ކުރީގެ އަރަބިއްޔާ ހުރި ބިމުގައި އިމާރާތް ކޮށްފައިވާ ފްލެޓުތައް. ޓާޓާ އިން ހެދި ހުރިހާ ފްލެޓެއް މިހާރު ވަނީ ވިއްކައި ނިންމާފައި. - މިހާރު ފައިލް ފޮޓޯ
15 އެޕްރީލް 2018 - 20:25
11 comments
އިންޑިއާގެ ޓާޓާ ކުންފުނިން މާލޭގައި އިމާރާތްކުރި ފްލެޓްތަކުގެ ތެރެއިން ބާކީ 47 ފްލެޓް ވިކި ހުސްވެފައިވާ ކަމަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން މިއަދު ބުނެފި އެވެ.
އެޗްޑީސީން މިއަދު ހަވީރު ނެރުނު އިއުލާނެއްގައި ބުނެފައި ވަނީ ދެވަނަ ބުރުގައި ވިއްކަން ހުޅުވާލި ފްލެޓް ގަތުމަށް ހުށަހެޅި ފަރާތްތަކުގެ ތެރެއިން، ސައްހަ ލިޔުން ހުށަހެޅި ފަރާތްތަކާ ގުޅިގެން ވިއްކުމުގެ ހުރިހާ މަރުހަލާތައް އެ ކުންފުނިން ކުރިއަށް ގެންދާނެ ކަމަށެވެ.
އެޗްޑީސީން މިދިޔަ ހަފުތާގެ އަންގާރަ ދުވަހު ވިއްކަން ހުޅުވާލީ ކުރިން އަރަބިއްޔާ ސްކޫލް ހިންގި ބިން، މއ. ވޭސައިޑްގައި ހުރި 10 ފްލެޓަކާއި އަމީނީމަގުގައި ކުރިން ގާކޮށި ހުރި ތަނުން 37 ފްލެޓެވެ. އަދި އެ އިން ކޮންމެ ފްލެޓެއް ވިއްކަން ހުޅުވާލީ ދެ މިލިއަން ރުފިޔާ އަށެވެ.
އެޗްޑީސީން ވިއްކަން އިއުލާންކުރި 161 ފްލެޓްގެ ތެރެއިން މިހާތަނަށް ނުވިކި ހުރި 47 ވިއްކަން ހުޅުވާލުމުން، ފްލެޓްތަކަށް ކުރިމަތިލުމަށް ހަދާފައިވާ އޮންލައިން ޕޯޓަލް މެދުވެރިކޮށް ފްލެޓް ގަންނަން ހުށަހެޅުމަށް ދިނީ ކޮންމެ މީހަކަށް 30 މިނިޓެވެ. އަދި ފައިސާ ހަމަޖެހިފައިވާ ކަމުގެ ލިޔުން ހުށަހަޅަން ފަސް ދުވަހުގެ މުއްދަތެއް އެ ކުންފުނިން ދީފައި ވެ އެވެ.
އަރަބިއްޔާ ސްކޫލް ހުރި ތަނުގައި މާލޭ ގްރޭންޑްގެ ނަމުގައި ހަދާފައިވާ ފްލެޓްތަކާއި ގާކޮށީގައި މާލޭ ސްކޮއާގެ ނަމުގައި ހަދާފައިވާ ފްލެޓްތަކުން އޮންލައިން މެދުވެރިކޮށް ފްލެޓް ވިއްކަން އެންމެ ފުރަތަމަ ހުޅުވާލީ މިދިޔަ ޖެނުއަރީ 31 ވަނަ ދުވަހު އެވެ.
އެ ދެ ތަނުގައި ހަދާފައިވާ 264 ފްލެޓުގެ ތެރެއިން 105 ފްލެޓް ވިއްކާލަން މިދިޔަ އަހަރުގެ ޑިސެމްބަރު މަހު ހުޅުވައިލުމުން އެތައް ބަޔަކު މި ފްލެޓްތައް ގަތުމަށް ކިޔޫ ޖެހުނެވެ. ނަމަވެސް ރައްޔިތުން ކިޔޫ ޖައްސައިގެން ފްލެޓް ވިއްކުމަކީ ސަރުކާރުން ގަބޫލުކުރާ ކަމެއް ނޫން ކަމަށް ބުނެ، އޮންލައިންކޮށް ވިއްކަން ހަމަޖެއްސީ އެވެ.
ތިން ކޮޓަރި އާއި ދެ ފާޚާނާ އަދި ބަދިގެ ހިމެނޭ ފްލެޓްތަކުގެ ތެރެއިން ގާކޮށިން 161 ފްލެޓް ވިއްކަން ހުޅުވާލީ ފްލެޓްތައް ލިބުނު މީހުން ދައްކަންޖެހޭ ފައިސާ ސަރުކާރަށް ނުދެއްކުމުންނެވެ. ބައެއް މީހުންނަށް ފައިސާ ނުދެއްކުނީ، މި މަޝްރޫއު ހުޅުވައިލި އިރު ފްލެޓްތައް ވިއްކަން ކަނޑައެޅި އަގަށް ވުރެ މާ ބޮޑު އަގަކަށް ވިއްކަން ނިންމުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސް.
16 April 2018
ވަރަށް މަޖާކޮށް ހިގާ ކަމެއް މީ.. ބަންދު ދެދުވަސް އިއިލާން ކުރި ދުވަހުން ކަޑާލީމާ ސަރުކާރު ހުޅުވިފައި އިން ތިންދުވަސް . ބީއެމް އެލް އިން ހޯމްލޯނަކަށް އެލިޖިބިލިޓީ ލެޓާ ލިބޭނެ ކަމަށް ބުނަނީ އެންމެ މަދުވިޔަސް ހުޅުވިފައި އިންނަ ތިންދުވަސް ފަހުން.
ބެއްޔާ8
16 April 2018
ރަށްފުށު މީހުންނަށް މާލެ އާއި ހުޅުމާލެ އިން ފުލެޓް ދީދީ ހުސްވެއްޖެ.
އުމަރު
16 April 2018
ސަރުކާރުން ފުލެޓްދިނީމަ ރިޝްވަތެއްނޫން، އަމިއްލަ މީހަކު އަމިއްލަ މީހަކަށް ފުލެޓެއް ދީފިއްޔާ އެއީ ސަރުކާރު ވައްޓާލަން ނުފޫޒް ފޯރުވަން ވަރަށް މަޖާކަމެއް
ޢަމީން
16 April 2018
މާލޭ މީހުން ބައިތިއްބައިފަ ރާއްޖެތެރޭ އާބާދީ ބޮޑުރައްތަކަށް ފުލެޓް ވިއްކައި މާލޭ ރައްޔިތުން ބިކަވަނީ މާލޭރައްޔިތުންނައް ރާއްޖެތެރޭ ފްލެޓް ނުލިބެ ރާއްޖެތެރޭމޫނަށް މާލޭންވެސް ރާއްޖެތެރޭންވެސް އެއްފަސްކުރަން އަޅައދިންގެތައްވެސް ރަށުގައި ކުއްޔައްދީފަ އެންމެން މާލޭންވެސް ފްލެޓް މިހާދަ ދެރަކޮށް ހިނގާކަމެކޭ..
ޔާން
16 April 2018
އަދި ފައިސާ ހަމަޖެހިފައިވާ ކަމުގެ ލިޔުން ހުށަހަޅަން ފަސް ދުވަހުގެ މުއްދަތެއް އެ ކުންފުނިން ދީފައި ވެ އެވެ. “މި ކަޑައެލިގެން ދޮގު”ރަޖިސްޓްރީ ވުމުގެ ކުރިން ހުށަހަލަންޖެހޭ ލިޔުންތަކުގެ ތެރޭގައި ހިމެނޭ ބޭންކް ލެޓަރ ހުށަހެލުމަށް... ޕޯޓަލްގައި ލިޔެފައިވޭ....
ވިކި
16 April 2018
މޮޅު ކަމަކީ މިކަން ކުރާގޮތް އެގޭކަމަށް ކޮމެންޓް ކުރާ މީހުންނަކީ މިކަން މިގޮތަށް ކުރަން ބޭނުންވެ އެފުރުސަތު ނުލިބޭ މީހުންނަށް ވާތީ.. މިބުނީ އަޑއަޑިން ފުލެޓް ހޯދާވާހަކަ....
މަހާރަދުން
15 April 2018
ވިކި ނިމިއްޖެ ކަން އެނގުނު މިއަދުގެ ފުލުހުންގެ ސްޓޭޓްމަންޓް އިން
ޔާމިން
15 April 2018
ކިހާވަރެއް ޖީބައްލާން ލިބުނުބާ؟
މުުސާދީ
15 April 2018
މިއީ ވަރަށް މަޖާކަމެއް. މިކަންކުރާ ގޮތްވެސް ވަރަށް މަޖާ. ލިބޭ ފަރާތްވެސް ވަރަށް މަޖާކޮށް މާކުރިން ނިންމާފަ އޮވެއޯ ކިޔާ އަޑު އިވޭ!
ޓާޓާ
15 April 2018
އަދި ފަސް ދުވަސްވެސް ނުވޭ، ޢަޑިއަޑިން ނިންމާލީދޯ.
ރަށު މީހާ
15 April 2018
ހުޅުވާލިއިރުވެސް ވިކި ހުސްވެފަ ހުރީ. ތީ ހަމަ އަޅުވާލި ޤާނޫނީ އަނދުނެެއް.