ޚަބަރު / ރައީސް މައުމޫން އަބްދުލްގައްޔޫމް

މައުމޫންގެ ހާލުކޮޅު ގޯސްކަމުން ކޯޓަށް ހާޒިރެއް ނުކުރެވުނު

ކުރީގެ ރައީސް މައުމޫން އަބްދުލްގައްޔޫމް، ކްރިމިނަލް ކޯޓަށް ހާޒިރުކުރަން މާލެ ގެނެސް ލޯންޗެއްގައި ---ފޮޓޯ: ނިޝާން އަލީ/ މިހާރު

މުހައްމަދު ޔާމީން، މިހާރު

08 މެއި 2018 - 16:05

5 comments

ކުރީގެ ރައީސް މައުމޫން އަބްދުލްގައްޔޫމްގެ ސިއްހީ ހާލުކޮޅު ހުރި ގޮތުން، އެމަނިކުފާނު ކްރިމިނަލް ކޯޓަށް ހާޒިރު ކުރެވެން ނެތް ކަމަށް ފުލުހުން އެންގުމުން މިއަދުގެ ޝަރީއަތް ކެންސަލްކޮށްފި އެވެ.

ކްރިމިނަލް ކޯޓުގައި މިއަދަށް ތާވަލްކޮށްފައި އޮތީ މައުމޫނާ ދެކޮޅަށް އުފުލާފައިވާ ދެ ދައުވާއެއްގެ ޝަރީއަތެވެ. އެއީ ޓެރަރިޒަމްގެ އަމަލެއް ކުރަން އުޅުމުގެ ދައުވާ އާއި އަދުލު އިންސާފު ގާއިމު ކުރުމަށް ހުރަސް އެޅުމުގެ ދައުވާ އެވެ.

މައުމޫންގެ އިތުރުން އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދުގެ މައްޗަށް ވެސް އަދުލު އިންސާފު ގާއިމު ކުރަން ހުރަސް އެޅުމުގެ ދައުވާ ކުރެ އެވެ. އެކަމަކު އެ ޝަރީއަތެއް އަދި ނުފަށަ އެވެ.

We have this afternoon been informed by the Criminal Court that @PoliceMv has notified the court that owing to Pres. @maumoonagayoom ill-health, they are unable to present him at court today, and therefore that the hearings scheduled for this afternoon have been cancelled.
— Maumoon Hameed (@maanhameed) May 8, 2018

މައުމޫން ހަމީދު މިއަދު ކުރެއްވި ޓުވީޓު.

މައުމޫންގެ ވަކީލް މައުމޫން ހަމީދު ވިދާޅުވީ މައުމޫންގެ ހާލުކޮޅު ގޯސްކަމުން، ކްރިމިނަލް ކޯޓަށް ހާޒިރު ކުރެވެން ނެތް ކަން ފުލުހުން ކޯޓަށް އެންގުމުން އަޑުއެހުން ކެންސަލްކުރި ކަން ވަކީލުންނަށް ކޯޓުން އަންގާފައިވާ ކަމަށެވެ.

މިދިޔަ ފެބްރުއަރީ 1 ގައި ސުޕްރީމް ކޯޓުން ނެރުނު އަމުރާ ގުޅިގެން، ސަރުކާރު ވައްޓާލަން އުޅުމުގެ ތުހުމަތުގައި މައުމޫންގެ މައްޗަށް ކުރާ ޓެރަރިޒަމްގެ ދައުވާގެ ދެ ވަނަ އަޑުއެހުން މިދިޔަ ބުރާސްފަތި ދުވަހު ބާއްވަން ކްރިމިނަލް ކޯޓުގައި ތާވަލް ކުރުމަށް ފަހު ވަނީ ކެންސަލްކޮށްފަ އެވެ.

އަޑުއެހުން ކެންސަލްކުރީ މައުމޫންގެ ސިއްހީ ހާލުކޮޅު ރަނގަޅު ނޫން ކަމަށް ބުނެ އެމަނިކުފާނުގެ އާއިލާ އިން ކަންބޮޑުވުން ފާޅުކޮށްފައި ވަނިކޮށެވެ.

މައުމޫންގެ އިތުރުން އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދާއި ރައްޔިތުންގެ މަަޖިލީހުގެ ހަތަރު މެމްބަރަކާއި ކުރީގެ ޕޮލިސް ކޮމިޝަނަރު އަހުމަދު އަރީފްގެ މައްޗަށް ވެސް ދައުލަތުން ޓެރަރިޒަމްގެ ދައުވާ ކުރެ އެވެ.

ރައީސް މައުމޫން އަބްދުލްގައްޔޫމް ކުށްކުރުން ޓެރަރިޒަމް ކްރިމިނަލް ކޯޓް ގާނޫނީ ވަކީލު މައުމޫން ހަމީދު

5 ކޮމެންޓް, 57 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންސާފު

08 May 2018

ﷲސުބުހާނަ އަނިޔާވެރި ނުބައި އިންސާފެއްނެތް, ރައްޔިތުން ތަފާތުކުރާ ވެރިކަމެއް, ފައިސާގޯނި ބެހީމޭ އަމިއްލައަށް ބުނުމުންވެސް އެއްވެސް ކަމެއްނުވޭ މިނިވަންކަމާއެކު އެބައުޅެވޭ, ގެއަށް ހަލާލުނޫން ފައިސާ ވަތްކަމަށް އަމިއްލައަށް އިޢުތިރާފްވުމުންވެސް, އެއްވެސް ކަމެއްނުވޭ, ތިމާ އިނގިލި ދިއްކުރަނީ އަނެއްމީހާއަށް, މިއަށްވެސް ކިޔަންވީ ވަކި ބައެއްގެ މައްސަލަނުފެންނަ, އިންސާފުތޯ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިކޮމެންޓް

08 May 2018

ހުރިހިތާމައެއްގެ ބޮޑުކަމާ! ރަހުމެއް ކުލުނެއް ހަމްދަރުދީގެ ޒައްރެއްގެ މިންވަރެއްވެސް ނެތް ބަޔެއްކަން ޝައްކެއްނެތް މިންވަރަށް މިދަނީ ޔަގީންވަމުން. މައްސަލައެއްނެތް، ރައީސް މައުމޫނުގެ ދައުރުގައިވެސް ގޯސް ކޮށް ކަންކަން ހިގާފަ އެބަހުރި، އެހެނަސް މިހާ ލާއިންސާނީ ދަށުދަރަޖައިގެ އަމުލުތަކެއް ތޯ ސުވާލުކޮށް ވިސްނާލަން އެބަޖެހޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިލްހާމް

08 May 2018

ހިތްތިރި ކޮށްފަ އެއްބަފާ ބޭބެ ދޫކޮށްލާދެން. އެހާ ނުބައިވާކަށް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ގައުމު

09 May 2018

ކޮއްކޮ އަށް ވަފާތެރި ހިތްތިރި ޚުލްގު ހެޔޮ ކަމަށްވަންޏާ ޖަލަށްދާކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީދޫ

08 May 2018

ހިތްވަރުގަދަ މަޑުމައިތިރި ޝަޚްސިއްޔަތެއް. ގައުމުގެ ތައްލީމުގެ އުސްތާޒް އަށް އަވަސް ޝިފާ އެއް ދެއްވުން އެދި ދުއާކުރަން. ޢަނިޔާވެރިން ބަލިކަށިކުރައްވާށި! އާމީން!