާޗް 2018 - 13:25

3 comments

ޓޫރިޒަމްގެ މަޝްރޫއުތަކަށް ދޫކުރާ ރަށްތަކާއި ފަޅުތަކަށް އެކުއިޒިޝަން ފީ ދެއްކުމުގެ މުއްދަތު އިތުރުކުރަން 1،000 ޑޮލަރުގެ ފީއެއް ނަގާ ގޮތަށް ޓޫރިޒަމް މިނިސްޓްރީން ހަމަޖައްސައިފި އެވެ.

އެ މިނިސްޓްރީން އާއްމުކޮށްފައިވާ، ޓޫރިޒަމްގެ ބޭނުމަށް ފަޅު ރަށްތަކާއި ފަޅުތަކާއި ބިންތައް ކުއްޔަށް ދޫކުރުމަށްޓަކައި ޕްރޮޕޯސަލް ހުށަހެޅުމާ ބެހޭ ގަވައިދަށް ގެނައި އިސްލާހުގައިވާ ގޮތުން އެކްއިޒިޝަން ފީ ދެއްކުމަށް ކަނޑައަޅާފައިވާ މުއްދަތުގެ ތެރޭގައި އެ ފައިސާ ނުދެއްކޭނަމަ ފީ ދެއްކުމަށް ދެވޭ މުއްދަތު އިތުރު ކޮށްދިނުމުގެ އިހުތިޔާރު މިނިސްޓްރީ އަށް ލިބިގެންވެ އެވެ. އަދި އެ މުއްދަތު އިތުރުކޮށްދޭނީ އެ ކަމަށް އެދި ލިޔުމުން ހުށަހެޅުމުން ކަމަށް ވެސް އެ ގަވައިދުގައި ބުނެފައިވެ އެވެ.

އެ ގަވައިދުގައިވާ ގޮތުން ޓޫރިޒަމްގެ މަޝްރޫއުތަކަށް ދޫކުރާ ރަށްތަކާއި ފަޅުތަކަށް އެކުއިޒިޝަން ފީ ދެއްކުމުގެ މުއްދަތު ކޮންމެ ފަހަރަކު ވެސް އިތުރު ކޮށްދެވޭނީ އެންމެ ގިނަވެގެން 45 ދުވަހަށެވެ.

ޓޫރިޒަމް ގާނޫނަށް ގެނައި އިސްލާހުގައިވާ ގޮތުން އިއުލާން ކުރުމަކާ ނުލައި ކުއްޔަށް ދޫކުރެވޭނީ އެ މަޝްރޫއެއް ހިންގުމަށް ތިމާވެށީގެ ގޮތުން އެކަށީގެންވާ ތަނެއްގެ އިތުރުން، ޓޫރިޒަމް މިނިސްޓްރީން ކަނޑައަޅާ، އާންމު ކުރާ އެކުއިޒިޝަން ފީ އެއްފަހަރާ ދެއްކުމާއި އެ މަޝްރޫއަށް ފަންނީ ގޮތުންނާއި މާލީ ގޮތުން ގާބިލު ފަރާތަކަށް ވުމުންނެވެ. އެ ގާނޫނު އިސްލާހު ކުރުމަށް ގިނަ އަދަދެއްގެ ރަށްތަކާއި ފަޅުތައް ވަނީ ރިސޯޓް ހަދަން ކުއްޔަށް ދީފަ އެވެ.

ބިން ހިއްކުން ޓޫރިޒަމް ޓޫރިޒަމް މިނިސްޓްރީ ރިސޯޓްތައް

3 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބެ

05 March 2018

ޓޫރިޒަމައް ރަށްތައް ދިނުމުގައި ގާނޫނަކައް ގަވާއިދަކަށް ނުބަލައެވެ. ބަލަނީ ޖީބަށެވެ. ގާނޫނުތަކުގެ ބާރުވަނީ ކަނޑުވާލާފައެވެ. ވާރުތަ މުދަލައް ހަދައިފިއެވެ.