ކުއްލި ނުރައްކަލުގެ ހާލަތުގެ ދަށުން ފުލުހުން ކުރީގެ ރައީސް މައުމޫން ހައްޔަރުކޮށްގެން ގެންދަނީ. ވަކީލުން ދައްކާ ވާހަކަތައް ސިއްރު ގޮތެއްގައި ރެކޯޑްކުރަން މަސައްކަތްކުރި މައްސަލައެއް ވަނީ ފެންމަތިވެފައި.
14 މާޗް 2018 - 21:28
12 comments
ކުއްލި ނުރައްކަލުގެ ހާލަތުގެ ދަށުން ބަންދުކޮށްފައިވާ މީހުންގެ ވަކީލުން ކޮންމެ ދުވަހަކު ކަހަލަ ގޮތަކަށް ދޫނިދޫއަށް ދާއިރު، ވަކީލުންނަށް ވަގަށް ރެކޯޑްކުރީ ކިތައް ބައްދަލުވުން ކަމެއް ނޭނގޭ ކަމަށް ކުރީގެ ރައީސް މައުމޫން އަބްދުލް ގައްޔޫމުގެ ވަކީލުން ވިދާޅުވެއްޖެ އެވެ.
މިހާރު ޖަލު ބަންދުގައި ހުންނެވި މައުމޫންގެ ވަކީލުންގެ ފަރާތުން ނޫސްބަޔާނެއް ނެރުނީ، އުއްތަމަ ފަނޑިޔާރު އަބްދުﷲ ސައީދުގެ ވަކީލެއްގެ ގޮތުގައި ވަޑައިގެންނެވި ހިސާން ހުސެއިން މިއަދު ވަނީ ދޫނިދޫގައި ބައްދަލުވުން ބޭއްވި ކޮޓަރީގައި ގޮނޑިއެއްގައި ހަރުކޮށްފައި ހުރި ރެކޯޑަރެއް ފެނުނު މައްސަލައެއް ފެންމަތިވެފައި ވަނިކޮށެވެ. ހިސާން އެ ވާހަކަދެއްކެވުމުން ފުލުހުން ބުނެފައި ވަނީ އެ މައްސަލަ މިހާރު ތަހުގީގުކުރަމުން އަންނަ ކަމަށެވެ.
މައުމޫންގެ ވަކީލުން ނެރުނު ނޫސް ބަޔާނެއްގައި ބުނެފައި ވަނީ ދޫނިދޫގައި ތިބޭ ފުލުހުން ކުރާ ކޮންމެ އަމުރަކަށް ނުވަތަ ކޮންމެ އެދިވަޑައިގަތުމަކަށް ވަކީލުންގެ ފަރާތުން ފުރިހަމައަށް އިޖާބަދީ އަމަލު ކުރަމުން ދަނިކޮށް، ފުލުހުން ހިންގި ލަދުވެތި އަދި ހުތުރު އަމަލު އެންމެ ހަރުކަށި އިބާރާތުން ކުށްވެރިކުރާ ކަމަށެވެ. އަދި އެކަން ހިނގައިދިޔަ ގޮތް ބަލައި، އެކަމުގައި ޒިންމާވާން ޖެހޭ ފަރާތްތަކާ މެދު ފިޔަވަޅު އެޅުމަށް ވެސް އެ ވަކީލުން ގޮވާލާފައިވެ އެވެ.
އެ ނޫސްބަޔާނުގައި ބުނެފައި ވަނީ ކުއްލި ނުރައްކަލުގެ ހާލަތުގެ ދަށުން މިހާތަނަށް 45 މީހަކު ހައްޔަރުކޮށްފައިވާއިރު، އެ ފަރާތްތަކަށް ގާނޫނީ ވަކީލުންގެ ގޮތުގައި މަސައްކަތްކުރަމުން ދަނީ ހައްޔަރުކޮށްފައި ތިބި މީހުންގެ އަދަދަށްވުރެ މާމަދު އަދަދެެއްގެ ވަކީލުން ހިމެނޭ ޓީމަކުން ކަމަށެވެ.
"އެ ބޭފުޅުންނާ މެދު އެތައް ލާއިންސާނީ އަމަލެއް ހިންގަމުންދާ ކަމަށް އަޅުގަނޑުމެން ތަކުރާރުކޮށް ބުނަމުން ގެންދާއިރު، އެ ބޭފުޅުންނަށް މިހާތަނަށް އޮތް ހިތްހަމަޖެހުމަކީ، އެ ބޭފުޅުންނަށް ކުރިމަތިވަމުންދާ ކަންތައްތަކުގެ ވާހަކަ އާއި ބަންދުކުރެވިފައިވާ މައްސަލައިގެ ވާހަކަތައް އެ ބޭފުޅެއްގެ ގާނޫނީ ވަކީލާއެކު ސިއްރުވެރިކަމާއެކު ހިއްސާކުރެވެމުންދާ ކަމެވެ." އެ ނޫސްބަޔާނުގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކުރޭ
15 March 2018
ކޮންހާ މޮޅު ވާހަކަ އެއް ދައްކާކަށް. ލޯޔަރު ކިޔާފަ ތިއްބަސް ތީ ހުސް މަގުމަތީ އެކްޓިވިސްޓުން. ހައްދަވައިގެން ތެދެއް ނުހަދާނެ. ބޭނުންވަނީ މޮޅު ވާހަކަ ދައްކައިގެން މަޝްހޫރު ވާން.
ނުކެރޭނެ
15 March 2018
މާލޭގެ ހުޅަނގުދެކުނުފަރާތުގައި ބޮޑު ބިމެއްހިއްކާ އިންޑަސްޓްރިއަލް ޒޯންގެނަމުގައި ތަރައްގީކޮށް އެއޮއްގެން ނިމެނީ.
ބަލާތި
15 March 2018
ވަގަށް ރެކޯޑްކުރީ ކިތައް ބައްދަލުވުން ކަމެއް ނޭނގޭ ކަމަށް އެމެން ބުނި ނަމަވެސް އެއީ އެއްވެސް ހަގީގަތެއް ހުރި ވާހަކަ ތަކެއް ނޫނެވެ. މަމެން ޕިންކީންގެ ސަރުކާރު ބާރުގައި އޮވެމެ ސަރުކާރަށް ޕެނިކް ރޫމް އިން ނުނިކުމެވިގެން އުޅެނީ އެއީ ކީއްވެގެންތޯ. ސަރުކާރު އަތުގައި ބާރު އޮވެމެ މާލެ ސަރަހައްދުން ފްލެޓްސް ތަކަށް އެދިފައިވާ އެންމެންނަށް ފްލެޓްްސް ތައް 2019 ވަނަ އަހަރު ނިމުމުގެ ކުރިން ދޭނެ ކަން އިއުލާން ކުރުމަށް ފަހު އެ އެންމެންނާއި ފްލެޓްސް ތައް ދޭނެ ކަމުގެ ލިޔުން ހަވާލު ކުރަން ފަށަންވީ އެއް ނޫންތޭ. އެއިރުން އެއީ 15 ހާސް މީހުންގެ ވަކި ވަކި އެދުމާއި ގުޅިފައިވާ ކަމަކަށް ވާއިރު މިއަޑު ގަދަވާނެ ސިޔާސީ ހުރިހާ އަޑު ތަކަށް ވުރެން. މިކަން މިއަދުން މިއަދަށް އިއުލާން ކުރުމަށް ފަހު މިކަން ބޮޑެތި ރަސްމިއްޔާތާއި އެކު ކުރިއަށް ގެންދަން ފަށަންވީއޭ އެއިރުން މަޑު މަޑުން ސިޔާސީ ކަންކަން އޮބިގެން ދާނެއޭ. ސަރުކާރުން އިގްތިސާދީ ކަންކަން ކުރަންވީ ސީދާ ވަކި ވަކި ފަރްދުންނާއި ގުޅުން ހުރި.
10210
15 March 2018
މިނިވަންކަމުގައި ކާ ހިކި ރޮށުކޮޅުވެސް އަޅުވެތި ކަމުގައި ކާ ޖާފަތައްވުރެ އިންސާނާއަށް މީރުވާނެކަން ބަލާތި އަށް ނޭގެނީތަ އަޖައިބެކޭ! އިންސާނާއަކީ މާދިއްޔަތުން އަރައިގަނެ ހައްގާ ބާތިލާ ދެމެދު ކުރެވޭ ހަނގުރާމައިގައި ތިމާގެ ނަފްސު ހުސްކޮށްލަން ދުނިޔެއަށް ފޮނުއްވި ބައެއްގެކަންވެސް ނޭނގެނީތަ އަޖައިބެކޭ! ބާތިލްގެ މަގުން ހިނގަމުން މާއްދީ އެއްޗެއް ދީގެން އިންސާނާގެ ރުހުމާ ލޯބި ދާއިމަށް ނުލިބޭނެކަންވެސް ނޭގެނީތަ އަޖައިބެކޭ! ހުސް އަޖައިބު!
އެނޮން
15 March 2018
ވަކީލުންތޯ ނޯ ސިޔާސީ އެކްޓިވިސްޓުން ތޯ
ޔާރާ
15 March 2018
ތިޔަ ލޯޔަރުންނަކީ ވަގަކަށްވުރެ މާނުބައި ބައެއްނު ދޮގުހެކިތައް ދައްކައިގެން ގިނަ ފަހަރަަށް ތިމާގެ މުވައްކިލް ސަލާމަތް ކުރާ ތަން ފެންނަނީ މިދެންނެވީ ފިލްމް ތަކުން ފެންނަ ގޮތުގަ
ހަސީނާ
15 March 2018
ދޮގުވެރި ވަކީލުންނަށް ހައްގވަނީ ޖަހަންނަމަ.
އުމަރު
15 March 2018
ކިނިނެއްދެން މިސަރުކާރަށް އިތުބާރުކުރާނީ، ފުލުހުންނަށް އެމީހުން އަމިއްލައަށް ތަމްރީންދޭން ފެށިފަހުން އެމީހުންގެ ފެންވަރު މިހާދަތްވީ
ޑޮކްޓަރުންގެ ސިޓީ / އައްޑޫ ސިޓީ
14 March 2018
ޔަހޫދީ ދައުލަތްތައްވެސް މިފަރަޖައަށްވެއްޓި އެ ދައުލަތުގެ އަދުލު އިންސާފުގެ އިތުބާރު ރައްޔިތުންނާއި ދުނިޔޭގެ ކުރިމަތީގައި ނަގާލާފައި ނުވޭ. . . ދައުލަތުގެ އެންމެހާ ބާރު ތަކުން ޤާނޫނު އަސާސީ އަށާއި ސްޕްރީމް ކޯޓަށް އިހްތިރާމްކޮށް ޤާނޫނު ނަގަހައްޓާން ހާކިމާ (އުއްތަމަ ފަނޑިޔާރު މަނިކުފާނަށް) އެހީތެރިވާން ޖެހޭ. . . . ޙާއްސަކޮށް ރައްޔިތުން ވެރިކަން ހިންގުމަށް ހަވާލު ކުރާ (ޙާދިމާ) ރައީސް ޖެހޭނެ ޤާނޫނު އަސާސީ އަށް އަދި ހާކިމާގެ އަމުރު ތަކާއި ހިލާފަށް ސަރުކާރުން އެއްވެސް ކަމެއް ނުކުރާނެ ކަން ހުވަޔާއި އެއްގޮތަށް ޤާނޫނީ ތަރަހައިގެ ބޭރުން ކަންކަން ނުކުރާނެ ކަމުގެ ޔަޤީންކަން ދޭން.
ބެންޖަމިން
15 March 2018
މިދަރަޖައަށޭ. އެމީހުން ނުވެއްޓޭ އެއްވެސް ދަރަޖައަކަށް. ހަގީގީ އިސްލާމީ އުސޫލުތައް ހިފައްޓާ މީހުންނަކީ އެއީ.
ޖެކް ސްޕެރޯ
14 March 2018
ވަގަކަށް ހާސް ދުވަސް ލޯޔަރަކަށް އެއް ދުވަސް
ސަހަންދު
15 March 2018
ފުލުހަކަށް ހާސްދުވަސް ލޯޔަރަކަށް އެއްދުވަސް... މިބުނީ ފުލުން ވައްކަން ކުރާ ވާހަކައެއް ނޫން.