ރަސްފަންނުގައި ކޮރަލް ބުލެވާޑްގެ ނަމުގައި ހަދާ ބިލްޑިންގްތަކުގެ މޮޑެލްތަކެއް ދައްކާލަނީ. މިތަނުގައި ހަދާ ފަސްތަރީގެ ހޮޓަލެއް ވެސް ހުރޭ: ރައީސް އޮފީސް
23 ޖުލައި 2018 - 14:28
14 comments
ރަސްފަންނުގައި "ކޮރަލް ބުލެވާޑް މިކްސްޑް ޑިވެލޮޕްމަންޓް" މަޝްރޫއުގެ ދަށުން، 128 ކޮޓަރި ހިމެނޭ ފަސްތަރީގެ ހޮޓަލެއް ޗަންހުއާ ކޮންސްޓްރަކްޝަން ކުންފުނިން ހަދަން ނިންމައިފި އެވެ.
އެ ކުންފުނީގެ ވެބްސައިޓްގައިވާ ގޮތުން އެ މަޝްރޫއުގެ ދަށުން ފަސް ތަރީގެ ހޮޓަލެއްގެ އިތުން ފެމެލީ ޝޮޕިން މޯލެއް ވެސް ހަދަން ނިންމާފައިވެ އެވެ. ހޮޓަލާއި ޝޮޕިން މޯލްގެ ގޮތުގައި ތަރައްގީކުރަން ނިންމާފައި ވަނީ އެތަނުގެ ހަތަރު ވަނަ ޓަވަރެވެ.
އެ މަޝްރޫއުގެ ބިންގާ ރައީސް އަބްދުﷲ ޔާމީން ރޭ އަޅުއްވައިދެއްވިއިރު، އެ ޕްރޮޖެކްޓްގެ ދަށުން މިހާރު ނިންމާފައި ވަނީ 25-28 ބުރި ހިމެނޭ ހަތަރު ޓަވަރު ހަދާ ގޮތަށެވެ. އެކަމަކު މީގެ ކުރިން ހައުސިން މިނިސްޓްރީން ބުނެފައި ވަނީ އެ ތަނުގައި ހަދަނީ 25 ބުރީގެ ހަތަރު ޓަވަރު ކަމަށެވެ. އަދި އެތަނުގައި މަތީ ފެންވަރުގެ ހޮޓަލެއް އަޅާނެ ވާހަކައެއް ބުނެފައެއް ނުވެ އެވެ.
މިކަމާ ބެހޭ ގޮތުން ހައުސިން މިނިސްޓްރީގެ ބަހެއް މިއަދު ލިބޭ ގޮތެއް ނުވި އެވެ.
އެ މަޝްރޫއާ ބެހޭ ގޮތުން ކޮރަލް ބުލެވާޑްގެ ވެބްސައިޓްގައި ބުނެފައި ވަނީ އެތަނުގައި ހަދާ ހަތަރު ޓަވަރުގެ ތެރެއިން ތިން ޓަވަރުގައި ހިމެނެނީ 549 ރެސިޑެންޝަލް ޔުނިޓެވެ. އޭގެ ތެރޭގައި ލަގްޒަރީ ފެންވަރުގެ 350 ޔުނިޓް ވެސް ހިމެނެ އެވެ. އަދި އެތަނުގެ 80 ޔުނިޓް ވިއްކާލަން މިދިޔަ ޑިސެމްބަރު މަހު ހުޅުވާލި އެވެ. އެ އެޕާޓްމަންޓްތައް ވިއްކަން ހުޅުވާލިއިރު، ބުކިން ފީގެ ގޮތުގައި 150،000ރ. ނެގި އެވެ. އަދި އެއީ އެޕާޓްގަންނަ އަގުގެ 20 ޕަސެންޓްގެ ތެރޭގައި ހިމެނޭނެ ކަމަށް ވެސް އެ ވެބްސައިޓްގައި ބުނެފައިވެ އެވެ.
ސިންގަޕޫރުގެ ޗަންހުއާ އަކީ އައިޖީއެމްއެޗްގެ 25 ބުރީގެ އިމާރާތް ވެސް އަޅަމުން އަންނަ ކުންފުންޏެވެ. އެ ކުންފުންޏާ މިދިޔަ އަހަރުގެ ޖުލައި މަހު އެ ޕްރޮޖެކްޓް ހަވާލު ކުރީ ބިޑަށް ހުޅުވާލައިގެން އެކަށީގެންވާ ބަޔަކު ކުރިމަތިނުލުމުން ހަތަރު ވަނަ ފަހަރަށް ހުޅުވާލުމަށް ފަހު ކަމަށް ހައުސިން މިނިސްޓްރީން ކުރިން ބުނެފައިވެ އެވެ.
އެ ފްލެޓް އަޅަން ނިންމާފައި ވަނީ ރަސްފަންނުގެ ހުޅަނގު ކަންމަތީގައި ކުރިން އޮތް ބީޖީ ދަނޑުން ފެށިގެން ސޯޝަލް ސެންޓަރުގެ ނެޓްބޯޅަ ދަނޑާ ދެމެދުގައި އޮންނަ ސަރަހައްދުގަ އެވެ. އެ މަސައްކަތް ކުރިޔަށް ގެންދަން އެ ސަރަހައްދުން ދުއްވާ އެއްޗިއްސަށް ނުވަދެވޭ ގޮތަށް މިހާރު ވަނީ ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުރުމި
24 July 2018
އެމްޑީޕީމީހުން ކިތައްމެ ޖޭވިއަސް ކަލޭމެންގެ ރޫހާނީ ލީޑަރުގެ ނެތް މިކޮލެޓީއެއް މުޅިންވެސް ދޮގުހެދުން އޮންނަނީ އެހެން ނޫނީ ދީނައް މާލާމަތްކުރުން.
ކަެަޕްޝަންވަސްވަރަށްގަދަ
23 July 2018
ތިތަން ފުރޮޅައިނުލާއިފިއްޔާ ރަނގަޅު
މަންޑޭލާ
23 July 2018
ރާއްޖެތެރެވެސް ތަރައްގި މިކުރަނީ ޔާމިން މީދޮގެނުން.
ޝޮކްތެރަޕީ
23 July 2018
މީގެސަބަބުން އެތަކެ ދިވެހި ރައްއިތުންނަ ވަޒިފަލިބޭނެ. ޔާމިނަކީ ތަރައްގީ ކުރަންދަންނަ ރައިސްސެ.
މާލެ ބޭފުޅާ
23 July 2018
މީ ކިހާދެރަވެއްޖެ ކަމެއް؟ މުޅި މާލެ ފުރިއްޖެ. ހިނގާލާނެ ތަން ކޮޅެއް ނެތް. ސޯޝިއަލް މައްސަލަ ތައް އެހާ ބޮޑު. އަދިވެސް މިބަލަނީ މާލެއަށް މީހުން ޖަމާ ކުރެވޭތޯ. މާލެ ރައްޔިތެއްގެ ހައިސިއްޔަތުން އަޅުގަޑު ތިކަމާ ދެކޮޅު. ތިޔަ ފައިސާ އަތޮޅު ތެރެއަށް ހަރަދު ކޮށްބަލަ.
ފަރީދު
23 July 2018
މާލެވަށައިގެން ޔާގޫތާ, ޖަވާހިރުން 40 ބުރީގެ ޢިމާރާތް ތައް އަޅާފަ, އެތަންތަނުގައި ސްނޯފައިބާ ގޮތަށް ހެދިޔަސް ޔާމީނަށް މަދޭނެ ވޯޓެއް އަދި އިންޝާ ﷲ މަގޭ ޢާއިލާގެ ވޯޓެއްވެސް ނުދޭނަން ... ވައްކަމާ, އަނިޔާވެރިކަން އިސްކޮށް ޤައުމުގެ ރައްޔަތުންގެ ފައިސާއަށް ޚިޔާނާތްތެރި ވެފައިވާ ޔާމީނުގެ ސަރުކާރަށް ދުވަހަކުވެސް މަޢާފެއް ނުކުރާނަން.
ތަކުރު
23 July 2018
ތިގޮތަށް މީގެ 3 އަހަރު ކުރިން ހުޅުމާލޭގަވެސް ބިންގާއަޅާ 50000 ރފ އަށް ފުލެޓްވިންކި ލާރިދިން މީހުންނަން އަދިވެސް ފެންނަށް ހުރީ ރައީސް އެޅި ބިންގާ ލާރިކޮޅުވެސް ނުލިބޭވާހަކަ އަޑުއެހިން!
މުހައްމަދު ނަސީދު
23 July 2018
މަންޒަރު ދައްކާ މަންޒަރު ދިމާ ކުރާ ސަރުކާރެއް މިނޯނިއްޔާ ނުދެކެން
ޙުސެން
23 July 2018
މަންޒަރު ދިމާނުވޭ ބޮޑުއަގު ހެދި 25 ބުރީގެ އެތެރެވެސް ނުނިމޭ. ބޭރު ބިއްލޫރިކޮޅު ޖެހީ.
ތުއްތުނާ
23 July 2018
ކުރިއަށް އޮތް މަހެއްހާ ދުވަހު ހުރިހާ ރައްޔިތުން ހަނދަށް ދިއުމުގެ ކަންތައްތައް ސަރުކާރުން ހަމަޖައްސަނީ...... ދެން އަތްޖަހާ.........މާގިނަ ދުވަހެއް ނެތް........
މަރޭމިތުރާ
23 July 2018
މަންޒަރު އެބަ ދައްކާހަދާ ލޯމަތިން... މަންޒަރު ދިމާނުވޭ ދެ ދޫ މަތިން.
އައިށާ
23 July 2018
ވާވް.. މަރޭމިތުރާ ކޮމަންޓްތައް