ކުޑަހުވަދޫ އެއާޕޯޓަށް ޖެއްސި ފުރަތަމަ ޓެސްޓް ފްލައިޓް: މިއީ ޕްރައިވެޓް ޖެއްސޭ ގޮތަށް ހެދި ފުރަތަމަ ޑޮމެސްޓިކް އެއާޕޯޓް
17 އެޕްރީލް 2018 - 18:35
9 comments
ދ. އަތޮޅުގެ ރިސޯޓުތަކަށް ޕްރައިވެޓް ޖެޓްގައި ދާން ބޭނުންވާ ޓޫރިސްޓުންނަށް ކުޑަހުވަދޫ އެއާޕޯޓު ހުޅުވާލައިފި އެވެ.
ކުޑަހުވަދޫގައި ތަރައްގީކޮށްފައިވާ "ދާލު އެއާޕޯޓް" ހިންގަނީ ރިއޯލޯ ހިއްސާވާ ދާލު އެއާޕޯޓް ހޯލްޑިން ޕްރައިވެޓް ލިމިޓެޑުންނެވެ. ދާލު އެއާޕޯޓަށް ފުރަތަމަ ފްލައިޓް ޖެއްސީ ޖޫން، 1، 2017 ގަ އެވެ. ނަމަވެސް އެ އެއާޕޯޓު ރަސްމީކޮށް ހުޅުވީ މިދިޔަ އަހަރުގެ ނޮވެމްބަރު އެއްވަނަ ދުވަހު އެވެ.
ދާލު އެއާޕޯޓް ހޯލްޑިންގެ އޮފިޝަލަކު މިއަދު ވިދާޅުވީ ދާލު އެއާޕޯޓް ތަރައްގީ ކޮށްފައި ވަނީ ޕްރައިވެޓް ޖެޓް ޖެއްސޭ ފެންވަރަށް ކަމަށް ވާތީ، އެ އެއާޕޯޓަށް މިހާރު ޕްރައިވެޓް ޖެޓް ޖައްސަން ފަށާފައިވާ ކަމަށެވެ. އެގޮތުން މިހާތަނަށް ހަ ޖެޓް ޖައްސާފައިވާ ކަމަށް ވެސް އޭނާ ވިދާޅުވި އެވެ.
"މި އެއާޕޯޓަށް ޕްރައިވެޓް ޖެޓް ޖައްސާ ކަމަށް ވާ ނަމަ ކޮންމެ ޖެޓަކަށް ވަކިވަކިން ހުއްދަ ނަގަން ޖެހޭ. ނަމަވެސް އިންޓަނޭޝަނަލް ފްލައިޓް އޮޕަރޭޓް ކުރަން ފެށީއެއް ނޫން،" އެ އޮފިޝަލް ވިދާޅުވި އެވެ.
"މިއީ މި ސަރަހައްދުގެ ރިސޯޓުތަކަށް ޕްރައިވެޓް ޖެޓްތަކުގައި އަންނަން ބޭނުންވާ ޓޫރިސްޓުންނަށް ލިބުނު ވަރަށް ބޮޑު ފަސޭހައެއް."
އޭނާ ވިދާޅުވީ އެ އެއާޕޯޓުގައި 12 ޕްރައިވެޓް ޖެޓް ޕާކުކުރުމުގެ ޖާގަ ހަދާފައިވާ ކަމަށެވެ.
ދާލު އެއާޕޯޓް ހިންގާ ދާލު އެއާޕޯޓް ހޯލްޑިންގް އިން 64.81 ހެކްޓަރުގެ ބިން ހިއްކައިގެން 1،800 މީޓަރުގެ ދިގު ރަންވޭއަކާ އެކު ހެދި އެއާޕޯޓުގައި 42 ބޯޓަށް އެއްފަހަރާ ހިދުމަތް ދެވެ އެވެ. އޭގެ ތެރޭގައި އެތެރޭގެ އުދުހުންތަކުގައި އާއްމުކޮށް ބޭނުންކުރާ ޑޭޝް-8 އަދި އޭޓީއާރު-72 މަރުކާގެ ބޯޓުތައް ހިމެނޭއިރު، މިއީ އަމިއްލަ މީހުންގެ ޖެޓުތައް ވެސް ޖެއްސޭ ގޮތަށް ރާއްޖޭގައި ތަރައްގީކުރި ފުރަތަމަ ޑޮމެސްޓިކް އެއާޕޯޓު ވެސް މެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީނާޝް
18 April 2018
ބިރުވެރިކަމެއް! ތިޔަ އެއާޕޯޯޓް އިންޓަނޭޝަނަލް އެއާޕޯޓަކަށް ބަދަލުނުކޮށް އިމިގްރޭޝަން އަދި ބޯޑަރ ސިސްޓަމްފަދަ ވަސީލަތްތަށް ގާއިމުނުކޮށް ސީދާ ބޭރުން ރާއްޖެއަށް ވަދެވޭގޮތްވީމާ ކޮންމެފަދަ މީހަކު ކޮންމެފަދަ އެއްޗެއްހިފައިގެން އަޔަސް ނޭންގޭނެ.
ކުޑަހުވަދޫ
18 April 2018
ތި އެއާޕޯރޓް ތަރައްޤީ ކޮއްގެން ރައްޔިތަކަށް ލިބުނު އެއްވެސް ފައިދާއެއް ނެތް. 1- އާންމް ރައްޔިތަކަށް ޓިކެޓެއް ލިބެނީ ގެސްޓުންނަށް ދީފަ ބާކީ އޮތިއްޔާ 2- ފެއާރ ޓިކެޓް އޭ ކިޔާފަ ހުރިހާ ސީޓްތައްހުންނަނީ ޑިޕާރޗާރ ޑޭޓަށް އެއްދުވަހައްވަންދެން ބުލޮކް ކޮއްފަ. ދުވަހަކުވެސް ފެއާރ ޓިކެޓެއް ނުލިބޭ. ފެއާރ ޓިކެޓް ހޯދަންޖެހެނީ ބޮޑެތިމީހުންނަށް ގުޅައިއާދޭސް ކޮއްގެން، އެވެސް ލިބެނީ ބޮޑުންގެ ގާތްމީހުންނަށް. 3- ޢާންމް ރައްޔިތުންނަށް ވިއްކާ އަގައްވުރެއް ޓޫރިސްޓުންނަށް ދެކޮޅު ޓިކެޓްވިއްކާ އަގު ހެޔޮ. މީވަރައްވާހަކަ، މިހާރު ނޫހުން މިކަން ތަޙްޤީޤް ކޮއްދިނުމަށް ގޮވާލަން. މީ ހަޤީގަތަކީ. ހަމަ ރައްޔިތުންގެ ލޭބޮނީ.
ާކުޑަހުވަދޫ މީހާ
17 April 2018
ތީ ދޮގު ވާހަކަ އެއް!! އަދި 6 ޖެޓެއް ނުޖައްސާ!!
ރޯދި
17 April 2018
ވަރަށް ޗާލު ފުރިހަމަ އެއާޕޯޓެއް. ކުޑަހުވަދޫ ހިތްގައިމު ރަށެއް..
އުދޭ
17 April 2018
ތި އެއާޕޯޓަކީ މުވައްޒަފުންނަށް އެއްވެސް ވަރަކަށް ބަލާ މުވައްޒަފުންނަށް ރަގަޅު ގޮތް ހަދާ މެނޭޖުމަންޓެއް އޮތް ތަނެއްނޫން. މަސް ނިމި އަނެއް މަހުގެ 10 އަކަށް ދާއިރުވެސް މުސާރަކޮޅު ޖަމާކޮށް ނުލެވޭ. މީ ދެރަ ވަރު ކަންކަން
ކޮބާ
18 April 2018
ދ. އަތޮޅު ހުރިހާ ފަޅު ރަށެށް ތިތާ ވެރިންނައް ދޭން ގޮވާލާ. އަދިވެސް އެމީހުން ފަޤީރީ...
ހޯރަފުށީ ދާއިރާ
17 April 2018
ކޮބާހޭ ކޮބާހޭ ހޯރަފުށީ ދާއިރާގަ ރައީސް އަޅާދޭން ބުނި އެއާރފޯޓް. އިންތިޒާރު ކޮށް ކޮށް މިހާރު މާޔޫސްވާ ހިސާބަށް ހިގަންޖެ.
އިހަވަންދޫ ދާއިރާ
18 April 2018
ކޮބާހޭ ރައީސް ޔާމީނަށް ކުރި ތާއީދު؟ އެދިޔައީ ކޮންތާކަށްހޭ؟! އޭގެ ފަހުން އެއަރޕޯޓުގެ ވާހަކަ ދައްކާށޭ..! ނޫނީ ތާއީދުކުރާ ބަޔަކު އައިސް އެއަރޕޯޓު ހަދާ ދެންދެން މަޑު ކޮށްލާށޭ..!
އިބްރާ
18 April 2018
ހުރިހައި އެންމެން ކުޅުދުއްފުއްޓަށް ބަދަލުވޭ. އެތާނުގަ އެއަރޕޯޓާއި އެހެނިހެން ޚިދުމަތަށްވެސް ރަނގަޅުވާނެ.