ކެމިކަލް ހަމަލާ ދިން ސަރަހައްދަށް ވަނުމުގެ ހުއްދަ އަށް ޑަބްލިއުއެޗްއޯ އިން އެދިއްޖެ

ކެމިކަލް ހަމަލާ އަށް ފަހު ބައެއް މީހުންގެ މޫނަށް ފެން އަޅަނީ. --ފޮޓޯ:އޭއެފްޕީ

ހަސަން އާމިރު، މިހާރު

11 އެޕްރީލް 2018 - 21:27

ޔުނައިޑެޓް ނޭޝަންސް (އެޕްރީލް 11) - ސީރިއާގެ އިރުމަތީ ޣޫތާގައި ކެމިކަލް ހަމަލާ ދިން ސަރަހައްދަށް ވަނުމުގެ ހުއްދަ އަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން އެދިއްޖެ އެވެ.

ޑަބްލިއުއެޗްއޯ އިން ބުނީ ދޫމާގައި ކެމިކަލް ހަމަލާ ދިން ކަމަށް ބުނާ ރިޕޯޓްތައް ޔަގީން ކުރަން ބޭނުންވާ ކަމަށެވެ. ކެމިކަލްގެ އަސަރު 500 އަށް ވުރެ ގިނަ މީހުންނަށް ކޮށްފައިވާ ކަމަށް އޮފިޝަލުން ބުނެ އެވެ.

އެއްވެސް ބާވަތެއްގެ ކެމިކަލެއް ބޭނުންކޮށްގެން ހަމަލާ ނުދޭ ކަމަށް ސީރިއާ ސަރުކާރުން ބުނެ އެވެ. އަދި ރަޝިޔާ އިން ވެސް ބުނެފައި ވަނީ އެފަދަ ހަމަލާއެއް ދިންކަމުގެ އަސަރު ދޫމާ އިން ފެންނަން ނެތް ކަމަށެވެ.

ސީރިއާގައި ކެމިކަލް ހަމަލާ ދިން މައްސަލަ އަށް ސަމާލުކަން ދިނުމަށް ޓްރަމްޕް ވަނީ ލެޓިން އެމެރިކާ އަށް ކުރައްވަން ހަމަޖެހިފައިވާ ދަތުރު ވެސް ކެންސަލް ކުރައްވައިފަ އެވެ. ތަޖްރިބާކާރުން ބުނާ ގޮތުގައި މިއީ ސީރިއާ އަށް ހަމަލާ ދިނުމަށް ރާވަމުންދާ ކަމުގެ ނިޝާނެއް ކަމަށެވެ. ޓްރަމްޕް ކުރިން ވަނީ ސީރިއާ އަށް އަސްކަރީ ފިޔަވަޅު އެޅުމާ ގުޅޭ ގޮތުން އިނގިރޭސި ވިލާތާއި ފްރާންސްއާ މަޝްވަރާ ކުރައްވައިފަ އެވެ. ފްރާންސްގެ ރައީސް ވިދާޅުވީ ވައިގެ ހަމަލާ އަމާޒު ކުރާނީ ސީރިއާގެ ކެމިކަލް ފެކްޓަރީތަކަށް ކަމަށެވެ.

ސީރިއާ ކެމިކަލް ޑަބްލިއުއެޗްއޯ

1 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާނުވާ

11 April 2018

ޑަބުލިއު އެޗްއޯ އަށް އޯކޭދޯ ބަޑިންނާއި.މިސައިލުން.ހަމަލަ ދީ އެތަށް ބަޔަކުމެެރިޔަސް.....ވަރަށް ހެއްވާ އުސޫލެއް....ހަމައެކަނި ކެމިކަލް.ހަމަލާއެއްނޫން ކުށްވެެި ކުރަންޖެހޭނީ، ހަގުރާމައިގެ ހުރިހާ ޖަރީމާއެއް ކުށްވެެރި ކުރެވެންޖެހޭނެ.....އިންޝާﷲ ވަރަށް އަވަހަށް މުލިމުންނަށް.ނަރުލިބޭނެ