މަޝްހޫރު ކޭއެފްސީގެ ރެސްޓޯރަންޓް ހޯމަ ދުވަހު މާލޭގައި ހުޅުވަނީ

އެމެރިކާގެ މަޝްހޫރު ކޭއެފްސީގެ އައުޓްލެޓް މާލޭގެ ގާކޮށީގައި ހުޅުވަން ތައްޔާރުކޮށްފައި: މިތަނުގައި 120 މީހުންގެ ޖާގަ ހުރޭ. ފޮޓޯ: ހުސެއިން ވަހީދު /މިހާރު

އަބްދުﷲ ޖަމީލު، މިހާރު

21 ޖުލައި 2018 - 17:02

15 comments

އެމެރިކާގެ މަޝްހޫރު ކެންޓަކީ ފްރައިޑް ޗިކަން (ކޭއެފްސީ)ގެ ރެސްޓޯރަންޓް ހޯމަ ދުވަހު މާލޭގައި ހުޅުވާ ގޮތަށް ހަމަޖައްސައިފި އެވެ.

ތެލުލި ކުކުޅުން މަޝްހޫރުކަން ހޯދާފައިވާ ކޭއެފްސީގެ ރެސްޓޯރަންޓެއް ހުޅުވަނީ ޕިއްޒާ ހަޓް ވެސް ހުޅުވާފައި ހުންނަ އަމީނީމަގުގައި ހުންނަ މާލޭ ސްކެއާ (ގާކޮށި)ގަ އެވެ.

މާލޭގައި ހުޅުވާ ކޭއެފްސީ ރެސްޓޯރަންޓްގައި 120 މީހުންގެ ޖާގަ ހުރެ އެވެ.

ރާއްޖޭގައި އެފްއެފްސީ ހިންގާ ކުންފުނީގެ އިސް އޮފިޝަލަކު މިއަދު ވިދާޅުވީ އެތަނުގެ އަގުތައް ރާއްޖޭގައި މިހާރު ހިންގާ ފާސްޓް ފުޑް ރެސްޓޯރަންޓްތަކާ އަޅާބަލާއިރު ހެޔޮވާނެ ކަމަށެވެ.

އެމެރިކާގެ މަޝްހޫރު ކޭއެފްސީގެ އައުޓްލެޓް މާލޭގެ ގާކޮށީގައި ހުޅުވަން ތައްޔާރުކޮށްފައި: މިތަން އަންނަ ހޯމަ ދުވަހު ރަސްމީކޮށް ހުޅުވާނެ. ފޮޓޯ: ހުސެއިން ވަހީދު /މިހާރު

"މިތަނުގެ އަގުތައް ހުންނާނީ ދިވެހިންނަށް އެކަށީގެންވާ ހެޔޮއަގުތަކެއްގައި. އަޅުގަނޑުމެން އަގުތައް ކަނޑައެޅުމުގައި މިހާރު ރާއްޖޭގައި ހިންގާ މިވައްތަރުގެ އެހެން ފާސްޓް ފުޑް ތަންތަނުގެ އަގުތަކަށް ބަލާފައިވާނެ،" އޭނާ ވިދާޅުވި އެވެ.

އެ އޮފިޝަލް ވިދާޅުވީ ހޯމަ ދުވަހު ހެނދުނު 8:30 ގައި ރަސްމީކޮށް އެތަން ހުޅުވާއިރު، ކަސްޓަމަރުންނަށް ހުޅުވާލާނީ އެ ދުވަހު ހެނދުނު 11:00 ގައި ކަމަށެވެ. އަދި އެންމެ ފުރަތަމަ ހިދުމަތް ހޯދާ 100 ކަސްޓަމަރުންނަށް ކޭއެފްސީ ލޯގޯ ޖެހި ޓީޝާޓް ބެހުމަށް ހަމަޖެހިފައިވާ ކަމަށް ވެސް އޭނާ ވިދާޅުވި އެވެ.

މާލޭގައި ކޭއެފްސީ ހުޅުވާއިރު، ވެލާނާ އިންޓަނޭޝަނަލް އެއާޕޯޓުގައި ވެސް ކޭއެފްސީގެ ރެސްޓޯރަންޓެއް ހުޅުވަން ވަނީ ނިންމައިފަ އެވެ. އެކަމަކު އެ އެއާޕޯޓުގައި ރެސްޓޯރަންޓް ހުޅުވާ ކުންފުންޏާއި މާލޭގައި ހުޅުވާ ކުންފުންޏާ އެއްވެސް ގުޅުމެއް ނެތެވެ.

މާލޭގައި ކޭއެފްސީ ހިންގާނީ ޕިއްޒާ ހަޓް ވެސް ހިންގާ ރާއްޖޭގެ އައިލެންޑް ފުޑާއި އިންޑިއާގެ ގަމާ ޕިއްޒާ ކްރާފްޓް އޯވާސީސް ގުޅިގެން އުފައްދާފައިވާ ޖޮއިންޓް ވެންޗާ ކުންފުނި ގެމަ އައިލެންޑް ފުޑް އިންނެވެ. ގަމާ ޕިއްޒާ ކްރާފްޓް އޯވާސީސް އަކީ އިންޑިއާ އާއި ސްރީލަންކާގައި ޕިއްޒާ ހަޓާއި ކޭއެފްސީ އައުޓްލެޓްތައް ވެސް ހިންގާ ކުންފުންޏެެވެ.

އެމެރިކާގެ މަޝްހޫރު ކޭއެފްސީގެ އައުޓްލެޓް މާލޭގެ ގާކޮށީގައި ހުޅުވަން ތައްޔާރުކުރުމުގެ މަސައްކަތް މިއަދު ކުރަނީ: މިއީ ކޭއެފްސީގެ އައުޓްލެޓެއް މާލޭގައި ހުޅުވާ ފުރަތަމަ ފަހަރު. ފޮޓޯ: ހުސެއިން ވަހީދު /މިހާރު

އެ ކުންފުނިން މާލޭގައި ޕިއްޒާ ހަޓް ހުޅުވީ މިދިޔަ މާޗް މަހުގެ 29 ވަނަ ދުވަހު އެވެ.

ވެލާނާ އެއާޕޯޓުގެ ވޯޓާ ފްރަންޓްގައި އަލަށް ހަދާފައިވާ ރެސްޓޯރަންޓް ބިލްޑިންގައި މޯލްޑިވްސް އެއާޕޯޓްސް ކޮމްޕެނީ (އެމްސީއެލް) އިން ޕިއްޒާ ހަޓާއި ކޭއެފްސީ ހުޅުވަނީ އިޓަލީގެ އެޗްއެމްއެސް ހޮސްޓް އިންޓަނޭޝަނަލްއާ ގުޅިގެންނެވެ. ނަމަވެސް އެއާޕޯޓުގައި ހަދާ އެ ދެ ރެސްޓޯރަންޓް ހުޅުވާނެ ދުވަހެއް އަދި ނުބުނު އެވެ.

ކެފޭ/ރެސްޓޯރެންޓް އަވަސް ކާނާ ކޭއެފްސީ ޕިއްޒާ ހަޓް

15 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންފުތު

22 July 2018

ޖަންކް ފުުޑް އޮކޭޝަނަލީ ކާލިޔަސް އޯކޭ .. މައްސަލަ އަކީ މި ފަދަ ކާނާ ޑެއިލީ ކެއުމެއް ހެން ކާތީ .. ކޭއެފްސީ ފަދަ ދުނިޔޭގެ ފެންވަރުގެ ރެސްޓޯރެންޓް އައުމަކީ ރަގަޅު ކަމެއް .. ނަމަވެސް އެންމެންވެސް ސިއްހަތައް ބަލާފަ މިފަދަ ތަންތަނައް މަހަކު 1 ފަހަރު ނޫނީ ގިނަވެގެން 2 ފަހަރު ދިއުން ރަގަޅު .. އެމެރިކާގަ އެންމެ ގިނަމީހުން މަރުވަނީ ހިތުގެ ބަލިތަކުން މިފަދަ ޖަންކް ފުޑް ކައިގެން .. ދިވެހިންވެސް ދުޅަހެޔޮ ސިއްހަތެއްގައި ހުރެފައި އުމުރު ދިގުވާން ބޭނުންނަމަ ހެލްތީ ކޮއް އާމުކޮއް ކާން އާދަ ކުރޭ .. މަހަކު އެއްފަހަރު ޗީޓްޑޭ ހަދާލާ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންމަނިކުފާނު

22 July 2018

ކިއުއަށް އަރަންވާނެ! ބޭބޭ މިތަނަށް ދިއުން މަޖްބޫރެއްނޫން! އަދި ޖަންކް ފޫޑް ކެއުންވެސް މަޖްބޫރެއްނޫން! ޖްނަކް ފޫޑް ވީމަ ކާން ބޭނުން ނުވަންޔާ ވަޑައިނުގަތީމާ އެކަން ހަމަ ޖެހުނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީން111

22 July 2018

އަނެއްކާ އަނެއް ޖަންކް ފުޑް ރެސްޓޯރެންޓް. ދުނިޔޭގެ ތަރައްްގީވެފައި ހުރި ގައުމުތަކުގައި މީހުން މިތަކެއްޗާ ދުރަށްދާއިރު، ރާއްޖޭގައި މިވަނީ ދެން މާ މޮޅު ކަމަކަށް. ވެގެން އެންމެން ދަރިން ގޮވައިގެން ގޮސް ކާން މިދެނީ މީއްޗިހި އަޖައިބު ވެދާނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްފުނާ

21 July 2018

މެރީ ބްރައުން އަށް ހުރި ބިރެއްބާ ؟.މި ވެރިކަމުގައި ހުސްއެކަނި ހުޅުވަނީ ގިނަ ރިސޯޓް ތަކެއްނޫން ހަމަ މިފަދައިން އިންޓަނޭށިނަލް ފްރެންޗައިޒްތައް ވެސް ދަނީ މި ރާއްޖޭގައި ހުޅުވެމުން.ހަމަ ހަގީނުންވެސް އިގްތިސާދު ރަނގަޅުވެ ، ރައްޔިތުމީހާގެ ޖީބު ދުޅަހެޔޮވީމަ މިކަންކަން މިހެން މިވަނީ.