ފައިނު އެއާޕޯޓުގެ މަސައްކަތް އަންނަ މަހު ފަށާނެ: އައިއޭއެސް

ރ. ފައިނު: އެ ރަށުގެ އެއާޕޯޓު ހަދަން އަންނަ މަހު މަސައްކަތް ފަށާނެ.

އަބްދުﷲ ޖަމީލު، މިހާރު

01 ޖުލައި 2018 - 13:05

ރ. ފައިނު ޑޮމެސްޓިކް އެއާޕޯޓު ހެދުމުގެ މަސައްކަތް އަންނަ މަހުގެ ފަހުކޮޅު ފަށާނެ ކަމަށް އައިލެންޑް އޭވިއޭޝަން ސާވިސް އިން މިއަދު ބުނެފި އެވެ.

ވައިގެ ދަތުރުފަތުރުގެ ޚިދުމަތް ދޭ ސަރުކާރުގެ ކުންފުނިން ފައިނުގައި ޑޮމެސްޓިކް އެއާޕޯޓު އެޅުމަށްޓަކައި ހަތަރު ހެކްޓަރުގެ ސަރަހައްދެއް ހިއްކަން ނިންމާފައި ވެ އެވެ. އޭގެ އިތުރުން، ދެ ސިޓީ ހޮޓަލާއި މެޑިކަލް ސެންޓަރަކާއި ބައެއް ކަހަލަ ސާޖަރީތަކުން ރިކަވާ ވާ މީހުންނަށް ޚިދުމަތް ދޭ ފެސިލިޓީއަކާއި އައިލެންޑް އޭވިއޭޝަންގެ މަތިންދާބޯޓުތަކަށް ޚާއްސަ ހޭންގަރަކާއި މުވައްޒަފުން ތަމްރީން ކުރާނެ ތަނެއް ހަދަން ނިންމާފައި ވެ އެވެ.

އައިލެންޑް އޭވިއޭޝަންގެ މެނޭޖިން ޑިރެކްޓަރު އަބްދުލް ހާރިސް މިއަދު ވިދާޅުވީ، އަށް މިލިއަން ޑޮލަރު (123 މިލިއަން ރުފިޔާ) ޚަރަދު ކޮށްގެން ފައިނުގައި ހަދާ އެއާޕޯޓުގެ އަމަލީ މަސައްކަތް އަންނަ މަހުގެ ފަހުކޮޅު ފެށުމަށް ތައްޔާރުވަމުން އަންނަ ކަމަށެވެ.

"މި ޕްރޮޖެކްޓަކީ އަޅުގަނޑުމެން ޚާއްސަ އިސްކަމެއް ދީގެން ކުރިއަށް ގެންދާ މަޝްރޫއެއް. އަދި މި ޕްރޮޖެކްޓް ކުރިއަށް ގެންދަން އެ ރަށު މީހުން ވެސް ވަރަށް ބޮޑަށް ބޭނުންވޭ،" އޭނާ ވިދާޅުވި އެވެ.

ހާރިސް ވިދާޅުވި ގޮތުގައި، ފައިނުގެ އެއާޕޯޓު ހުޅުވުމަށް ފަހު، ފުރަތަމަ ފަށައިގަންނައިރު ވެސް ދުވާލަކު 10 މަތިންދާބޯޓު ޖައްސަން ޖެހޭނެ ކަމަށް ލަފާކުވެ އެވެ. އެއީ، އެ ސަރަހައްދުގައި ގިނަ އަދަދެއްގެ ރިސޯޓުތަކެއް އޮޕަރޭޓް ކުރަމުން އަންނާތީ ކަމަށް އޭނާ ވިދާޅުވި އެވެ.

"ފައިނުން ފުރައިގެން 10 ވަރަކަށް މިނިޓުން ދެވޭ ހިސާބުގައި ގިނަ ރިސޯޓުތައް ހުރީ. މި އެއާޕޯޓު ހުޅުވުމާއެކު އެ އަތޮޅަށް ސީ ޕްލޭނުން ކުރާ ދަތުރުތައް ވަރަށް މަދުވާނެ،" ހާރިސް ވިދާޅުވި އެވެ.

އޭނާ ވިދާޅުވީ ފައިނު އެއާޕޯޓާ އެކު 80 ވަރަކަށް ވަޒީފާ އުފެދޭނެ ކަމަށެވެ. އޭގެ އިތުރުން ސިޓީ ހޮޓަލާއި ޓްރެއިނިން ސެންޓަރަކާއި ކާގޯ ވިލެޖް ފަދަ ތަންތަން ތަރައްގީ ކުރުމުން، ފައިނުގައި ވަޒީފާއެއް ނެތް މީހަކު ވަރަށް މަދުވާނެ ކަމަށް ވެސް ހާރިސް ވިދާޅުވި އެވެ.

ފައިނު އެއާޕޯޓު ހަދަން ބޭނުންވާ ފައިސާ ހޯދަނީ އައިލެންޑް އޭވިއޭޝަންގެ ދަތުރުތަކުގެ ޓިކެޓް އެޑްވާންސްކޮށް ވިއްކައިގެންނެވެ. އެގޮޮތުން، މި ޕްރޮޖެކްޓަށް ބޭނުންވާ ފައިސާ ހޯދަން ޓިކެޓަށް އެޑްވާންސް ފައިސާ ދިނީ ޔުނިވާސަލް އެންޓަޕްރައިޒަސް އާއި ރ. އަތޮޅުގައި ރިސޯޓް ހިންގާ ބައެއް އެހެން ކުންފުނިތަކުންނެވެ.

އައިލެންޑް އޭވިއޭޝަން ޓޫރިޒަމް ރ. ފައިނު

12 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދުލްމުހައިމިން

02 July 2018

"ރ. ފައިނު މިއީ ޑިފެންސް މިނިސްޓަރު ގެ ރަށް. އެހެންވީމާ ފަސް މިނެޓުން ދެވޭ ހިސާބުގަ އެއަޕޯޓް ހުއްޓަސް ފައިނަށް އެއަޕޯޓެއް ބޭނުންވާނެ." ކޮލެޖު ބޯއީ އަށް ދަންނަވާލަން. 5 މިނިޓުން ދެވޭހިސާބުގައި ރ.އަތޮޅުގައި އެއަރޕޯޓެއް އޮތީ ހަމައެކަނި ހުޅުދުއްފާރު، އުނގޫފާރު މި 2 ރަށުގެ މީހުންނަށް. ވާނުވާ ނޭނގި ޝުޢޫރު ފާޅުނުކުރައްވާ! އިރާދަ ކުރެއްވިއްޔާ މާ ގިނަ ދުވަހެއްނުވެ، ފައިނު އެއަރޕޯޓުން އަޅުގަނޑު ދަތުރުކުރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

02 July 2018

ދެރަކަމެއް. ކޮބައިތަ މިގައުމުގަ ތިމާވެއްޓޭ ކިޔައިގެން އޫޅޭ އަމިއްލަ ޖަމީއްޔާތަކާ ތިމާވެއްޓަށް ލޯބިކުރާ މީހުންތައް؟ މިކަން ހުއްޓުވަން ނުކުމެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަފުށީ ފަންކާ

01 July 2018

ހޯރަފުށީ އެއާރފޯޓް އަޅާށޭ ކިޔާ ގެންދިޔައީ ހައިމާކަކާއި ދެފީފާ ޑީސަލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖް ބޯއީ

01 July 2018

ރ. ފައިނު މިއީ ޑިފެންސް މިނިސްޓަރު ގެ ރަށް. އެހެންވީމާ ފަސް މިނެޓުން ދެވޭ ހިސާބުގަ އެއަޕޯޓް ހުއްޓަސް ފައިނަށް އެއަޕޯޓެއް ބޭނުންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށު މައްޖެ

01 July 2018

ތިބުނާ 20 މިނެޓުން ދެވެނީީ ލޯންޗުގަނަމަ މީދޫ، ފައިނު، ކިނޮޅަސް، މަޑުއްވަރި މިރައްތަކުގެ މީީހުން ދަނީ ކިތައްރުފިޔާ ޙަރަދުކޮއްގެން ތުއްތުނާ ކަލޭޖޭވީީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންމަނިކުފާނު

01 July 2018

ކޮބާ އިދިކޮޅޭމެން! ތެޅުން ވަރަކަށް ތެޔޮ ހަން ދާނީ! ކުޅުދުއްފުށީ ކުޅިއެއް! ފުނަދޫ ކުޅިއެއް! ފައިނުގެ ޖަންގަލި! ދެން ނެތްތަ ދައްކާމެ ވާހަކއެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

01 July 2018

ބާރުގަދަ މީހުން ތަންތާ ތިބީމާ ނުފޫޒުން ކުރާކަންތައްތައް މީ. ކުރިން ޢަބްދުއްރައްޒާޤް އިދްރީސް ކިޔާމީހަކު ސިވިލް އޭވިއޭޝަންގެ އިސްމަގާމެއްގައި ހުރި އިރު އޭރު ރ. އަތޮޅުގައި ސަރުކާރުން އަޅަން އުޅުނު އެއާޕޯރޓް އަނބުރާލީ އޭނާގެ އުފަންރަށް ބ. ދަރަވަންދޫއަށް. ދެން މީ ފައިނު. ހުރިހާ ކަމެއް ރ އަތޮޅުގެ ދެކުނު ކޮޅަށް. އުތުރު ކޮޅު އޮތީ ފަޅުތަނަކަށް ހަދަން ސަރުކާރުން ހިފާފައި ތޯއްޗެއް. އަލިފުށި އެއޮތީ ބޮޑު އާބާދީއެއް. އެމީހުން ޖެހެނީ އެތައް ހިސާބު ދުރަށް ދަތުރު ކުރަން. އެންމެ ކުޑަމިނުން ކީއްތޯވާނީ ރ. ވާދޫ ފަޅުން ބައެއް ހިއްކައިގެން އެއާޕޯޓެއް ހަދައި އެރަށް އިތުރަށް އާބާދު ކުރުވިނަމަ. އަދި އެރަށުގެ ފަޅުގައި އެބައޮތް ރިސޯޓް ހަދާނެ ޖާގަވެސް. އޭރުން ގައިމު އަލިފުށީ މީހުންނަށްވެސް ކަމެއް ކޮށްދެވުނީދޯ؟