މާލޭގައި ހަދަމުންދާ އިމާރާތެއް ކައިރީގައި ވެލި ބަސްތާތަކެއް ބަހައްޓާފައި. ރިއަލް އެސްޓޭޓް އިންވެސްޓް ކޯޕަރޭޝަނުން މާލޭގެ އަމިއްލަ ގެތައް ވަކި އުސޫލްތަކެއްގެ ތެރެއިން އިމާރާތްކޮށްދޭން ވަނީ ނިންމާފައި.
28 މާޗް 2018 - 09:37
33 comments
މޯލްޑިވްސް ރިއަލް އެސްޓޭޓް އިންވެސްޓް ކޯޕަރޭޝަނުން، މާލޭގައި ހުރި އަމިއްލަ މީހުންގެ ގޯތިތައް ވަކި އުސޫލުތަކެއްގެ ތެރެއިން އިމާރާތް ކޮށްދޭން ނިންމައިފި އެވެ.
އެމްޓީސީސީގެ ސަބްސިޑަރީ ކުންފުންޏެއް ކަމަށްވާ ރިއަލް އެސްޓޭޓް ކޯޕަރޭޝަނުން ނެރުނު އިއުލާނެއްގައި ބުނެފައި ވަނީ މާލޭގައި ހުރި އަމިއްލަ މީހުންގެ ބިންތައް ދެ ފަރާތުން އެއްބަސްވާ ގޮތެއްގެ މަތިން ތަރައްގީ ކުރުމުގެ މަސައްކަތް ކޮށްދޭ ކަމަށެވެ. އަދި އެ ކަމަށް ޝައުގުވެރިވާ ފަރާތްތަކުން އިއްޔެ އިން ފެށިގެން، އެމްޓީސީސީ ސޯމިލްގައި ހުންނަ އެ ކުންފުނީގެ އޮފީހުން މައުލޫމާތު ސާފުކުރުމަށް އެ އިއުލާނުގައި އެދިފައިވެ އެވެ.
ރިއަލް އެސްޓޭޓް ކޯޕަރޭޝަންގެ އިސް އޮފިޝަލަކު މިއަދު ވިދާޅުވީ މާލޭގެ އަމިއްލަ ގެތައް އިމާރާތް ކޮށްދޭނެ ގޮތްތައް ނިންމާނީ ގޭގެ ވެރިފަރާތާ މަޝްވަރާކޮށްގެން ކަމަށެވެ. އެގޮތުން އެ ކުންފުންޏަށް ބައެއް ފްލޯތައް ދިގު މުއްދަތަށް ކުއްޔަށް ދޭ ގޮތަށް ވެސް އިމާރާތް ކޮށްދޭނެ ކަމަށް އޭނާ ވިދާޅުވި އެވެ.
"އަޅުގަނޑުމެންނަށް އަމިއްލަ ފައިނޭންސްގައި ވެސް އިމާރާތް ކޮށްދެވިދާނެ. މީގެ ކުރިން މާލޭގައި އަޅުގަނޑުމެން އަމިއްލަ ގެތައް އިމާރާތް ނުކުރި ނަމަވެސް ހުޅުމާލޭގައި އިމާރާތް ކުރުމަށް ފަހު އެޕާޓްމަންޓްތަކެއް ވިއްކާފައިވާނެ،" އެ އޮފިޝަލް ވިދާޅުވި އެވެ.
އޭނާ ވިދާޅުވީ ހުޅުމާލޭގައި ހެދި ރީފް ރެސިޑެންސްގެ އެޕާޓްމަންޓްތައް ވިއްކި ނަމަވެސް މާލޭގައި އިމާރާތްކޮށްދޭ އެޕާޓްމަންޓްތައް ވިއްކުމުގެ ބަދަލުގައި ދޫކުރާނީ ކުއްޔަށް ކަމަށެވެ.
ރިއަލް އެސްޓޭޓް ކޯޕަރޭޝަނުން މާލޭގެ އަމިއްލަ މީހުންގެ ގެތައް ވަކި އުސޫލެއްގެ ތެރެއިން އިމާރާތް ކޮށްދޭ އިރު، އަމިއްލަ ކޮންސްޓްރަކްޝަން ކުންފުނިތަކުން ވެސް ބައެއް ފްލޯތައް ދިގު މުއްދަތަށް ލިބޭ ގޮތަށް އިމާރާތްކޮށްދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
29 March 2018
ދުނިޔޭގެ ލަދަށްޓަކާ ޤާނޫނު އަސާސީ އާއި ޤާނޫނު ތަކުގައި “އެންމެން ހަމަހަމަ” ކަމަށް ލިޔެފައި އޮތެއްކަމަކު ސައުތު އެފްރިކާ އާއި ޖަރުމަން އަދި ލަންކާ ފަދަ ޤައުމު ތަކުގައި ދުވަހަކުވެސް ނެތް މިންވަރަށް މިދައުލަތުން މާލޭ މީހުންނާއި އެހެންރަށްރަށުގެ މީހުން ތަފާތުކޮށް “ނަސްލީ އިމްތިޔާޒު ގެންގުޅޭ” ކަމަށް ބުނުމުގެ ޖާގަ އެބައޮތް. . . . . . ސީދާ ދައުލަތުގެފަރާތުން “ތަފާތުކުރުން ނުގެންގުޚޭ” ކަމަށްދެއްކުމައްޓަކާ ބޭނުންކުރާވަސީލަތެއްގެ ގޮތުގައި ދައުލަތްހިއްސާވާކުންފުނިތައްހަދާ މާލެ ނޫން ރަށްރަށުގެމީހުންނަށް ހިދުމަތްހޯދުމަށްދަތިވާނެ އަމުދުން ފުރުސަތުވެސް ނޯންނަ ގޮތަށް ހައުސިންގ ސްކީމް ތަކާއި ފައިނޭންޝަން ލޯން ތަކާއި ވިޔަފީރީގެ ފުރުސަތު ތަކާއި އެތައް އެތައްކަމަކަށް ތަފާތު ކުރުމުގެ ތެރެއިން މާލޭ މީހުންނަށް ކަންކަން ފަހިކޮށްދެމުން ގެންދޭ. . . . މޯލްޑިވްސް ގެ ބަދަލުގައި “މާލެޑިވްސް”އެއްގެ އިހްސަސް ރައްޔިތުންގެ ތެރެއިން ގިނަބައެއްގެ ހިތުގައި އުފެދިއްޖެނަމަ އެހެން ޤައުމު ތަކުގައިވެސް ނިކުތް ނަތީޖާ ނުކުމެދާނެ.
ހުސޭނު
28 March 2018
މުއިއްޒު ވިއްކަން އުޅުނު ބިންތައް ފުރަތަމަ ހަދަން ފަށަން ވީއެންނު. އެ ބިންތައް އެއީ ސަރުކާރުގެ އަމިއްލަ ބިން. ބޮޑަށް ބެލެވެނީ ކޮރަޕްޝަން އާ ދިމާލަށްހެން. އިކުއުޓީ ނުދައްކާ ސަރުކާރުގެ ކޮންމެވެސް ބަޔަކު ތިކަމަށް ހިފާލާނެހެން ހީވަނީ.
ރާއްޖެތެރޭ
28 March 2018
ދައުލަތުގެ ފައިސާއިން ގެދޮރު އިމާރާތްކޮށް ހަދައިދޭންޖެހެނީ މާލޭގެ ގެތައްތޯ. މާލޭގައިހުރީ އުޑުން ފައިބައިގެންއުޅޭ މާހާއްސަ ބައެއްގެ ބިންތަކެއްތޯ. ރާއްޖެތެރޭ މީހުންނަކީ ދިވެހިންނެއް ނޫންތޯ. ސްޕޭންގެ އަތްދަށުން ބާސެލޯނާ ސަރަހައްދުގެ ރައްޔިތުން މިނިވަންކަން ހޯދަން އުޅޭގޮތަށް ރާއްޖެތެރޭމީހުންވެސް މިނިވަންކަން ހޯދަން މަސައްކަތް ފަށަންވެއްޖެ.
ސެންޗޯ/މަނަދޫ
29 March 2018
މަ %100 ތާއީދު...
އަތޮޅު
28 March 2018
އަތޮޅު ތެރޭގެ 4 ސަަަރަހައްދެއް ޒަމާނީ ވަސީލައްތަކާއެކު ތަރައްގީކޮށް މާލެ އަށް މީހުން ތޮއްޖެހުން މަދުކުރުން ވަރަށް މުހިއްމު.
ރާޢްޖެތެރޭ މީހާ
28 March 2018
ސަރުކާރުން ވިޔަފާރި ކުރާހާ ހިނދަކު ވިޔަފާރި ވެރިންނަށް އޮތް ފުރުސަތުތަށް ދާނީ ހަނިވަމުން.
ސާމީ
28 March 2018
މިކަން ސަރުކާރުން ކޮށްގެން ނޫނީ މާލޭގެ ޑިމާންޑާ އެއްވަރަށް އެޕާޓްމަންޓް/ފްލެޓް ތަކެއް މާކެޓަކަށް ނުނެރެވޭނެ. މާލޭއަކީ މުޅި ދުނިޔޭގެ އެންމެ ކުލިބޮޑު ސިޓީ އެކަމަކު ލިބޭ އާމްދަނީ އަކާ އެއްގޮތަކަށްވެސް ދިމައެއްނުވޭ. ޢެކަމަކު ޕްރައިވެޓް ޗިޔަފާރި އަށް ފައިދާ ނުވާ ވާހަކަ.
ހަލްހަލް
28 March 2018
މީދޯ އިކުއިޓީ 30% އަށް ޖައްސާލި ސަބަބަކީ؟ އަދި ލޯނުތައް ތާށި ކޮށްލި ސަބަބަކީ ވެސް؟؟؟؟ ސާބަހޭ! ބާރަށް އަތްޖަހާ!
އާރްޓީ މީހާ
28 March 2018
ތިޔައީ ދެން ދެރަވެއްޖެ ކަމެއްނު! ފުރަތަމަ ކަމަކަށް މާލޭގެެ ހުޅުމާލޭގެ ވިލިނގިލީގެ ކުލި ކޮންޓްރޯލް ކުރަންވީނު ސަރުކާރުން. އެނޫން ގޮތެއް ނެތެއްނު. އެއްވެސް ބަޔަކު މިކަން ކުރަން ނޫޅޭނީ ކީއްވެހޭ!!!!!!!!!!
ދަތްނެތްކުއްޖާ
28 March 2018
ތި ވިދާޅުވާ ރިއަލް ސްޓޭޓް ދަންމަލީގައި ރައްޔިތުންޖެހެން ބޭނުމެއްނުވޭ! ބޯ ވެސް ކެވޭނީ ކެވޭ ވަރުގެ ރައްޔިތުންގެ ބޯ! ވ ސަލާން.
ޢަހުމަދު
28 March 2018
ސަރުކާރު ދެތިން މީހަކު ޑިޕޮޒިޓް ނުބަހައްޓައި ގެހެދޭނެގޮތެއް ހަމަޖައްސައިދެނީ.
ސައީދު ޢަބޫބަކުރު
28 March 2018
ރާއްޖެތެރެމީހުން ކިރިޔާވެސް މާލެ ނުގޮސްވަނޏާ ނުދާންވީ މާލެއައް ހަރަދުނުކޮއްވޭތޯބަލާ