ހުޅުމާލެއިން އަލަށް ދޫކުރި ފްލެޓްތަކެއް-- މިހާރު ފޮޓޯ
30 މާޗް 2018 - 23:31
34 comments
ހުޅުމާލޭގައި އިމާރާތް ކުރަމުން އަންނަ 7،000 ފްލެޓް، ކެޓަގަރީތަކަކަށް ބަހާލީ ސަރުކާރުގެ ވައުދު ފުއްދަން ކަމަށާއި ކުރިއަށް އޮތްތަނުގައި، އެ ކެޓަގަރީތަކުގައި ނުހިމެނޭ މީހުންނަށް ވެސް ފްލެޓް ލިބޭނެ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
އެ ފްލެޓްތައް 11 ކެޓަގަރީ އަކަށް ވަނީ ބަހާލައިފަ އެވެ. އެއީ، ސިވިލް ސާވަންޓުންނާއި ކައިވެނި ކޮށްގެން އުޅޭ އުމުރުން 18-40 ދެމެދުގެ މީހުންނާއި މާލޭގެ ރަށްވެހިންނާއި ދަފްތަރުގައި ރަޖިސްޓްރީވެފައިވާ މީހުންނާއި ޑޮކްޓަރުންނާއި ނަރުހުންނާއި ޓީޗަރުންނާއި ފުލުހުންނާއި ސިފައިންނާއި އެކަނިވެރި މައިންނާއި ބަފައިންނާއި ނުކުޅެދޭ އާއިލާތަކާއި ގުޅިފަޅާއި ޓާޓާ އިން ފްލެޓް ނުލިބުނު މީހުންގެ އިތުރުން މާފަންނުު ހުޅަނގު ދާއިރާގައި ދަތި ހާލުގައި ދިރިއުޅޭ އާއިލާތަކެވެ.
ކެޓަގަރީތަކަށް ބަހާލުމުން ފްލެޓަށް ކުރިމަތިލި މީހުންގެ ތެރެއިން އެއިން ކެޓަގަރީއެއްގައި ނުހިމެނޭ މީހުން އަންނަނީ ކަންބޮޑުވުން ފާޅުކުރަމުންނެވެ. އޭގެ ތެރެއިން ވެސް ވަކި އުމުރުފުރައެއް ކަނޑައަޅާފައިވުމުން ކިޔަމުން އަންނަ ފާޑުކިޔުންތައް ގިނަ އެވެ.
Flat behi gothun ethah baegge huvafen fenah!
The most trusted news source in the Maldives
Mihaaru
ފްލެޓް ބެހިގޮތުން ފާޑުކިޔުން--
ޓީވީއެމްގެ "ރާއްޖެ މިއަދު" ޕްރޮގްރާމްގައި މިނިސްޓަރު މުއިއްޒު ވިދާޅުވީ ބޯހިޔާވަހިކަމުގެ އެތައް މަޝްރޫއެއް ކުރިއަށް އެބައޮތް ކަމަށެވެ. އެ ކެޓަގަރީތަކުގައި ނުހިމެނޭ މީހުންނަށް ކުރިމަގުގައި ފްލެޓް ލިބޭނެ ކަމަށް ވިދާޅުވި އެވެ.
"އެއީ އަމަލީ މަސައްކަތް ފެށިފައި ހުރި ފްލެޓް، އޭގެ ދެ ގުނަ އަދި ކުރިއަށް އެބައޮތް. އެއްގޮތަކަށް ވެސް އެއްވެސް ދިވެހި ރައްޔިތަކު ކަންބޮޑުވާނެ ކަމެއް ނެތް. ރައީސް ޔާމީންގެ ވައުދުފުޅެއްގެ ގޮތުގައި އޮންނާނެ ދިވެހި ކޮންމެ ރައްޔިތަކަށް ގެދޮރުގެ ހައްލު ގެނެސްދިނުމަށް މަސައްކަތް ކުރައްވާނެ ކަމަށް." މިނިސްޓަރު ވިދާޅުވި އެވެ.
މި ސަރުކާރުން ފުރަތަމަ ހުޅުވާލި ބޯހިޔާވަހިކަމުގެ މަޝްރޫއަށް ގާތްގަނޑަކަށް 15،000 މީހުން ކުރިމަތިލިއިރު ފްލެޓް ދިނީ އެންމެ 704 މީހުންނަށެވެ. އެ ފްލެޓްތައް ދިނުމުގައި ވެސް ޕޮއިންޓް ލިބިފައިވާ އުސޫލުގެ ބޭރުން ސިޔާސީ ނުފޫޒުގެ ތެރެއިން ފްލެޓްތައް ދޫކުރި ކަމަށް ވަނީ ތުހުމަތުކޮށްފަ އެވެ.
މިނިސްޓަރު މިރޭ ވެސް ތަކުރާރުކޮށް ވިދާޅުވީ ފްލެޓް ދޫކުރީ ވަރަށް ރަނގަޅަށް ބެލުމަށް ފަހު އޭގެ ހައްގުވެރިންނަށް ކަމަށެވެ. ހައުސިން މިނިސްޓްރީގެ ސާވޭތަކަށް ފަހު ފޯމް ހުށަހެޅިއިރު ދީފައިވާ ޕޮއިޓްތަކަށް ބަދަލު އައިސްފައިވާނެ ކަމަށް މިނިސްޓަރު ވިދާޅުވި އެވެ.
ފްލެޓް ލިބޭ މީހާ އާއި އޭނާގެ އާއިލާ އުޅުމަށް ދޭ ފްލެޓްތައް ކުއްޔަށް ދިނުމާ ގުޅޭގޮތުން މިނިސްޓަރު ވިދާޅުވީ ގަވައިދު ބުނާގޮތުން ފްލެޓުން ކުއްޔަށް ދެވޭނީ މިނިސްޓްރީގެ ހުއްދައާ އެކު އެއް ކޮޓަރި ކަމަށެވެ. އެ އުސޫލާ ހިލާފުވާ މީހުންގެ އެއްބަސްވުން ބާތިލްކޮށް ފްލެޓް އަތުލާނެ ކަމަށް މިނިސްޓަރު ވިދާޅުވި އެވެ. އެފަދަ ބައެއް ފްލެޓްތަކަށް މިހާރު ވެސް ވަނީ ނޯޓިސް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖިންނިބޭ
01 April 2018
ލިފްޓެއް ނެއް ފުލެޓު ފަސް ވަނަ ބުރިން ގަންނާނީ ކާކު؟ ފައިދާ އެއް ނެތް ގެއްލުން ވާ ތަކެތި ގަންނާނީ ކާކު ،، އެންމެން އެންމެން ގަންނާނެ... އެކަމު އެބަ ހޭއަރަންޖެހޭ ... މުސްކުޅި މަންމަ ސިޑިން ސިޑިން ސީދާ ސިޑިން މަހަށް މަހަށް ބާރަށް މަހަށް
ޖިންނިބޭ
01 April 2018
މި އޮތް ހިތް ގައިމު ރާއްޖޭގަ ކިއްކުރާ ފުލެޓޭއް؟ ހޭއަރާ ހޭއަރާ ހޭ ހޭ ހޭ އަރާ އަރާ ... ތަރައްކީ ކުރަންވީ ހުޅުމާލެ އެއް ... ހޭ ހޭ ހޭ އަރާ މަހަށް މަހަށް
ރުޅި
31 March 2018
ރައްޔިތުންނޭ. ފްލެޓަކީ ހައްލެްއްނޫން. ފްލެޓަށް ނޫނެކޭބުނޭ.
އިބުރާހިމް ހ
31 March 2018
ކޮބާތޯ ރިސޯރޓުތަކުގައި މަސައްކަތްކުރާ ކުދިންގެ ކެޓަގަރީ އަޅުގަނޑުމެންމީ އެއްވެސް ބައެއްނޫންތޯ ނޫނީ ދިވެހި ރައްޔިތުންނޫންތޯ ކޮބައިތޯ އިންސާފަކީ؟ ކޮބައިތޯ ހަމަ ހަމަ ކަމަކީ؟ ގައިމު އަޅުގަނޑުމެންމީ ސަރުކާރަށް އެންމެ ގިނައިން ޑޮލަރު ވައްދައިދޭމީހުން.. ނޫނީ ދެން ޖެހޭނީ އަންހިނުން ވަރިކޮށްފައި ޑޮކުޓަރަކާއި ނޫނީ ނަރުހެން ނުވަތަ ސިވިލް ސާވަންޓަކާއި ކައިވެނިކުރަން އެއީތޯ ހައްލަކީ؟؟ ސަރުކާރުގެ ޖަވާބެއް ބޭނުން ޕުލީސް
ސަލާމް
31 March 2018
މުއިއްޒު އަށް ވަރަށް ސަލާމް. ނޯކޮންފިޑެންސް
ޑޮކްޓަރުންގެ ސިޓީ / އައްޑޫ ސިޓީ
31 March 2018
ޔާމިން ގެ ވިސްނުމުގައި ދިވެހިރައްޔިތުންނަށް ބޯހިޔާ ވަހިކަންހޯދާދިނުމުގެ މަޤުސަދަށްވުރެބޮޑަށް “ކުލީ އަޅުން އިތުރިކުރުމުގެ ވިސްނުންގެންގުޅޭތީ” ރާއްޖެސަރަހައްދު ތަކަކަަށްބަހާލައިގެން ތަރައްޤީކުރުމަށް ބޭނުންނުވަނީ. . . . . ކުލީއަޅުވެތިކަމަކީ އަހަރުމެންޤަބޫލުކުރާނެ ކަމެއްނޫން. އަދި އެކަމާއިދެކޮޅަށް ތެދުވެ އަމަލީ ގޮތުން މަސައްކަތް ކުރާންޖެހޭ ހިސާބަށް ހިގައްޖެ ނަމަ އެކަންކުރުމުގައިވެސް ފަސް ނުޖެހޭނަން. . . . . މާލެ ނޫން ރަަށްރަަށް އަދި މާލެ ނޫން ރަށްރަށުގެ ރައްޔިތުންނަށް ވެސް ޤައުމުގެ މުއްސަނދި ކަމުން ހައްޤުވާ މިންވަރު ލިބެންޖެހޭނެ. . . . ލާމަރުކަޒީ ޤާނޫނުން އަހަރުމެންނަށް ދޭންޖެހޭ އިހުތިޔާރު ދޫކޮށް އަހަރުމެން ކުރިއެރުމަށް މަސައްކަތް ކުރުމަށް ހުރަސް އެޅުން ހުއްޓާލާ. “އަހަރުމެންނަކީ މާލޭ އަދި މާލެ އަކީ އަހަރުމެންގެ ރަށެއްނޫން”އަމިއްލަ ވަޒަނުން އަހަރުމެން ބޭރުކުރުމަށް މަޖުބޫރު ނުކުރޭ. . . ހަނިމާދޫ އާއި ގޭން އެއަރޕޯޓް ތަރައްޤީ ކޮށްގެން ޓްއަރިޒަމް އާއި އެކު އަހަރުމެންނަށް ވެސް ދިރިއުޅެވެން ވާނެ.
ސައިނީ
31 March 2018
ނޯ ވޮރީސް މެވެރިން އަދި ހިލޭވެސް ދޭނެ ވޭނުން ވަނީ ރައްޔިތުންގެ ކިބައިން ސަރުކާރުން ކުރާ ކަންކަމަށް އެއްބާރުލުން ނުދިނުން ފުލެޓައްވެސް ފޯމް ނުލާންވީ އަދި ވޯޓްވެސް ނުދީ މިވެރިން ބޭރުކުރަންވީ
ގައުމު
31 March 2018
ގާޒީންނައް ފްލެޓް ފްރީ.. ގަންނާނެ ވަރަކައް ގަންނަން ސަރުކާރުން އެވެރިނނައްފައިސާ ބަހާނެ.އެކަން އެބއެގޭ މާޒީއައް ބެލީމަ.އވެސް ވަކބަޔަކއް
ގޯތި ނުދެންޏާ ވޯޓެއް ނުދޭނަށް
31 March 2018
ދިވެހިންނަށް މީދާ ކޮށި ފްލެޓް. ދޮން މީހުން މަޖާކޮށްލަން ދިވެހި ބިން. ގޯތި ނުދެންޏާ ވޯޓެއް ނުދޭނަށް. މީދާ ކޮށްޓެއްގައި އުޅޭކަށް ނޫން ދުނިޔެ އައީކީ! ވިހެއީ މި ބިމަށް. ހިނގީ މިވެލިގަނޑުގައި. ކަންކަން ކުރަން ނޭގެންޏާ ފައިބާ!
ފާތުމަތު
31 March 2018
ދޮގުނުހަދާ މާލޭގެ ކުދަބިންކޮޅު ދޫކޮއްލަން އެއްބަސްވީ ހުޅުމާލެއިން 12 ދަރިންގެ ދިރިއުޅުމަކައް ތަނަވަސް ބިންކޮޅެއްގެ ބަދަލުގަ މާލޭގެ ކުދަބިންކޮޅުގަވެސް 3 ކޮޓަރީގެ އެޕާރޓު މަންޓް އެބަހުރި ހެދިފަ ހުޅުމަލެޔައް ދާންވީ 4 ވަނަބުރިން ލިފްޓަކާނުލާ މުސްކުޅި މަންމަޔާއެކު ދިރިއުޅެން އަތުން އެތައްރުފިޔާއެއް ދައުލަތައް ދައްކާގޮތައް ކިހާރީތި ގޮތެއްމީ މީތޯ ތިޔަބުނާ ގެދޮރުވެރި ކުރާގޮތަކީ ބިމަކައް ބިމެއްނުންތޯ ދޭންވާނީ ދައުލަތައް މާލޭގެ ބިންކޮޅު ވިއްކާވެސް ލެވޭނެ ބޮޑުއަގުގަ ނޫންތޯ ތިޔައްވުރެ އޯގާތެރި ވިސްނުމެއް ނާންނަނީތޯ ހިޔާލައްވެސް
އައިޖޭ
31 March 2018
40 އިން މަތީ މީހުނަށް އޮތީ ފްލެޓެއް ނޫން... ގޯތި 7 ފޫޓް 2 ފޫޓް ގޮޅިއެއް