އިސްލާމިކް މިނިސްޓަރު ޑރ. މަޖީދު: އޭނާ އޮންނެވީ ލަންކާ ހޮސްޕިޓަލްގެ ވެންޓިލޭޓަރުގައި.
21 މެއި 2018 - 13:18
17 comments
ސްޓްރޯކެއް ޖެހިގެން، ސްރީ ލަންކާގައި ފަރުވާ ދެމުން އަންނަ ދީނީ އިލްމުވެރިޔާ، ކުރީގެ އިސްލާމިކް މިނިސްޓަރު ޑރ.އަބްދުލް މަޖީދު އަބްދުލްބާރީގެ ހާލަތަށް ބަދަލެއް ނާންނަ ކަމަށް އޭނާގެ ގާތް ބައެއް ބޭފުޅުން މިއަދު ވިދާޅުވެއްޖެ އެވެ.
ލޭ މައްޗަށް ދިއުމުގެ މައްސަލަ ހުންނަ މަޖީދަށް މިދިޔަ ހުކުރު ދުވަހު ސްޓްރޯކެއް ޖެހިގެން ފަރުވާ ދެމުން އަންނަނީ ލަންކާ ހޮސްޕިޓަލްގެ އައިސީޔޫގަ އެވެ. ވެންޓިލޭޓަރުގައި އޮތް މަޖީދުގެ ހާލު ވަރަށް ސީރިއަސް އެވެ.
ބައްދަލުވުމަކަށް ސްރީ ލަންކާ އަށް ވަޑައިގެން އުޅުއްވަނިކޮށް، ޖެހުނު ސްޓްރޯކާ ގުޅިގެން އޮޕަރޭޝަންތަކެއް ވެސް ވަނީ ކޮށްފަ އެވެ. އެކަމަކު އެ އޮޕަރޭޝަންތަކުން ވެސް މާބޮޑު އެދެވޭ އަސަރެއް ނުކުރި ކަމަށް މަޖީދުގެ ގާތް ބައެއް ބޭފުޅުން ވިދާޅުވި އެވެ.
މަޖީދުގެ އާއިލާގެ ގިނަ ބަޔަކު މިހާރު ތިބީ ލަންކާގަ އެވެ. އާއިލާގެ އެދުމަކީ މަޖީދަށް ހެޔޮދުއާ ކޮށްދިނުމެވެ.
އެމްޑީޕީ ސަރުކާރުގައި އިސްލާމިކް މިނިސްޓަރުކަން 2008-2012 އަށް ކުރެއްވުމަށް ފަހު، އެ މަގާމުން ވަކިވެވަޑައިގެން، ގައުމީ ޔުނިވާސިޓީގައި ލެކްޗަރާއެއްގެ ގޮތުގައި މަޖީދު މަސައްކަތް ކުރެއްވި އެވެ. އަދި ދީނީ އެކި ކަންކަމަށް ރައްޔިތުން ހޭލުންތެރިކުރުމަށް މައުލޫމާތު ވެސް ފެތުރެއްވި އެވެ. ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި އުފެއްދި ކީރިތި ގުރުއާނާ ބެހޭ މަރުކަޒުގެ ރައީސްކަން ވެސް ކުރެއްވި މަޖީދަކީ ތަފްސީރު އިލްމުން ޕީއެޗްޑީ ނަންގަވާފައިވާ ހަމައެކަނި ދިވެހި ބޭފުޅާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުއާ
21 May 2018
އަވަސް ޝިފާއަކަށް އެދެން.
ޢަފްލާ
21 May 2018
ޝަފާކ ﷲ
އަލީ.
21 May 2018
ﷲ އީ އަޅުތަކުންގެ ވެރިއިލާހު އެފަރާތުން ނުދެއްވާއެއްޗެއް ލިބުމެއް ނުވޭ މަޖީދައް ޝިފާދެއްވާށި ގަަދަވެ ހެޔޮހާުގާ ލައްވާށި
ހަސަންކޮއި
21 May 2018
އަބްދުލް މަޖީދު އަބްދުލްބާރީއަށް އަވަސް ޝިފާއެއް މިންވަރުކޮށްދެއްވާށިއެވެ.. އިރާދަކުރެއްވިއްޔާ ހާލަތު ރަގަޅުވާނެ... އާމީން..
ކުރިކީލަ
21 May 2018
ކޮމެންޓުގައި ދުއާ ލިޔމުގެ ބަދަލުގައި ، ﷲ ގެ ހަޟްރަތުގައި ދެންނެވުން ބުއްދިވެރި.
ބުރަކިކީލަ
21 May 2018
އެމީހަކު ބޭނުން ގޮތަކަށް އެމީހަކު ލިޔާނީ. ތިއީ ވަކި މަނާ ކަމެއް ނޫން. އިގިއްޖެ؟
އަރާވާ
21 May 2018
މާތްﷲ މަޖީދަށް އަވަސް ޝިފާއެއް މިންވަރު ކުރައްވާށި. އާމީން
ޢަލިދީދީއައްޑޫސިޓީ
21 May 2018
މާތް ﷲ ޑރ. ޢަބްދުލް މަޖީދު ޢަބްދުލް ބާރީ އަށް އަވަސް ޝިފާއެއް މިންވަރު ކުރައްވައި، ޢާއިލާ އަށް ކެތްތެރިކަން ދެއްވާށި. آمين
އާމިރު އަލީ
21 May 2018
މާތްﷲ މަޖީދަށް އަވަސް ޝިފާއެއް މިންވަރު ކުރައްވާށި. އާމީން
ހޯރަފުށީ ދާއިރާ
21 May 2018
ﷲ ގެ ރަހުމަތުން މަޖީދުއަށް އަވަސް ސިފާއެއް މިންވަރު ކޮށްދެންވާ ދޭން. އާމީން.
ރަދީފް
21 May 2018
މާތް ﷲ ޑރ ޢަބްދުލް މަޖީދު ޢަބްދުލް ބާރީއަށް އަވަސް ޝިފާއެއް މިންވަރުކުރައްވާށި.އާމީން.