އުއްތަމަ ފަނޑިޔާރު އަބްދުﷲ ސައީދު މާލެ ގެނައުމަށް ފަހު ގެންދަނީ: އެމަނިކުފާނު ޝަރީއަތް ނިމެންދެން ބަންދުކުރަން ނިންމި ނިންމުން އިސްތިއުނާފް ނުކުރަން އެމަނިކުފާނު ވަނީ ނިންމަވާފައި ----ފޮޓޯ: ހުސެއިން ވަހީދު/މިހާރު
15 އެޕްރީލް 2018 - 13:09
20 comments
އުއްތަމަ ފަނޑިޔާރު އަބްދުﷲ ސައީދުގެ ޝަރީއަތް ނިމެންދެން އެ މަނިކުފާނު ބަންދުގައި ބަހައްޓަން ކްރިމިނަލް ކޯޓުން ކުރި އަމުރު އިސްތިއުނާފް ނުކުރަައްވަން އުއްތަމަ ފަނޑިޔާރު ނިންމަވައިފި އެވެ.
މިިދިޔަ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރަށް ފަހު، ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގައި ހައްޔަރުކުރި އުއްތަމަ ފަނޑިޔާރު އަބްދުﷲ ސައީދުގެ މައްޗަށް ޓެރަރިޒަމްގެ ދައުވާ އާއި އިތުރު ދައުވާތަކެއް އުފުލައި، ޝަރީއަތް ނިމެންދެން އެމަނިކުފާނު ބަންދުގައި ބަހައްޓަން ކްރިމިނަލް ކޯޓުން މިދިޔަ މަހު ވަނީ އަމުރުކޮށްފަ އެވެ. އެ ނިންމުން ހައި ކޯޓުގައި އިސްތިއުނާފް ކުރަން ލިބޭ 10 ދުވަސް ވެސް މިހާރު ވަނީ ހަމަވެފަ އެވެ.
އުއްތަމަ ފަނޑިޔާރު ބަންދުގައި ބަހައްޓަން ކުރި އަމުރު އިސްތިއުނާފް ނުކުރައްވަން އެ މަނިކުފާނު ނިންމެވި ކަން އެ މަނިކުފާނުގެ ވަކީލް ހިސާން ހުސައިން ކަށަވަރުކޮށް ދެއްވި އެވެ. އެކަމަކު އެގޮތަށް ނިންމެވި ސަބަބު ހާމަ ކުރެއްވޭނީ އުއްތަމަ ފަނޑިޔާރާ މަޝްވަރާ ކުރެއްވުމަށް ފަހު ކަމަށް ހިސާން ވިދާޅުވި އެވެ.
އުއްތަމަ ފަނޑިޔާރުގެ އިތުރުން ސުޕްރީމް ކޯޓުގެ ފަނޑިޔާރު އަލީ ހަމީދުގެ މައްޗަށް ވެސް ދައުވާ އުފުލައި، ޝަރީއަތް ނިމެންދެން ވަނީ ބަންދުކޮށްފަ އެވެ. ފަނޑިޔާރު އަލީ ހަމީދުގެ ވަކީލް މަހްފޫޒް ސައީދު ވިދާޅުވި ގޮތުގައި އަލީ ހަމީދު ބަންދުގައި ބަހައްޓަން ނިިންމި ނިންމުން އިސްތިއުނާފް ކުރުމާ މެދު އަދި ވަކި ގޮތެއް ނުނިންމަވަ އެވެ.
އުއްތަމަ ފަނޑިޔާރާއި ފަނޑިޔާރު އަލީ ހަމީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމާއި ކުރީގެ ޕޮލިސް ކޮމިޝަނަރު އަހުމަދު އަރީފާއި ޔުމްނާ މައުމޫންގެ ފިރިކަލުން މުހައްމަދު ނަދީމާއި ރައްޔިތުންގެ މަޖިލީހުގެ ހަތަރު މެމްބަރަަށް ވެސް އެ މައްސަލާގައި ދައުވާ އުފުލައި، ޝަރީއަތް ނިމެންދެން ވަނީ ބަންދުކޮށްފަ އެވެ. އެ ބޭފުޅުން ބަންދު ކުރަން ނިންމި ނިިންމުން ވަނީ އިސްތިއުނާފަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުސެން
15 April 2018
ތިމާ ޜަހީނުކޮށްގެން ގެންގުޅޭ އިރު ކޮން އިސްތިއުނާފު މަރުހަލާއެއް. އުއްތަމަ ފަނޑިޔާރު ގަލުއޮންނަކޮންމެ ދުވަހަކަށް ޔާމީން ޖަލު 1 އަހަރު ހޭދަކުރަންޖެހޭނެކަން އުއްތަމަ ފަނޑިޔާރަށް އެނގިލައްވާނެ.
ތެދުފުޅެއް
15 April 2018
ވެދާނެ ޑީލެއް ހަދަން ދައުވަތު ލިބެނީ ކަމަށް ވެސް...އިސްތިއުފާ ދެއްވާ މަތިން އިއްޒަތުގައި ފުރާ ވަޑައިގަތުމުގެ ދައުވަތެއް ވެސް އެބަ އެބުރޭ ކަމަށް ވެއެވެ. ހެދުނީ ގޯހެއް ކަމަށް ޤަބޫލް ކުރެއްވިއްޔޯ؟
ފައި
15 April 2018
ފޫނެތް ފަޔަކަށް ފެންފުރުމަކީ ވަގުތާއި ހަކަތަ ބޭކާރުވެ ނަތީޖާއެއް ނުނެރެވޭނެ ކަމެއްކަން އަމިއްލަފުޅަށް އެނގިވަޑައިގަންނަވާތީ އިސްތިއުނާފު ނުކުރެއްވީ. އެއީ ދެން މާ ބޮޑަށް ވެސް ޔަގީން ވާކަމެއް. ޔަގީން ސަރުކާރު.
މޮހޮނު
15 April 2018
ދިވެހިރާއްޖޭގެ ޤާނޫނުއަސާސީބުނާގޮތުންޢެއްވެސްމީހަކު ޤާނޫނާޚިލާފައް ހިފާހައްޔަރެއްނުކުރެވޭނެ ޤާނޫނާޚިލާފައްހިފާހައްޔަރުކުރަންޏާ އެތަނެއްގައި ޤާނޫނުއަސާސީއެއްނޯންނާނެ
ކަރުނަ ވަޅު
15 April 2018
ސަބަބަކީ ފަނޑިޔާރުގެ އާއި މެދު އުއްތަމަ ފަނޑިޔާރު ނާއުއްމީދު ވީއެވެ.އުއްތަމަ ފަނޑިޔާރަށް އިންސާފު ނުލިބޭ ފަނޑިޔާރުގެ އެއް( ކޯޓް ތަކެއް) ހުރި ޤައުމެއް މިނޫނީ ކޮބާތޯއެވެ؟
ޢަލިދީދީއައްޑޫސިޓީ
15 April 2018
އިސްތިއުނާފު ނުކުރެއްވީ ކީއްވެކަން ވަރަށް ސާފު އެހެން ނޫންތޯ؟ އެމަނިކުފާނު ހުންނެވީ އަކީ ބަންދެއްގައި ނޫންކަމާއި އަދި ކިއެއްތަ "ގަދަކަމުން ހިޞޯރު ކުރެވިފައިކަން" އެމަނިކުފާނަށް ވެސް ޔަޤީންވެ ކަށަވަރުވާކަން. އެހެން ކަމުން ބަނދު އިސްތިއުނާފު ކުރުމުގެ ބަދަލުގައި އެމަނިކުފާނު ގަދަކަމުން ހިޞޯރު ކުރި އެންމެންގެ މައްޗަށް ދަޢްވާ އުފުއްލެވުމަކީ ކުރައްވާނެ ކަމެއްކަން އެބަ ޔަޤީންވޭ!
ޓްރާންސްމީޓަރ
15 April 2018
މިވަގުތު މިރާއްޖޭގެ ކަންތައް ހުރިގޮތަށްބަލާއިރު ތިޔައީ 100 ގެ ނިންމެވުމެއް
ޚިޔާލް123
15 April 2018
ޢަޅުގަނޑު ނެތިން ބުނާކަށް ތިމާމެން އަމިއްލަ އަތުން ފެހިކޯޓް ހެޔޮވަރު ތޯ ތިމާމެން އަމިއްލަ އަށް ރަގަނޅުތޯ ބެލުމޭ! މިއަދު ދެޤާޒީން އެދަނީ ހުރިހައި ކަމެއްވެސް ޓެސްޓްކޮށް އަދުލުގެ ނިޒާމް ބައްޓަންވެފައިވައިގޮތް އަމިއްލައަށް ތަޖްރިބާ ކުރަމުންނެވެ. މީގައި އަޅުގަނޑުމެން ދައްކާނެ ވާހަކައެއް ނެތެވެ، ޤާނޫނު ހެދީ އަދި މާނަކުރީވެސް އެދެބޭފުޅުންނެވެ، މިއަދުގެ ހާލަތަކީ ތިމާމެން ކެހިކަނޑުލުގެ ހިތިތިމާމެން ފިލުވުމެވެ.
ބުރާންތީ
15 April 2018
މިހާރު ދެން ވާނި ތިކަހަލަ ގޮތެއް، ބާރު އޮތްދުވަހު ކަންކުރީ ހިތުހުރި ގޮތަކަށް ދޯ
ބޭރު
15 April 2018
އުއްތަމަ ފަޑިޔާރު ހައްޔަރު ކޮށްފައިވަނީ ގާނޫނާ ހިލާފަށް، ވީމާ، ގާނޫނާ ހިލާފަށްކޮށްފައިވާ ކަމެއްގެ ސަބަބުން އުފެދުނު ކަމެއްގެ އިސްތިއުނާފަށް ދިއުމަކީ އެކަން ގަބޫލު ކުރުން ކަމަށް ވެދާނެއެވެ.