މާލޭގެ މަގެއްގެ ކަންމައްޗަށް ރެއާއި މިއަދު ގިނަ އަދަދެއްގެ ކުނި ނެރެފައި: ރޭ ވެމްކޯއިން ގިނަ ގެތަކުން ކުނި ނުނަގާތީ މަގުތައް ވަނީ ވަރަށް ބޮޑަށް ގޮނޑުވެފައި-- މިހާރު ފޮޓޯ: ނިޝާން އަލީ
17 މެއި 2018 - 12:31
44 comments
ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން އިއްޔެ މާލޭގެ ގިނަ ސަރަހައްދުތަކުން ކުނި ނަގާފައި ނުވާތީ، ކުނިތަކުން މާލޭގެ ބައެއް ސަރަހައްދުތައް ގޮނޑުވެއްޖެ އެވެ.
ރޯދަ މަހު މާލެ އާއި ހުޅުމާލެ އަދި ވިލިމާލޭގެ ގޭގެ އިން ކުނި ނަގާނީ ރޭގަނޑު 8:00 އިން ދަންވަރު 12:00 އާ ދެމެދު ކަމަށް ވެމްކޯއިން ވަނީ ބުނެފަ އެވެ. އެކަމަކު އިއްޔެ ރޯދަ މަސް ފެށި އިރު، މާލެ އާއި ހުޅުމާލޭގެ ގިނަ ގެތަކަށް ކުނި ނަގަން ވެމްކޯއިން ގޮސްފައެއް ނުވެ އެވެ.
މާލޭގެ މަގެއްގެ މައްޗަށް ގެތަކުން ރޭ ކުނި ނެރެފައި: މަގުތައް ވަނީ ވަރަށް ބޮޑަށް ގޮނޑުވެފައި-- މިހާރު ފޮޓޯ: ނިޝާން އަލީ
ރޯދަ މަހުގެ ފުރަތަމަ ދުވަހަށް ވުމާ އެކު، ގިނަ އަދަދެއްގެ ކުނި ގެތަކުން މަގުމައްޗަށް ނެރެފައިވެ އެވެ. އަދި ބައެއް މަގާއި ގޯޅިތަކުގެ ކަންމަތި، ކުނިކޮތަޅުތަކުން ފުރާލާފައިވާއިރު އޭގެ ތެރޭގައި ގިނައީ ކުނިވެފައި ހުރި ކާބޯތަކެއްޗެވެ. ބައެއް ކޮތަޅުތަކުގެ ގޮށް މޮހި، މަގުމައްޗަށް ކުނި އެޅި މަގުތައް ވަރަށް ބޮޑަށް ތަޣައްޔަރު ވެފައި ވެސް ވެ އެވެ.
މާލޭގައި މަގެއްގެ ކަންމައްޗަށް ރޭ ގިނަ އަދަދެއްގެ ކުނި ނެރެފައި-- މިހާރު ފޮޓޯ: ނިޝާން އަލީ
ވެމްކޯއިން ބުނީ ރޭ ވެސް ގިނަ ގެތަކުން ކުނި ނެގި ކަމަށެވެ. އެކަމަކު މާލޭގެ ބައެއް ގެތަކުން މަގުމައްޗަށް ނެރެފައިވާ ކުނި އުކާނުލެވި ހުރި މައްސަލާގައި ބުނީ ރަސްމީ ދުވަހެއްގައި ސިޓީއަކުން އެ ސުވާލު ކުރުމަށެވެ.
ރޯދަ މަސް ފެށުމާ އެކު މާލޭގެ މަގުތަކުގައި ކުނި ގިނަވެ، ގޮނޑުވެފައި ވުމުން ގިނަ ބަޔަކު ދަނީ ޝަކުވާ ކުރަމުންނެވެ. އަދި ވެމްކޯ އިން ކުނި އުކާލުމުގެ ހިދުމަތް ދިން ނަމަވެސް، އެހާ ކުޑަ ވަގުތުކޮޅެއްގެ ތެރޭގައި އެހާ ގިނަ ގެތަކުން ކުނި ނެގޭނެތޯ ވެސް ދަނީ ސުވާލު އުފައްދަމުންނެވެ.
މަގުމައްޗަށް ކުނި ކޮތަޅެއް އެއްލާލާފައި -- މިހާރު ފޮޓޯ: ނިޝާން އަލީ
ރޯދަ މަހު ކުނި ނަގާ ގަޑިތައް:
- މާލެ، ހުޅުމާލެ، ވިލިމާލޭގެ ގޭގެ އިން ކުނި ނަގާނީ ރޭގަނޑު 8:00 އިން ދަންވަރު 12:00 އަށް. - މާލެ، ހުޅުމާލެ، ވިލިމާލޭގައި ވިޔަފާރިކުރާ ތަންތަނުން ކުނި ގެންދާނީ ހެނދުނު 10:00 އިން ހަވީރު 3:30 އަދި ރޭގަނޑު 8:00 އިން މެންދަމު 3:30 އަށް.
މާލޭގެ ގެއަކުން ރޭ މަގުމައްޗަށް ކުނި ނެރެފައި-- މިހާރު ފޮޓޯ: ނިޝާން އަލީ
- އައްޑޫގެ ގޭބީސީތަކުންނާއި ވިޔަފާރި ކުރާ ތަންތަނުން ކުނި ގެންދިއުން: ހެނދުނު 10:00 އިން ހަވީރު 3:30 އަށް އަދި ރޭގަނޑު 8:00 އިން ދަންވަރު 12:00 އަށް. - ފުވައްމުލަކުގެ ގޭބީސީތަކުންނާއި ވިޔަފާރި ކުރާ ތަންތަނުން ކުނި ގެންދިއުން: ހެނދުނު 10:00 އިން ހަވީރު 3:30 އަށް.
މިއީ ކުނި އުކާލުމުގެ މަސައްކަތާ ވެމްކޯ އިން ހަވާލުވި ފަހުން އައި ފުރަތަމަ ރޯދަމަހެވެ. އަދި ރޯދަމަހު އުފެދޭ ކުނި އެހެން މަސްތަކަށް ވުރެ އާންމުކޮށް އެތައް ގުނައެއް އިތުރުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓަކި މޫނާ
18 May 2018
ބަންގްލަދޭޝް މީހުން ލައްވާ ކުނި އެކި އިރު ކިހާ ފަސޭހަ ވެފަ ހަރަދު ވެސް ކުޑަ. ރައްޔިތުން ފެލަން އުޅެންޔާ ވާނީ ތިހެން
ޙަފްޞާ / މާލެ
18 May 2018
މިއީ އިދިކޮޅުފަރާތްތަކުން ހަޖަމްނުވެގެން ކުރާކަމެއް! ކުނިއުކާގަޑިޔަށް ކުޑައެތިކޮޅެއް ނެރެފަ ކުނި އުކާނިމުމުން ގްރޫޕްހަދައިގެން ބައިވަރުތަކެއް ގެނަސް މަގުމައްޗަށް އަޅަނީ! ދެނ ވީޑިޔޯކޮށް ފޮޓޯނަގާ ކާލިގަނޑުޓީވީން ދައްކަނީ! ކޮބައި މާލޭގެ ކުނިގޮނޑުތައް މިހާރު؟ ލަދުވެސް ނުގަނެޔޭ ދޯ
ވާލުސޮރު
18 May 2018
ތިމާމެންނަށް ނުވާވަރުގެ ކަންކަމުގެތެރެއަށް ބޭނިގަތީމަ ދެން އޭގެ އުނދަގޫ ޖެހޭނީ އެހެންމީހުނަށް. ވެމްކޯ އަކީ އޭގެ މިސާލެއް. ޢުސް އިމާރާތްތަކުގަ އުޅޭމީހުންނަށް ގަވައިދުން ކުނިއުކައިނުދެވެނީމަ ކޮންމެ އެޕާޓްމަންޓް އެއްގެ ކުނި ނެރެފަ ބަހައްޓަނީ އެޕާޓްމަންޓް ދޮރުމަތީ. އިރުކޮޅެއްވާއިރު ހިންޏާ ކުރަފި އަރާ ތަނުގެ ވަސްނުބައިވެ އެތަކެއް އުނދަގޫ ކުރިމަތިވޭ. ދެން އަގުނަގާ ކޯލްސެންޓަރ އަށްގުޅީމަ "ހުރިހާލައިންތަކެއް މިވަގުތު ދަނީ ބޭނުންކުރެވުމުން" ކަމަށް ބުނެ ގުޅޭނެގޮތެއްނުވޭ. ކުރިން ބަންގާޅީން ކުނި އުކިއިރު އިރުއޮއްސުމުގެކުރިން ގޭގެ ކުނި އުކާލަދޭ އަގުވެސް ވެމްކޯ އަށްވުރެ ހެޔޮ.
ޙާލަތު
17 May 2018
ޙާއްސަ ހާލަތުގެ ދަށުން ކުނިނެގުމަށް ސިފައިން ނެރެގެންވެސް މި މާލެ ކުނިން ސަލާނަތް ކުރަން ވެއްޖެ ނޫންތޯ..!!
ޢަބްދުﷲނާފިޒް
17 May 2018
ތީ މައްސަލައެއް ނޫން، ފަންސަވީސް ބުރީގެ އިމާރާތް އެހެރަ ނިމުނީ، މިހާރު ތައްޔާރުވަނީ ބުރިޖު ހުޅުވަން، އަނެއްކާ އަނެއް ޕާކު އެބަތައްޔާރުވޭ، ދެން ކޮންކަމަކާ ހާސްވާންވީ، ޤައުމު ތަރައްޤީވޭނު، މަގުމަތި ތަރައްޤީ ނުވިއަސް.
ފޫހި
17 May 2018
ހުރިހާވެސް މައްސަލައަކީ މާލޭގެ ސައިޒަށްވުރެ މީހުންގިނަވުން. މަގުތައް ކުދި ވެފަ ވާއިރު ކުނިތައް ނެރެފައި ބަހައްޓާނެތަނެއްވެސްނެތް. ބަންގާޅީން މަދުކުރޭ.
ސޯޓޮ
17 May 2018
ބަންގުލަދޭސް މީހާގެ މަތިން މިސްވެއްޖެ.. މިައަދައް 3 ދުވަސް ވީ ..ސަރަހައްދުގެ މަގުމަތިން ގާބޭޖް ޓުރަކުހޯދަން އުޅެ އުޅެވެސް ނުފެނުނު.
ޟިތްރަތުލް މުންތަހާ
17 May 2018
މަމެންގެ ރައީސްމީހާ ބުނީ މިހާރު ކުނީގެ އެއްވެސް ވަހެއްވެސް ނުދުވާނެ އަދި ކުނިގޮޑެއްވެސް ނުހުންނާނެއޭ އެކަމަކު ކަންތައްވީ އަނެއްކޮޅަށްދޯ.....މަނެތިންއެއްޗެއްބުނާކަށް !
ގުދާރު ފާތުމަ
17 May 2018
އެގޭ ދޮށަށް ކުނިތައް ޖަމާކުރީމަ އިނގިދާނެނު
އަހްމަދު
17 May 2018
އަހަރެން ގެއިން ކުނި ނުނަގާތަ 3ދުވަސްވެއްޖެ ކޮންމެ ރެއކުވެސް ގުޅަން ދުވާލުވެސް ދެތިން ފަހަރު ގުޅަން . ބުނަނީ ވީހައަވަހަކަށް ނަގާނަމެ. މިއަދުވެސް 3ފަހަރު ގުޅައިފިން. ރޭގައި މިކަންބޮޑުވެގެން. އެހީތެރިކަމެއްލިބޭތޯ ޕޮލިހަށްވެސް ގުޅިން. އެތަނުންބުނި މިތަނުން ކުރެވޭނެކަމެއްނެތެ.ޭ ކޯޓަށް މައްސަލަ ހުށަހަޅާށޭ. އަހަރެންހިތަށްއަރާ އެންވަޔަރު މިނިސްޓަރު ކީއްވެބާވައޭ މިކަންމިހެން ހިނގާއިރުވެސް ވެމްކޯއަށް މިކަމާބެހޭގޮތުން އިންޒާރު ނުދެނީ.
ބޭބެ
17 May 2018
ބުނަން ވާހަކައެއް!!! މަގުމަތީ ކުނިގިނަވެގެން ނުވަތަ ގެއިން ކުނިއުކާ ނުދީގެން ފުލުހުންނަށް ގުޅާނެ ކަމެއް ނެތް!!! އެކަމަށް ޚާއްސަކޮށްފައިވާ މިނިސްޓްރީއަށް ނުވަތަ ވެމްކޯއަށް ގުޅާ!! ކުނިއުކުމަކީ ފުލުހުންގެ ޒިންމާއެއްނޫން!!! ކުނިއުކަނީ ވެމްކޯއިން!!! އެމީހުނަށް އެކަން ނުކުރެވުނީމާ ކޮންމެވެސް އެއްޗެކޭ ކިޔައިގެން ފުލުހުން އެކަމުގައި ޝާމިލުކުރެވޭތޯ އުޅެނީ!! ފުލުހުންނަށް ގުޅަންވީ މަގުމައްޗަށް ކުނިއަޅަނިކޮށް ފެނިގެން އެކަން!! ގަވާޢިދާ ޚިލާފަށް މަގުމައްޗަށް ކުނިއަޅާ މީހުންގެ ވާހަކަ ރިޕޯޓްކުރޭ!! ފުލުހުން އެކަންބަލާ ފިޔަވަޅު އަޅާނެ!!
ބޭބެ
17 May 2018
އަހަރެމެން މީގެކުރިން ބަންގާޅީއަކަށް މަހަކު 100 ރުފިޔާ ދީގެން ކުނި އުކިއިރު މާ ރަގަނޅު!!! މިހާރު ވެމްކޯއަށް 150 ރުފިޔާ މަހަކު ދީގެން އެކަމެއްނުވޭ!!! އަހަރެން ހީކުރީ އަގުބޮޑުކޮށްގެން މަޖުބޫރުކޮށްގެން ވެމްކޯއިން މިކަންކުރަން ފެށީމާ ކުރިއަށްވުރެ ރަގަނޅު ވާނެކަމަށް!! ސަކަރާތެއްނު!!