ފުވައްމުލަކުން ކަރަންޓް ދިއުމުން ނުޖެއްސުނު ފްލައިޓް އަލުން ބާއްވައިފި

އަހުމަދު ސާއިލް އަލީ، މިހާރު

24 ޖުލައި 2018 - 11:33

ފުވައްމުލަކުން ރޭ ކަރަންޓް ކެނޑުމުގެ ސަބަބުން އެ ރަށު އެއާޕޯޓަށް ނުޖެއްސި އަނބުރާ މާލެ އަންނަން ޖެހުނު ފްލައިޓްގައި ތިބި ދަތުރުވެރިންނަށް ހާއްސަކޮށްގެން އައިލެންޑް އޭވިއޭޝަނުން މިއަދު އެހެން ފްލައިޓެއް ބާއްވައިފި އެވެ.

ފުވައްމުލަކު އެއާޕޯޓްގައި ހުންނަނީ އެރަށަށް ފެނަކަ ކޯޕަރޭޝަނުން އާންމުކޮށް ދޫކުރާ ކަރަންޓެވެ. އެހެންކަމުން އެ ރަށުގެ ބޮޑު ބަޔަކުން ރޭ 8:30 އިން ފެށިގެން ކަރަންޓް ދިޔުމާ އެކު އެއާޕޯޓުން ވެސް ކަރަންޓް ކެނޑުމުން ފްލައިޓް ޖެއްސޭވަރެއް ނުވި އެވެ. ގާތްގަނޑަކަށް ބައި ގަޑިއެއްހާ އިރު މަތީގައި ދުއްވުމަށް ފަހު އެންމެ ފަހުން މޯލްޑިވިއަންގެ ފްލައިޓް އަނބުރާ ވެލާނާ އިންޓަނޭޝަނަލް އެއާޕޯޓަށް ޖެއްސީ އެވެ.

ފުވައްމުލަކަށް ދިމާވި ކަރަންޓް މައްސަލަ ހައްލުކޮށް ރަށަށް އަލުން ކަރަންޓް ދެވޭވަރުވީ ރޭގަނޑު 11 ޖަހާކަންހާ އިރު އެވެ.

ފުވައްމުލަކު ސިޓީ ކައުންސިލްގެ މެމްބަރެއް ކަމަށް ވާ މުހައްމަދު ޟިރާރު ވިދާޅުވީ އެރަށުގެ ބޮޑު ބޮޔަކުން ކަރަންޓް ކެނޑުނީ ޓްރާންސްފޯމަރަކަށް ދިމާވި މައްސަލައަކުން ކަމަށެވެ. ނަމަވެސް މިހާރު އެކަން ރަނގަޅުކޮށްފައިވާ ކަމަށް އޭނާ ވިދާޅުވި އެވެ.

ފުވައްމުލައް ކަރަންޓު އައިލެންޑް އޭވިއޭޝަން ފުވައްމުލަކު އެއާޕޯޓް ފެނަކަ ކޯޕަރޭޝަން

6 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރުކާނު

24 July 2018

އަތްފުނަލަށް ވާނުވާވެސް ނޭގޭދޯ؟ އެއީ އަންނި އެޅި އެއަރޕޯޓެއް . ކަމަކަށް ކަމެއް ކޮށްފަ އެއޮތީ. މިހާރު ހުންނާނީ ބެކަޕް ޖަނަރޭޓަރާ އެއްކޮށް. މާގިނަދުވަހެއް ނުވެ ބެކަޕް ޖެނެރޭޓަރެއް ފުވައްމުލަކަށްވެސް ފޮނުވާނެ.