ޔުނިވާސަލުން އިމާރާތްކުރި މިސްކިތް ރައީސް ހުޅުވައިދެއްވައިފި

ރައީސް ޔާމީން މިއަދު ހުޅުވައިދެއްވި ޒިޔާރަތް މިސްކިތް، މިއީ 1700 މީހުން ޖާގައިގެ މިސްކިތެއް-- ފޮޓޯ: ނިޝާން އަލީ/މިހާރު

އަހުމަދު ސާއިލް އަލީ، މިހާރު

18 މެއި 2018 - 15:01

ކުރީގެ މަޝްހޫރު ޒިޔާރަތް މިސްކިތް ތަޅާލުމަށް ފަހު ޔުނިވާސަލް އެންޓާޕްރައިސަސްގެ ހިލޭ އެހީގައި އެޅި ތިން ބުރީގެ ރީތި މިސްކިތް ރައީސް އަބްދުﷲ ޔާމީން މިއަދު ހުޅުއްވައިދެއްވައިފި އެވެ.

މިސްކިތް ހުޅުއްވައިދެއްވުމަށް ރައީސް ފޮޓޯއަކަށް ހުއްޓިވަޑައިގެން

ރައީސް ޔާމީން ދިރިއުޅުއްވާ ހިލާލީގޭގެ އުތުރުން ހުންނަ އެ މިސްކިތް މިއަދު ރަސްމީކޮށް ހުޅުއްވައި ދެއްވައި ރައީސް ވަނީ އެ މިސްކިތުގައި ހުކުރު ކުރައްވައިފަ އެވެ. އަރިހުގައި ތިއްބެވީ އިސްލާމިކް މިނިސްޓަރު ޑރ. އަހުމަދު ޒިޔާދާއި ޑިފެންސް މިނިސްޓަރު އާދަމް ޝަރީފެވެ. އަދި ޔުނިވާސަލްގެ ޗެއާމަން މުހަންމަދު އުމަރު މަނިކު ވެސް ރަސްމިއްޔާތުގައި ބައިވެރިވެ ވަޑައިގެންނެވި އެވެ.

ރައީސް އަބްދުﷲ ޔާމީން ޒިޔާރަތް މިސްކިތް ހުޅުވައި ދެއްވަނީ-- ފޮޓޯ: ނިޝާން އަލީ/މިހާރު

އެންމެ ފުރަތަމަ ޒިޔާރަތެއް ހުރި އެ ބިމުގެ މުޅި ގޯތީގައި މިހާރު އިމާރާތްކޮށްފައިވާ ރީތި، ޒަމާނީ ތިން ބުރީގެ އެ މިސްކިތަކީ 1700 މީހުން ޖާގައިގެ މިސްކިތެވެ. އަންހެނުންނާއި ފިރިހެނުންނަށް ވަކި ފާހާނާ ބަރިއަކާއި ވަކިން ވުޟޫ ކުރެވޭނެ އިންތިޒާމް ވަނީ ހަމަޖައްސައިފަ އެވެ. ޓެރަހަކާ އެކު އިމާރާތްކޮށްފައިވާ އެ މިސްކިތް ވަނީ ލަކުޑީގައި ގުރުއާނުގެ އާޔަތްތައް ލިޔެ ޒީނަތްތެރިކޮށްފަ އެވެ.

އަލަށް އިމާރާތްކުރި މިސްކިތުގެ އިތުރުން މީގެ ކުރިން އެބިމުގައި ދެ މިސްކިތެއް އިމާރާތްކޮށްފައި ހުއްޓެވެ. އެ ދެ މިސްކިތް ވެސް އިމާރާތްކޮށް ބަލަހައްޓާފައިވަނީ ޔުނިވާސަލް އެންޓަޕްރައިޒަސް ނިސްބަތްވާ ކޮލިގެ އާއިލާ މީހުންނެވެ.

އެންމެ ކުރީގެ ޒިޔާރަތް މިސްކިތް-- ފޮޓޯ: ޔުނިވާސަލް

އިސްލާމިކް މިނިސްޓްރީން ކުރިން ބުނެފައިވަނީ ޒިޔާރަތް މިސްކިތް ރޯދަ މަހަށް ހުޅުވަނީ ވަގުތީ ގޮތުން ކަމަށެވެ. ނަމަވެސް މިއަދު އެ މިސްކިތް ހުޅުވީ ހުރިހާ މަސައްކަތެއް ނިންމައި ދާއިމީކޮށެވެ.

ކުރިން ހުރި މިސްކިތް ތަޅާލައި އާ މިސްކިތް އިމާރާތް ކުރުމުގެ މަސައްކަތް ފެށީ މިދިޔަ އަހަރުގެ އޯގަސްޓް މަހުގެ ތެރޭގަ އެވެ.

މިސްކިތްތައް އިސްލާމިކް މިނިސްޓްރީ ރައީސް އަބްދުﷲ ޔާމީން ކުރީގެ މިނިސްޓަރު ޑރ. އަހުމަދު ޒިޔާދު ބާގިރު ޔުނިވާސަލް ފައުންޑޭޝަން ރޯދަ މަސް 2018

23 ކޮމެންޓް, 147 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިރުޓޭ

20 May 2018

40 ހަކަށް އަހަރު ވަންދެން އެއްވެސް ޓެކްސް އެއްޗެއް ދައްކަން ނުޖެހި ރާއްޖޭގެ ގޮނޑުދޮށްތައް ބޭނުންކޮށްގެން ހެދި ފައިސާ އިން މި ވަރު ކޮށްދިނީތީވެސް ޝުކުރުވެރި ވާން ޖެހޭ ކަމަށް ދެކެނީ! އަނެއްހެން މިއޮތްހާ ޒަމާނު ކޮށްދިނީ ކޮން ކަމެއް ބާވެއޭ ހިތަށް އަރާ! ރާއްޖޭ ބޮޑެތި މަހުޖަނުންތަކެއް ޗާންދަނީމަގު ދެކުނުން ނިމޭ ހިސާބުގަ މިސްކިތެއް އަޅައިދިންތާ މިހާރު 25 އަހަރު ވެދާނެ! މިވެރިންނަށްވެސް މިތަން ފެނުނީތީ ދެން އޯކޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއާޒް

20 May 2018

އެންމެން މިޔަދު އަސުރަށް މިމިސްކިތަށް ދާންހިނގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބަހޭ

20 May 2018

1700 މީހުންގެ ޖާގައިގެ މިސްކިތެކޭ ލިޔެފަ އެއޮތީ ރަނގަޅަކަށްނޫން. އެއީ އެމިސްކިތުގައި އެއްފަހަރާ ނަމާދުކުރެވޭނެ މީހުންގެ ޢަދަދެއްނޫން. ފްލޯއެއްގަ ނަމާދަށް ތިބެވެނީ އެއްފަހަރާ ގާތްގަނޑަކަށް 300 މީހުންނަށް. ޓެރަސްއާ އެއްކޮށް ބެލިޔަސް އެއީ 1200 މީހުންގެ ޖާގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސަންގު

19 May 2018

ކުރީގެ ޒަމާންވީ މިސްކިތް އަލުން ބިނާ ކުރާ އިރު މިސްކިތް ބަދަލުވަމުން އައި ގޮތް ފެންނަ ފޮޓޯ އާ ތާރީޚު މިސްކިތުގެ ކޮންމެވެސް ތަނެއްގައި ފެންނަން ހުރުމަކީ ތާރީޚީ ގޮތުން މުހިންމު ކަމެއް. މި މިސްކިތުގެ އަސްލު ނަން ބަދަލު ނުކޮށް ތަރައްގީ ކުރި ކަމީވެސް ވަރަށް ރަނގަޅަށް ކޮށްފައި އޮތް ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

18 May 2018

އަލުން އެހެން ބިމެއްގަިއ މި މިސްކިތް ހެދި ނަމަދޯ. މިސްކިތް ހެދުމާ ދެކޮޅީކީ ނޫން، އެތަނުގައު ކުރިން ހުރި މިސްކިތަކީ ދުވަސްވީ މިސްކިތެއް، ވަރަށް ހިތްޤަމު މިސްކިތެއް، ރާއްޖޭގެ ތަރިކައަށްޓަކައި ބައެއް މިފަދަ ތަންތަން ރައްކާތެރިގޮތުގައ ދެމެހެއްޓުން ވަރަށް މުހިންުުމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

18 May 2018

މާލޭގެ ބައެއް މިސްކިތްތަކުގެ މުންނާރު ތަކުގެ އަސްލު އޮޅި ފައްޅި މުންނާރު ކޮޅަށް ހިމަ ކޮށް ހަނދުފަޅި ނުހުންނަ މުންނާރު މިހާރަކަށް އައިސް އާންމު ވުމާމެދު މިނިސްޓްރީން ނުބަލާނަމަ އެންމެ ބޮޑުޕްރޮޖެކްޓް ދީން ނެތިހިނގައިދާނެ ކަމުގެ ބިރު އެބަފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމަރު

19 May 2018

މުންނާރުގެ ބައްޓަމުންތަ ދީން ހިމާޔަތްވަނީ!؟ ހަނދުފަޅި އިސްލާމުދީނާ ގުޅުންހުރި އެއްޗެއް ނޫން. އުސްމާނީ ހުލަފާތުގެ ރަމްޒެއްގެ ގޮތުގައި ބޭނުންކުރަންފެށި އެއްޗެއް ހަނދުފަޅިއަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީމްބެ

18 May 2018

އޭސީ ކުރިނަމަ ވަރަށް ރަނގަޅުވީސް. ފައިވާން ބަހައްޓާ ހަރުވެސް އިތުރުކޮށްލަންފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެ

19 May 2018

ޢަލީމްބޭ ހަދިޔާ ކޮށްލަންވީނޫން!! މި ރޯދަ މަހު ރަނގަޅު ޚައިރާތެއް ކޮށްލަން.. މަށަށްވާނަމަ ކުރީމު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީބަލީ

18 May 2018

ކޮބާ މިހާރު އެތާހުރި ޒިޔާރަތް؟ ޚަބަރުގެ އެޒިޔާރަތައް ވީގޮތެއް ބުނެދިންނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަރާބު

19 May 2018

އެއީކާކުގެ ޒިޔާރަތެއް ކޮންގައުމެއްގެ މީހެއްކަމެއް ޔަގީންނުވިޔަސް ޒިޔާރަތެއްވިއްޔާ ބަހައްޓަންޖެހޭބާ؟. ޒިޔާރަތް ހެވެއްނު ދުމައްވިޔަސް. މިހާރު މިސްކިތެއް އެބަފެނެޔެއްނު.