10 އެޕްރީލް 2018 - 11:03
23 comments
އިންޑިޔާގެ ޓާޓާ ކުންފުނިން މާލޭގައި އެޅި ފްލެޓްތަކުގެ ތެރެއިން ވިއްކަން އިއުލާންކުރި 161 ފްލެޓްގެ ތެރެއިން މިހާތަނަށް ނުވިކި ހުރި 47 ފްލެޓް ވިއްކަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު އަލުން އިއުލާން ކޮށްފި އެވެ.
އެ ކުންފުނިން މިއަދު ކުރި އިއުލާނެއްގައި ބުނެފައި ވަނީ އަލުން ވިއްކަން ހުޅުވާލާފައި ވަނީ ކުރިން އަރަބިއްޔާ ސްކޫލް ހިންގި ބިމުގައި ހުރި 10 ފްލެޓަކާއި ގާކޮށިން 37 ފްލެޓް ކަމަށެވެ. އަދި އެ އިން ކޮންމެ ފްލެޓެއް ވިއްކަން ހަމަޖެހިފައި ވަނީ ދެ މިލިއަން ރުފިޔާ އަށް ކަމަށް ވެސް އެޗްޑީސީން ބުނެފައިވެ އެވެ.
އެ ކުންފުނިން ނެރުނު އިއުލާނުގައިވާ ގޮތުން ފްލެޓް ވިއްކަނީ ދެ މިލިއަން ރުފިޔާ އެއްފަހަރާ ދެއްކޭނެ އަދި އުމުރުން 21 އަހަރު ވެފައިވާ މީހުންނަށެވެ. އަދި މި ފްލެޓްތައް ވިއްކުމަށް ހަމަޖެހިފައިވަނީ ހަމައެކަނި ދިވެހިންނަށެވެ. އަދި މީގެ ކުރިން ޓާޓާ ފްލެޓެއް ގަނެފައިވާ މީހަކަށް ވެގެންނުވާނެ ކަމަށް ވެސް އެޗްޑީސީން ބުންޏެވެ.
އެ ކުންފުނިން ވިއްކަން ހުޅުވާލި ފްލެޓްތަކަށް ކުރިމަތިލުމަށް ހަދާފައިވާ އޮންލައިން ޕޯޓަލް މެދުވެރިކޮށް ފްލެޓް ގަންނަން ހުށަހެޅުމަށް ދެނީ ކޮންމެ މީހަކަށް ވެސް 30 މިނެޓެވެ. އަދި ފައިސާ ހަމަޖެހިފައިވާ ކަމުގެ ލިޔުން ހުށަހަޅަން ފަސް ދުވަހުގެ މުއްދަތެއް ދޭން ވަނީ ހަމަޖައްސައިފަ އެވެ.
އަރަބިއްޔާ ހުރި ތަނުގައި މާލޭ ގްރޭންޑްގެ ނަމުގައި ހަދާފައިވާ ފްލެޓްތަކާއި ގާކޮށީގައި މާލޭ ސްކޮއާގެ ނަމުގައި ހަދާފައިވާ ފްލެޓްތަކުން އޮންލައިން މެދުވެރިކޮށް ފްލެޓް ވިއްކަން އެންމެ ފުރަތަމަ ހުޅުވާލީ މިދިޔަ ޖެނުއަރީ 31 ވަނަ ދުވަހު އެވެ.
އެ ދެ ތަނުގައި ހަދާފައިވާ 264 ފްލެޓުގެ ތެރެއިން 105 ފްލެޓް ވިއްކާލަން މިދިޔަ ޑިސެމްބަރު މަހުގެ ތެރޭގައި ހުޅުވައިލުމުން އެތައް ބަޔަކު މި ފްލެޓްތައް ގަތުމަށް ކިޔޫ ޖެހުނެވެ. ނަމަވެސް ރައްޔިތުން ކިޔޫ ޖައްސައިގެން ފްލެޓް ވިއްކުމަކީ ސަރުކާރުން ގަބޫލުކުރާ ކަމެއް ނޫން ކަމަށް ބުނެ، އޮންލައިންކޮށް ވިއްކަން ހަމަޖެއްސީ އެވެ.
ތިން ކޮޓަރި އާއި ދެ ފާޚާނާ އަދި ބަދިގެ ހިމެނޭ ފްލެޓްތަކުގެ ތެރެއިން ގާކޮށިން 161 ފްލެޓް ވިއްކަން ހުޅުވާލީ ފްލެޓްތައް ލިބުނު މީހުން ދައްކަންޖެހޭ ފައިސާ ސަރުކާރަށް ނުދެއްކުމުންނެވެ. ބައެއް މީހުންނަށް ފައިސާ ނުދެއްކުނީ، މި މަޝްރޫއު ހުޅުވައިލި އިރު ފްލެޓްތައް ވިއްކަން ކަނޑައެޅި އަގަށް ވުރެ މާ ބޮޑު އަގަކަށް ވިއްކަން ނިންމުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާރު
11 April 2018
މިއީތަ ތިބުނާ ގެދޮރުވެރިކުރުމުގެ މަގްސަދަކީ، ނިކަމެތި ގެދޮރު ނެތް މީހުންނަށް ދޭން ބުނި ފުލެޓްތަށް ހުރިހާ މުއްސަނދިންނަށްދީ ބަހާ ހުސްކޮށްފި... ކޮންކަހަލަ ގައުމެއްތަމީ... މަށެއް ވޯޓެއްދެން ނުދޭނަށް...ވަރަށް ވާހަކަމީ...
ހިމާޔަތް
10 April 2018
މުއްސަދިންނަށް ފުލެޓާ ފައިސާ ލިބޭނެހާ ގޮތް ހަދާފަ، އަހަރުމެން ފަގީރުންގެ ވޯޓު ހޯދަން ނާންނާތި، އަތުވެއްޖެއްޔާ އެބުރިދާންޖެހޭނީ ލަދުވެތިކަމާއިއެކު.
އަހްމަދު
10 April 2018
ބާކީ 56 ފްލެޓް ކޮބާތޯ؟
ފީރޯޒް
10 April 2018
ހަމަ ހައިރާންވެ އަންތަރީސްވެއްޖެ. ތީކީ އެއްވެސް ގޮތަކަށް އާދައިގެ ބަޔަކަށް ދޭން ހަދާފައިވާ ހައުސިންގ ޔުނިޓްތަކެއްހެން ހިއެއް ނުވޭ. އާންމު ރައްޔިތަކަށް 13000 ރުފިޔާގެ މަހު މުސާރައެއް ލިބިގެންވެސް ތި 2 މިލިޔަން އެއްކުރެވޭނީ 13 އަހަރުން. އެއީވެސް އެންމެ ބައި ލޯ ލާރިއެއްގައި ބީހިވެސް ނުލާ. ވިދާޅުވެ ބައްލަވާ ތި 2 މިލިޔަން، ދަރަނިވެރި ނުވެ، އާންމު ރައްޔިތުންނަށް ލިބޭނެ ގޮތެއް. އަޅުގަނޑުވެސް ބޭނުންވޭ ދިރިއުޅޭނެ ތަނެއް.
ސަންތި މަރިޔަނބު
10 April 2018
މި ފްލެޓް ގަނެވޭނީ ކަޅުފައިސާ ވާރޭ ވެހޭހެންް ވަންނަ ގޭގޭ ގެ ވެރިންނަށް
ތިނު 375
10 April 2018
ދައުރު ނިމޭތީ ހުރި އެއްޗެއް ވިއްކާފަ ތޮށިގަނޑަށް ހަދާފަ ބާއްވާފަ ދަމާދަން
ތަމެން މަމެން
10 April 2018
ފްލެޓެއް ބޭނުން ވެގެން އުޅޭ އާދައިގެ މީހަކަށް ނުދޭތި. ވިއްކާފަ ލިބޭ ލާރިކޮޅު ކޮންމެވެސް މީހެއްގެ އެކައުންޓަށް ކަހާލަން ވީނު.
ކެޔޮޅު
10 April 2018
ރިސްވަތުގެ ފައިސާ ގޯނިގޯނީގަ ލިބުނުމީހުންނަށް ހާއްސަކުރެވިފާވާ ފުލެޓުތަކެއް މީ
ޙްމް
10 April 2018
2 މިލިއަނުން ވިއްކާ ފްލެޓައް ސޯޝަލް ހައުސިން އޭ ނުކިޔާ. ނިކަމެއްޗަކަށް ޑައުންޕޭމަންޓަކަށް 20 ހާސް ވެސް ދެއްކުން އެއީ ބޮޑު ކަމެއް. ފްލެޓް ގަންނަނީ އެއްބަޔެއް. ގަނެފަ ފައިދާއަށް ކުއްޔަށް.
އަޙްމަދުއެވެ.
10 April 2018
އަސްލުވެސް. ކޮންފަދަ ބޮޑު ނުބައި ކަމެއް.
ފޫހި ސަރުކާރެއް
10 April 2018
ވިއްކާ ވިއްކާ ހުސްކޮށްލާތި ތިވެސް. ތިީގެ ހައްގުވެރީންނަށް ތިޔަދެވެން ނެތް ހުރިހާގޮތެއް ސަރުކާރުން ބަލާނެ ހެދޭތޯ. ޢަދިވެސް ކެވުނުވަރު މިމެންނަށް މަދުވެގެން މިއުޅެނީ.
ހަސަންތަކުރުފާނު
10 April 2018
މިހާރު ދުނިޔޭގެ މުއްސަދިން ޗުއްޓީ ހޭދަކުރަން އަދި އުޅެން ބޭނުންވަނީ ރީތި ފަޅުތަކާއި މޫދު އެކުލެވޭ ޖަޒީރާ ރަށްތަކުގައިކަމަށްވާއިރު ގުދުރަތީގޮތުން ދިވެހިންނަށް އެމަންޒިލްތައް ލިބިފައިއޮއްވާ ހުރިހާއެންމެން ފޯމްތައް ފުރުމަށްފަހު ބޭނުންވަނީ ކޮންކްރީޓު މީދާކޮށިތަކެއްގެ ތެރެއަށް ވަންނަން... އެތަންތަނަށް ވަންނަން ޕޮއިންޓު ހޯދުމުގެ ވާދަވެރިކަން ދުވަހެއްދުވަހެއް އިތުރުވަމުންދާއިރު ތިމަންމެން ފާޑެއްގެ އަޅުވެތިކަމެއްގެ ތެރެއަށް ގަންބާލަނީކަންވެސް ނޭގޭ އެހެރަ ކުލަތަކެއްލާފައިވާ ކޮށިތަކެއް ދައްކާލުމާއެކު.... ފަހުގެ އަޅުވެތިކަން ހަދިޔާއެއްގެ ގޮތުގައި ދެކޭމީހުން އިތުރުވަމުންދާގޮތް މިފެންނަނީ...
ސަންތި މަރިޔަނބު
10 April 2018
ތީގެ ފްލެޓް ގަނެވޭނީ ގޯނި ގޯނީގައި ކަޅުފައިސާ ވަދެގެން އުޅޭ ގޭގޭ ގެ އަހުލުވެރިން ނަށް