13 ޖުލައި 2018 - 16:25
2 comments
އދ. ވިލަމެންދޫ އައިލެންޑް ރިސޯޓް ކައިރީ ފާނަ މަސްވެރިކަން ކުރަން އުޅުނު ދޯންޏެއްގެ މީހަކު މިއަދު ކަނޑަށް ވެއްޓިގެން ހޯދުމުގެ މަސައްކަތް އެމްއެންޑީއެފުން ފަށައިފި އެވެ.
"ޓާގެޓް" ނަމަކަށް ކިޔާ ދޯނިން ކަނޑަށް ވެއްޓުނީ ފ. ބިލަތްދޫ، އުތުރުގޭ އަބްދުﷲ ނަޞީރު، 58، އެވެ. އެމްއެންޑީއެފުން ބުނީ އޭނާ ކަނޑަށް ވެއްޓުނު އިރު ލައިގެން ހުރީ ކަޅު ކުލައިގެ ޓީޝާޓަކާއި މުށި ކުލައިގެ ފަޓުލޫނެއް ކަމަށެވެ. އޭނާ ވެއްޓުނު ސަބަބެއް ނޭނގެ އެވެ.
އެމްއެންޑީއެފުން ބުނީ މިއަދު 2:30 ގައި އެކަން ރިޕޯޓް ކުރުމުން އެ މީހާ ހޯދުމަށް ކޯސްޓް ގާޑުގެ ޑައިވަރުން މަސައްކަތް ކުރަމުން އަންނަ ކަމަށެވެ.
ވިލަމެންދޫ ރިސޯޓް ކައިރިން ދަތުރުކުރާ ފަރާތްތަކުން، އެ މީހާ އާ ބެހޭ އެއްވެސް މައުލޫމާތެއް ލިބިއްޖެ ނަމަ އެމްއެންޑީއެފްގެ 191 ނަމްބަރަށް ގުޅައި މައުލޫމާތު ދިނުމަށް އެމްއެންޑީއެފުން އެދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮންސި
13 July 2018
ލައިފް ޖެކެޓް އެޅުން, ދުއްވާއިރު ހެލްމެޓް އެޅުން, ތަނަކަށް އަރާޢިރު ބެލްޓް އެޅުން, އަވި ދޭދުވަހަކު ކުޑައެއް އެޅުން މި ކަންކަމަކީ ދިވެހިން ވަރަށް ލަދު ގަންނަ އެހާމެ ފިނޑި މީހުން ކުރާކަންކަމަށް ވެފަ އޮންނަ ކަންކަން. އެކަމަކު ކަމެއް ހިނގައި ދިޔައީމަ އެންގެނީ މިކަންކަމުގެ މުޙިއްމުކަން. އަހަރެމެންގެ ވިސްނުން ބަދަލްކޮއްގެން މެނުވީ މިފަދަ ހިތާމަވެރި ހާދިސާތަށް މަދެއް ނުކުރެވޭނެ.
މިލްމިލް
13 July 2018
ކަނޑުމަތީ އުޅޭއިރު ލައިފްޖެކެޓު އެޅުން މުހިންމުވަނީ މިކަހަލަ ހާދިސާއެއް ހިނގާފާނެތީ. ހެޔަށް ގޮތެއްވެގެން ނޫނީ އަނިޔާއެއްވެގެން ވެއްޓޭ މީހާވެސް ފެންމަތީ އޮންނާނެ ލައިފްޖެކެޓު އަޅައިގެން ތިބޭނަމަ.