ޓްރަމްޕްގެ ވަކީލު ރޫޑީ ޖޫލިއާނީ: ސަމިޓު ބޭއްވުމަށް އެދި ކިމް، ޓްރަމްޕަށް އާދޭސް ދެންނެވި ކަމަށް ވިދާޅުވި. -- ފޮޓޯ: ދަ ގާޑިއަން
07 ޖޫން 2018 - 11:56
3 comments
އެމެރިކާ އާއި އުތުރު ކޮރެއާގެ ތާރީޚީ ސަމިޓަށް އެމެރިކާގެ ރައީސް ޑޮނަލްޑް ޓްރަމްޕް އެއްބަސްވެ ވަޑައިގަތީ ކިމް އާދޭސް ދެންނެވުމުން ކަމަށް ޓްރަމްޕްގެ ވަކީލު ރޫޑީ ޖޫލިއާނީ އިއްޔެ ވިދާޅުވެއްޖެއެވެ.
އިޒްރޭލުގައި އޮތް ވިޔަފާރި ކޮންފަރެންސެއްގައި ޖޫލިއާނީ ވަނީ ސަމިޓުގެ ކަންކަމުގައި ޓްރަމްޕް ގެންގުޅުއްވި ސިޔާސަތުގެ ސަބަބުން، ހަރުކަށި ހާރިޖީ އުސޫލުތަކެއް ގެންގުޅޭ އުތުރު ކޮރެއާ ކުޑަކަކޫ މައްޗަށް ތިރިވެފައިވާކަން ދޭހަވާ ފަދަ މޭރުމަކުން ވާހަކަ ދައްކަވައިފަ އެވެ.
މިދިޔަ މެއި މަހު ޓްރަމްޕް ވަނީ ކޮރެއާއިން، ގޮތް ދޫނުކުރުމާއި ރުޅި އިސްކުރުމުގެ ސިޔާސަތެއް ގެންގުޅޭ ކަމަށް ވިދާޅުވެ ސަމިޓަށް ވަޑައިނުގަންނަވާނެކަން އިއުލާނު ކުރައްވައިފައެވެ. ސަމިޓު އަލުން ބޭއްވޭ ގޮތް ވެފައި މި ވަނީ އޭގެ ފަހުން ކޮރެއާގެ އިސްނެގުމުގެ މަތިން ދެފަރާތުން ބޭއްވި ވާހަކަތަަކަށް ފަހު އެވެ.
މި މަހުގެ 12 ވަނަ ދުވަހު ސިންގަޕޫރުގެ ސަންތޯސާގައި ސަމިޓު ބާއްވަން ތާވަލްކޮށްފައި ވާއިރު މި ބައްދަލުވުން އިންތިޒާމު ކުރުމުގައި އިސް ދައުރެއް އަދާކުރާ ސިންގަޕޫރުން ވެސް ބައްދަލުވުމަށްޓަކައި އަންނަނީ ވަރަށް ބޮޑަށް ތައްޔާރުވަމުންނެވެ.
އުތުރު ކޮރެއާގެ ނިއުކްލިއާ ޕްރޮފްރާމް ހުއްޓުވައި، ސުލްހަ ގާއިމުކުރުމުގެ އުންމީދުތަކާ ގުޅިފައިވާ ސަމިޓަށް ވަގުތު ކުޑަތަންވެފައި އޮތް މި ދަނޑިވަޅުގައި އެމެރިކާގެ ބަސްމަގު މި މޭރުމުން ހުރި އިރު އުތުރު ކޮރެއާއިން މިކަމާ ގުޅިގެން އަދި ވަކި އެއްޗެއް ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީމަން
08 June 2018
ރޫޑީ ޖޫލިއާނީ ބޭކާރު އަނގަނުތަޅާ މައިތިރިވެގެން ހުނަން ގޯވާލަމެވެ. ޓަރަމްޕް ތެޅުނުފާޑު ވަކި ތާހިރެއް ނޫނެވެ.
ގޭމް
07 June 2018
މަސްރަހު ގޯސް ކުރަނީވެސް އެމެރިކާ އިން.
އަލިފް
07 June 2018
އެމެރިކާ އަކީ ބޮޑާ ކިބުރުވެރި އަދި ނަސްލީ ތަފާތު ކުރުން ގެންގުޅޭ ސަރުކާރެއް އޮންނަ ގައުމެކެވެ. މުޅިދުނިޔެ އަށް ނުލަފާކަން ދައްކާލަން މަސައްކަތް ކުރާ ގައުމެކެވެ. ކޮންމެ ކަމަކަށް ވެސް ނިމުން އަންނާނެއެވެ.