އައިޖީއެމްއެޗްގެ ނަރުހުން އަލަށް ތައާރަފް ކުރި ޔުނީފޯމް-- ފޮޓޯ: އައިޖީއެމްއެޗް
12 މެއި 2018 - 12:01
88 comments
އައިޖީއެމްއެޗްގެ ނަރުހުންގެ ޔުނީފޯމް މިއަދު ފެށިގެން ބަދަލުކޮށްފި އެވެ.
މިއަދު ފާހަގަކުރާ ބައިނަލްއަގުވާމީ ނަރުހުންގެ ދުވަހާ ގުޅުވައިގެން އަލަށް ބޭނުން ކުރަން ފަށާފައިވަނީ ވިލު ނޫކުލައަކަށްދާ ޔުނީފޯމެކެވެ. އެ ޔުނީފޯމުގައި ހުދު ކުލަ އާއި ވިލު ނޫކުލައިގެ މާތަކެއް ޖަހާފައިވެ އެވެ.
އައިޖީއެމްއެޗްގެ މީޑިއާ އޮފިޝަލް ވިދާޅުވީ އެ ޔުނީފޯމް ބޭނުންކުރާނީ އެހޮސްޕިޓަލް ތެރޭގައި އެކަނި ކަމަށެވެ. ކުރިއެކޭ އެއްގޮތަށް ދެން ޔުނީފޯމް ލައިގެން ނަރުހުން ބޭރަށް ނުދާނެ ކަމަށް އޭނާ ވިދާޅުވި އެވެ.
"އާދައިގެ ހެދުމުގައި ހޮސްޕިޓަލަށް އައިސް ނަރުހުންގެ ޔުނީފޯމަށް ބަދަލުކުރާނީ. އެޔުނީފޯމުގައި އުޅޭނީ ހޮސްޕިޓަލްގެ ތެރޭގައި،" މީޑިއާ އޮފިޝަލް ވިދާޅުވި އެވެ.
އޭނާ ވިދާޅުވީ އެބަދަލު ގެނައީ ނަރުހުންނަކީ ބަލި މީހުންނާ އެންމެ ގާތުން ހިދުމަތްދޭ މީހުން ކަމަށްވާއިރު ސާފު ތާހިރުކަން ރަނގަޅު ކުރުމަށް ކަމަށެވެ.
"ޔުނީފޯމާއެކު ބޭރުގައި އުޅެފައި އައިސް ބަލި މީހުންނާއެކު އުޅެންވީމަ އެހާ ކްލީން ނުވެދާނެ. އެހެންވެ ބަދަލު ގެނައީ،"
އެންމެ ކުރިން ނަރުހުން ހުދު ކުލައިގެ ޔުނީފޯމެއް ލަމުން އައިސް ފަހުން އައިޖީއެމްއެޗްއިން ވަނީ މަޑު ނޫކުލައިގެ ޔުނީފޯމަކަށް ބަދަލުކޮށްފައި އެވެ. މިއީ މިފަހުން ޔުނީފޯމް ބަދަލު ކުރި ދެވަނަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޯޝާ
27 July 2018
ޔުނީފޯމް އަކަށްވުރެ ވައްތަރީ ހަމަ ހަވީރީ ހެދުމަކާއި! ނަރުހުންގެ ޔުނީފޯމް އަކީ ތިޔަ ގޮތަށް ދުނިޔޭގެ އެއްވެސް ޤައުމެއްގައި ހުންނަ އެއްޗެއް ނޫން! ކޮންމެވެސް އެއްކުލައަކުން ޔުނީފޯމް ޚާއްޞަ ކުރެވިފައި ހުންނާނީ! ރައްޔިތުން ބަލައިގަންނަ ގޮތަށް އަޅެހަމަ އެއްވެސް ކުރަން ނޭގެނީތަ؟ ދެރަކަމެއް! އަހަރުމެންގެ އަނގަ ނުގޮއްވޭ ގޮތަކަށް އެއްކަމެއްވެސް އިކޮނޮމިސްޓުންނަން ކުރަންހަމަ ނޭގެނީ! އަހަރެން ތީ ޔުނީފޯމްއެއްކަމަށް ބަލައެއްނުގަންނަން! އައި.ޖީ.އެމް.އެޗް ގެ މެނޭޖްމަންޓަށް ވަރަށް ވެދުން!
ޕޭޝަންޓް
13 May 2018
ޔުނީފޯމް ކުލަ ބަދަލުވީމާ ރީތި. އެކަމަކު މާތައް ހުރީމަ ވަރަށް ހަޑި.... ވަހިން ޚާއްސަކޮށް ތިރީގަ ހުރި ހުދުމާތައް ހުރީމަ ވަރަށް އޮޑް ގޮތެއް އެބަހުރި. ޕްލޭން ވިލު ނޫކުލައިގެ ޔުނީފޯމަކަށް ބަދަލުވާނެ ދުވަހަކަށް އިންތިޒާރު ކުރަން.
އަޖޭ
13 May 2018
ކަމަކު ނުދޭ.ފިރިހެނުންނަށް ވަރަށް ހުތުރު. މިޔައް ވުރެ މާކަމުދިޔައީސް އިންޑިޔާގެ ހެދުމެއް މިތަނުގަ ބޭނު ކުރީމަ އެއީ އޭރުން އިންދިރާގާންދީގެ ނަމަވެސް ގުޅުނީސް. މިހެދުމުން މާނައެއް ދޭހައެއްްނުވޭ. ދެން މާޖެހި ހެދުމެއްކަން.
ރުގީ
13 May 2018
ވަރަށް ވައްތަރު ބީޗް ކަސްރަތް ގްރޫޕް އަކާ
އިހުމާލް
13 May 2018
ތިޔައިގަ އަސުރުމާކުލަ ނެތީތީ ހިތާމަކުރަން.
އުތީމު
13 May 2018
މި ޔުނިފޯމް ރަގަޅު. ރީތިވެސްމެ. ހިޔާލަކީ ތަފާތުވެދާނެ އެއްޗެއް. ޔުނިފޯމް ޒަމަނީވެސްމެ ކޮންމެހެނެން ހުދުކުލައިގަ ހުންނާ ކައްވެސް ނުޖެހޭ ދެއްތޯ؟ ބައެއްމިހުންނައް ޒަމާނުއްސުރެ ފެންނަ ޔުނިފޯމްއާ ތަފާތުވީމަ އެހާ ކަމުނުގޮސްދާނެ. ޑިޒައިންތަކައް އާވިސްނުމަކުން ފަރުމާކުރަން ޖާގަދޭން ޖެހޭ. ޢަނެއްކާ މީ ދުނިޔޭގެ ތަހުޒީބު ގައުމަކުން ފެންނަ އެއްޗަކައްވިނަމަ މިހާފާޑު ކިޔާނެބާ؟ ޢަމިއްލައައް ކޮއްލަން ރަގަޅު ސުވާލެއް.
ކަމަކު ނުދޭ
13 May 2018
ދެރަ. ހުދު މާ ގުޅޭ.އިޙްތިރާމް ކުޑަ ގޮތަކަށް ފެންނަނީ
ސާފު
13 May 2018
ރާއްޖޭގެ މުޅި ތާރީޚް ނައްތާލެވުނިއްޔާ ކަމެއް ކުރެވުނު ކަމަށްވާނީ. ހުރިހާ ހުދު ޔުނިފޯމެއްވެސް ބަދަލު ކޮށްލާ، ސާފުކަން ނެތްކަން ހުރިހާ ގޮތަކުންވެސް ހާމަ ކުރަން ވާނެ. ކަސްޓަމްސް ހުދު ޔުނިފޯމް ވެސް ކަޅު ކުލައަށް ބަދަލު ވެއްޖެ
އައްނި މާ
13 May 2018
ސަޅި އައްނީގެ ކެމްޕެއިން ލޯންޗްކޮށްލަ ދިނީ ދޯ؟ އައްނިމަލާ ހާދަ ވައްތަރޭދޯ؟ އައްތިފާޤެއްބާ؟
ކީއްކުރާނީ ދޯ
13 May 2018
ތިޔައީކިޔަނީ ނަރުހުންގެ ޔުނީފޯމެއް ތޯ ނާސީންގެ ޔުނީފޯމެއްގެ ވާހަކަތޯ. ތިޔައީ އިންސާނީ ހިދުމަތެއް ދިނުމަށް ބަޔަކު ލައިފާނެ ހެދުމެއް ކަމަށް ގަބޫލުކުރަން ދަތި. ތިކަހަލަ ހެދުން ލައިގެން ތިބޭ ބައެއްގެ ކިބައިގައި ހިއްޚީ ހިދުމަތެއް ދެވިދާނެ ސިފައެއް ހުރެދާނެ ކަމަށް ގަބޫލެއް ނުކުރެވޭ. ފެނުނީމަވެސް މީހުންގެ ޕްރެޝަރު ދާނީ މައްޗައް.