އެމެރިކާގެ ރައީސް ޑޮނަލްޑް ޓްރަމްޕް: ސީރިއާ އަށް ވަރުގަދަ ރައްދެއް ދޭނެ ކަމަށް ވިދާޅުވި. --ފޮޓޯ:އޭއެފްޕީ
10 އެޕްރީލް 2018 - 11:18
7 comments
ވޮޝިންޓަން (އެޕްރީލް 10) - ސީރިއާގައި ދިން ކެމިކަލް ހަމަލާ އަށް ވަރުގަދަ ރައްދެއް ދޭނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
"އަސްކަރީ ގޮތުން އެޅިދާނެ ވަރަށް ގިނަ ފިޔަވަޅުތައް އެބަހުރި. އެކަން ވަރަށް އަވަހަށް ނިންމާނަން،" ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވި އެވެ.
ޓްރަމްޕް ވިދާޅުވީ ސީރިއާގެ އިރުމަތީ ޣޫތާގެ ދޫމާގައި މިދިޔަ ހޮނިހިރު ދުވަހު ކެމިކަލް ހަމަލާއެއް ދިނީ ކޮން ބައެއްކަން އެމެރިކާ އަށް މިހާރު ސާފުވަމުން އަންނަ ކަމަށެވެ. ކެމިކަލް ހަމަލާގައި ވަނީ ވަރަށް ގިނަ މީހުން މަރުވެފަ އެވެ.
ޓްރަމްޕް މި މޭރުމުން ވާހަކަ ދެއްކެވިއިރު ހުޅަނގުގެ ލީޑަރުން ވެސް ދަނީ ސީރިއާ އަށް އަޅާނެ ފިޔަވަޅަކާ މެދު މަޝްވަރާ ކުރަމުންނެވެ. އިނގިރޭސި ބޮޑު ވަޒީރު ތެރޭސާ މެއި ވަނީ ސީރިއާގެ ރައީސް ބައްޝާރުލް އަސަދަށް ވާގިވެރިވާ މީހުން ޒިންމާ ކުރުވާނެ ކަމަށް ވިދާޅުވެފަ އެވެ.
ކެމިކަލް ހަމަލާ ދިން މައްސަލައާ ގުޅިގެން ސަލާމަތީ މަޖިލީހުގެ ބައްދަލުވުމުގައި އެމެރިކާ އާއި ރަޝިޔާ އިން ވަނީ ބަހުގެ ހަމަލާތައް ބަދަލުކޮށްފަ އެވެ. ރަޝިޔާގެ މަންދޫބު ވަސިލީ ނެބެންޒިއާ ވިދާޅުވީ ކެމިކަލް ހަމަލާ އަކީ ރޭވުމެއް ކަމަށާއި އެކަމާ ގުޅިގެން އެމެރިކާ އިން އަޅާ އަސްކަރީ ފިޔަވަޅެއްގެ ނަތީޖާ ވަރަށް ހިތިވާނެ ކަމަށެވެ. އެމެރިކާގެ ސަފީރު ނިއްކީ ހޭލީ ވަނީ ރަޝިޔާގެ އަތުގައި ސީރިއާގެ ކުޑަ ކުދިންގެ ލޭ ވާ ކަމަށް ވިދާޅުވެފަ އެވެ. އަދި ސީރިއާގެ ރައީސް އަސަދަކީ "ފުރޭތައެއް"ގެ ގޮތުގައި އޭނާ ވަނީ ސިފަ ކުރައްވައިފަ އެވެ. ހޭލީ ވަނީ ކެމިކަލް ހަމަލާ ތަހްގީގު ކުރުމަށް ސަލާމަތީ މަޖިލީހުގައި ވޯޓެއް ނެގުމަށް ވެސް ގޮވާލައްވައިފަ އެވެ. އެކަމަކު ރަޝިޔާ އިން ވަނީ އެފަދަ ވޯޓަކަށް ތާއީދު ނުކުރާނެ ކަމަށް ބުނެފަ އެވެ.
ސަލާމަތީ މަޖިލީހުގައި ވާހަކަ ދައްކަމުން ފްރާންސްގެ ސަފީރު ވިދާޅުވީ ވިހަ ގޭހުގެ ހަމަލާއެއް ދިނީ ބިންގަރާހުގައި އުޅޭ މީހުންނަށް ވެސް ނުރައްކާ ކުރަން، ގަސްދުގައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
amir
11 April 2018
މިހާރު އަރަބި ގައުމުތަކުގައި ތިބި ވެރިން އެބަޖެހޭ އެވެރިންނަކީ ކޮން ގައުމަަކަޢް ކޮން ދީނަަކައް ނިސްބަތްވާ ބައެއްތޯ ބަލަން.
ސުޖާ
11 April 2018
އަދަދިވަދިވެސް އެމެރިކާޔައް ހަސަދަ ފިލުވާ އަރަބިންގެ މެދުގަ ޖެހިގެން އުޅޭ މައްސަލަޔަކީ ސައުދީ ރަސްކަން ދިފާއުކުރަން ވެގެން ޖެހިގެންއުޅޭ މައްސަލައެއް ސައުދީން ދަނީ އެމެރިކާއިން އެތައް ބިލިޔަން ޑޮލަރުގެ ހަތިޔާރު ގަންނަމުން
ސަޅިބައިސާ
10 April 2018
ކެމިކަލް ހަމަލާވެސް އަދި އުދުވާނީ ހަމަލާވެސް ދެނީ އެމެރިކާ. ތިއައީ މިހާރު އެންމެން ދަންނަ ކަމެއް. މުސްލިމުންނަށްވެސް އިރާދަކުރެއްވިއްޔާ ދުވަހެއް އަންނާނެ.
ފޮނިޓައްޕު ހަސަނު
10 April 2018
އެމެރިކާ އެދަނީ އޮއްސެމުން. މާތްﷲ މިދުނިޔޭގައި ލެއްވި ކޮންމެ އެއްޗަކީވެސް ނިމުން އަންނާނެ އެއްޗެއް. މީގެ އައްޑިހަވަރަކަށް އަހަރުކުރިން ތިގޮތައް ވަރަށް ވަރުދައްކައިގެން އުޅުނު އިނގިރޭސީންވެސް ވަނީ އޮއްސިފައި. ތި އެމެރިކާއަށް ވުރެން މާ ވަރުގަދަ ހަތިޔާރު ރަޝިއާ އާއި ޗައިނާގައި އެބަހުރި. އިގްތިސާދީ ގޮތުން ޗާއިނާ އެމެރިކާއާއި އަރައި ހަމަކޮށްފި. އެމެރިކާއަށް ދުނިޔޭގެ ގައުމުތަކުން ކުރަމުން އައި އިތުބާރުވަނީ ގެއްލިފައި. ހަނގުރާމައެއް ފެށިއްޖެ ނަމަ އެމެރިކާއާއި އެއްކޮޅަށް ނިކުންނާނެ ގައުމުތަކާއި މެދު ޝައްކު އުފެދޭ.
އަލީ ނާޒިމް
10 April 2018
އެއައްވުރެ މާ ކުރިން، އަދި ކީއް، މިހާރުވެސް ބޮޑުބައި ހަލަކުވެ، މެދު އިރުމަތި އެއޮތީ ފުނޑިފަ! އެކަމަކު އެ ވާހަކަ ނުބުނާނަން ދެއްތޯ؟
ޜަސޔ
10 April 2018
ތީ އެމެރިކާގެ ރޭވުމެހެން ހީވޭ އިރާގަށް ވެސް އަރަމުން މިކަހަލަ ވާހަކަ ފެތުރި ސައްދާމު އާމުން މަރަން ކެމިކަލް ބޭނުން ކުރަނީ އޭ!! ކެމިކަލް އަލީއޭ.. ސޭމް އޯލްޑު ސުޓޯރީ .. މިހާރު އަސަދު އެވަނީ އިދިކޮޅު ވަރަށް ބޮޑަށް ބަލިކޮށްފަ.. އަސުލު ވެގެން އުޅޭގޮތަކީ ޓެރެރިސްޓު އިޒުރޭލް ފަލަސްތީނު ވާހަކަ އޮއްބަން ކުރާކަމެއް ތީ..
އަސަދު
10 April 2018
ބައެއްމީހުންނައް އަސަދު އެދޭ ކެމިކަލް ހަމަލާތައް އޯކޭ، އެކަމް މަރުވެގެންދަނީ މައިންނާ އެމީހުންގެ މައުސޫމު ކުދިން، އެމަންޒަރު ފުޓޮއަކުން ފެނުނަސް ލޮލުން ކަރުނަ ހިލޭ..