މާލޭގެ މަގެއްގެ ކަންމައްޗަށް ރެއާއި މިއަދު ގިނަ އަދަދެއްގެ ކުނި ނެރެފައި: ރޭ ވެމްކޯއިން ގިނަ ގެތަކުން ކުނި ނުނަގާތީ މަގުތައް ވަނީ ވަރަށް ބޮޑަށް ގޮނޑުވެފައި-- މިހާރު ފޮޓޯ: ނިޝާން އަލީ
17 މެއި 2018 - 23:55
13 comments
ރޯދަ މަހު ކުނި ނަގާ ވަގުތަށް ގެނައި ބަދަލާ ގުޅިގެން އެކަށީގެންވާ ގޮތެއްގައި ޚިދުމަތް ނުދެވި އާއްމުންގެ ޝަކުވާ ބޮޑުވުމުން، ކުނި ނަގާ ވަގުތު ވެމްކޯ އިން އިތުރުކޮށްފި އެވެ.
ރޯދަ މަހު، މާލެ އާއި ހުޅުމާލެ އަދި ވިލިމާލޭގެ ގޭގެ އިން ކުނި ނަގާ ގޮތަށް ހަމަޖެއްސީ ރޭގަނޑު 8:00 އިން ދަންވަރު 12:00 އަށެވެ. އެކަމަކު އިއްޔެ ރޯދަ މަސް ފެށި އިރު، މާލެ އާއި ހުޅުމާލޭގެ ގިނަ ގެތަކަށް ކުނި ނަގަން ވެމްކޯއިން ނުދެ އެވެ. އެހެންވެ ގިނަ އަދަދެއްގެ ކުނިތައް މަގުތަކަށް ނެރެ އާއްމުންގެ ޝަކުވާ ބޮޑުވި އެވެ.
މި މައްސަލައާ ގުޅިގެން ވެމްކޯ އިން މިހާރު ވަނީ ކުނި ނަގާ ވަގުތު އިތުރުކޮށް، ދެ ޝިފްޓަކަށް ބަހާލައިފަ އެވެ.
ވެމްކޯ އިން ނެރުނު ބަޔާނެއްގައި ބުނީ ރޭގަނޑު އަށަކުން ބާރަ އަށް ކުނި ނެގީ އެ ކުންފުނިން ކުރިއަށް ގެންދިޔަ ސާވޭއަކަށް ބެލުމަށް ފަހު ކަމަށެވެ. އެ ސާވޭއާ އެއްގޮތަށް އިއްޔެ ޚިދުމަތް ފެށިއިރު، އެ ވަގުތުކޮޅުގައި ހުރިހާ ގެއަކުން ކުނި ނެގުމުގައި ދަތިތަކެއް ކުރިމަތިވި ކަމަށް އެ ކުންފުނިން ބުންޏެވެ.
އެހެންވެ މާދަމާ އިން ފެށިގެން ގޭގެ އިން ކުނި ނެގުން މެންދުރު ފަހު 2:00 އިން ހަވީރު 4:00 އަށް އަދި ރޭގަނޑު 8:00 އިން ދަންވަރު 12 އަށް ކުރިއަށް ގެންދާނެ ކަމަށް ވެމްކޯ އިން ބުންޏެވެ.
އެކަށީގެންވާ ގޮތެއްގައި ޚިދުމަތް ނުދެވުމުން މާފަށް އެދެމުން ވެމްކޯ އިން ބުނެފައި ވަނީ، އެ ޚިދުމަތާ ގުޅޭ ގޮތުން އެއްވެސް ޝަކުވާއެއް އޮތް ނަމަ، ހޮޓްލައިން، 1666 އަށް ގުޅުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާކޮށި
19 May 2018
ކިހާދެރަކަމެއް. މިއަށްފަދަ ރޯދަމަހު ނެތޭ ގޭތެރޭގަ ނޯއް ދަމާލެވެން ދުވާ ކުނިވަހުން. މުޅީ ސިޑިގޮޅީގަ ކުނި، ބުޅާމެން ރޭގަނޑު ކޮތަޅޫފަޅާލާ މުޅިސިޑި ޙަރާބު، ދެން 4 ދުވަސް ފަހުން ކުނި ބަލާއައިސް މިބުނަނީ ދޭށޭ ކޯތަޅޫ، ކިހާބޮޑު ޚަރަދެއް މި ވެމްކޯ އަކާހެދި. ސަލާމްބުނެފަ ހުއްޓާލާ
ރަންރީދޫ ޓުވިޓަރޭ
18 May 2018
ކޯޑިނޭޓަރޫ...ތަމެންނައް ތިކަމެއް ނުވިދޯ....ބޮންދުމެން ބައިސް ކަލް ގަޑެއގަ މިމާލެ ކުނި ނުކޮއް ހިފެ ހެއްޓިދޯ.....ފޭލް ވެފަ ތިތިބީ ލާޖް ކޮއް
ވޯލް
18 May 2018
ހުރިހާ ގޭ ބިސީތަކުން ކުނިތައް ގެންގޮސް ވެމްކޯގެ ކުނި އުކާ އޭރިޔާ ދޮރުމަތީ ބަހައްޓަން ފެނޭ. ބަންގާޅިން ބައިސްކަލުގައި ބަރާބަރަށް ކުރަމުން ދިޔަ ކަމެއް މިމީހުންނަށް ނުކުރެވޭ. މިއީ ވަރަށް ބޮޑު މައްސަލައެއް. ދިވެހިން ވަޒީފާއަށް ނާންނަންޏާ، ބަންގާޅިން ހޯދާ، އެމީހުންނަށް މިކަން ވާނެ، ތިނޫނީ ބިދޭސީން ވަޒީފާގައި ގެންނުޅޭބަޔަކު ނެތީކީ ނޫންވިއްޔަ.
ފައިބާ
18 May 2018
މެނޭޖްކުރަން ނޭނގުނަސް ވާނޭ ކިޔާއިގެން ކުރިމަތިލާތި ނުވިއެއްނުން
އަހުމަދުބެ
18 May 2018
ހިދުމަތް ރަނގަޅެވެ. ރޯދަމަހު އިސްރާފު ކުރާލެއް ގިނައީއެވެ.
ގާކޮށި
19 May 2018
އެހެންވެ ދޯ 4 ރޭ ވީއިރުވެސް ކުނިބަލާ ނާންނަނީ، އަޙުމަދުބެމެން ކޯޑިނޭޓަރުން ޖެހޭނެ ތިހެންބުނަން.
ކުރުންބާ
18 May 2018
8 އިން 12 އެއީ ޓްރެފިކް އެންމެ ބޯ ގަަޑި. ހުރިހާ މުދާ އުފުލާ އުޅަނދުތަކެއް ނުކުމެ މާލޭގެ މަގުތައް ތޮއްޖެހޭނެ. އެތަނަށް އަދި ވެމްކޯގެ ހެވީ ވެހިކަލްތައް ނުކުތީމަ ހިރިވެސް ނުލެވޭނެ. މިއީ މިކަން ވާނެ ގޮތްކަން ރަނގަޅަށް އެނަލައިޒްކުރިނަމަ އެނގޭނެ. އެންމެ ރަނގަޅު ގޮތަކީ ހެނދުނު 10:00 އިން ހަވީރު 4:00 އަކަށް ތި ޚިދުމަތް ދިނުން.
ީިޮކުނިބުނި
18 May 2018
ޢަދިވެސް ހޮޓްލައިން އަށްތަ ގުޅަންވިީ؟
ޢައްފާރު
18 May 2018
މިގެއިން ކުނިނުނަގާތާ ހަތަރު ދުވަސް ބަރާބަރު. ހޮޓްލައިނަށް ގުޅީމަ ބުނީ މިފޮނުވަނިއްޔޭ.. އަނެއް ދުވަހު ކުނިބަލާނައިސްގެން ގުޅީމަ ފޯނުނުނަގާ..ދެން ހުސްވީ ފޯނުލާރިކޮޅު އެއީވެސް ހިލޭގުޅޭ ނަންބަރެއް ނޫން ވިއްޔަ
ބީވާ
18 May 2018
މި މައިކްރޯ ރަށުގެ، މައިކްރޯ އެޕާޓްމަންޓް ތަކުން، މައިކްރޯ މަގުތަކުން ގްރީން ބައިސްކަލުގަ ކުނި އުކަން ބޮންދުން ތިއްބާ ހުއްޓުވީމަ ވާނީ ތިހެން.
ބޭބެ
18 May 2018
ކިތަންމެ ވަރަކަށްވެސް ހޮޓު ލައިނަށް ގުޅިދާނެ!! ތި ހޮޓު ލައިނުގެ ވާހަކަ އިތުރަށް ނުދައްކާ ކުނި ގަވާޢިދުން ގޭގެއިން ނެގިއްޔާ މާތާހިރެއްނު!! ތިބުނާ ހޮޓުލައިނަށް ގުޅާ މީހަކު އިތުރަށް ހޮޓުވަނީ!! މިރޯދަ މަހު އިތުރަށް ހޮޓުވެގެން އަތުން ފައިން ގޯސް ހައްދަން ނޫޅުއްވާ ރަގަނޅު ޝެޑިއުލް އެއްގެތެރެއިން ގޭގެއިން ކުނިއުކާދީ!! އޭރުން އެނިމުނީ!!!