ޔުމްނާ މައުމޫން (މ) ފުލުސް އޮފީހުން އިއްޔެ ނިކުމެވަޑައިގެން ހިންގަވާފައި އެމްއެމްއޭ ސަރަހައްދަށް ވަޑައިގަންނަވަނީ.
08 މެއި 2018 - 17:48
4 comments
ބޮޑުބޭބޭފުޅު ރައީސް އަބްދުﷲ ޔާމީންގެ ވެރިކަން، ރިޝްވަތު ދީގެން ވައްޓާލަން އުޅުނު ކަމަށް ސަރުކާރުން ތުހުމަތު ކޮށްފައިވާ، ކުރީގެ ރައީސް މައުމޫން އަބްދުލްގައްޔޫމްގެ ދަރިކަނބަލުން ޔުމްނާ މައުމޫން ވަކީލެއް ހަމަޖެއްސުމަށް ފަސް ދުވަހުގެ މުއްދަތެއް ފުލުހުން މިއަދު ދީފި އެވެ.
ގާނޫނާ ޚިލާފަށް ވެރިކަން ވައްޓާލަން އުޅުމުގެ ތުހުމަތު ފުލުހުން ޔުމްނާގެ މައްޗަށް ކުރާއިރު، އޭނާ ފުލުސް އޮފީހަށް މިއަދު ވަޑައިގެންނެވީ ވަކީލަކާ ނުލަ އެވެ. އެހެންވެ، ފުލުހުން ވަނީ ވަކީލަކު ހަމަޖައްސަން އޭނާ އަށް ފަސް ދުވަހުގެ މުއްދަތެއް ދީ، އަންނަ އާދިއްތަ ދުވަހު ފުލުހުންގެ އިދާރާ އަށް ހާޒިރުވާން އަންގައިފަ އެވެ.
ފުލުސް އޮފީހަށް ވަޑައިގެންނެވުމުގެ ކުރިން، ޔުމްނާ ވަނީ ވަކީލަކު ހަމަޖައްސަން ފަސް ދުވަހުގެ މުއްދަތެއް ދިނުމަށް އެދިފަ އެވެ. އެކަމަކު، ފުލުހުން އެންމެ ފުރަތަމަ ނިންމީ އެ ފުރުސަތު ދެވެން ނެތް ކަމަށެވެ. އެކަމަކު ފަހުން މިވަނީ އެ ފުރުސަތު ދީފަ އެވެ.
ވެރިކަން ވައްޓާލަން އުޅުމުގެ ތުހުމަތުގައި، ބައްޕާފުޅު މައުމޫނާއި ކޮއްކޯފުޅު އަހުމަދު ފާރިސް މައުމޫން އަދި ފިރިކަލުން މުހައްމަދު ނަދީމް ވެސް ވަނީ ޝަރީއަތް ނިމެންދެން ޖަލުގައި ބަންދުކޮށްފަ އެވެ. އަދި މައުމޫން މިހާރު އުޅުއްވަނީ ވަރަށް ބޮޑަށް އާލާސްކަންފުޅާ ކަމަށް އާއިލާ އިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސް
09 May 2018
ފުލުހުނެއް ކަމަކު ބޭއިންސާފުން ކަންކަން ކުރުން ހުއްޓާލުމަށާއި އަނިޔާވެރި ނުވުމަށް ގޮވާލަން. މާދަމާނޫންކަމެއް ނޭނގެ ތިތަނުގެ އިސްވެރިންތަކާއި އެމީހުންގެ ޣައިރު ޤާނޫނީ އަމުރުތަކަށް ތަބާވާ މީހުނާއި ޤާނޫނު އަރާ ހަމަކުރާނީ. ލޯތްބާއި އިޙުތިރާމް ލިބޭނީ އެކަންކަން ހޯދުމަށް މަސައްކަތްކޮށްގެން. ޔުމްނާ ހިތްވަރުކުރައްވާތި. މިއީ ކަމަނާ ބޭއިންސާފާއި ދެކޮޅަށް ކުރައްވާ މަސައްކަތުގައި ލިބޭ އިތުރު ބާރަކާއި ހިތްވަރަކަށް މެނުވީ ނުވާނެ.
ބާބޫ
09 May 2018
އާއިލާގެ ހުރިހާ މީހުންނަށް ވަކިން ޖަލެއްގެ ގޮތުގައި ދޫނިދޫ ހަމަޖައްސާފައި ބައިތިއްބަންވީނު؟
ދަތްނެތްކުއްޖާ
09 May 2018
ކަމަނާއެވެ. ފޮށި ތަންމަތި ބަނދެގަންނަން އަވަސްވެ ގަންނާށެވެ. ބައްޕާ ފުޅާއި ކޮއްކޯ ފުޅާއި އަދި ފިރި ސޮރާއި ވެސް އާޢިލީ ބައްދަޅުވުންތައް އެއްތާކުން ބައްދަލު ވާގޮތް އެވެރިން އެ އުލެނީ ހަމަ ޖައްސައި ދޭން ކަންނޭގެ.
ޢަބްދުﷲނާފިޒް
08 May 2018
"ޔުމްނާ ވަކީލަކު ހަމަޖައްސަން ފަސް ދުވަހުގެ މުއްދަތެއް ދިނުމަށް އެދުމުން، ފުލުހުން އެންމެ ފުރަތަމަ ނިންމީ އެ ފުރުސަތު ނުދޭށެވެ. އެކަމަކު ފަހުން މިވަނީ އެ ފުރުސަތު ދީފަ އެވެ". ދިވެހި ފުލުހުން މިޒާތުގެ ރަނޑަ ހާވާތީ އަހުން ފަޚުރުވެރިވަނީ ފަޅައިގެން ދާވަރަށް.