މަންތާ އެއާއިން ގެންނަ މަތިންދާބޯޓެއްގެ ކުރެހުމެއް: އެ އެއާލައިންގެ ދަތުރުތައް އަންނަ އޮކްޓޯބަރު މަހު ފެށުމަށް އަންނަނީ ތައްޔާރުވަމުން. ފޮޓޯ: މަންތާ އެއާ
20 ޖޫން 2018 - 13:47
14 comments
މަންތާ އެއާގެ ހިދުމަތް ފަށައިގަތުމަށް ގާތްގަނޑަކަށް 300 މީހުން އެކި ވަޒީފާތަކަށް ހޯދަން ނިންމާފައިވާ ކަމަށް އެ އެއާލައިނުން މިއަދު ބުނެފި އެވެ.
އަލަށް އުފައްދާ ޑޮމެސްޓިކް އެއާލައިންގެ އިސް އޮފިޝަލަކު ވިދާޅުވީ، އަންނަ އޮކްޓޯބަރު މަހުގެ ތެރޭގައި އުދުހެން ފެށުމަށް ޕައިލެޓުންނާއި ފަސްޓް އޮފިސަރުން އަދި ކެބިން ކްރޫންނާއި އިންޖިނިއަރުންނާއި ލީޑް ޓެކްނީޝަނުންނާއި ޓެކްނީޝަނުން ހޯދަން އިއުލާންކޮށްފައިވާ ކަމަށެވެ.
"އަޅުގަނޑުމެން މި މަސައްކަތްކުރަނީ ކޮންމެ އެއާކްރާފްޓަކަށް ފަސް ކްރޫ ސެޓް ހޯދަން. އޭގެ އިތުރުން އެއާލައިންގެ އެކި ޑިޕާޓްމަންޓްތަކަށް މީހުން ހޯދުމުގެ މަސައްކަތް ވެސް ކުރަމުން މި އަންނަނީ،" އޭނާ ވިދާޅުވި އެވެ.
އެ އޮފިޝަލް ވިދާޅުވީ އެ އެއާލައިންގެ ވަޒީފާތައް ދިނުމުގައި އިސްކަން ދެނީ ދިވެހިންނަށް ކަމަށެވެ.
"މިހާރު ވެސް ވަރަށް ގިނަ ދިވެހިން އެކި ވަޒީފާތަކަށް އެބަ ކުރިމަތިލާ. އަލަށް ފަށައިގަންނަ އެއާލައިނަކަށް ވީމަ ހުރިހާ ޑިޕާޓްމަންޓްތަކަށް ވެސް މީހުން ހޯދުމުގެ މަސައްކަތްކުރަމުން މިދަނީ،" އޭނާ ވިދާޅުވި އެވެ.
ދ. ކުޑަހުވަދޫ އެއާޕޯޓާއި ކަނޑިންމަ ރިސޯޓު ވެސް ހިންގާ ރިއޮލޯ އިންވެސްޓްމަންޓުން ހަދާ އެއާލައިންގެ މައި ހަބަކަށް ހެދުމަށް ހަމަޖެހިފައި ވަނީ ދ. ކުޑަހުވަދު އެވެ.
މަންތާގެ އޮފިޝަލް ވިދާޅުވީ އެ އެއާލައިންގެ ދަތުރުތައް ފެށޭނެ ދުވަހެއް ކަނޑައެޅޭނީ ސިވިލްއޭވިއޭޝަން އޮތޯރިޓީން އެއާ އޮޕަރޭޓާސް ސެޓްފިކެޓް (އޭއޯސީ) ލިބުމުން ކަމަށެވެ. އަދި އެ ސެޓްފިކެޓް ހޯދުމުގެ ކުރިން ފުރިހަމަކުރަން ޖެހޭ މަސައްކަތްތައް ކުރަމުން އަންނަ ކަމަށް ވެސް އެއާލައިންގެ އޮފިޝަލް ވިދާޅުވި އެވެ.
މަންތާ އިން ނިންމާފައި ވަނީ ހިދުމަތް ފަށައިގަންނަ އިރު އޭޓީއާރު މަރުކާގެ، 72 މީހުންގެ ޖާގައިގެ ތިން މަތިންދާބޯޓާއި 16 ގޮނޑީގެ ހަތަރު ސީޕްލޭން ގެންނާށެވެ.
"އަޅުގަނޑުމެން މި މަސައްކަތްކުރަނީ އަންނަ ސެޕްޓެމްބަރު މަހުގެ ތެރޭގައި ބައެއް ބޯޓުތައް ގެނެވޭތޯ. އަދި އޮކްޓޯބަރު މަހުގެ ތެރޭގައި ހިދުމަތް ފެށޭނެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުތު
21 June 2018
ކީއްވެހޭ ހަނިމާދޫ އަށް ދަތުރު ނުކުރަނީ. މީހާދަ ޑިމާންޑް ހިސާބެކޭ.
ާޢަލީ
20 June 2018
ކޮބާ ކޮންޓެކް ނަންބަރު
ލަތީފ
20 June 2018
މައްސަލައަކި ވަޒީފާއެއްނޫމް މައްސަލައަކި ދިވެހިންނަޢް ވަޒީފާގަ މުރާލިކަމުން އުޅެންނުކެރެނި ވަޒީފާގަ އުޅެމުން އެހެންތަނަކުން ވަޒީފާއަށް ގޮވާލާެއިރު ދުއްވައި ގަންނަނީ އެތާކައް އަނެއްކަ 3 މަސް ހަމަނުވަނެ ހުންނާނީ ވަޒީފާެިން ކެނޑެންވެފަ އަނެއްކަ މަހަކު 5 ފަހަރު އޮފްޑޭ ލިބެންޖެހޭ ސަލާމް ވެސް އޮތިއްޔާ ވަކި ސަބަބެއްނެތި އެވެސް އޮންނަނީ އަހަރު ދެބައިވާންވާއިރައް ތަލާބުރުވާފަ އީދެއް އައިއްސިއްޔާ އީދުޗުއްޓީ ނިމިގެން އަދި އިތުރަށް ވަޒީފާެއަޢް ނުގޮސް ސަލަމުގަ ދެދުވަސް ހުންނަންޖެހޭ މިވަރުން ކިހިނެއްތަ ދެންހަދާނި އަހަރެމެން އަމިއްލަޔައް ބުއި ބޮނޑީގެ ސަބަބުން ބޭރުމިހުން ގެންނަންޖެހެނީ
އާޒިމާ
20 June 2018
300 ވަޒީފާ މިހާރު އޮތީވިކިފައި ދިވެހީން ހަނދާންނައްތައިލުން ބުއްދިވެރީ... އިއުލާން ވެސްކުރާނެ ނުލިބުނުކަމައް ނިންމައި ފައިލް ކުލޯސް
ކުޑަހުވަދޫ ކުދިން
20 June 2018
ހުސްފޮނި އަނގަ.ހަނދާއެބަހުރި ތި ހަލީލު މެން ރިސޯޓް ހުޅުވިއިރު ކެޑި ފޮނި.ރަށުގެ މީހުންނާ ބައްދަލްކޮށްފަ ބުނި ރަށުމީހުން ހައްދާ ތަރުކާރި ކޮޅާ މަސްވެރިން ބާނާ ފަރުމަސްކޮޅު ވެސް ރިސޯޓަށް ނަގާނެވާހަކަ.ނުނެގިތާ މިއުޅެނީ ގޮތެތް ނެތިގެން މީހުންގެ އަތުން ނެގި ތަކެތީގެ ލާރިކޮޅުވެސް ނުދީގެން.
އަލިފް
20 June 2018
އަލަށް ރާއްޖެ އަންނަ ބޭރުގެ އިންވެސްޓަރުން ދިވެހީންނަށް ރަނގަޅު މުސާރައެއް ދޭން ބޭނުންވެއެވެ. އެކަމު އެކަން ނުވަނީ މަދު ބައެއް ގެ ސަބަބުންނެވެ. އެމީހުން ކުންފުންޔަށް ފައިދާ ހޯދާ ދިނުމުގެ ނަމުގައި ދިވެހި މީހުން ނިކަމެތި ކޮށްލަނީއެވެ.
ޝޮކްތެރަޕީ
20 June 2018
އިންޑިޔާ މީހުންނަ ވަޒީފާނުދޭތި.
ާަެެުުްއެނަ
21 June 2018
ޠިބުނި ރަގަލައް
މަރީ
20 June 2018
މުޅި ގައުމު މިމީހުންގެ އަތްދަށުގަ. ސަރުކާރު މިމީހުން ބުނިހާ ގޮތެއް. މިނޫންދުވަހެއް އެބަ އަންނަންޖެހޭ. މީހަމަ އެކަނި މިދެތިން މަހުޖަނުންނަށް އޮތް ގައުމެއް ނޫން.
ޒަމީރު
20 June 2018
އިންތިޚާބު ނިމޭއިރަށް ވަޒީފާވެސް ނިމޭނެ
ކޮލެޖް ބޯއީ
20 June 2018
މި މުއްސަނދީން ރާއްޖޭގެ ފަޅު ރައްތައް ވެސް ހުސްކޮށްފި. ދެން މިހާރު ދޫނި އަރާ ފިނޮޅުތަކާއި، ކުދި މަސް އުޅޭ ހާތަކާއި، ގަލާއި ހިރިވެސް، ފަރުވެސް ކައި ހުސްކުރަނީ. އަދި ނުވިތާކަށް ސިޓީ ހޮޓަލުގެ ނަމުގައި އަހަރެމެން ދިވެހީން އުޅޭ ރައްތަކުން ވެސް ބޮޑު ބައެއް ފެންސް ޖަހާ ވަކިކޮށް ބަންދުކުރަނީ. އެތަންތަނަކީ ސީދާ ވަކި ރިސޯޓް. އެތަންތަނުގައި އިކޯ ޓޫރިޒަމް އޯ ކިޔާފައި މަކަރަކުން، ދަނޑުގޮވާން ވެސް ކުރަނީ. ރަށު މީހުން ހައްދާ އެއްޗެހި ވިއްކާކަށް ފުރުރުސަތެއް ނެތް. ގަންނާކަށް ބޭނުމެއް ނުވޭ. ދެން ދިވެހިންނަށް ވަޒީފާ އޭ ބުންޏަސް އާޚިރުގައި ނިމޭ އިރު ހުސް ބިދޭސީން. އެމީހުންގެ ޖީބު މަތީގަ އިނދެ ދާނެ، މޯލްޑިވްސް ޖަހާފައި. އެ ދިވެހި ވީ.