ޚަބަރު / ރައީސް މައުމޫން އަބްދުލްގައްޔޫމް

ޓެރަރިޒަމްގެ މައްސަލާގައި މައުމޫންގެ ދިފާއީ ހެކިންގެ ގޮތުގައި 100 އަށް ވުރެ ގިނަ މީހުން

މައުމޫން އަޑުއެހުމަށް ވަޑައިގަތުމަށް ލޯންޗުން ފައިބައިވަޑައިގަންނަވަނީ: އެމަނިކުފާނުގެ މައްޗަށް ދައުލަތުން ވަނީ ޓެރަރިޒަމްގެ ދައުވާ އުފުލާފައި --- މިހާރު ފޮޓޯ/ހުސެއިން ވަހީދު

މުއިއްޒު އިބްރާހިމް، މިހާރު

03 ޖޫން 2018 - 15:41

9 comments

ކުރީގެ ރައީސް މައުމޫން އަބްދުލްގައްޔޫމްގެ މައްޗަށް ކުރާ ޓެރަރިޒަމްގެ ދައުވާގައި އެމަނިކުފާނުގެ ދިފާއީ ހެކިންގެ ގޮތުގައި 100 އަށް ވުރެ ގިނަ މީހުންގެ ނަމާއި ގިނަ ލިޔުންތަކެއް މައުމޫންގެ ވަކީލުން ކްރިމިނަލް ކޯޓަށް މިއަދު ހުށަހަޅައިިފި އެވެ.

މިދިޔަ ފެބްރުއަރީ މަހުގެ ފަސްވަނަ ދުވަހުގެ ރޭ ހައްޔަރު ކޮށްފައިވާ މައުމޫންގެ މައްޗަށް ޓެރަރިޒަމްގެ ދައުވާ ކުރަނީ ގާނޫނާ ޚިލާފަށް ސަރުކާރު ވައްޓާލަން އުޅުއްވި ކަމުގެ ތުހުމަތު ކޮށެވެ. އެ މައްސަލައިގެ ޝަރީއަތް ނިމްންދެން އެމަނިކުފާނު ބަންދުގައި ބަހައްޓަން ކޯޓުން ކުރިން އޮތީ އަމުރުކޮށްފަ އެވެ.

މައުމޫންގެ ވަކީލް މައުމޫން ހަމީދު ކުރެއްވި ޓްވީޓެއްގައިވާ ގޮތުން އެ މައްސަލާގައި މައުމޫންގެ ފަރާތްޕުޅުން ދިފާއީ ހެކިންގެ ގޮތުގައި 108 މީހަކާއި 36 ލިޔުމެއް މިއަދު ވަނީ ކޯޓަށް ހުށަހަޅައިފަ އެވެ. އޭގެ އިތުރުން ޝަރީއަތުގެ ކުރީގެ ހުށަހެޅުންތަކުގެ ގޮތުގައި 29 ހުށަހެޅުމެއް ވެސް މައުމޫންގެ ފަރާތްޕުޅުން ހުށަހަޅާފައިވާ ކަމަށް ވަކީލް މައުމޫން ވިދާޅުވި އެވެ.

29 pre-trial motions, 108 defence witnesses, and 36 defence exhibits submitted today in Pres. @maumoonagayoom terrorism case.

Since @PGO_MV can only narrow down the alleged date of the offence to the last 5 years ("since 2013"), we have erred on the side of caution.
— Maumoon Hameed (@maanhameed) June 3, 2018

ވަކީލް މައުމޫންގެ ޓްވީޓް

ޓެރަރިޒަމްގެ އެ ދައުވާ ސާބިތުވެއްޖެ ނަމަ މައުމޫނަށް 17 އަހަރުގެ ޖަލު ހުކުމެއް އަންނާނެ އެވެ.

ޓެރަރިޒަމްގެ ދައުވާގެ އިތުރުން، އަދުލު އިންސާފު ގާއިމްކުރަން ހުރަސް އެޅުމުގެ ދައުވާއެއް ވެސް މައުމޫނަށް ދައުލަތުން ކުރެ އެވެ. އެ މައްސަލައިގެ ޝަރީއަތް މައުމޫންގެ ވަކީލުން ބޮއިކޮޓް ކޮށްފައިވާއިރު، މައުމޫނާ އެކު ދައުލަތުން ދައުވާ އުފުލާފައިވާ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދުގެ ދިފާއީ ވަކީލުން ވެސް ވަނީ ޝަރީއަތް ބޮއިކޮޓް ކޮށްފަ އެވެ.

މައުމޫންގެ އިތުރުން އުއްތަމަ ފަނޑިޔާރާއި ފަނޑިޔާރު އަލީ ހަމީދާއި ކުރީގެ ޕޮލިސް ކޮމިޝަނަރު އަހުމަދު އަރީފާއި ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫނާއި ދަނގެތީ ދާއިރާގެ މެމްބަރު އަހުމަދު އިލްހާމާއި ކިނބިދޫ ދާއިރާގެ މެމްބަރު އަބްދުﷲ ރިޔާޒާއި މައްޗަންގޯޅީ ދެކުނު ދާއިރާގެ މެމްބަރު އަބްދުﷲ ސިނާންގެ އިތުރުން ޔުމްނާ މައުމޫންގެ ފިރިކަލުން މުހައްމަދު ނަދީމްގެ މައްޗަށް ވެސް ދައުލަތުން ދައުވާ ކުރެ އެވެ.

ރައީސް މައުމޫން އަބްދުލްގައްޔޫމް ކުށްކުރުން ޓެރަރިޒަމް ގާނޫނީ ވަކީލު މައުމޫން ހަމީދު

9 ކޮމެންޓް, 66 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނޫސަންގު

03 June 2018

މި ގައުމު މިއޮތީ ބޭރު ބައެއްގެ އެހީގައި ހައިޖެކް ކޮށްފައި. އިޙްސާސްވަނީ އަޅުވެތިކަން. ތަފާތު ޚިޔާލެއް ފާޅުކޮށްފިނަމަ ފްރޭމް ކޮށް ޖަލަށް. 60 ހާްސް ރައްޔިތުން ތަމްސީލު ކުރާނެ މެމްބަރުންނެއް މަޖިލީހަކު ނެތް. ދިވެހިން މިހާ ނިކަމެތިވި ދުވަސްވަރެއް ފަހުގެ ތާރީޚެއްގައި ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްދެ

04 June 2018

ދޮގު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުކަކުނި

03 June 2018

ކންމެ އެއްޗެއް ހެއްޖަސް ގޮވިޔަސް ކިޔަސް ބޮޑުބޭގެ މައްޗަށް ތިޔަ ހުކުމް ކުރުވާނެ . ޅޯބިވާ ބޮޑުބެވީމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުމްރީ

03 June 2018

ބޭބޭފުޅައް މި ކޮށްލާވަރަށްޓަކާވެސް ނޫނެކޭބުނަން ޖެހޭ! ދެން ކޮބާ އާންމު މީހެއްގެ ހާލަތު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހަންމަ

03 June 2018

މިޔޮށްފަދަ ރޯދަ މަހުވެސް މައުމޫން ހަމީދު އިގި ހުރެ ކުރާކަންތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތެއް

03 June 2018

ސާބަހޭ، މައުމޫން ޙަމީދު އާއި ޓީމް! ތިޔަ ކުރައްވާ ބުރަ ބޮޑު މަސައްކަތަށް ޝުކުރިއްޔާ. ދައުލަތުގައި ނެތް ތިޔަ ޓީމާ ބައްދަލުކޮށް އަނގަ ހުޅުވާލެނެ ހަމަ އެކަކުވެސް.