ޑިޖިޓަލް އެކްރޭގެ ހިދުމަތް މިނިސްޓަރު ނާޒިމް ފައްޓަވައިދެއްވަނީ-- ފޮޓޯ: ހެލްތު މިނިސްޓްރީ
30 އެޕްރީލް 2018 - 12:31
6 comments
ހއ. އަތޮޅު ހޮސްޕިޓަލުގައި އިއްޔެ އާ ތިން ހިދުމަތެއް ތައާރަފްކޮށް އެ ހިދުމަތްތައް ދޭން ފަށައިފި އެވެ.
ހއ. ދިއްދޫގައި ހުންނަ އެ ހޮސްޕިޓަލަށް 50 އަހަރު ފުރުން ފާހަގަ ކުރުމަށް އިއްޔެ ބޭއްވި ރަސްމިއްޔާތުގައި އަލަށް ތައާރަފު ކުރި ހިދުމަތްތަކަކީ، ދަތުގެ ފަރުވާ އާއި ތައިރޮއިޑް ޓެސްޓު ކުރުމުގެ އިތުރުން ޑިޖިޓަލް އެކްސްރޭ ނެގުމުގެ ހިދުމަތެވެ. މި ހިދުމަތްތައް ފައްޓަވައިދެއްވީ ހެލްތު މިނިސްޓަރު އަބްދުﷲ ނާޒިމެވެ.
އެ ހޮސްޕިޓަލްގެ މެނޭޖަރު މުހައްމަދު ހަސަން މިއަދު ވިދާޅުވީ މީގެ ކުރިން އެ ހިދުމަތްތައް ހޯދަން އެ އަތޮޅު މީހުން ދާން ޖެހެނީ ހދ. ކުޅުދުއްފުއްޓަށް ކަމަށާއި އިއްޔެ ފެށި ހިދުމަތްތަކާ އެކު ރައްޔިތުންނަށް ބޮޑު ލުޔެއް ލިބިގެން ދާނެ ކަމަށެވެ.
"ޑޮކްޓަރުންނާ ހުރިހާ ވަސީލަތެއް ހުރީ ހަމަޖެހިފަ. މިހާރު ހިދުމަތް ދެމުން މި އަންނަނީ. ޑިޖިޓަލް އެކްސްރޭ ވީމަ އަވަހަށް އެ ހިދުމަތް ދެވޭނެ. އަނެއްކާ ނަތީޖާ ސީޑީގައި ދެވޭނެ،" މުހައްމަދު ވިދާޅުވި އެވެ.
އޭނާ ވިދާޅުވީ ކުރިމަގުގައި އިތުރު ހިދުމަތްތަކެއް ފެށުމަށް ނިންމާފައިވާ ކަމަށެވެ. އެ ގޮތުން ކިޑްނީގެ މައްސަލަ ހުންނަ މީހުންނަށް ފަރުވާ ދިނުމަށް ޑައިލަސިސް ހެދޭނެ އިންތިޒާމު، ވަރަށް އަވަހަށް ހަމަޖެހިގެންދާނެ ކަމަށް އޭނާ ވިދާޅުވި އެވެ.
ސާދަ ރަށުގައި މީހުން ދިރިއުޅޭ ހއ. އަތޮޅުގެ މީހުން ގިނަ ބޭނުންތަކަށް ގޮސް އުޅެނީ ވެރިކަން ކުރާ ދިއްދުއަށެވެ. އެއީ ސިއްހީ ހިދުމަތްތައް ހޯދުމަށާއި ވިޔަފާރި ކުރުން ފަދަ އެކިއެކި ބޭނުންތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައުގީ
30 April 2018
އަޑުއެހިތާ މިހުރީ ، 50 އަހަރު ފުރިގެން ޖަލްސާއެއް ބޭއްވިތަ؟
ހެހެހޭ
30 April 2018
ކުރާނެ ކުރާނެ. މި ސަރުކާރުން ހުރިހާކަމެއް ވެސް ކުރާނެ. ދެންތިބިމީހު ހަމަ ޖެހޭނީ ބަލަހައްޓައިގެ ތިބެން. ވަރަށް ވެދުން
އުތުރުބަނދަރު
30 April 2018
ދިއްދޫގަ ތިޔަނޫނީ ތިހާ ވަނދުކޮށް ގެންދިޔަ ރަސްމިއްޔާތެއް ދުށީމުތަ ތިހަމަ މެނެޖަރު ވަނދުކަމުން ފޫހިވަނީ ތިޔަ ކީއްވެހޭ މެހެން މިވަނީ ކޭއްވެހޭ
އަތޮޅުހޮސްޕިޓާ
30 April 2018
ބޮޑު ތިލަދުންމަތީގެ ދިއްދޫ އަތޮޅު ހޮސްޕިޓަލްގެ ރަންޔޫބީލް ގެ 50 އަހަރު ފާހަގަ ކުރުން ގެނދިޔަލެއް މާބޮޑަށްވެސް ވަނދު ތިކަމަކީ ތިޔަށްވުރެ މާ ފުންކޮށް ފުޅާކޮށް ދިޔަހެއުކޮށް ގެންދަން ޖެހޭ ކަމެއް މުހަންމާމެންގެ ކަމެއް ނެތީމަ ވާނީ މިހެން އެމީހަކަށް އެނގޭވަރަކަށް އެމީހަކު ކަންކުރާނީ
ތިލަދުންމަތީގެވެރިރަށުން
30 April 2018
ކުރީގެ ރައީސުން ފަދައިން ރައީސްޔާމީނުވެސް ދިއްދޫއަށް ޚާއްޞަ ވަނީބާ؟
ޢަބްދުﷲނާފިޒް
30 April 2018
ރަނގަޅު، ތިހެން ކޮށްދޭކަންކަން ބަލައިގެން އަހަރުމެން އަތްޖަހާނަން، އެކަމަކު ވޯޓެއް ނުދޭނަން، މި ރައީސް އަށް ވޯޓު ދޭނެ ހަމަ އެއްވެސް ގޮތެއް ނެތް، ހަމަ ނުދޭނަން. މިއަހަރު ޝިޢާރަކީވެސް އެއީ، "ރައީސް ޔާމީނަށް ވޯޓު ނުދިނުން".............