މީހަކު ބާބެކިއު ހަދަނީ: ބާބެކިއު ހަދައިގެން މަހުގެ ބާވަތްތައް ގިނައިން ކެއުމުން ލޭމަތިވޭ.
27 މާޗް 2018 - 07:02
2 comments
މަހުގެ ބާވަތްތައް ފިހެގެންނާއި ރޯސްޓްކޮށްގެން މާ ގިނައިން ކެއުމުން ސިއްހަތަށް ނުރައްކާވާ ކަމަށް އެމެރިކާގެ ހާވަޑް ޓީއެޗް ޗަން ޕަބްލިކް ހެލްތު ސްކޫލުން ހެދި ދިރާސާއަކުން ހާމަވެއްޖެ އެވެ.
ދިރާސާގައި ބުނާ ގޮތުން މަހުގެ ބާވަތްތައް ސީދާ އަލިފާނަށް ލައިގެން އޭގެ ޓެމްޕޭޗަރު މަތިކޮށް ރޯފިލުވާއިރު، ލޭގެ ޕްރެޝަރު މަތިކޮށްދޭ ކެމިކަލެއް ކަމަށްވާ ހެޓްރޮސައިކްލިކް އެރޮމެޓިކް އެމީންސް (އެޗްއޭއޭ) މަހުގައި އުފެދޭ ކަމަށެވެ. އަދި އޭގެ ސަބަބުން ލޭގެ ޕްރެޝަރު މައްޗަށް ދާން މަގުފަހި ކުރާ ކަމަށެވެ.
ދިރާސާއިން މިހެން ދެއްކިޔަސް ކަންބޮޑުނުވާށެވެ. މަހެއް ފިހެލައިގެން ކާލިޔަކަށް މާބޮޑު ނުރައްކަލެއް ނެތެވެ. ދިރާސާގައި ބުނެފައިވާ ގޮތުގައި ބާބެކިއު ހަދައިގެން މަހެއްގެމައްޗަށް، 15 ވަރަކަށް ފަހަރު މަހުގެ ބާވަތްތައް ކެއުމުން ލޭގެ ޕްރެޝަރު މަތިވުމުގެ ނުރައްކާ 17 ޕަސެންޓަށް ބޮޑުވާ ކަމަށެވެ.
މި ދިރާސާގައި އިރުޝާދު ދީފައި ވަނީ ބާބެކިއު ހަދައިގެން މަސް ކެއުމުގެ ބަދަލުގައި އެހެން ގޮތްތައް ޚިޔާރު ކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިރާސާ
27 March 2018
މީ މާބޮޑެތި ދިރާސާތައް ނުކުރިޔަސް އެނގޭވަރުގެ ކަމެއް. ކެއުމުގައި އެންމެ ރަނގަޅުގޮތަކީ، ބަނޑުހައިވުމުން ކެއުމާއި، އެވަގުތަކު ކާން ހުރި އެއްޗަކާމެދު ޝަކުވާނުކޮށް ކެއުން. ކާބޯތަކެތި އުފައްދާ ކުންފުނިތަކުގެ މަޅީގައި ނުޖެހި ސަލާމަތް ވާން ދަސްކުރަންވެއްޖެ.
ދިވެއްސެއ
27 March 2018
ތިހެން ލިޔާ ލިޔުންތަކުގައި އޮޅުންބޮޅުން ބޮޑުވެގެންގޮސް މިހާރު ކިޔޭވަރެއް ނޫނެވެ. ދިރާސާއެއްގެ ވާހަކަ ލިޔަންޔާ ރަގަޅުގޮތަކީ އެ ދިރާސާއެއްގެ ޚަބަރު ގެނެސްދީފައިވާ ތަނަކަށް ލިންކު ލުމެވެ.