ޖަޕާނުން ރާއްޖެ އަށް 2.7 މިލިއަން ޑޮލަރުގެ އެހީ ދިނުމުގެ އެއްބަސްވުމުގައި ސޮއިކުރުމަށް ފަހު، އެއްބަސްވުން ބަދަލު ކުރަނީ. - ފޮޓޯ: ފޮރިން މިނިސްޓްރީ
16 ޖޫން 2018 - 10:45
22 comments
ރާއްޖޭގެ ސިއްހީ ދާއިރާ ކުރިއެރުވުމަށް ޖަޕާނު ސަރުކާރުން 2.7 މިލިއަން ޑޮލަރުގެ (41 މިލިއަން ރުފިޔާ) އެހީއެއް ދީފައިވާ ކަމަށް ރާއްޖޭގެ ފޮރިން މިނިސްޓްރީން އިއްޔެ ބުނެފި އެވެ.
ފޮރިން މިނިސްޓްރީން ބުނީ ޖަޕާނުން ދިން އެހީއަކީ ޖަޕަނީޒް އިކޮނޮމިކް އެންޑް ސޯޝަލް ޑިވެލޮޕްމަންޓް ކޯޕަރޭޝަން ޕްރޮގްރާމްގެ ދަށުން ޖަޕާނުން ދިން އެހީއެއް ކަމަށެވެ.
މި އެހީ ދިނުމުގެ އެއްބަސްވުމުގައި ރާއްޖެ އިން ސޮއިކުރެއްވީ މިވަގުތު ޖަޕާނުގައި ހުންނެވި ފޮރިން މިނިސްޓަރު ޑރ. މުހައްމަދު އާސިމެވެ.
ޖަޕާނުގެ ފަރާތުން އެއްބަސްވުމުގައި ސޮއިކުރެއްވީ އެ ގައުމުގެ ފޮރިން މިނިސްޓަރު ޓާރޯ ކޯނޯ އެވެ.
ޖަޕާންގެ ފޮރިން މިނިސްްރީގައި ބޭއްވި ރަސްމިއްޔާތުގައި ފޮރިން މިނިސްޓަރު އާސިމް ވަނީ ޖަޕާނުން ރާއްޖެ އަށް ދެމުން އަންނަ އެހީ އާއި އެހީތެރިކަމަށް ޝުކުރު އަދާކުރައްވައިފަ އެވެ. ރާއްޖެ އާއި ޖަޕާނަކީ އަބަދުވެސް ގާތް ގައުމެއްކަން މިނިސްޓަރުން ފާހަގަ ކުރެއްވި ކަމަށް ފޮރިން މިނިސްޓްރީން ބުންޏެވެ.
ފޮރިން މިނިސްޓަރު އާސިމް، ޖަޕާނަށް ކުރައްވަމުން ގެންދަވާ ދަތުރުގައި ރާއްޖެ-ޖަޕާންގެ ޑައިލޮގުގެ ފުރަތަމަ ބުރުގެ މަޝްވަރާތައް ބޭއްވި އިރު، ޖަޕާނުގައި ހުންނަ ދިވެހި އެމްބަސީން، ޓްރެވަލް ޓްރޭޑް މަންދޫބުންނަށް އަމާޒުކޮށް ބޭއްވި ސެމިނާއެއްގައި ވެސް މިނިސްޓަރު ބައިވެރިވެވަޑައިގެންނެވި އެވެ. އަދި ޖަޕާނުގެ ބައެއް ވަޒީރުންނާ ބައްދަލު ކުރައްވައި، ގުޅުން އިތުރަށް ބަދަހި ކުރުމަށް މަޝްވަރާތައް ކުރެއްވި އެވެ.
ޖަޕާނަކީ ރާއްޖެ އަށް މާލީ ގޮތުން އެހީތެރިކަން ފޯރުކޮށްދެމުން އަންނަ ގައުމެކެވެ. އެ ގައުމުން މިހާތަނަށް އެންމެ ގިނަ އެހީއެއް ދިނީ ރާއްޖޭގެ ސިއްހީ ދާއިރާ ކުރިއެރުވުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޑުއްވަރީ ހުސޭނު
17 June 2018
ހަމަ ހިލޭ އެހީ..... ކިހާސަޅި .. ކޮން ތާކަށް ބަ ތިޔަ ފައިސާ ވަންނާނީ.......
ސީނު
17 June 2018
އެއްވެސް ކަމަކާ ނުލާ!
އައިސާނިކެ
17 June 2018
މިއީ ދުނިޔެގަބޫލުކުރާ ތަރއްގީއޭ
ުއަކަސާކާ
16 June 2018
ޖަޕާނާ އީދު ދިމާނުވިއަސް ފިތުރުޒަކާތް އެދިނީ ހަމަ އެންމެ ތިޖޫރީ ފަގީރު ގައުމަށް. އެކަމަކު ކައްޕީގެ ސްޓައިލަށް ޖަޕާނަށް ޝުކުރިއްޔާ ދަންވަފާނެތީ ބިރު ބޮޑު!!
ޝޮކްތެރަޕީ
16 June 2018
ޔާމިންގެ ތަރައްގީ މިހާތަނަ ހުރި ހުރިހާރައިސްސުން ނަވުރެރަގަޅު އެމްޑީޕީގެ ސަބަބުން އެތަކެތަރައްގީގެ ޕްރޮޖެއްކްޓުތަ ގެއްލުނު ނަޝީދަކަ ތާއީދެނުކުރެވޭނެ.
ޢަބްދުﷲނާފިޒް
16 June 2018
ޓެގު އެޅުވުން ވަރަށް ބުއްދިވެރި، ކުރިމަތީ މިއޮތީ ރިޔާސީ އިންތިޚާބުވީމަ މިހެން މިބުނެލީ.....
ރާއްޖެ
16 June 2018
5 އަހަރުގެ ދައުރެއް ނިމިގެންދާ އިރު ވެރިކަން ކުރާ ޕާޓީއަށް ދެމިލިޔަން ޑޮލަރު ނުލިބިގެން އުޅެން ޖެހުމަށްވުރެ ފުދިފަ ތިބޭނީ.
ވާނުވަ
16 June 2018
ދަރަނި އަށާ ހިލޭ އެހީގެ ފައިސާ ކިތަންމެ ވަރަކަށް ވެސް ގައުމަށް ވަދެއްޖެ. ކެޔޮކޭވަރު އިނގޭނީ އެކަމު ބިތު ފަންގި ނެގުނު ދުވަހަކުން.
ވައްބެ
16 June 2018
" އެ ގައުމުން މިހާތަނަށް އެންމެ ގިނަ އެހީއެއް ދިނީ ރާއްޖޭގެ ސިއްހީ ދާއިރާ ކުރިއެރުވުމަށެވެ." ހަމަ ޔަގީންތަ އަޅާފަހުރި ހުރިހާ އަތޮޅު މަދަރުސާތަކަށް ކޮށްފަހުރި ހަރަދު ބޮޑުނުވާނެކަން؟
ރާއްޖެ
16 June 2018
ހަގީގީ ރައްޓެހިންނަކީ މިއީ. ކޮންމެ މީހަކު ވެރިކަމުގައި ހުއްޓަސް ދިވެހިންނަށް އެހީތެރިވެދޭތީ...
ތެދެއް
16 June 2018
ދެރަކަމަކީ ޒަމާނުއްސުރެ އޮތް މިގުޅުމަށްވުރެ ޖަޕާނުގެ ހަތުރުން(ޗައިނާ) އިސްކުރާތީ
ހެހެ ހޭ
16 June 2018
ސިއްހީ ދާއިރާ އަކަށް ނުން ޖަަޕާނުން އެއްމެގިނަ އެހީ ދީފައިވަނީ. އެއްމެ ބޮޑު އެހީ ދީފައިވަނީ ތައުލީމީ ދާއިރާޔަށް. ވަރަށް ސަލާމް ލިޔުނުމީހަކަށް.
ޢަބްދުﷲނާފިޒް
16 June 2018
ތިޔަ ކޮމެންޓަށް \ ވަރަށް ތާއީދު، މާލޭގަ ހުރި ކަލާފާނު ސްކޫލް، މުޅި ސްކޫލް ( ކޮމްޕްލިޓް ) އިމާރާތް ފަރުނީޗަރު، ލެބް، ޗާޕުކުރާ މެޝިންތަކާ އެއަށް ބޭނުންވާ ކުލަ އަދި ސްޕެއަރ އާއެކު...........އޮޑިޓޯރިއަމް ހޯލު ކޮމްޕްލިޓް.