މެމްބަރު ފާރިސް (ކ) އަދި ވަހީދު: އެ ދެ ބޭފުޅުން ވެސް ވިޕްލައިނާ ހިލާފުވެވަޑައިގެންނެވި.-- ފޮޓޯ: މަޖިލިސް
20 ޖުލައި 2016 - 19:53
27 comments
ޕީޕީއެމްގެ ވިޕްލައިނާ ހިލާފުވެވަޑައިގެންނެވި މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫނާއި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑޭ) ތިއްބެވި މުހިއްމު ކޮމިޓީތަކުން ވަކިކޮށް، އާދައިގެ ކޮމިޓީއަކަށް މިއަދު ބަދަލުކޮށްފި އެވެ.
"މިހާރު" އަށް އެނގިފައިވާ ގޮތުގައި ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން ފާރިސް ބަދަލުކުރީ ގައުމީ ތަރައްގީގެ ކޮމިޓީން ޕެޓިޝަން ކޮމިޓީއަށެވެ. މިނިވަން މުއައްސަސާތަކާ ބެހޭ ކޮމިޓީ އާއި ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގައި ހިމެނިވަޑައިގަންނަވާ ވަހީދު ވަނީ، އެނގިފައިވާ ގޮތުގައި، އެ ދެ ކޮމިޓީން ވެސް ވަކިކޮށް، ޕެޓިޝަން ކޮމިޓީ އަށް ބަދަލުކޮށްފަ އެވެ.
ޕީޕީއެމްގެ ޕާލިމެންޓްރީ ގްރޫޕުން މި ގޮތަށް ނިންމީ މި ފަހުން މަޖިލީހުން ފާސްކުރި ޓޫރިޒަމްގެ ގާނޫނަށް އިސްލާހު ގެނައުމުގެ ބިލަށް ވޯޓު ދިނުމަށް ޕީޕީއެމުން ނެރުނު ތްރީ ލައިން ވިޕާ އެ ދެ ބޭފުޅުން ވެސް ހިލާފުވެވަޑައިގެންފައި ވާތީ އެވެ. ފާރިސް އެ ބިލާ ދެކޮޅަށް ވޯޓު ދެއްވިއިރު، ވަހީދު ހުންނެވީ ތަޅުމުން ބޭރުގަ އެވެ.
ރޭ ބޭއްވި ޕީޕީއެމް ކައުންސިލް ބައްދަލުވުމުގައި ފާރިސް ބައިވެރިވެވަޑައިގަންނަވަނީ. --ފޮޓޯ: ޕީޕީއެމް
ޕީޕީއެމްގެ މެޖޯރިޓީ އޮންނަ މިނިވަން މުއައްސަސާތަކުގެ ކޮމެޓީ އާއި މަސްއޫލިއްޔަތު އަދާކުރާ މިންބަރު ބަލާ ކޮމިޓީ އަށް އާއްމުކޮށް ގިނަ ކަންތައްތަކެއް ހުށަހަޅައި ބަހުސް ކުރެ އެވެ. ގައުމީ ތަރައްގީގެ ކޮމީޓީގައި ވެސް އިމާރާތްކުރުމުގެ ކޯޑު ފަދަ މުހިއްމު މައްސަލަތައް އެބަހުއްޓެވެ. އެއާ ހިލާފަށް، ޕެޓިޝަން ކޮމެޓީއަކީ އާއްމުކޮށް ބާއްވާ ކޮމެޓީއެއް ވެސް ނޫނެވެ. އެ ގޮތުން، މަހަކު އެއް ފަހަރު ވެސް އެ ކޮމެޓީގެ ބައްދަލުވުމެއް ނުބާއްވަ އެވެ.
ފާރިސްގެ ބަދަލުގައި ގައުމީ ތަރައްގީގެ ކޮމިޓީ އަށް ހަމަޖެއްސީ، އެނގިފައިވާ ގޮތުގައި، ކުރިން ޕެޓިޝަން ކޮމިޓީގައި ހުންނެވި ތުޅާދޫ ދާއިރާގެ މެމްބަރު ނާޒިމް ރަޝާދެވެ. މަސްއޫލިއްޔަތު އަދާކުރާ މިންވަރު ބަލާ ކޮމިޓީ އަށް ވަހީދުގެ ބަދަލުގައި ހަމަޖެއްސީ ދާންދޫ ދާއިރާގެ މެމްބަރު އަހުމަދު އަސްއަދެވެ.
ރޭ ބޭއްވި ޕީޕީއެމް ކައުންސިލް ބައްދަލުވުމުގައި ވަހީދު ބައިވެރިވެވަޑައިގަންނަވަނީ. --ފޮޓޯ: ޕީޕީއެމް
މަޖިލީހުގެ ކޮމެޓީތަކަށް ދޭތެރެ ދޭތެރެއިން ބަދަލު ގެނެ އެވެ. އެކަމަކު، މިއީ މަޖިލީހުގެ ޕީޕީއެމް މެމްބަރަކު ވޯޓު ދެއްވި ގޮތަކުން ކޮމެޓީ ބަދަލު ކުރި ފުރަތަމަ ފަހަރެވެ.
ފާރިސް އާއި ވަހީދަށް މަޖިލީހުގެ ތެރެއިން ފިޔަވަޅު އަޅާފައި ވާއިރު، ފާރިސް ޕާޓީން ވަކިކުރަން ޕީޕީއެމްގެ ސުލޫކީ ކޮމިޓީން ވަނީ ނިންމާފަ އެވެ. އެކަމާ ގުޅިގެން ޕީޕީއެމް ތެރޭގައި ހިޔާލު ތަފާތުވުން އުފެދި ދެ ފެކްޝަން ވަނީ އުފެދިފަ އެވެ. އެއީ ފާރިސް ޕާޓީން ވަކިވެފައިވާ ކަމަށް ގަބޫލު ކުރައްވާ ރައީސް އަބްދުﷲ ޔާމީނަށް ތާއީދު ކުރައްވާ މެމްބަރުންނާއި ސުލޫކީ ކޮމިޓީގެ ނިންމުން ސައްހަ ނޫން ކަމަށް ވަކާލާތު ކުރައްވާ ޕީޕީއެމްގެ ރައީސް މައުމޫންގެ ސަޕޯޓަރުންނެވެ.
އިއުލާނު ކުރުމެއް ނެތި ޓޫރިޒަމް ބޭނުމަށް ރަށްތައް ދެވޭ ގޮތަށް ހުށަހެޅި އެ އިސްލާހާ މައުމޫން ފާޅުގައި ދެކޮޅު ހެއްދެވި އެވެ. މައުމޫންގެ ކޮޅު ވަހީދު އޭރު ހިޔާރު ކުރެއްވި ނަމަވެސް އޭނާ މިހާރު ހުންނެވީ ރައީސް ޔާމީންގެ ފެކްޝަންގަ އެވެ. ޕީޕީއެމުން ރޭ ބޭއްވި ކުއްލި ކައުންސިލް ބައްދަލުވުން ދޫކުރައްވައި ނުކުމެވަޑައިގެންނެވި ރައީސް ޔާމީނަށް ތާއީދު ކުރައްވާ ބޭފުޅުންގެ ތެރޭގައި ވަހީދު ހިމެނިވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔޫސުފް
22 July 2016
ވިޕްލައިންއަޅައިގެން ވަކިގޮތަކަށް ވޯޓުލުމަށް މަޖުބޫރުކުރުވުމަކީ، ރައްޔިތުންގެ ހައްގުގައި ވޯޓުލާން ބޭނުންވާމީހާގެ މިނިވަންކަމަށް އަރައިގަތުމެވެ. ޕާލިމެންޓަރީގުރޫޕުބޭނުންކޮށްގެން ގާނޫނުތަކަށް ބަދަލުގެންނަންފެށީމާ، މިހިރަކަހަލަކަންތައް ދިމާވާނެއެވެ. ޕާޓީސިސްޓަމުގެ ހުރި ހަމަނުޖެހޭކަން ރައްޔިތުންނަށް ފެންނާންފަށަނީއެވެ. ދިވެހިރައްޔިތުން، ޕާޓީސިސްޓަމުގެ ކަސްތޮޅުންނެއްޓި، މިނިވަންކަމާއެކު ދިރިއުޅުމަށް އަވަސްވަމާހިނގާށެވެ. ރައޔިތުންގެމަޖިލީސް، ޕާޓީގެމަޖިލީހަކަށް ވިޔަނުދޭށެވެ.
އަޒޫ
21 July 2016
އެއްކުށަށް ދެއަދަބު ދިނުން ކޮންގޮތެއްތީ. ދެން ފެންނާނީ ރައްޔިތުން ހޮވާފަ ހުރި މީހެއް ކަމުގައިވިޔަސް މަޖިލިހުންވެސް ސަސްޕެންޑުކޮށް ބޭރުކޮށްލާތަންކަންނޭނގެ. ބޮޑުވަރު
މޮހޮނޭ
21 July 2016
އަހާ ؟ މިވީ ކިހިނެއް ؟ ފާރިޝް އަކީ ޕީ.ޕީއެމުން ވަކިކޮއްފައި ހުރި މެމްބަރެއް ނޫންތަ ؟ އެކަމަކު އެއްކޮމިޓީއިން ވަކިކޮއްފައި މިލީ އަނެއްކާ އަނެއް ކޮމެޓީއަށް ؟ ކޮމެޓީ މެމްބަރަކަށްވެސް ލާންވާނީ ޕީ.ޕީއެމް މެމްބަރެއްތާ. ޕީ.ޕީއެމް ކޮމިޓީގެ ސްލޮޓަކަށް ފާރިޝް ލީމާ މިބުނެވެނީ އަދިވެސް މީ ޕީ.ޕީއެމް މެމްބަރެކޭނު. މީތި ހަމައެއް ނުޖެހެއެއްނު ؟
ކޮބާ
21 July 2016
ވައްޑޭ މޮޅުތަކެއް ވެއްޖެ؟ ދެންވެސް ރައްޔަތުންގެ ހައްގުގައެޅެދީބަލަ. ތިހެން ރައްޔަތުން ގުނބޯ ނުހައްދާ، އެއީ ގައުމަށް ކަމެއްކޮއްދެވުމަކީ. ނޫނީ ޖަވާބުދާރީ ވާންޖެހޭނެ ހަޑިގޮތަކަށ ދެއްތޯ.
ވިސްނާ
21 July 2016
ވަހީދަށް ވެސް އިތުރު ގޮތެއް ނެތެވެ. ފަޅި ބަދަލުކޮށްގެން ނޫނީ ޖާނާއި މާލުގެ ރައްކާތެރިކަމެއް ނެެތެވެ. އަދި އަނބިދަރިން ދޫކޮށް ހުރަގެއަށް ދާންޖެހިދާނެކަމުގެ ބިރު ބޮޑެވެ. ސުވާލަކީ ސިއްރު ވޯޓެއްގައި މި ބިރުވެރިކަމުގެ ނާޖާއިޒު ފައިދާ ނެގޭނެހެއްޔެވެ.
ވިސްނާ
21 July 2016
މިޔާނޯއަށް ހެޔޮވިސްނުންދެއްވާށި... އަދި ހަމަ ނުވިސްނެނީި... ﷲ މިދުނިޔެއަށް ފޮނުއްވި މަގްސަދު އާއި ބޭނުން ހަމަ ނޭންގެނީ... އިއިންސާނުންގެ ތެރެއިން ވަކިބަޔަކަށް ބާރާއި، ދުނިޔެވީ މުދަލާ މުއްސަނދިކަން ދެއްވަނީ ކީއްވެކަންވެސް ނޭންގެނީ... އިންޝާﷲ އަދި ވިސްނޭނެ...
ހަމަހަމަކަން
21 July 2016
އަހަރުމެން މިތިބެނީ ވިޕްލައިނާ ހިލާފުވި އައްސަދު ވެސް ޑީމޯޓު ވޭތޯ... ބަލަގަ އައްސަދުއެއްނު ފުރަތަމަ ޑީމޯޓް ކުރަންޖެހޭނީ.... ވީ، ދަ ނިކަމެތި ރައްޔިތުން އާ ވެއިޓިންގ....
ނާޒިރު
21 July 2016
ޕާރޓީގެ ޕާލަމެންޓްރީ ގުރޫޕުތަކުގެ ވިސްނުމަކީ ނުރައްކާތެރި ވިސްނުމެކެވެ. އޭގެ މާނައަކީ ޕާރޓީގެ ޓިކެޓެއްގައި ދާމީހަކު އެއީ ޕާރޓީގެ ވިސްނުމުގެ އަޅެކެވެ. ޙައްޤުކަމުގައިވިޔަސް ނުވިޔަސް އެއަށް ސާބަސްދީ އަތްތިލަަބަޑި ތަޅާ ހަދަންޖެހޭނެއެވެ. މި އީ މިބުނާ ވާހަކައަކީ ޖުމްހޫރީ ނިޒާމުގެ ތެރެއިން އިސްލާމްތަޞައްވުރު ގެނައުންވެސް ދުރުވާނެއެވެ.
ކުރުޑު
21 July 2016
ތީ އެއްވެސް ވިޕް ލައިނަކާ ޚިލާފުވީމައެއްނޫން. ތީ ޔާމީނު ބުނާ ގޮތަށް ވޯޓު ނުދޭތީ. ތިހެން އުޅެގެން ތާއީދު ކުރަންތިބި މޭހުން މަދުވާނީ.
ގައިސް
21 July 2016
ފާރިސްގެ މަޝްހޫރުކަން އިތުރުވަނީ. މިދާވަރުން ބަންދުވެސް ކުރާނެ. އޭރުން މަގްބޫލު ރިޔާސީ ކެންޑިޑޭޓަކަށްވާނެ.