ރާއްޖޭގައި ފުރަތަމަ ޕީއެޗްޑީ ހެދި ދެ ބޭފުޅުންނާ ރައީސް ބައްދަލުކުރައްވައިފި

ރާއްޖޭގައި ފުރަތަމަ ޕީއެޗްޑީ ހެދި ދެ ބޭފުޅުން ކަމަށްވާ ޑރ. އާއިޝަތު އަލީ (ކ) އަދި ޑރ. ސުނީނާއާ، ރައީސް ޔާމީން މިއަދު ބައްދަލުކުރައްވަނީ.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

23 އެޕްރީލް 2018 - 15:12

9 comments

ރާއްޖޭގައި އެންމެ ފުރަތަމަ ޕީއެޗްޑީ ހާސިލް ކުރެއްވި ދެ ބޭފުޅުންނާ، ރައީސް އަބްދުﷲ ޔާމީން މިއަދު ބައްދަލު ކުރައްވައިފި އެވެ.

މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) އިން ޕީއެޗްޑީ ހާސިލްކުރި ޑރ. ސުނީނާ ރަޝީދާއި ޑރ. އާއިޝަތު އަލީއާ ރައީސް ބައްދަލު ކުރައްވައި މަރުހަބާ ދެންނެވީ، ރައީސް އޮފީހުގައި ބޭއްވި ރަސްމިއްޔާތެއްގަ އެވެ. މި ބައްދަލުކުރެއްވުމުގައި ދެއްކެވި ވާހަކަފުޅުގައި، އެ ދެ ބޭފުޅުން ކޮށްދެއްވަމުން އަންނަ ހިދުމަތަށް ރައީސް ޝުކުރު ދެންނެވި އެވެ.

އެ ދެ ބޭފުޅުންގެ ތެރެއިން ސުނީނާ ޕީއެޗްޑީ ހާސިލް ކުރެއްވީ ރައީސްގެ ސްކޮލަޝިޕެއްގަ އެވެ.

ރާއްޖޭގައި އެންމެ ފުރަތަމަ ޕީއެޗްޑީ ހާސިލްކުރި ދެ ބޭފުޅުން ކަމަށްވާ ޑރ. އާއިޝަތު އަލީ (ކ) އަދި ޑރ. ސުނީނާ، ރައީސް ޔާމީނާއެކު ބޭއްވި ބައްދަލުވުމުގައި ބައިވެރިވެވަޑައިގަންނަވަނީ. --ފޮޓޯ: ރައީސް އޮފީސް

ތައުލީމީ ދާއިރާ އިން ޕީއެޗްޑީ ހެދި ދެ ބޭފުޅުން ވެސް ދަސްވެނިވެފައިވަނީ މިދިޔަ މަހު، އެމްއެންޔޫގެ ދަސްވެނިވުމުގެ ހަފުލާގަ އެވެ.

ރައީސް އޮފީހުގެ ވެބްސައިޓުގައި ބުނެފައިވާ ގޮތުގައި، އެ ދެ ބޭފުޅުންނާ ބައްދަލުކުރައްވައި ރައީސް ވަނީ، ދީނާއި ގައުމާއި ވަތަން ދެކެ ލޯބިވުމަށް އެދިވަޑައިގެންފަ އެވެ. އަދިި ކޮންމެ ހާލެއްގައި ވެސް ރާއްޖޭގެ ދާހިލީ ކަންކަމުގައި ބޭރުގެ ފަރާތްތަކަށް ބަސްބުނުމުގެ ޖާގަ ނުދިނުމަށް ރައީސް ނަސޭހަތްތެރިވެ ވަޑައިގެންނެވި އެވެ.

އެ ބައްދަލުކުރުމުގައި ވާހަކަދައްކަވަމުން އެމްއެންޔޫގެ ޗާންސެލާ ޑރ. މުހައްމަދު ލަތީފު ވިދާޅުވީ، އެއީ އެ ޔުނިވާސިޓީން ޕީއެޗްޑީ ހާސިލްކުރި ފުރަތަމަ ފަހަރު ކަމުގައ ވިއަސް، ކިޔެވުމުގެ ފެންވަރު ހިފެހެއްޓުމަށް ގިނަ މަސައްކަތްތަކެއް ކުރަައްވާފައިވާނެ ކަމަށެވެ.

MNU gai furathama faharah PhD hadhaifi

The most trusted news source in the Maldives

Mihaaru

ތައުލީމް ދިވެހި ގައުމީ ޔުނިވަސިޓީ ރައީސް އަބްދުﷲ ޔާމީން ޕީއެޗްޑީ

9 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕެނިކްފަރީދާ

23 April 2018

ވޯޓްލާ ދުވަސްވަރު ކައިރިވާތީ ރައީސް ދެން ފެންނާނެ ކަންމަތީ ފިހާރައިން ސައިބޯންޏެއް ގަންނަން ހުުއްޓާވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާފިރު

23 April 2018

ޑރ އައިސްތު އަކީ ހަމަ ޓްރޫ އިންސްޕިރޭޝަންއެއް. އަޅުގަނޑާ ދިމާވީ ރެޖިސްޓްރަރ އަކަށް އުޅުއްވިއިރު. އެދުވަހުވެސް އަޅުގަނޑާ ވާހަކަ ދެއްކެވި ގޮތުން ވަރަށް އުފާވި. ވަރަށް ހިތް ހެޔޮ މާތް ބޭކަނބަލެއް އެއީ. މިއަދު އެނގިއްޖެ ހަމަ އެހާމެ ޢިލްމުވެރިވެސް ބޭކަނބަލެއްކަން އެއީ. 2 ބޭފުޅުންނަށް މަރުހަބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރިވަރެއް

23 April 2018

ވަރަށް އުފާވޭ އައިސްތު މިސްގ ކާމިޔާބީ ފެނުނީމަ. އަޅުގަނޑުވެސް މިސް ކަހަލަ މީހަކަށްވޭތޯ މަސައްކަތް ކުރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްޕޯ

23 April 2018

ދެން ފިލައެއް ދެއްވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޒީ

23 April 2018

އައިސްތު މިސް އަކީ ހަމަ ފިސާރި ކަނބަލެއް. އެއޮށް ބުރަކޮށް މަސައްކަތް ކުރަމުންވެސް ކޮލިޓީ ހުރި މޮޅު ތީސީސްއެއް އެ ފުރިހަމަ ކުރެއްވީ. މިސްއަށް އައްސަރި ބަހާ ސާބަސް.