ނުކުޅެދުންތެރިކަން ހުންނަ ކުދިން ނެށުމެއް ހުށަހަޅައިދެނީ.-- ފޮޓޯ: ނިޝާން އަލީ/ މިހާރު
10 ޖުލައި 2018 - 22:20
22 comments
އިތުރު ދައުރަކަށް އިންތިހާބުވެއްޖެ ނަމަ، ނުކުޅެދުންތެރިކަން ހުންނަ ކުދިންނަށް ސަރުކާރުން ދެމުން އަންނަ އިނާޔަތް 5000ރ. އަށް ބޮޑު ކުރުމަށް ރައީސް އަބްދުﷲ ޔާމީން ވައުދުވެވަޑައިގެންފި އެވެ.
މ. އަތޮޅަށް މިއަދު ފެއްޓެވި ދަތުރުފުޅުގައި، މުލީ ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުން ރައީސް ޔާމީން ވިދާޅުވީ އިތުރު ދައުރަކަށް އިންތިހާބުވެއްޖެ ނަމަ، ނުކުޅެދުންތެރިކަން ހުންނަ ކުދިންނަށް އިތުރު ފުރުސަތުތަކެއް ހޯއްދަވައިދެއްވާނެ ކަމަށެވެ.
ރައީސް ވިދާޅުވި ގޮތުގައި ރާއްޖޭގެ އާބާދީއަށް ބަލާނަމަ ކޮންމެ ރަށެއްގައި ޚާއްސަ އެހީއަށް ބޭނުންވާ ކުދިން މަދުން ނަމަވެސް އެބަތިއްބެވެ. އެކި ކަންކަމުންނާއި އެކި ހިއްސުތަކުން މަހްރޫމްވެފައި ތިބި މީހުން ތިބިއިރު، އެ ކުދިންނަށް އިތުރު ކަންތައްތަކެއް ކޮށްދެއްވާނެ ކަމަށް ރައީސް ވިދާޅުވި އެވެ.
އެގޮތުން "ގާބިލް" ނަމުގައި ހާއްސަ އެހީއަށް ބޭނުންވާ ކުދިންނަށް ހިންގާ މަޝްރޫއުގެ އަމާޒަކަށް ވާނީ އެފަދަ ކުދިންގެ ތެރެއިން ވަޒީފާ ނުލިބޭ ކުދިންނަށް ވަޒީފާ ހޯދައިދިނުން ކަމަށް ރައީސް ވިދާޅުވި އެވެ. އަދި އެފަދަ ކުދިންގެ ބޭނުންތައް ފުއްދުމަށް ލޯނު ނެގޭނެ އިންތިޒާމު ހަމަޖައްސަވާނެ ކަމަށް އެމަނިކުފާނު ވިދާޅުވި އެވެ.
"އޭގެ ބޭނުމަކަށް ވަނީ އެ ކުދިންނަކީ އަމިއްލައަށް މަސައްކަތްކޮށް އަމިއްލައަށް އާމްދަނީ ހޯދޭ ކުދިންތަކަކަށް ހެދުން. އަދި އެކަން ކުރެވެންދެން މިހާރު މި ހިނގާ ސަރުކާރު ކުންފުނިތަކުން ވަޒީފާ ލިބުމުގެ އިތުރުން އެކަން ވެސް ވާނެ. އެކަން ނުލިބޭ ކުދިންނަށް އަޅުގަނޑުގެ ސަރުކާރެއްގައި ހަމަ އެންމެ ފުރަތަމަ ދުވަހުން ފެށިގެން މިއިން ކޮންމެ ކުއްޖަކަށް 5000ރ. ކަށަވަރު ކޮށްދޭނަން،" ރައީސް ވިދާޅުވި އެވެ.
ނުކުޅެދުންތެރިކަން ހުންނަ ކުދިންނަށް ސަރުކާރުން މިހާރު ދެނީ 2000ރ. ގެ އެލަވަންސެކެވެ.
ނުކުޅެދުންތެރިކަން ހުންނަ މީހުންނަށް ސަރުކާރުން ފޯރުކޮށްދޭ މާލީ އިނާޔަތް ބޮޑުކޮށްދިނުމުގެ އިސްލާހެއް ރައްޔިތުންގެ މަޖިލީހަށް މީގެކުރިން ހުށަހެޅި އެވެ. މަކުނުދޫ ދާއިރާގެ އަދާލަތު ޕާޓީގެ މެމްބަރު އަނާރާ ނައީމް ހުށަހެޅުއްވި އިސްލާހު މަޖިލިހުގެ ތަޅުމުން ބޭރުކޮށްލީ، އެ އިސްލާހާ ގުޅޭ ގޮތުން ސަރުކާރުގެ ކަމާ ބެހޭ ފަރާތްތަކާ މަޝްވަރާކޮށް ނިމި، ފާސްކުރާ ހިސާބަށް ގޮސްފައި ވަނިކޮށެވެ.
ރައީސް ޔާމީން ވިދާޅުވީ އެމަނިކުފާނުގެ ސަރުކާރުން ބޭނުންވަނީ ރައްޔިތުންނަށް އޯގާތެރި ސަރުކާރަކަށް ވާން ކަމަށެވެ. ރާއްޖޭގެ ތާރީހުގައި ހާއްސަ އުސޫލެއްގެ ދަށުން ހާއްސަ އެހީއަށް ބޭނުންވާ ކުދިންނަށް ވަޒީފާގެ ފުރުސަތުގެ ތަނަވަސްކޮށްދިނީ ހަމައެކަނި މި ސަރުކާރުން ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަތްފުނާ
11 July 2018
ނުކުޅެދޭ ކުދިންނަށް ، އެކަނިވެރި މައިންނަށް އަދި 65 އަހަރުގެ މަތީ މީހުންނަށް ދޭ ފައިސާ ގިނަފަހަރު ބޭނުންކުރަނި އެހެން ބައެއް އަދި އެހެން ކަންކަމުގައި.
ހެޔޮބަސްބުނާމީހާ
11 July 2018
ދޭންވީ އެންމެންނަށް. އެއަށް ކިޔަނީ ޔުނިވާސަލް ބޭސިކް އިންކަމް. އެއީ ހަމަ ރަނގަޅު ކަމެއް. ކޮންމެ މީހަކައް 2000. . ދެވޭނެ. ދެވޭ ވަރަށް ލާރި ވެސް އެބަހުރި.
ދެކުނުތަރި
11 July 2018
ލަދު ޙަޔާތުގެ ކަންފުޅެއްވެސް ނެތް. މަޖްލީހަށް 52 މެމްބަރުން ކައިރީ އާދޭސްކޮށްގެން ސޮއި ހޯދަން މަސައްކަތްކުރީ އަޅުގަނޑުމެން. އަނާރާ ނަޢީމް ހުށެހެޅި އިސްލާޙް ބޭރުކޮށްލީ މިވެރިކަން ދަމަހަށްޓަން އުޅޭ ގުރޫޕް. ބޮޑުކުރާނެ އެއްޗެއް ތިއޮތީ ބޮޑުވެފަ، ދެން ހޮޅި ނުގޮވާ. ގުނބޯ ހެއްދޭނީ ވަކިބަޔެއް.
ކިޔުންތެރިއެއް
11 July 2018
ނުކުޅެދޭ ކުދިންނަށް 2000 އިން 5000 އަށް ބޮޑުކުރީ ނިކަމެތި މީހާ ދުވާލު ހަތަރުދަމު ސިވިލް ސާވިސްގަ މަސައްކަތް ކުރީމަވެސް އެންމެ ފަހުން ބޮޑުކުރީވެސް އެންމެ 700 ރުފިޔާ ދެން ކިހާދެރަކަމެއްމީ......
ނޫމާ
11 July 2018
ސިވިލް ފްލެޓް ލިބޭ މީހުންވެސް މެއި ގަ އަންގާނެމޭ ކިޔާފަ ބަހަބަރު
ފުންއަސަރު
11 July 2018
ނުކުޅެދުންތެރިކަން ހުންނަ ފަރާތްތަކަށް 5000 ރުފިޔާ. އުމުރުން ދުވަސްވީ 65 އަހަރުން މަތީ ހަމަ ކޮންމެ ބޭފުޅަކަށް 7000 ރުފިޔާ ކަށަވަރުވީމާ، ދެން މަމެން އާނއެކޭ ނުބުނެ ވަކިން ބުނާނީ ކީކޭތޯ؟! ގަބޫލުކުރަންބޭނުން ނުވިޔަސް އަދި ކިތަންމެ ނުރުހުނަސް މިފަހަރު ހަމަ އެއްލަކިން ހޮވަންވީ. އޭރުން ގޭގެޔަށް ލިބެން ކައިރިވެފާވާ މިފަދަ ބޮޑެތި އިނާޔަތްތައް ހަމަ ހޮވޭއިރަށް ލިބެންފަށާނެ. މީނޫންތޯ މަމެންނަށް ކަށަވަރުވާނެ އެއްޗަކީ.
ދެކުނުތަރި
11 July 2018
މަޖްލީހަށް ހުށެހެޅި އިސްލާޙު ބޭރުނުކޮށް ފާސްކުރިނަމަ ގެޔަށް ތިކިޔާ އިނާޔަތް އޮންނާނީ އައިސްފައެއް ނުންތަ؟ އިޚްލާސްތެރިކަމެއް ތިބި ބަޔެއްނޫންތީ. ވައްކަމާ، ކޮރަޕްޝަން ނޫން އެއްކަމެއްވެސް ނެތް.
[email protected]
11 July 2018
އިތުރު ދައުރަކަށް އިންތިހާބުވެއްޖެ ނަމަ، ނުކުޅެދުންތެރިކަން ހުންނަ ކުދިންނަށް ސަރުކާރުން ދެމުން އަންނަ އިނާޔަތް 5000ރ. އަށް ބޮޑު ކުރުމަށް ރައީސް އަބްދުﷲ ޔާމީން ވައުދުވެވަޑައިގެންފި އެވެ. ** ކެންޕޭނުކުރުގެ ތެރޭގައި ވަކިބަޔަކަށް މޮޅުކޮށްދޭން ފައިސާ ދިނުމަށް ބުނުމަކީ ކަނޑައެޅިގެން ރިޝްވަތު ހުށަހެޅުން .
ބޫމް
11 July 2018
މަޖިލީސް މެޖޯރިޓީ ލިބުނީމާ 65 އަހަރުގެ މީހުންނަށް 7000 ދޭންވެސް ވައުދެއްވި. މެޖޯރިޓީ ލިބުނު. 5 އަހަރުގެ ދައުރެއްވެސް ނިމިއްޖެ. ކޮބާ 7000؟؟؟؟؟؟ ވޯޓަަށް ވީމާ ރައްޔިތުން ވާވައްދަނީ.
ސެކްރެޓަރީ ޖެނެރަލް
11 July 2018
ކަންކަން އޮޅުވާލަން ނޫޅުއްވާ؟ އަދާލަތުގެ މެމްބަރު އަނާރާ ނަޢީމް މަޖިލީހަށް ހުށައެޅުމުން ޕީޕީއެމްގެ މެމްބަރުން ވެގެން ބޭރުކޮށްލި އެއްޗެއްގެ ވާހަކަ މިހާރު ވަޢުދެއްގެ ގޮތުގައި ބޮޑުކޮށްދޭނަމޭ ބުނީމަ އިހުލާސްތެރިކަން ވަރަށް ސާފު. ތިޔަކަހަލަ ދަޅައަކަށް މިފަހަރު ވޯޓު ދެވޭކަށްނެތް.
މެދުވާނު
11 July 2018
ދައުލަތަށް ގިނަދުވަހު ހިދުމަތް ކުރި މީހުންގެ ޕެންޝަނަށް ލިބޭ އެތިކޮޅު ބޮޑުކޮށްދެއްވާނަމޭ ވިދާޅުވެއްލަވާ. އޭރުން ވެސް ލައްކަ ތަނުން ރަނގަޅުވާނެ. 65 ނުވާ 20 އަހަރަށްވުރެ ގިނަ ދުވަހު ދައުލަތަށް ޚިދުމަތްކުރި އޭރުގެ މުސާރަހުރި މިންވަރުން ވަރަށް ކުޑައެތިކޮޅެއް ލިބޭ ބައިވަރު މީހުން އެބަތިބި. ޔަގީންވާ ކަމަކީ ކޮންމެ ފަހަރަކު ތިގޮތަށް އިނާޔަތް ބޮޑުކުރައްވާ ގޮތަށް މިކަން ވެސް ކުރައްވައިފިއްޔާ ތި ބޭނުންފުޅުވާ ކަންތަކަށް މަގުފަހިވާނެކަން.
ށ.އަތޮޅު މީހާ
11 July 2018
ދެންކީވެތަ މިހާރު ނުދެނީ.