ފްރާންސްގެ ފައްޅިއަކަށް ވަދެ ފާދިރީ މަރާލި ދެ މީހުންގެ ތެރޭން އެކެއްގެ ހަށިގަނޑު ކައިރީ ފުލުހަކު ހުއްޓިގެން. --ފޮޓޯ:އޭއެފްޕީ
27 ޖުލައި 2016 - 10:45
5 comments
ޕެރިސް (ޖުލައި 27) - ފްރާންސްގެ އުތުރުގެ ފައްޅިއެއްގެ ފާދިރީގެ ކަރު ކަނޑާލައިގެން މަރާލި ދެ މީހުންގެ ތެރޭގައި ޓެކް އަޅުވާފައި ހުރި މީހަކު ހިމެނޭ ކަމަށް އޮފިޝަލުން ބުނެފި އެވެ.
ޕްރޮސެކިއުޓާ ފްރާންސުވާ މޮލިންސް ވިދާޅުވީ އަދަލް ކާމިޗް، 19، ވަނީ ސީރިއާ އަށް ދާން އުޅެނިކޮށް މިދިޔަ އަހަރު ދެ ފަހަރަށް ހިފަހައްޓާފައިވާ ކަމަށެވެ. އަދި މި ހަމަލާ ދިން އިރު އޭނާ އަކީ އިލެކްޓްރޯނިކް ޓެގު އަޅުވައިގެން މޮނިޓާ ކުރަމުން ދިޔަ މީހެއް ކަމަށް ވެސް އޭނާ ވިދާޅުވި އެވެ.
ފްރާންސްގެ ފައްޅިއަކަށް ދެ މީހަކު ވަދެ ވަޅިން ހަމަލާދީ މަރާލި 86 އަހަރުގެ ފާދިރީ. --ފޮޓޯ:އޭއެފްޕީ
ކާމިޗް އާއި އެހެން މީހަކު ފައްޅި އަށް ވަނީ ގިނަ ބަޔަކު ހެނދުނުގެ އަޅުކަމަށް ޖަމާވެފައި ވަނިކޮށެވެ. އެ ދެ މީހުން ވަނީ އުމުރުން 86 އަހަރުގެ ފާދިރީ ވަރަށް އަނިޔާވެރި ގޮތަކަށް މަރާލައިފަ އެވެ. ފުލުހުން ހަމަލާދީ ވަނީ އެ ދެ މީހުން ވެސް މަރާލައިފަ އެވެ.
މޮލިންސް ވިދާޅުވީ އެ ދެ މީހުން ފައްޅި އަށް ވަނީ އެލްމިނިއަމް ފޮއިލެއްގައި ހުރި ފޭކް ގޮވާ ތަކެތި ހިފައިގެން ކަމަށެވެ. އެ މީހުން ވަނުމާ އެކު ބައެއް މީހުން ވަނީ ފައްޅިތެރޭން ރަހީނުކޮށްފަ އެވެ. އަދި ފައްޅިން ސަލާމަތްވި މީހުން ވަނީ ފުލުހުންނަށް ރިޕޯޓްކޮށްފަ އެވެ. ރަހީނުކުރި ބައެއް މީހުން ވަނީ އިންސާނީ އައްޑަނައެއްގެ ގޮތުގައި ބޭނުންކޮށްފަ އެވެ.
ފްރާންސްގެ ފައްޅިއަކަށް ވަދެ ފާދިރީއަކު މަރާލުމާ ގުޅިގެން ފުލުހުން ހަރަކާތްތެރި ވަނީ. --ފޮޓޯ:އޭއެފްޕީ
ފައްޅީގައި ފާދިރީ މަރާލީ އިސްލާމިކް ސްޓޭޓް (އައިއެސް) އިން ކަމަށް އެ ޖަމާއަތުން ވަނީ ބުނެފަ އެވެ.
މޮލިންސް ވިދާޅުވީ ފާދިރީ މަރާލި ދެ ވަނަ މީހާއާ ބެހޭ މައުލޫމާތު ފުލުހުން ހޯދަމުންދާ ކަމަށެވެ. ކާމިޗު ވަނީ މިދިޔަ އަހަރުގެ މާޗު މަހު ސީރިއާ އަށް ދާން މަސައްކަތްކޮށްފައި ކަމަށާއި އޭނާ ގެއްލިގެން އާއިލާ އިން ރިޕޯޓް ކުރުމުން ހައްޔަރުކުރީ ބޭބެ އައިޑީ ކާޑު ބޭނުންކޮށްގެން ޖަރުމަނުގައި އުޅެނިކޮށް ކަމަށް މޮލިންސް ވިދާޅުވި އެވެ. އޭގެ ފަހުން ފްރާންސަށް ގެނެސް އޭނާ ހުރީ ޝަރުއީ ބަންދެއްގަ އެވެ. އޭގެ ފަހުން މިދިޔަ އަހަރުގެ މެއި މަހު ސީރިއާ އަށް ދާން އުޅެނިކޮށް އޭނާ އަތުލައިގަތީ ތުރުކީންނެވެ. މި އަހަރުގެ މާޗު މަހާ ހަމައަށް ކާމިޗް ހުރީ ފުލުހުންގެ ބެލުމުގެ ދަށުގަ އެވެ. ފަހުން އޭނާ ދޫކޮށްލީ ޓެގް އަޅުވައިފަ އެވެ. އަދި ހަފުތާގެ ބަންދު ދުވަސްތައް ނޫން ދުވަސްތަކުގައި ބޭރަށް ނުކުމެވޭނީ ހެނދުނު 8:00 އިން މެންދުރު 12:30 އަށް ކަމަށް ޝަރުތުކޮށްފައިވެ އެވެ.
ފްރާންސްގެ ފައްޅިއެއްގައި ފާދިރީއަކު މަރާލި ހާދިސާއާ ގުޅިގެން ފުލުުހުން ހިންގާ އޮޕަރޭޝަނުގައި މީހަކު ހައްޔަރު ކުރަނީ. --ފޮޓޯ:އޭއެފްޕީ
ރައީސް ފްރާންސުވާ އޮލެންޑާ ވަނީ ގައުމީ އެއްބައިވަންތަކަން މަތީ ރައްޔިތުން ތިބުމަށް އިލްތިމާސް ކުރައްވައިފަ އެވެ. އަދި ޓެރަރިޒަމާ ދެކޮޅު ހަނގުރާމަ ކުރިއަށް ގެންދާނެ ކަމަށާއި ގައުމުގެ އައްޑަނަ އަކީ ޑޮމޮކްރެސީ ކަމަށް ވިދާޅުވި އެވެ.
ފްރާންސްގެ ނީސްގައި މި މަހު ކުރީކޮޅު ވެސް ވަނީ ގައުމީ ދުވަސް ފާހަގަ ކުރަން ގިނަ ބަޔަކު އެއްވެފައި ވަނިކޮށް ލޮރީއަކުން ޖައްސާ 84 މީހުން މަރާލާ 300 އަށް ވުރެ ގިނަ މީހުން ޒަޚަމްކޮށްލައިފަ އެވެ. މިދިޔަ ނޮވެމްބަރު މަހު ޕެރިހުގައި ދިން ޓެރަރިސްޓް ހަމަލާގައި ވަނީ 130 މީހުން މަރާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަންޖަބީލު
27 July 2016
އިސްލާމް ދީނަކީ ސުލްހަވެރިކަމާއި އަމާންކަމާއި ރައްކާތެރި ކަމުގެ ދީން.. އިސްލާމްގެ މާނައަކީ ސުލްހަ.. ދީނަކީ ލައިފް ނުވަތަ ވޭ އޮފް ލައިފް.. މުސްލިމުން އެކަކު އަނެކަކާއި ބައްދަލުވާހިނދު ފުރަތަމަވެސް ސަލާމްކޮށްފައި ކިޔަނީ "އައްސަލާމް އަލައިކުމް" ތިބާއަށް ސަލާމަތްތެރިކަން ހުއްޓެވެ.. މިހާ ރީތި ދީނެއްގެ ނަން ކިލަނބު ކުރަނީ އިޒްރޭލު އަޑީގައި އޮވެގެން 30،000 ވަރަކަށް މީހުންގެ ބޮލަށް ޗިޕްޖަހައިގެން ހަދައިގެން އުޅޭ އައިއެސް ޖަމާއަތުން.. ހިތަށް އަރަނީ 30،000 މީހުން އެދައްކަނީ އަސްލު އިސްލާމް ދީން ނޫންކަން ދުނިޔޭގައި ދެން ތިބި ބިލިޔަނެއްހާ މުސްލިމުންނަށް ދައްކައި ނުދެވިގެން އުޅެނީ ކީއްވެހޭ.. ޖަވާބަކީ މުސްލިމުން ބައިބައިވެ އެއް އުތްމަތެއްް ގޮތަށް އުޅެން ނުކުޅެދިފައިވާތީއޭ...
Maldives
27 July 2016
މައްސަލައަކީ އައިސިސް ފަދަ ޖަމާތްތަކުން މުސްލިމް އެކްޓްރީމިސްޓުންގެ ބޮަލަށް ޗިޕްޖަހާލަން ފަސޭހަވުން. އަދި އެމީހުން ލައްވާ އެފަދަ ޖަރީމާހިންގުން.
އަލްމުދިޝް
27 July 2016
ނުހައްގުން އިންސާނިއްޔަތު ކަތިލަމުން ދާއިރު ހޭބުއްދި ސަލާމަތުން ހުންނަ އިންސާނުންގެ ބުއްދި ގޯސްވުމުން ކަމާނުބެހޭ މީހުން މެރުން މީ ބަދަލް ހިފުން ކަމުގަ ގިނަބަޔަކަށް ދަނީ ގަބޫލު ކުރެވެމުންނެވެ.
ގަރީބް
27 July 2016
ތި އޮތީ ޑިމޮކްރަސީ އައްޑަނަޔަކަށް ހެދިފަތާ.. ސަރީއަތެއްވެސް ކުރުމެއްނެތި ފާދިރީ މަރާލިއްޔޭ ކިޔާފަ މީހަކު މަރާލެވިދާނެބާ ހަމަ.. ތި ކަމުގެ އަޑީގަތިބި ބަޔަކު ނުހޯދަ މީހަކު ހަމަ މަރާލެވިދާނެތަ.. ހަމަ އަހާލީ
ރަޝީދު
27 July 2016
މިބުނާ އައި އެސް އަކީ އެމެރިކާމީހުން އުފައްދާގެން އުޅޭ ބައެއް... އޭގެ ބޭނުމަކީ މުސްލިމުން ދެކެ މީހުން ނަފުރަތު ކުރުވުން... އިސްލާމުންނަކީ ޓެރަރިސްޓުން ކަން ދުނިޔޭގެ އެންމެނަށް ޤަބޫލުކުރެވޭފަދަ ޢަމަލު ހިންގުން.... މިއީ ކޮންސްޕެރަސީ ތިއަރީގެ ދަށުން ވަރަށް ބޮޑަށް ރާވައިގެން ހިންގާ ބޮޑު ކުޅިގަނޑެއް...މީގެ އެންމެ އަޑީގައި ތިބީ އެމެރިކާ އާއި އިޒްރޭލުން... އެހެންވެ މިދަ ޤައުމަކަށް އެއްވެސް ޙަމަލާއެއް ނުދޭނެ... ޔޫރަޕްގައި ދިރިއުޅޭ މުސްލިމުން ޔޫރަޕުން ފައްސާލުން އަދި އެހެންދީނުތަކުގެ މީހުންގެ މެދުގައި މުސްލިމުންނަށް ނަފްރަތު އުފެއްދުން ފުރަތަމަ މަރުޙަލާގެ މައިގަނޑު މަޤްސަދަކީ.. މުސްލިމުންނޭ ހެއަރާބަލަ...!