2020ގެ ނިޔަލަށް ހަތިޔާރުތަކުގެ ބޮޑު ބައި ނައްތާލަން ވާނެ: އެމެރިކާ

އެމެރިކާގެ ސެކްރެޓަރީ އޮފް ސްޓޭޓް މައިކް ޕޮމްޕޭއޯ (ކ) އަންގާރަ ދުވަހު ބޭއްވުނު ސަމިޓުގެ ތަފްސީލުތައް ހިއްސާކުރެއްވުމަށް ދެކުނު ކޮރެއާ ގައި - ފޮޓޯ: ރޮއިޓާސް

އިބްރާހިމް ސަމީރު، މިހާރު

14 ޖޫން 2018 - 09:40

5 comments

ސޯލް (ޖޫން 13) - އުންމީދަކީ އުތުރު ކޮރެއާގެ އަތުގައި ހުރި ނިއުކުލިއާ ހަތިޔާރުތަކުގެ 'ބޮޑު ބައި' ކުރިއަށް އޮތް ދޮޅު އަހަރުގެ ތެރޭ ނައްތައިލުން ކަމަށް އެމެރިކާ އިން މިއަދު ބުނެފި އެވެ.

އަންގާރަ ދުވަހު ސިންގަޕޫރުގައި ބޭއްވި ތާރީހީ ސަމިޓުގައި ބައިވެރިވެވަޑައިގަތުމަށް ފަހު މިހާރު ދެކުނު ކޮރެއާއަށް ވަޑައިގެން އުޅުއްވާ، އެމެރިކާގެ ސެކްރެޓަރީ އޮފް ސްޓޭޓްސް، މައިކް ޕޮމްޕޭއޯ ވިދާޅުވީ "ކުރިއަށް ގިނަ މަސައްކަތްތަކެއް ކުރަން ހުރި ނަމަވެސް ދޮޅު އަހަރު ތެރޭގައި އެ އަމާޒަށް ވާސިލުވެވޭނެ ކަމުގެ އުންމީދު އެބަ އޮތް" ކަމަށެވެ.

އެމެރިކާއިން މިފަދަ ވިސްނުމެއް ގެންގުޅޭކަން ޕޮމްޕޭއޯ ހާމަކުރައްވާފައި މި ވަނީ އެމެރިކާގެ ރައީސާއި އުތުރު ކޮރެޔާގެ ލީޑަރުގެ ސަމިޓަށް ފަހު ގައުމަށް ވަޑައިގެން "މިހާރު ކުރިއަށް ވުރެ ބޮޑަށް ދުނިޔެ އަމާން ވެއްޖެ" ކަމަށް ވިދާޅުވެ ޓްރަމްޕް ޓުވީޓް ކުރެއްވިތާ އެއް ދުވަސް ފަހުންނެވެ.

ސިންގަޕޫރުގައި ދެ ލީޑަރުން ސޮއިކުރެއްވި އެއްބަސްވުމުގައި އުތުރު ކޮރެއާގެ އަތުގައި ހުރި ނިއުކުލިއާ ހަތިޔާރުތަކާއި، އެތަކެތި އުފުލަން ބޭނުންކުރާ މިސައިލުތަކާއި، ތަރައްގީކޮށްފައިވާ ނިއުކުލިއާ ޓެކްނޮލޮޖީތަކާ ގުޅޭ އެއްވެސް ވާހަކައެއް ނެތެވެ.

ޓްރަމްޕާއި ކިމް ސޮއިކުރެއްވި އެއްބަސްވުމުގައި އެ ވާހަކަތައް ނެތީ ކީއްވެތޯ ސުވާލުކުރުމުން އެ ސުވާލަށް ސީދާ ޖަވާބު ދެއްވުމުގެ ބަދަލުގައި ޕޮމްޕޭއޯ ވަނީ އެ ސުވާލު ކުށްވެރިކުރައްވައިފަ އެވެ. އަދި "މަލާމާތުގެ ޒާތަށް ތާކުންތާކުނުޖެހޭ ސުވާލުތައް ކުރުން ހުއްޓައިލަން" ނޫސްވެރިންގެ ކިބައިން އޭނާ އެދިވަޑައިގަތެވެ.

އެމެރިކާގެ މި ވާހަކަތަކާ ގުޅޭ ގޮތުން އުތުރު ކޮރެއާ އިން އަދި ވަކި އެއްޗެއް ނުބުނެ އެވެ.

ނިއުކްލިއާ އުތުރު ކޮރެއާ ޔޫރަޕް އެމެރިކާ ރައީސް ޑޮނަލްޑް ޓްރަމްޕް

5 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޜާ

14 June 2018

ޟިތާކޮމެންޓް ކުރާމީހުންނައް ޔަހޫދީންނާއި ނަސޯރާއިން ނޭގުމަކީ ދެރަކަމެއް އެމެރިކާގަ ގިނައީ ނަސޯރާއިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮސާޑް

14 June 2018

އެމެރިކާ ކަލޭމެންގެ ހަތިޔާރު ބައްތާލާނީ ކޮންއިރަކު؟ އަބަދު އެހެންގައުމުތަކަކާ އަޅައިގަނެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާޖަރާ

14 June 2018

ތިޔަހުރިހާ ހަތިޔާރެއް ނައްތާލައިރަށް އެމެރިކާއިން ތިމީހުންގެ ބޮލަށް ބޮންއަޅާ ތިޔަމީހުންގެ ކަންކަން ސައިޒުކުރާނެ. ޔަގީން. އެއީ ޔަހޫދީންކަން އަދި ނުވިސްނެނީ.