މިހިން ލަންކާ އިން ފުރަން ދިޔަ ދިވެހިންތަކަކަށް ނުފުރިގެން އެއާޕޯޓުގައި. އެއާޕޯޓުގައި 73 މީހުންނަށް ނުފުރިފައި އެބަތިބި. - ފޮޓޯ: ކިޔުންތެރިއެއް
25 ޖުލައި 2016 - 19:09
4 comments
ސްރީލަންކާގެ އެއާލައިނެއް ކަމަށްވާ މިހިން ލަންކާއިން ފުރަން ދިޔަ ދިވެހިންތަކަކަށް ނުފުރި އިބްރާހިމް ނާސިރު އިންޓަނޭޝަނަލް އެއާޕޯޓު (އައިއެންއައިއޭ) ގައި ތާށިވެފައި އެބަތިއްބެވެ.
އެއާޕޯޓުގައި ހުރެ "މިހާރު"އާ ވާހަކަ ދައްކަމުން ބައެއް މީހުން ބުނީ މިއަދު އިރުއޮއްސި 6:25 ގައި ސްރީލަންކާއަށް ފުރަން ހަމަޖެހިފައި އޮތް ފްލައިޓުން ނުފުރިގެން 73 މީހަކު އެއާޕޯޓުގައި ތާށިވެފައިވާ ކަމަށެވެ. ނަމަވެސް ގަޑި ޖެހުމުގެ ކުރިން ޗެކިންވާން އެންމެން ވެސް އެއާޕޯޓަށް ދިޔަ ކަމަށް އޭނާ ބުންޏެވެ.
"ކުޑަކުދިންނާއި އަންހެނުން ވެސް ގިނަ އަދަދަކަށް އެބަތިބި ޗެކިން ނުވެވިފައި." އެ މީހާ ބުންޏެވެ.
މިހިން ލަންކާ އިން ފުރަން ދިޔަ ދިވެހިންތަކަކަށް ނުފުރިގެން އެއާޕޯޓުގައި. އެމީހުންނަށް ފުރޭނެ ކަމުގެ ޔަގީންކަމެއް ނުދޭ. - ފޮޓޯ: ކިޔުންތެރިއެއް
އެ މީހާ ބުނީ ދިވެހިންނަށް ފުރޭނެ އެއްވެސް ޔަގީންކަމެއް އެއާލައިނުން ދީފައި ނުވާ ކަމަށެވެ. އަދި އެމީހުންނަށް ނުފުރިގެން އުޅެނީ ޓިކެޓު އިތުރަށް ވިއްކައިގެން ކަމަށް ބެލެވޭ ކަމަށް ވެސް އޭނާ ބުންޏެވެ.
"އެއާލައިންގެ ކަމާބެހޭ ބޭފުޅަކާ ވާހަކަ ދެއްކިން. އެކަމަކު އެއްވެސް އަލިމަގެއް ނުފެނުނު،" އޭނާ ބުންޏެވެ.
"ބައެއް މީހުން އަގުބޮޑުކޮށް ޓިކެޓް ނަގާފައި އެބަހުރި. ޗެކިން ބަންދު ކުރުމާ ގުޅިގެން މިއިން އެއްވެސް މީހަކަށް މިހާރު މި ފްލައިޓަކުން ނުފުރޭނެ،" އޭނާ ބުންޏެވެ.
އެނގިފައިވާ ގޮތުގައި ނުފުރުނު މީހުން ލަންކާއަށް ގެންދިއުމަށް އެހެން ފްލައިޓެއް ހަމަޖެއްސުމުގެ މަސައްކަތް އަންނަނީ ކުރަމުންނެވެ.
މިކަމާ ގުޅިގެން މިހިން ލަންކާގެ ބަހެއް އަދި ނުލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީހެއް
26 July 2016
ތިޔަ އެއާރލައިންގެ ހާލަތު އަބަދުވެސް،، ތިނޫން ވަރެއް ވާނެ ހެނެއް ހިޔެއް ނުވޭ ، ދެވުނު ދެފަހަރުވެސް ވީ ހަމަ ތިހެން، ލަންކާއިން ރާއްޖެ އައި އިރުވެސް ޑިލޭވި ، ރާއްޖެއިން އެކޮޅަށް ދިޔަ އިރު ވެސް އިރުއޮއްސި 6:25 ގަ ފުރަން އޮތީ ފްލައިޓް ޑިލޭ ވީ އަނެއް ދުވަހު ހެނދުނަށް،، ދެން ނުވަންޔާ ހުޓާލަން ވެއްޖެ އެއްނުދޯ!! ކަމެކޭ ހަމަ،،،،، ދިޔުންވެސް ނިމުނީ
ބޭނުމީ މިނިވަންކަން / އައްޑޫ ސިޓީ
25 July 2016
ފުރަންގޮސްތިބި މީހުން ރުޅިއަންނަން ވީ ސްރީލަންކަން ދެކެއެއްނޫން. ތެދެއް ފަސިންޖަރުންނަށް ޓިކެޓް ވިއްކާފައިވާނަމަ ބަރާބަރަށް ދަތުރު ހަމަޖެއްސުމަކީ އެއަލައިންގެ ޒިންމާއެއް. . . . . އެހެން ނަމަވެސް Maldivian ގެ ނަމުގައި ޤައުމީ އެއަރލައިނެތް ރާއްޖޭގައި އޮތް އިރު ދިވެހިން އެންމެ ގިނައިން ދަތުރު ކުރާ ސްރީލަންކާ އަށް ޝެޑިއުލް ދަތުރު ކުރުމުގެ ބަދަލުގައި އިންޑިޔާގެ ޗެއްނާއީ އާއި ބަންގާޅު ފަދަ ޑެސްޓިނޭޝަން ތަކަށް އެމީހުން އުދުހެނީ ކީއްވެގެންތޯ ހާރިސް މެން ކާރިން އަހާބަލަ. . . . އަދި މުޅި އެއަރލައިންގެ އާމްދަނީ އަކީ އައްޑޫ ގޭން އަށް ކުރާ ދަތުރު ތަކުން ލިބޭ އެއްޗަކަށް ހެދުމުގެ ބަދަލުގައި ރާއްޖެއިން ބޭރުގެ ބައެއް ރަނގަޅު ޑެސްޓިނޭޝަން ތަކަށް ނުއުދުހެނީ ކީއްވެގެންތޯ އަހާބަލަ ؟؟ . . . ސްރީލަންކަން އެއަރލައިންސް އިން އުފުލާފައިވާ ފަސިންޖަރުންގެ ތެރެއިން އަހަރު ނިމޭއިރު ގާތްގަނޑަކަށް 60 ޕަސެންޓް ފަސިންޖަރުންނަކީ ރާއްޖެ އަށްނަން ސްރީލަންކަން ގެ ފްލައިޓްކަށް ކޮންމެވެސް ހިސާބަކުން އަރާ މީހުންކަމަށް ހިސާބުތަކުން ދައްކާ. . . . . އެހެން ކަމަް ވާނަމަ މިއީ ދިވެހި އެއަެލައިން Maldivian ހިންގަން ތިއްބެވި އިސްވެރިންނަށް އެކަން ނުކުރެވޭ ކަމުގެ ފުރިހަމަ ހެއްކެއް. / މިނިވަންކަން ، އައްޑޫ ސިޓީ
ބޯހުދު
25 July 2016
މީކޯއްޗެއް މިނިވަން ނުވެގެން އުޅޭ އައްޑޫސިޓީ އެއްތަ؟
މަނާރު
26 July 2016
ޢައްޑޫ ސިޓީ އަށް ބުނެލަން އޮތީ މޯލްޑިވިއަން ލަންކާއަށް ދަތުރު ނުކުރިއްޔާ އޭ ރަގަނޅީވެސް. އަހަރެންގެ މޯލްޑިވިއަންގެ ތޖުރިބާ ވަރަށް ހިތިކޮށް ދިޔައީ.