މެމްބަރު ޔާމީންގެ ބްރިޖު ދަތުރު، "ނިމެނީ"

ޔާމީން ރަޝީދު ބްރިޖުގައި، އިދިކޮޅުގެ ތުހުމަތުތަކަށް އޭނާ ރައްދު ދެއްވީ ބްރިޖު މަޝްރޫއުން.

ފަޒީނާ އަހުމަދު، މިހާރު

20 މާޗް 2018 - 22:17

އިދިކޮޅުގެ ފާޑުކިއުންތަކާއި ހަމަލާތައް ސަރުކާރަށް އިންތިހާއަށް ބޮޑެވެ. މި ތުހުމަތުތަކަށް، ވެލިދޫ ދާއިރާގެ މެމްބަރު ޔާމީން ރަޝީދު ރައްދު ދެއްވީ، މާލެ އާއި ހުޅެލެއާ ދެމެދު އަޅާ ބްރިޖަށް މިއަދު ކުރެއްވި 15 މިނެޓުގެ ދަތުރުންނެވެ.

ފޭސްބުކްގައި ލައިވްކުރަމުން ކުރެއްވި ދަތުރުގައި، އޭނާ ވަނީ، އިދިކޮޅުގެ ފާޑުކިއުންތަކަށް ބްރިޖު މަތީގައި ހުންނަވައި ފިސާރި ރައްދުތަކެއް ދެއްވައިފަ އެވެ.

ބްރިޖުގެ މަސައްކަތަށް އަޅާފައިވާ ޕްލެޓްފޯމުގައި ހިންގަވަމުން ވިދާޅުވީ، ވެރިކަން ނިމެނީއޭ އިދިކޮޅުން ގޮވަގޮވައި ތިއްބައި ބްރިޖުގެ ބިޔަ މަޝްރޫއު "މި ނިމެނީ" ކަމަށެވެ. އެއާއެކު ފުލުފުލުގައި، ތަރައްގީގެ އެހެން މަޝްރޫއުތައް ވެސް ނިމެން ގާތްވެފައިވާ ކަމަށް އޭނާ ވިދާޅުވި އެވެ.

މެމްބަރު ޔާމީން ބްރިޖަށް ކުރެއްވި ދަތުރު

ބްރިޖުގެ ދަތުރު މާލެ ކޮޅުން ފައްޓަވަމުން ޔާމީން ވިދާޅުވި ގޮތުގައި މި ސަރުކާރަށް ނުވާނެއޭ ބުނެ ގޮންޖެހި އެއް މަސައްކަތް ގާތްގަނޑަކަށް ނިމިއްޖެ އެވެ. މާކަނޑަށް ބިޔަ ތަނބުތައް ޖަހައި، ކޮންކްރީޓް އެޅުން ފަސޭހަ ނޫނަސް، ރައްޔިތުން ދެކެމުން ދިޔަ ބްރިޖުގެ ހުވަފެން، ރައީސް އަބްދުﷲ ޔާމީން ހަގީގަތަކަށް ހައްދަވައި ދެއްވައިފި ކަމަށް އޭނާ ވިދާޅުވި އެވެ.

"ދެން ކީކޭތޯ ވިދާޅުވާނީ، މިއޮތީ [ކުރީގެ ރައީސް] މުހައްމަދު ނަޝީދު ނޭޅޭނެ ކަމަށް ވިދާޅުވި ބްރިޖު ނިންމާފައި ނޫންތޯ؟" އެމްޑީޕީގެ މެމްބަރެއްގެ ގޮތުގައި އިންތިހާބުވުމަށް ފަހު، ޕީޕީއެމާ ގުޅިވަޑައިގެންނެވި ޔާމީން ވިދާޅުވި އެވެ.

އޭނާ ވިދާޅުވީ ރައީސް ޔާމީނަކީ ފައިސާ ހޯއްދަވައިގެން ކަންކަން ކުރައްވަން ރަނގަޅަށް އެނގިވަޑައިގަންނަވާ ބޭފުޅެއް ކަމަށެވެ. ދަރުމަވަންތަ ހޮސްޕިޓަލާއި އެހެން ވެސް މަޝްރޫއުތަކުން އެކަން ސާފުވާ ކަމަށް ވިދާޅުވި އެވެ.

Bridge ge kurehun hageegee manzarakah!

The most trusted news source in the Maldives

Mihaaru

ބްރިޖުގެ މެދުގައި އިންނަ އެންމެ އުސް ތަނބު ކައިރީގައި ހުއްޓިވަޑައިގެން، ހުޅުމާލެ އަށް އިޝާރާތް ކުރައްވައި ޔާމީން ވިދާޅުވި ގޮތުގައި ޔޫތު ސިޓީގެ ހުވަފެން ވެސް ހަގީގަތަކަށް ވާނެ ކަމާ މެދު ޝައްކެއް ނެތެވެ. އެތައް ހާސް ހައުސިން ޔުނިޓުތައް އެތަނުގައި އަޅަމުން އަންނަ ކަމަށް ވިދާޅުވި އެވެ.

މި މަންޒަރުތައް، ޔާމީން ވިދާޅުވީ، އިދިކޮޅު ފަރާތްތަކަށް އެއްގޮތަކަށް ވެސް ހަޖަމުނުވާ ކަމަށެވެ. ބްރިޖުގެ މަސައްކަތް ނިމޭ ތަން ވެސް ފެންނަ ކަމަށް ނުހަދައި ވެރިކަން މަގުމަތިން ވައްޓާލަން އުޅެނީ ހަސަދަވެރިކަމާ ހެދި ކަމަށް ވިދާޅުވި އެވެ. އެހެންވެ، އޭނާ އެދިވަޑައިގަތީ، އިދިކޮޅުން ބްރިޖަށް ގޮސް އެ މަސައްކަތް ނިމޭ މަންޒަރު ހަމަ ލޮލުން ބަލައިލުމަށެވެ.

ބްރިޖުގެ ކޮންކްރީޓް ހުރިހާ މަސައްކަތެއް ނިމި މިހާރު ކުރިއަށްދަނީ ޑެކު އެޅުމުގެ މަސައްކަތެވެ. މާލެ ސަރަހައްދުން ޑެކް އެޅުމުގެ ބޮޑު ބައެއް ވެސް ނިމިފައިވާ ކަމަށް ހައުސިން މިނިސްޓްރީން ވަނީ ބުނެފަ އެވެ.

މިނިސްޓަރު ޑރ. މުހައްމަދު މުއިއްޒު ވިދާޅުވެފައިވާ ގޮތުގައި ބްރިޖުގެ މަސައްކަތްތައް މުޅިން ނިންމައި މި އަހަރުގެ ޖުލައި 26 ގައި ހުޅުވާނެ އެވެ.

ބްރިޖްގެ މަސައްކަތަށް 200 މިލިއަން ޑޮލަރު ޚަރަދު ވާއިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެ އެވެ.

ތަރައްގީގެ މަޝްރޫއުތައް ދިވެހި ސަރުކާރު ރައީސް އަބްދުﷲ ޔާމީން ސިނަމާލެ ބްރިޖު ކުރީގެ މެމްބަރު އަބްދުﷲ ޔާމީން ރަޝީދު

36 ކޮމެންޓް, 244 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލު

21 March 2018

ތަރައްޤީއަކީ ކޮންކުރީޓުން އެކަނި މިނައި، އަޅައިކިޔައި އަދި ވަޒަން ކުރާ އެއްޗަކަށްވެއްޖެނަމަ ކޮޅުފައިންޖަހައި އެއްލާ ތިޔަލެވެނީ ހަމަ ކަލޭގެވެސް އަދުލުއިންސާފާއި ހަމަހަމަކަމަށް އޮތް ހައްޤެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީމޫސަ

21 March 2018

މިނައަކީ ދިވެހިންގެ ކުރިމަތީގައި އަދި މީނަ ހޮވާދިން ދާއިރާގައި އަގުވެއްޓިފައިހުރި މިހެއްކަން މީނައަށް އަމިއްލައަށްވެސް އެނގޭނެއެވެ! ދެން ހެދެންއޮތްހާވެސް ގޮތަކީ، ބޮޑުން ހިތްހަމަޖައްސާލަން މިކަހަލަ ސްޓަންޓް ޖެއްސުމާއި، އިންޓަވިއުދިނުމާއި، ޕޯޑިއަމްގައި ސަނާކިޔުމެވެ. މިކަހަލަ ހައެއްކަ މީހުން އުޅޭތަން ފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެގޯތި އަހަންމަދު

21 March 2018

ބުރިޖުގެ މެދުތެރޭގައި ޗޮކްލެޓް ބަންދުކުރާ ކުޑަ ކުންފުންޏެއްވެސް އަޅާލިނަމަ ވަރަށް ފުރިހަމަވާނެ.އޭރުން އެމްޕީ ޔާމީނުމެންނަށް އިތުރު ވަޒީފާއެއްވެސް ލިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމު ޝަރީފް

21 March 2018

ހަގީގަތަށް ބުނާނަމަ ހުދު އެމްޑީޕީގެ މެމްބަރުންވެސް ގަބޫލު ކުރޭ މިސަރުކާރުން ކުރީދިޔަ 3 ސަރުކާރުން ނުކޮށް ދެވުނު އެތައް ކަމެއް ކޮށްދީފިކަން. ބްރިޖް ބަލަން ގޮސް ތިބޭ އެމްޑީޕީ އެކްޓިވިސްޓުންނާއި ހަރުކުލައިގެ މީހުންވެސް މަދެއްނޫން. ނަޒީރު ޖަމާލް އަކީ ފެށުނީންސުރެއް އެމްޑީޕީ މީހެއް. މިހާރުވެސް އެމްޑީޕީ ފިކުރުގެ މީހެއް. އެކަމަކު އޭނާއަށްވެސް ހަފްތާއަކު އެއްފަހަރު ނަމަވެސް ބްރިޖް ގެ ފޮޓޯއެއް ސޯޝަލްމީޑިއާގައި ހިއްސާ ނުކޮށްލާ ނުހުރެވޭ. އޭގެ މާނައަކީ އެމީހުން މިސަރުކާރަށް ކިޔާ އެއްޗެއް އެކިޔަނީ ގޮތް ދޫނުކުރަންވެގެން ކަން. ލޯނު ނަގައިގެން ނޫންގޮތަކަށް މިފަދަ ބޮޑެތި މަޝްރޫޢުތައް ނުހިންގޭނެ. މައުމޫނު ސަރުކާރުން ފުރަތަމަ ހެދި ފީޒިބިލިޓީގައި ބްރިޖް އެޅުމަށް 500 މިލިއަން ޑޮލަރު ހަރަދުވާކަމަށް ބުނެފައި އޮތުމުން އަންނި ބުނީ ކޮންތޯކުންތޯއޭ އެފައިސާ ހޯދާނީ. އެކަމަކު މިސަރުކާރުން ބްރިޖް އަޅަނީ ޗައިނާގެ ހިލޭއެހީގެ ބޮޑުބަޔަކާއި ލޯނު އެހީގެ އިތުރުން ސަރުކާރުންވެސް ކޮންމެވެސް ވަރެއް ލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއދި

21 March 2018

ބަލަ ތިޔަ އެޅީ ދެ ޔާމީނުވެގެންތަ؟ އަހަރެމެންގެ ނަމުގައި ލޯނުތައް ނަގައިގެން ބޭރުމީހުންނަށް ދީގެން ކޮންމެ ބަޔަކަށްވެސް ކޮންކްރީޓްގެ ތަރައްޤީ ގެނެވިދާނެ. މޮޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދީބު

21 March 2018

"އޭނާ ވިދާޅުވީ ރައީސް ޔާމީނަކީ ފައިސާ ހޯއްދަވައިގެން ކަންކަން ކުރައްވަން ރަނގަޅަށް އެނގިވަޑައިގަންނަވާ ބޭފުޅެއް ކަމަށެވެ. ދަރުމަވަންތަ ހޮސްޕިޓަލާއި އެހެން ވެސް މަޝްރޫއުތަކުން އެކަން ސާފުވާ ކަމަށް ވިދާޅުވި އެވެ." މިއީ ވަރަށް ވެސް ބޮޑު ތެދެކެވެ. ނަމަވެސް މި ބަސްތަކުގައި ފޮރުވިފައިވާ މާނަ ޕޕމ ކުދިންނަކަށް ނުވިސްނޭނެ އެވެ. އަޑު އަހާށެވެ. ރައީސް ޔާމީނަކީ ފައިސާ ހޯއްދަވަން އެނގޭ ބޭފުޅެއްކަން، އަމިއްލަ އެކައުންޓަށް ވެއްދި 1 މިލިއަން ޑޮލަރުން ސާބިތު ނުވޭތޯ؟ އަނެއްކާ 25 ބުރީގެ ހޮސްޕިޓަލުގެ ވާހަކަ އެ ބުނީ ވެސް ރަނގަޅަށެވެ. އެ މަޝްރޫޢުން ވެސް ރައީސް ޔާމީނު އެތަކެއް "ކަޓު" ނަންގަވާކަން ވަށްބަހުން އެ ހާމަކުރަނީ އެކަންކަން އެނގޭތީތާ އެވެ. ޕޕމ ކުދިން ހޭލާކަށް ނުވޭ ހެއްޔެވެ؟ މިއަށްވުރެ ދެން ހާމަކަން ބޮޑުކޮށް ވައްކަމުގެ ވާހަކަ ދައްކާނީ ކާކުހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެލިދޫ މީހާ

21 March 2018

ދިވެހިރާއްޖޭގެ ރައްޔިތުންގެ ހައްގުތަކަށް އަރާގަނެފަ ކޮންމެހެން ބުރިޖުގެ ދަޅަދައްކާ ނެކަމެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމަންޖެ

21 March 2018

ގައިމު މަގޭ ހައްގަކަށް، މަގޭ ތިމާގެ މީހެއްގެ ހައްގަކަށް އަހަރެންގެ ރައްޓެއްސެއްގެ ހައްގަކަށް އަރައެއްނުގަނޭ! އެހެންވީމާ ދިވެހިރާއްޖޭގެ ރައްޔިތުންނޭ ނުކިޔާ! ފަހަރެއްގައި ވެދާނެ ވެރިކަން ނޫންކަމެއް ބޭނުންނުވެގެން ލޮލަށް ނިދިނައިސްގެއުޅޭ 20 ސަކަށް މީހުންގެ ހައްގަށް އަރައިގަތީ ކަމަށް ތިޔަ މާނަކުރަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި މީހާ

21 March 2018

ގައުމު ވިއްކާފަ އަޅާ ބުރިޖު ބޭނުމެއްނޫން، ބޭނުމީ ހަމަޖެހުން ގެނެސްދޭނެ ވެރިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަޓިސްޓް

22 March 2018

މަބަލާނަން ކަލޭ ތި ބުރިޖައްނަރާ ހުރެވޭތޯ؟ ތަންފީޒު ނުކުރެވޭނެ ވާހަކަނުދައްކާ ގައްޑާވާން ނޫޅެބަލަ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރިކޮނަޓު

21 March 2018

ޔާމީނުތަ ތިޔާ ބުރިޖު އަޅަނީ؟ ޗައިނާ ބައެއް ނޫންތޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީ ވޯޓް

21 March 2018

ޔާމީނަށް ނުވާނެ ކަންތަށް ދައްކަން ވީތޯ.. ޔާމީނު ވެލިދޫ ދާއިރާ އަށް ތި ޔާމީނު ހޮވާދީބަލަ. ނޮހެވޭނެ. މިހާރުވެސް ތިހުރީ އެމްޑީޕީން ހޮވާދިނީމަ ހޮވިފަ. މިހުރީ ނުކުރެވޭނެ ކަންތަށް.