އައިޖީއެމްއެޗުގެ ލެބޯޓްރީ އަށް އެސްޓީއޯ އިން ދިން މެޝިން: މީގެ ސަބަބުން ޓެސްޓުތަކުގެ ނަތީޖާ މިހާރަށް ވުރެ އަވަސް ވެގެންދާނެ ކަމަށް ހޮސްޕިޓަލުން ބުނޭ. --ފޮޓޯ: ހުސެއިން ވަހީދު/މިހާރު
15 އެޕްރީލް 2018 - 12:20
11 comments
ބަލި މީހުންގެ ޓެސްޓުތައް އަވަސް ކުރަން، އައިޖީއެމްއެޗުގެ ލެބޯޓްރީ އަށް ޒަމާނީ ފެންވަރުގެ މެޝިނެއް އެސްޓީއޯ އިން ދީފި އެވެ.
ލެ އާއި ޔޫރިން ޓެސްޓުތަކަށް ޚާއްސަ އެ މެޝިނާ އެކު އައިޖީއެމްއެޗުގެ ލެބޯޓްރީ އަށް އިތުރު ކުރިއެރުންތަކެއް ލިބިފައިވާ ކަމަށް އެ ހޮސްޕިޓަލުން ބުންޏެވެ. މިހާރު ވެސް ޒަމާނީ ފެންވަރަށް ތަރައްގީ ކޮށްފައިވާ އެ ލެބޯޓްރީ އަށް އެސްޓީއޯ އިން ދިން ގާތްގަނޑަކަށް ފަސް މިލިއަން ރުފިޔާގެ މެޝިނުގެ ސަބަބުން، ޓެސްޓުތަކުގެ ނަތީޖާ ލިބުން މިހާރަށް ވުރެ އެތައް ގުނައެއް އަވަސް ވާނެ އެވެ.
އެއާ އެކު، ޓެސްޓުތަކަށް ހުސްވެގެން ލެބޯޓްރީ ޓެކްނީޝަނުން ތިބެން ޖެހުމުގެ ބަދަލުގައި ވަރަށް ގިނަ ކަންކަން އަމިއްލަ އަށް އެ މެޝިނުން ކުރެވޭނެ ކަމަށް ވެސް އައިޖީއެމްއެޗުން ބުންޏެވެ.
އެ ހޮސްޕިޓަލްގައި ބޭއްވި ރަސްމިއްޔާތެއްގައި، އެ ތަނުގެ ސީނިއާ ކޮންސަލްޓަންޓް، ޕެތޮލޮޖީ މިލްޒާ ވިދާޅުވީ އާ މެޝިނަކީ އައިޖީއެމްއެޗުގެ މައިކްރޯބަޔޮލޮޖީ އަށް ލިބުނު ވަރަށް ބޮޑު ކުރިއެރުމެއް ކަމަށެވެ. ކަލްޗާ ރިޕޯޓެއް ނިންމަން ބައެއް ފަހަރަށް ތިން ދުވަސް މިހާރު ނެގި ނަމަވެސް އާ މެޝިނާ އެކު އެ މުއްދަތު ވަރަށް ބޮޑަށް އަވަސްވާނެ ކަން އޭނާ ފާހަގަކުރެއްވި އެވެ.
"މި މެޝިންގެ ސަބަބުން، މެނުއަލީ ކުރަމުން އައި ކަންކަމަށް ވަރަށް ބޮޑު ލުޔެއް ލިބޭނެ. ހަތް ދުވަހުން ނިމޭ ބްލަޑް ކަލްޗާ ރިޕޯޓްތައް ވެސް ދެން ލަހެއް ނުވާނެ،" އޭނާ ވިދާޅުވި އެވެ.
އެސްޓީއޯ އިން އައިޖީއެމްއެޗަށް ހަދިޔާކުރި މެޝިން.
ލެބޯޓްރީ ޓެސްޓުތަކުގެ ތަފާސްހިސާބުތައް ނެގުމުގައި ވެސް އެ މެޝިނާ އެކު ލުޔެއް ލިބޭނެ ކަމަށް އައިޖީއެމްއެޗުން ބުންޏެވެ.
އެސްޓީއޯގެ މެނޭޖަރު މުހައްމަދު ވިޝާމް ވިދާޅުވި ގޮތުގައި ސިއްޚީ ޚިދުމަތަށް އަންނަ ތަރައްގީއާ އެކު އައިޖީއެމްއެޗުން އަވަހަށް ޓެސްޓުތައް ނިމި ބަލި މީހުންނަށް ވީހާ ވެސް ފަސޭހަ އިންތިޒާމްތަކެއް ހަމަޖެހިގެން ދިއުމަކީ އެ ހޮސްޕިޓަލުގެ އުއްމީދު ކަމަށެވެ. މި ސަރަހައްދުގެ އެންމެ ކުރިއަރާފައިވާ ހޮސްޕިޓަލްތަކުގައި ބޭނުންކުރާ ފަދަ މެޝިނެއް ދިނީ، އައިޖީއެމްއެޗުގެ އެ އުއްމީދުތައް ފުރިހަމަ ކުރަން އެހީތެރިވެދޭން ކަމަށް ވެސް އޭނާ ވިދާޅުވި އެވެ.
ވިޝާމް ވިދާޅުވީ އެ މެޝިނަށް ބޭނުންވާ ކެމިކަލާއި އެހެން ވެސް ސާމާނު އެސްޓީއޯ އިން ފޯރުކޮށްދޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
15 April 2018
މިހާރު ވެސް ޓެސްޓު ނަތީޖާ ލަހެއްނޫން . ލަސްވަނީ އެޕޮއިންޓްމަންޓް ކިޔު . މި އަވަސް ކުރެވޭނެ ގޮތެއް ނެތްތަ ؟
ޖޫލޭ
15 April 2018
އައިޖީއެމްއެޗުން 9000 އެމްއާރުއައި ހަދާފާ އަހަރަކު 90،000 އެމްއާރުއައި ހަދާވާހަކަ ބުނިދުވަހުން ފެށިގެން ތިހޮސްޕިޓަލާ ގުޅޭ ކަންތަކަށް މާކަ ޝައުގެއް ނުހުރޭ. ތީއަނެއްކާ ހަމަ ރަގަޅު ވާހަކައެއްތަ، އެސްޓީއޯއިން ހަދިޔާ ކުރިއެއްޗެއްތަ. ނޫނީ އައިޖީއެމްއެޗުން އެސްޓީއޯއަށް ހަދިޔާކުރި ރޯދަމަހުގެ އިނާޔަތެއްތަ.
ދެމީދާ
15 April 2018
ދައުލަތުގެ ތިޖޫރީގަ އެއްޗެއް އޮތަސް މާލެއަށް، ބޭރުގައުމަކުން އެހީއެއް ދިނަސް މާލެއަށް، ލޯނެއް ނެގިއަސް މާލެއަށް، ފަޅުރަށެއް ވިއްކާލިއަސް ފައިސާކޮޅު މާލެއަށް، ސަރުކާރު ކުންފުންޏެއްގަ އެއްޗެއް އޮތަސް މާލެއަށް.
އަހްމަދު
15 April 2018
މެޝިނު ދޯނުލިބިގެން މިއުޅެނީ ، ޑަކްޓަރުން ހަމަކޮށްބަލަ
8.17
15 April 2018
މިރާއްޖޭގައި ހުރީ ކިތައް އެސް.ޓީ.އޯ؟ "އައިޖީއެމްއެޗުގެ ލެބޯޓްރީ އަށް އެސްޓީއޯ އިން ޒަމާނީ މެޝިނެއް ދީފި" = ( 8 އެސްޓީއޯ؟ ) "އައިޖީއެމްއެޗުގެ ލެބޯޓްރީއަށް އެސްޓީއޯ އިން ޒަމާނީ މެޝިނެއް ދީފި"
ޚިޔާލް123
15 April 2018
4 ލައްކަ މީޙުންނަށް ފަރުވައިދޭން 1 މެސިން ބަހައްޓައިގެން ނަތީޖައި ރަނގަޅެއްނުވާނެ، އެއީ ގިނަފަހަރަށް ތިޔަމެސިނާ ކުޅެންނޭގިގެން ނުވައިދުވަހު މެސިން ހަލާކްވާނެ، ނޫނީ ދޭންޖެހޭ އާފްޓަރ ސޭލްސާރވިސް ނުދެވިގެން، އަވަހަށް އެހެން މެސިނެއްހޯދޭތޯ ބަލައި، 5 މިލިއަނަކީ މިއަދު މިސަރުކާރަކަށް ބޮޑުއެއްޗެއްނޫންކަންނޭގެ، ކަމުގެ ތަޖްރިބައި ލިބިފައިވާ މީހުން ހޯދައިގެން ތިފަދަ މެސިންތަކާ ކުޅޭނެކަމަށް އުއްމީދު ކުރަން..
ސޮކްތެރެޕީ
15 April 2018
ދަރުމަވަންތަ ހޮސްޕިޓަލޭ ކިޔާބަލަ.
ފަސީ
15 April 2018
ޓެސްޓްތައް އަވަސް ވިޔަސް ތި ޓެސްޓްތަކުގެ ނަތީޖާ ދައްކާ ޑޮކްޓަރުންގެ އެޕޮއިންޓްމަންޓް ލިބެނީ 3 މަސްވަންދެން ކިއުގަ ޖައްސައިގެން. ޑޮކްޓަރަށް ދެއްކޭއިރު ބަލިމީހާ އޮންނަކީ ކިރިޔާ މަރުނުވެ އެހެންނޫނީ މަރުވެފަ. ތިކަންތަކާއެކު އަވަހަށް ޑޮކްޓަރަށްދެއްކޭނެގޮތެއްވެސް ހައްދަވާ ދެއްވާ؟ އާދޭސް ކޮށްފަ ބުނަން.
ގޮއިދޫ މޮހޮނު
15 April 2018
މެޝިނުތައް ޒަމާނީ ވިޔަސް މީހުން ޒަމާނީ ނުވަންޔާ ވާނެ މޮޅެއް ނޯންނާނެ..
ހުވާ
15 April 2018
ތިބުނީ ބަލިމީހުންގެ ވާހަކަ ދެއްތޯ
މެޝިނުހަދާމީހާ
15 April 2018
މިހާރުވެސް ލޭގެ ޓެސްޓްތައް ހެދެޔޭ އަވަހަށް..އެމްއާރްއައި ސްކޭން ހެއްދޭ މެޝިނެއް ހަދިޔާ ކުރިނަމަ..މިހާރުވެސް ކިޔުގައި ހުރެގެން،މަސްދުވަސްވެ ޑަކްޓަރުގެ ވެލިޑިޓީ ހަމަވާއިރުވެސް ސްކޭން ނެހެއްދޭ..އެހެންވީމަ މިކަމަކަށްނު އެސްޓީއޯއިންވެސް އަވަސް ފިޔަވަޅެއް އަޅަންވީ