ބަޣާވާތުގައި ބައިވެރިވި ސިފައިންގެ މީހަކު ކޯޓަށް ހާޒިރު ކުރާ އިރު އާއްމުންގެ ރުޅިވެރިކަން ހާމަކުރަނީ. --ފޮޓޯ:އޭޕީ
18 ޖުލައި 2016 - 14:50
5 comments
އަންކާރާ (ޖުލައި 18) - ހުކުރު ދުވަހުގެ ރޭ ތުރުކީ އަށް ގެންނަން އުޅުނު ނާކާމިޔާބު ބަޣާވާތާ ގުޅުން ހުރި ކަމަށް ބެލެވޭ ފުލުހުންގެ 8،000 އޮފިސަރުން ސަސްޕެންޑްކޮށްފައިވާ ކަމަށް އޮފިޝަލުން ބުނެފި އެވެ.
ބަޣާވާތާ ގުޅިގެން މިހާތަނަށް ވަނީ 6،000 މީހުން ހައްޔަރުކޮށްފަ އެވެ. މީގެ ތެރޭގައި ސިފައިންނާއި ޝަރުއީ ދާއިރާގެ އޮފިޝަލުން ވެސް ހިމެނެ އެވެ. އަދި 2،700 ފަނޑިޔާރުން ވަނީ މަސްއޫލިއްޔަތުން އެކެހެރިކޮށްފަ އެވެ.
ރައީސް ރަޖަބު ތައްޔިބު އުރުދުޣާން ވިދާޅުވެފައި ވަނީ ބަޣާވާތަކީ ސިފައިންގެ ތެރެ ސާފުކޮށްލަން ލެއްވި ރަހުމަތެއް ކަމަށެވެ. އަދި ސަރުކާރުގެ ހުރިހާ މުއައްސަސާއަކުން މި ފަހަރު ވައިރަސް ފޮހެލާނެ ކަމަށް ވިދާޅުވި އެވެ.
ތުރުކީގެ ރަސްމީ މީޑިއާ އިން މިއަދު ބުނީ ބަޣާވާތާ ގުޅުން ހުރި މީހުން ހޯދުމަށް ހިންގާ އޮޕަރޭޝަނުގައި 100 އަށް ވުރެ ގިނަ ޖެނެރަލުންނާއި އެޑްމިރަލުން ހައްޔަރުކޮށްފައިވާ ކަމަށެވެ.
ބަޣާވާތާ ގުޅިގެން ހެލިކޮޕްޓަރެއްގައި ގްރީސް އަށް ދިޔަ ތުރުކީ ސިފައިންގެ އަށް އޮފިސަރުން ކޯޓަށް ހާޒިރު ކުރަން ވަނީ ނިންމައިފަ އެވެ. އެ މީހުން ކޯޓަށް ހާޒިރު ކުރަނީ ގަވާއިދާ ޚިލާފަށް ގްރީސް އަށް އެތެރެވެފައިވާތީ އެވެ.
ރައީސް އުރުދުޣާން ވަނީ ތުރުކީގައި އަލުން މަރުގެ އަދަބު ދޭން ވިސްނަވާ ކަމަށް ވިދާޅުވެފަ އެވެ. އުރުދުޣާން ވިދާޅުވީ ބަޣާވާތުގައި ބައިވެރިވި މީހުންނަށް ހަރުކަށި އަދަބު ދިނުމުގެ ގޮތުން މަރުގެ އަދަބު ދޭން ޖެހޭ ކަމަށެވެ. ތުރުކީގައި މަރުގެ އަދަބު ދިނުން ހުއްޓާލީ 2004 ވަނަ އަހަރު އެވެ. އެ ގައުމުގައި އެންމެ ފަހުން މަރުގެ އަދަބު ތަންފީޒުކޮށްފައި ވަނީ 1984 ވަނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޕި
19 July 2016
ދިވެރާއްޖޭގައި އެމީހުނަށް ލިބެނީ ޕްރޮމޯޝަންސް. ޑަބަލް އޯ ޓްރިޕަލް ޕްރޮމޯޝަންސް....
ސާބަސް
18 July 2016
މި ރާއްޖެވެސް ހަމަ މަގަށް އެޅޭނީ ފުލުހުންނާ ސިފައިންނާ ޖުޑިޝަރީ ގަ ތިބި ކުނިބުނި ސާފްކުރެވިގެން
އަލީ ހަމީދު
18 July 2016
8000 ފުލުހުންތަ؟ 8000 ފުލުސްއޮފިސަރުންތަ؟
ހުސޭނުބެ
18 July 2016
ދެން އަންނަ ޑިމޮކްރެޓިކް ވެރިކަމަކުން ދެނެގަންނަންޖެހޭ ރަނގަޅު ފިލާވަޅުތަކެއް. ރާއްޖޭގެ ފުލުހުންނާ ސިފައިންގެ ތެރޭގައިވެސް ސަސްޕެންޑް ކުރަންޖެހޭ ވަރަށް ގިިނަ މީހުން އެބަތިބި. ނަޝީދު ވެރިކަމުގެ ފަހުދުވަސްވަރު ބަގާވާތް ރޭވިގެން އައިކަން ނަޝީދަށް އެނގިވަޑައިގަންނެވި ހިނދު ހިތް ތިރިނުކޮށް ބަގާވާތް ކުރަން ރާވާ, ސިފައިންނާ ފުލުހުންނާ ފަނޑިޔާރުންގެ އިތުރުން ސިޔާސީ ފަރާތްތައް މައިތިރިކުރިނަމަ ބާގީންނަށް މި ގައުމު މި އަނދަވަޅަށް ވައްޓާލާނެ ފުރުސަތެއް ނުލިބުނީސް.
ޒަންޖަބީލު
18 July 2016
މި ރާއްޖޭގައިވެސް ބަޣާވާތް ކުރި ފުލުހުންނާއި ސިފައިންނަށް ކޮންމެވެސް ދުވަހަކުން އަދަބު ލިބެން ޖެހޭނެ.. އެ ނޫން ގޮތަކަށް މި ރާއްޖޭގައި އިންސާފު ގާއިމެއް ނުކުރެވޭނެ