އިސްލާމިކް ޔުނިވާސިޓީގެ ބައްދަލުވުމެއްގައި ޝަހީމް ވާހަކަ ދައްކަވަނީ: ކުރިއަށް އޮތް ރިޔާސީ އިންތިޚާބުގައި، ރައީސް ޔާމީންގެ ރަނިން މޭޓަކަށް އޭނާ ވަނީ ހަމަޖައްސާފައި. --ފޮޓޯ/މިހާރު
09 ޖުލައި 2018 - 19:28
32 comments
އިސްލާމިކް ޔުނިވާސިޓީގެ ޗާންސެލަރު ކަމުގެ މަގާމުގައި ދެމިހުންނަވައި ސިޔާސީ މަސައްކަތް ކުރެއްވުމަކީ ގާނޫނީ ގޮތުން މައްސަލައެއް އޮތް ކަމެއް ނޫން ކަަމަށް ރައީސް އަބްދުﷲ ޔާމީންގެ ރަނިން މޭޓު، ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
ރައީސް ޔާމީންގެ ސަރުކާރުގައި އިސްލާމިކް މިނިސްޓަރު ކަން ކުރައްވައި، މިހާރު އިސްލާމިކް ޔުނިވާސިޓީގެ ޗާންސެލަރުގެ މަގާމުގައި ހުންނެވި ޝަހީމަށް، ރައީސް ޔާމީން ވަނީ އެމަނިކުފާނުގެ ރިޔާސީ ދެވަނަ ދައުރަށް ރަނިން މޭޓު ކަން ދެއްވައިފަ އެވެ.
ޝަހީމް ކުރިން ނިންމެވީ، ޗާންސެލަރު ކަމުގެ މަގާމުން އިސްތިއުފާ ދެއްވުމަށް ފަހު، ސިޔާސީ މަސައްކަތްތައް ކުރިއަށް ގެންދިއުމަށެވެ. އެކަމަކު، އެ ނިންމުން ބަދަލުކުރައްވައި، އިސްތިއުފާ ނުދެއްވީ، ރައީސް ޔާމީންގެ އެދިވަޑައިގަތުމަށް ކަމަށް ޝަހީމް ވިދާޅުވި އެވެ.
އޭނާ ވިދާޅުވި ގޮތުގައި އެ ނިންމެވުމުގައި ގާނޫނީ އެއްވެސް މައްސަލައެއް ނެތް ކަމަށް އެޓާނީ ޖެނެރަލް މުހައްމަދު އަނިލް ވެސް ވަނީ ލަފާ ވެސް ދެއްވައިފަ އެވެ.
އެ ލަފައާ އެކު، ޔުނިވަސިޓީ ހިންގަން ވައިސް ޗާންސެލަރަކަށް ރައީސް ޔާމީން ވަނީ، ހދ. ވައިކަރަދޫ، ބުލޫހައުސް، އާއިޝަތު ހަލީލާ އަބްދުއްސައްތާރު ހަމަޖައްސަވައިފަ އެވެ.
"ޗާންސެލަރު ކަމުގެ މަގާމުގައި އަޅުގަނޑު ދެމި ހުރި ނަމަވެސް ހިންގުމުގެ މަސައްކަތްތައް ކުރިއަށް ގެންދަވާނީ، އެ ބޭފުޅަކު [ވައިސް ޗާންސެލަރު]. އަޅުގަނޑުގެ ދައުރަކަށް އޮންނާނީ އެޑްވައިޒަރީ ރޯލެއް،" ރައީސް ޔާމީންގެ ރަނިން މޭޓަކަށް ހަމަޖެއްސެވި ފަހުން ބޭއްވި ފުރަތަމަ ނިއުސް ކޮންފަރެންސްގައި ޝަހީމް ވިދާޅުވި އެވެ.
ޕީޕީއެމްގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޝަހީމް ވާހަކަ ދައްކަވަނީ. --ފޮޓޯ:އަލީ ނިޝާން/މިހާރު
ޝަހީމް ވިދާޅުވި ގޮތުގައި، ޗާންސެލަރު ކަމުގެ މަގާމުގައި ދެމިހުންނެވުމަކީ، މި އަހަރުގެ ސެޕްޓެމްބަރު 23 ގައި ބާއްވާ ރިޔާސީ އިންތިޚާބުގެ ކެމްޕޭނަށް އޮތް ހުރަހެއް ނޫނެވެ. އިސްލާމިކް ޔުނިވާސިޓީ އަކީ ރައީސް ޔާމީންގެ ވަރަށް މުހިއްމު މަޝްރޫއެއް ކަމަށާއި އިންތިޚާބު ކާމިޔާބުވެއްޖެ ނަމަ ވެސް އިސްލާމީ ޔުނިވަސިޓީގެ މަސައްކަތް ކުރިއަށް ގެންދަން ޖެހޭނީ އޭނާގެ ބެލުމުގެ ދަށުން ކަމަށް ރައީސް ޔާމީން ވިދާޅުވި ކަމަށް ޝަހީމް ވިދާޅުވި އެވެ.
"އެ އިރުޝާދު އަޅުގަނޑު ބަލައިގަނެ، ޔުނިވަސިޓީގައި ދެމިހުންނާނަން،" ޝަހީމް ވިދާޅުވި އެވެ.
އޭނާ ވިދާޅުވި ގޮތުގައި އަންނަ ހަފުތާގައި ޕީޕީއެމަށް ސޮއި ކުރައްވައި، ރައީސް ޔާމީނަށް ތާއީދު ހޯއްދެވުމުގެ ކެމްޕޭން ދަތުރުތައް ވަރަށް އަވަހަށް ފައްޓަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައްތާރު / މހއ
10 July 2018
ނިކަންރަގަޅަށް އަދި އެއްފަހަރު ޔުނިވަރސިޓީގެ ހިންގާ ގަވާއިދު 19 މާއްދާގެ " ކ " ކިޔާލަބަލަ ކޭކޭތޯ އެބުނަނީ. އެހެންވީމާ މިހާރު އެގިއްޖެ އަނިލްއަށް ބޮޑު ގާނޫން އަސާސީއެއް ފޯރުކޮށްދިނީވެސް ފޯރުކޮށްދޭން ޖެހިގެންކަން. އަދި ޝަހިމްއަކީ ޗާންސެލަރުކަމުގައި ހުއްޓަސް އަސަސީގަވާއިދުވެސް ނޭގޭ މީހެއްކަން.
ޕީކީ ބްލައިންޑާރ
10 July 2018
މަރުޚަބާ ޑރ. ޝަހީމް! ރޔ2018 ޔަޤީން!
އައްޑާ
10 July 2018
އެއްވެސް ކަމެއް ކުރުމަށް މިހާރު ހުރަހެއް ނެތެވެ. އުޞޫލްތަކާއި ހަމަތައް ވެއްޔާ މޮޑެލައިފިއެވެ.
އުނބުށެން
10 July 2018
ބޮޑަށް ހީވަނީ ކުރިން ނިންމި ނިންމުން ބަދަލުކުރީ ޔަގީންކަން ކުޑަވީމަހެންނެވެ. ޔަގީންކަން އޮތްނަމަ ފަހުންވެސް ދޫކޮށްލަންޖެހޭކަމެއް ސިޔާސީ މަސައްކަތަށް އެންމެބޮޑަށް ވަގުތު ދޭންޖެހޭ ވަގުތު ދޫކޮށް ނުލާންވީ ސަބަބެއް ނެތެވެ. ހުރި މަޤާމަށް ވަގުތު ނުދެވި އެހެން މީހަކާ ހަވާލުކޮށްގެން އެމީހަކު ހުރިހާ ބުރައެއް އުފުލީމާ ނަމެއްގައި ތިމާ ހުރެގެން މުސާރަ ނެގުމަކީ އިސްލާމީ ރިވެތި އުސޫލުތޯއެވެ.
އަބްރަހަމް
10 July 2018
ރައްޔިތުންގެ ބައިތުލް މާލުން ލާރި ނަގަންވެސް ހުރަހެއް ނެތް.. ދެން ހަމަ ނަގަން ޖެހޭތައް.. ދުނިޔޭގައި އުޅޭއިރު ރީތި ގޮތަށާއި ހުތުރު ގޮތަށްވެސް އުޅެވެން އޮވޭ.. ހުތުރު ގޮތް އިޙްތިޔާރު ކުރަނީ ޢާއްމުކޮށް ޖާހިލުން
އާދަނުބެ
10 July 2018
ޑރ.ޝަޙީމްގެ ތިޔަ ނިންމެވުމަކީ މިހާތަނަށް އުމުރުގައިވެސް ނިންމެވުނު އެންމެ ނުރަނގަލޫ ނިންމުމް. ތިޔަ ކަމާ ހިތާމަކުރާނެ ދުވަހެއް ައުމަކީ ދުރުގައިވާކަމެއްނޫން. ތިޔަ މަޣާމަށް އެއްބަސްވުމުން މިހާރު އަުަލަގަނޑުމެންގެ އިހްތިރާމާއި ލޯބި ވަނީ ގެއްލިފަ. މީ ސުންނަތަށް ލޯބިކުރާ ޖަމަޢާތެއްގަެ ފަރާތުން ދަންވާލި ވާހަކައެއް. މިމސެޖް މަނިކުފާނަށް ރައްދުކޮށްދިނުމަށް މިހާރު ނޫހުގެ ކޮމެންޓް ބަޔާއި ހަވާލުކުރަން. ވަރަށް ސަލާމް.
ކެނެޑީ
10 July 2018
ޖަމާއަތުގެ ނަންވެސް ޖަހާލިނަމަ
އައްޑޫ ބެއްޔާ
10 July 2018
އަހަރެން ގޮވާލަން އިސްލާމިކް ޔުނިވާސިޓީ ގެ ހުރިހާ ދަރިވަރުން މިކަމާއި ދެކޮޅަށް ފާލުގަ ނިކުންނަން. މިއީ ވަރަށްބޮޑު ގޯހެއް. ކިރިޔާވެސް ސިޔާސީ ކަންތަކުން އެކަހެރިކޮށް އޮތް 2 ޔުނިވާސިޓީއަށް ސިޔާސީކަންކަންވަދެދީގެން ނުވާނެ. އިހުތިޖާޖުކޮށް މުޅި ޔުނިވާސިޓީގެ ކުލާސްތައް 2 ދުވަހަކަށް ހުއްޓުވާލަންވީ. ދަރިންނޭ. ޤައުމުގެ އިސްލާޙުކުރުމުގައި ޔުނިވާސިޓީދަރިވަރުންނަށްވުރެ ނުފޫޒުގަދަ ބަޔަކު ޤައުމެއްގައި ނުތިބޭނެ.
މޫމިނާ
10 July 2018
އޮޅުވާލުން. ޝަހީމަށް އެނގޭ އިންތިހާބުން ކާމިޔާބު ނުވާނެކަމާ، އިންތިހާބުވިޔަސް ތިމަންނަޔަށް އޮންނާނީ މޭޑަމް ބުނާގޮތަށް މެޓާޕެކެޓް ބަންދުކުރުންކަން. އެހެންވީމާ ޔާމީންކައިރީ ބުނެގެން ނައިބުރައީސްކަން ލިބުނަށް ތިމަންނަ ޗާންސެލަރކަމުގެ މަގާމުގަ ބަހައްޓާށޭ ތިބުނީ. ޝަހީމްގެ ބޭނުމަކީ ޔުނިވަރސިޓީގެ ދެތިން ލެކްޗަރުން އިންތިހާބުގައި ޔާމީނާ އެއްކޮޅަށް ތިބިކަމަށް ޓީވީއެމުން ދައްކާލުން . އެކަން މިހާރުވެއްޖެ.
މަވެސް775
10 July 2018
ތިޔަ ވިދާޅުވާ ގާނޫނު އަސާސީއަކީ ވީދާލައިފައިވާ ފޮތެއް އަޅުގަނޑުމެން ގިނަރައްޔަތުން މިބުނަނީ ރީތި ގޮތަކީ ޔުނިވަސީޓީގެ މަގާމުން އިސްތިއުފާ ދެއްވާފައި ދެން ރައްޔަތުންގާތަށް ތިޔަ ބޭނުންފުޅުވާ ގޮތެއް ވިދާޅުވަން ނޫނީ އާދޭސްކުރަން އައުމަކީ އެންމެ ރީތިގޮތޭ
ލައްކަވާހަކަ
10 July 2018
ނަޒާހަތްތެރި ކަމާއި ލަދުވެތި ކަމުގެ އެއްވެސް ކަންފުޅެއް ހުރި މީހަކަށް ރަނިންގމޭޓުކަން ދީފާނެ ކަމަށް ދެކުމަކީ މޮޔަކަމެއް