ވެލާނާ އިންޓަނޭޝަނަލް އެއާޕޯޓު: އެތަނުގައި ޕާކިން އޭރިއާއެއް ހަދަން 34،000 އަކަފޫޓުގެ ބިން ހިއްކަން ވަނީ ނިންމާފައި.
12 ޖުލައި 2018 - 19:47
6 comments
މާލެ-ހުޅުލެ ބްރިޖު ނުވަތަ ސިނަމާލެ ބްރިޖު ހުޅުވުމުން، ވެލާނާ އިންޓަނޭޝަނަލް އެއާޕޯޓަށް ދާ ވެހިކަލްތަކަށް ޕާކިން އޭރިއާ އެއް ޚާއްސަ ކުރުމަށްޓަކައި، ހުޅުލޭގެ ފަޅުން ބައެއް ހިއްކަން މި މަހު ފަށާނެ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މިއަދު ބުނެފި އެވެ.
ސިނަމާލެ ބްރިޖް ހުޅުވަން ވާއިރަށް، އެއާޕޯޓުގައި ޕާކިން އޭރިއާއެއް ހަދަން ހިއްކަން ހަމަޖެހިފައި ވަނީ، ހުޅަނގު ދެކުނުން ހުޅުލޭ ފަޅަށް ފެރީތައް ވަންނަ ދިމާލެވެ. އެ ދިމާ ހިއްކުމުގެ މަސައްކަތް ފެށުމަށް، ހުޅުލޭ ފަޅަށް ވަދެވޭ ގޮތަށް އާ ނެރެއް މިހާރު ކަނޑައިފަ އެވެ.
އެމްއޭސީއެލްގެ އޮފިޝަލަކު ވިދާޅުވީ، އެއާޕޯޓުގައި ޕާކިން އޭރިއާއެއް ހަދަން 34،000 އަކަފޫޓުގެ ސަރަހައްދެއް ހިއްކަން ހަމަޖެހިފައިވާ ކަމަށެވެ. އަދި އެ މަސައްކަތް ދުބާއީގެ ގަލްފް ކޮބްލާ ކިޔާ ކުންފުންޏަކާ ހަވާލު ކޮށްފައިވާ ކަމަށް ވެސް އޭނާ ވިދާޅުވި އެވެ.
"މި މަސައްކަތް ފަށާތާ ދެތިން ދުވަހުގެ ތެރޭގައި ނިންމައިލެވޭނެ. ބްރިޖް ނިމެން ވާއިރަށް އަވަހަށް ހިއްކައި ނިންމާލުމަށް ފަހު، އެ ތަން ތައްޔާރު ކުރަން މަސައްކަތް މިކުރަނީ،" އޮފިޝަލް ވިދާޅުވި އެވެ.
އެމްއޭސީއެލް އިން ކުރިން ބުނެފައި ވަނީ ބްރިޖުން އެއާޕޯޓަށް ދަތުރުކުރާ މީހުން އުފުލާ ވެހިކަލްތަކުގައި ޓާމިނަލް ސަރަހައްދަށް ދެވޭނެ ކަމަށެވެ. ނަމަވެސް އެ ސަރަހައްދުގައި އެއްވެސް ވެހިކަލަކަށް މަޑުކޮށްގެން ނުތިބެވޭނެ ކަމަށް ވެސް އެ ކުންފުނިން ބުންޏެވެ.
ސިނަމާލެ ބްރިޖް އަންނަ މަސް ނިމުމުގެ ކުރިން ހުޅުވާނެ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚިޔާލް123
13 July 2018
ހެޔޮނުވާނެ ފަހުންނަމަވެސް ތިތައި ބޮޑުޕާކިންގް ބިލްޑިންގެއް ހަދައިބަލަ، އަނެއްކާ ކޮންމެވެސް ކޮންމެވެސް މުއީޒް ގެންގުޅޭ 10 ކާރުގެ ޓަވަރުތަށް ނުބަހައްޓައިތި، އޭރުން 34 ހާސް އަކަފޫޓްގެ ބޭނުން ދިޔައީ، މިހާރުވެސް މާލޭގައި ބަހައްޓައި ޓަވަރު ހުރުމެކޭ ނެތުމެކޭ އެއްވަރު ޕާކިންއަށް އައި ލުޔެއް އިހްސާސް އެއް ނުކުރެވެއެވެ.
އުމަރުބެ
13 July 2018
މިސަރުކާރުގެ ކަމަކީ ހިއްކުމާއި އިމާރާތްކުރުން، ސަރުކާރު މިހާރުވެއްޖެ ކޮންސްޓްރަކްޝަން ކުންފުންޏަކަށް
ހަމީދު
13 July 2018
އުމަރުބޭގެ ޒަމާނުގައި ކޮށް ނޫޅުނަސް މިހާރު ތަރައްޤީ ގެނެވެނީ މިގޮތަށޭ އުމަރުބެޔާ!!!!
12345
12 July 2018
ޕާކިން އަށް ހާއްސަކޮށް ބޭރު ގައުމުތަކުގައި ހަދާފަ ހުންނަ 5 ބުރީގެ ޕާކިންގް ބިލްޑިންގެއް ހެދުން ބުއްދިވެރި. ވިއްސާރަޔާ އަތްވާ ލޮނުން މީހުންގެ އަގުބޮޑު ކާރުތައް ހަލާކު ނުވާނެހެން
ނަން
12 July 2018
ދެރައީ މޮޅެތި ޕްލޭންތައް ހެދިއިރު ޕާކިން އޭރިއާއެއް ނެތްކަން ނޭގުނުކަން.
ލޮލީޮޕޮޕް
12 July 2018
ބަލަ، ޕްލޭނުގެ ބައެއް ވީމަދޯ ބްރިޖު ނިމެންވާއިރަށް، އެކަންވެސް އެނިންމަން ހިފީ.