މައުމޫން ހައްޔަރުކުރުމުގެ ކުރިން ފާރިސްއާ ބައްދަލުކުރައްވަން މާފުށީ ޖަލަށް ވަޑައިގަތުމަށްފަހު މައުމޫނާއެކު. އާއިލާ ސަލާމަތްކޮށްދޭން އިންޑިއާގެ އެހީއަށް ދުންޔާ ވަނީ ގޮވާލާފައި.
01 މެއި 2018 - 13:15
45 comments
ޖަލުގައި ހައްޔަރުކޮށްފައިވާ ބައްޕާފުޅު އަދި ކުރީގެ ރައީސް މައުމޫން އަބްދުލް ގައްޔޫމާއި އާއިލާގެ އެހެން ބޭފުޅުން ސަލާމަތްކޮށްދިނުމަށް ދުންޔާ މައުމޫން އިންޑިއާގެ އެހީ އަށް އެދިވަޑައިގެންފި އެވެ.
މައުމޫންގެ ދަރިކަނބަލުން އަދި ކުރީގެ ފޮރިން މިނިސްޓަރު އެކަމަށް އެެދިވަޑައިގަތީ މިހާރު އިނގިރޭސިވިލާތަށް ކުރައްވާ ދަތުރުގައި ޑެކަން ކްރޮނިކަލް ނިއުސް އަށް ދެއްވި އިންޓަވިއުއެއްގަ އެވެ. ދުންޔާ ވިދާޅުވީ ރާއްޖެއިން ޑިމޮކްރަސީ ނެތިގެން ހިނގައިދާނެކަމުގެ ތަޖުރިބާކުރެވެމުން ދާ ކަމަށެވެ. އަދި ކުރިޔަށް އޮތްތަނުގައި ދިމާވާނެ ހާލަތެއް އެނގިވަޑައިނުގަންނަވާ ކަމަށް ވެސް އޭނާ ވިދާޅުވި އެވެ.
"ބޭނުން ޖެހޭ ވަގުތުތަކުގައި ރައްޓެހިގެން އެހީތެރިކަން ބޭނުންވާނެ. އިންޑިއާ އަޅުގަނޑުމެންނާ އެކީ އޮތުމަކީ މުހިންމު ކަމެއް، އެކަން ފެންނަމުންދޭ. ރާއްޖެ އާއި ދިވެހިން ބޭނުންވޭ އިންޑިއާގެ އެހީތެރިކަން ލިބެން އޮތް ކޮންމެ ގޮތަކަށް ވެސް. އެކަމަކު ލަފާދިނުމުގެ ރޯލެއް އަދާކުރަން ބޭނުންވަނީ،" ދުންޔާ ވިދާޅުވި އެވެ.
އޭނާ ވިދާޅުވީ އާއިލާގެ ދެ ފަރާތުން ވެސް ޒާތީ ކަންކަން އެއްކިބާކުރުމަށްފަހު ގައުމުގެ މަސްލަހަތަށް އިސްކަންދޭން ޖެހޭ ކަމަށެވެ.
"އަޅުގަނޑުމެން އެބަޖެހޭ މިހާލަތުން އަރައިގަނެ ޑިމޮކްރަސީ ދަމަހައްޓަައި އަންނަން އޮތް ޖީލުތަކަށް ފޯރުކޮށްދޭން މަސައްކަތްކުރަން. އދ. އާއި އިންޑިއާގެ ފަރުދީ ޒިންމާއެއް އަޅުގަނޑުމެންނަށް މިކަންކަން ހާސިލްކުރުމަށް މަސައްކަތްކޮށްދިނުމަކީ،" ދުންޔާ ވިދާޅުވި އެވެ.
އޭނާ ވަނީ ބައްޕާފުޅު ޖަލުގައި ބަންދުކޮށްފައި ބަހައްޓާއިރު އެމަނިކުފާނުގެ އުމުރުފުޅާއި ހާލަތަށް ރިއާޔަތްކުރެއްވުމަށް އެދިވަޑައިގެންފަ އެވެ.
"އިންސާނިއްޔަތަށްޓަކައި ނަމަވެސް އެމަނިކުފާނު ގޭބަންދަށް ބަދަލުކުރަން ހުއްދަ ދޭން ޖެހޭ. އެމަނިކުފާނުގެ ފަރާތުން މުޖުތަމައަށް އެއްވެސް ނުރައްކަލެއް ނޯންނާނެ. އެމަނިކުފާނު ގައުމަށް ކޮށްދެއްވި ހިދުމަތްތަކަށް ރިއާޔަތްކުރަން ޖެހޭނެ،" ދުންޔާ ވިދާޅުވި އެވެ.
އޭނާ ވިދާޅުވީ ބައްޕާފުޅުގެ އިތުރުން ކޮއްކޯފުޅު ފާރިސް މައުމޫނާއި ޔުމްނާގެ ފިރިކަލުން އަހުމަދު ނަދީމް ޖަލުގައި ހައްޔަރުކޮށްފައިވާ މި ދަނޑިވަޅަކީ އާއިލާއަށް ވަރަށް ހިތްދަތި ވަގުތެއް ކަމަށެވެ.
"އަޅުގަނޑު ގަބޫލުކުރަނީ ބައްޕައަކީ އެއްވެސް ކުށެއް ނެތް މީހެއް ކަމަށް. އަދި ގާނޫނު އަސާސީ އާއި ގާނޫނުތަކާ ހިލާފު އެއްވެސް ކަމެއް ނުކުރައްވާނެ ކަމަށް. ހަމައެގޮތަށް ކޮއްކޮ އާއި ޅިޔަނު ވެސް ނުކުރާނެ،" ދުންޔާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑީސީ
03 May 2018
ބައްޕަ ވެރިކަންކުރިއިރު ޖަލައްލީމީހުންގެ ނަމުގައި ބައްޕަޔަށް ވަރައްވެދުން..
އީމަން
02 May 2018
އަޅުގަނޑުވެސް ގަބޫލުކުރަނީ ދުންޔާ ބައްޕައަކީ އެއްވެސް ކުށެއް ނެތް މީހެއްގޮތުގައެވެ.
ޑޯޓަރ އޮފް ނޭސަން
02 May 2018
'ފާދަރ އޮފް ނޭސަން' ސަލާމަތަކުރައްވަން 'ޑޯޓަރ އޮފް ނޭސަން' ތިކުރައްވާ މަސައްކަތައް ސާބަސް. ވ.ސަލާމް.
އަންކަލް
02 May 2018
ނަމަވެސް 'އަންކަލް އޮފް ނޭށަން' ހުންނެވީ ދޫދެއްވާގޮތަކައްނުން.
އަޙްމަދް
02 May 2018
ހަމަ އެކަނި އިންޑިއާ އާއި ހިސާބުން ފުއްދާލީތޯ!؟ ކޮބާ ފޭވަރިޓް "އދ" "އީޔޫ" ކޮމަންވެލްތު!؟
އަލީމް
02 May 2018
ފުރަތަމަވެސް، ތަހުގީގަށް އެއްބާރުލުން ދޭންޖެހޭނެ. އެހެންނޫނީ އެއްބާރުލުން ދެއްދެކަށް ބެހެއްޓޭނެ. ތިމާގެ އުމުރާ ނުބައްދަލުކަން އަމަލުތަކުން ފެނޭ. އެކަމަކު، އާދޭސްކުރަންވީމަ އުމުރޭ މިކިޔަނީ. ބަލަ ހެޔޮއަމަލު ކުރުމަށާ ގައުމުގެ މަސްލަތަހަށް ވިސްނާ ދަރިން އަމިއްލައަށް ތިކިޔާ ޑިކޮމްރަސީގެ އުސޫލުން ވެރިކަން ހޯދަން ދޫކޮށްލައިގެން ހުރިނަމަ މިއަދު ތިހާލުގަ އޮންނާކަށް ނުޖެހުނީހެއްނު.
ޓްވިސްޓް
03 May 2018
ތަހުޤީޤަށް އެއްބާރުލުން ދިނުމަކީ ނުކުރާކަމަކަށް އެއްބަސްވުންތޯ. ތުހުމަތު ކުރިފަރާތުން ޖެހޭނެ، ކުށްސާބިތު ކޮށްދޭން
ވަހީދު
02 May 2018
އިންޑިއާ އަކަށް ތިކަމެއް ނުވާނެ. އިނގިރޭސިންނާއި އެމެރިކާއަށް އެއުޅެނީ ނަޝީދުގެ ޓެރެރިސްޓް ޖަލު ހުކުމަށް ލުޔެއް ނުހޯދިގެން
ޝޮކްތެރަޕީ
02 May 2018
އިންޑިޔާ އަކަ މިހަރަކު ނުފުއްޕޭނެ
އަމެން
02 May 2018
އިންޑިޔާއަށް ކުރެވޭނީ ރޭޕްއެވެ.
އަހުމަދުބެ
02 May 2018
ދަރިއެއް ބައްޕަގެ ހައްގުގަ ކުރާނެކަންކަން. އެނގޭނީ ދަރި އަކަށެވެ. ސިޔާސީ މީހުނައް ނޭނގޭނެއެވެ. އެކަމު ހިތައް އެރި އެއްޗެއް ލިޔެ ކޮމެންޓް ކުރަން އެނގިދާނެއެވެ.
ޢަންހެނުންގެ ބާރު
02 May 2018
ޢޯހޯ! ޅޮނު މަޑުކޮށް އަންނިގެ ރިކުއެސްޓް ދޯ!