އާއްމުން ރައީސްއާ މުއާމަލާތު ކުރުމުގައި ހުރަހެއް ނެތް: މުއާޒު

ރައީސް ޔާމީން އާއްމުންތަކަކާ ސަލާމްކުރައްވަނީ: އެމަނިކުފާނާ މުއާމަލާތްކުރަން އާއްމުންނަށް ހުރަހެއް ނެތް ކަމަށް މުއާޒް ވިދާޅުވި.

އާމިނަތު ޝިފްލީން، މިހާރު

26 ޖުލައި 2018 - 18:58

14 comments

ރައީސް އަބްދުﷲ ޔާމީނަށް މެސެޖްކޮށް، އެމަނިކުފާނާ މުއާމަލާތު ކުރުމުގައި އެއްވެސް ދިވެއްސަކަށް ހުރަހެއް ނެތް ކަމަށް ރައީސް އޮފީހުގެ ތަރުޖަމާން އިބްރާހިމް މުއާޒް އަލީ މިއަދު ވިދާޅުވެއްޖެ އެވެ.

މުއާޒް މިހެން ވިދާޅުވީ ރައީސަށް މެސެޖް ނުކުރުމަށް އެދި މީގެ މަސްތަކެއް ކުރިން އޭނާ ކުރެއްވި ޓްވީޓެއްގެ ސްކްރީން ޝޮޓް، މިހާރު ސޯޝަލް މީޑިއާގައި ދައުރުވަމުންދާތީ އެކަން އޮޅުންފިލުއްވައިދެއްވުމުގެ ގޮތުންނެވެ.

.. dhivehi komme rayyithakah ves kuriekey ehgothah Raees ah message ge zareeaain ves muaamalaaiy kurumugai huraheh noannaane vaahaka emmehaa rayyithunnaai, supportarunnah dhannavan." -im
3/3
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) July 26, 2018

މުއާޒްގެ ޓުވީޓެއް.

އޭނާ މިއަދު ވިދާޅުވީ، އެއީ ފެބުރުއަރީ، 1، 2018ގެ އަމުރާ ގުޅޭގޮތުން ރައީސްގެ އެދިވަޑައިގަތުމަކަށް، އެ ހާލަތާ ގުޅުވައިގެން ކުރެއްވި ޓްވީޓެއް ކަމަށާއި އެކަމަކު މިހާރު އެ ހާލަތު ނިމިފައިވާތީ އެމަނިކުފާނާ މުއާމަލާތު ކުރުމުގައި އެއްވެސް ހުރަހެއް ނެތް ކަމަށެވެ. ފޯނުން، އާއްމުންނަށް ޖަވާބުދާރީވެވަޑައިގަނެ އަދި ރައްޔިތުންނާ އަބަދުވެސް ގާތްގުޅުމެއް ރައީސް ޔާމީން އަބަދުވެސް ބާއްވަވާ ކަމަށް މުއާޒް ވިދާޅުވި އެވެ.

"ދިވެހި ކޮންމެ ރައްޔިތަކަށް ވެސް ކުރިއެކޭ އެއްގޮތަށް ރައީސްއަށް މެސެޖްގެ ޒަރީއާއިން ވެސް މުއާމަލާތުކުރުމުގައި ހުރަހެއް ނެތް ކަމަށް، ސަޕޯޓަރުންނާއި އާއްމުންނަށް ދަންނަވަމެވެ." މުއާޒް ކުރެއްވި ޓްވީޓްގައި ވިދާޅުވި އެވެ.

މުއާޒް، ނޫސްވެރިންނާ ވާހަކަ ދައްކަވަނީ. --މިހާރު ފޮޓޯ/ހުސައިން ވަހީދު

މުއާޒް ވަނީ، އޭނާ ކުރިން ކުރެއްވި ޓްވީޓު އާއްމުންނަށް އޮޅުންއަރާ ގޮތަށް ބޭނުން ކުރަމުންދާ ކަމަށް ވިދާޅުވެ، އެކަން ކުށްވެރިކުރައްވައިފަ އެވެ.

ސުޕްރީމް ކޯޓުގެ ފަސް ފަނޑިޔާރުން ސޮއި ކުރައްވައި އެ އަމުރު ނެރުއްވީ، ސިޔާސީ ލީޑަރުންތަކެއް ހިމެނޭ ގޮތަށް ބަންދުގައި ތިއްބެވި ނުވަ ބޭފުޅަކު މިނިވަންކުރަން މުއައްސަސާތަކުގެ މައްޗަށް ލާޒިމްކޮށެވެ.

އެ އަމުރާ ގުޅިގެން ކުއްލި ނުރައްކަލުގެ ހާލަތު އިއުލާންކޮށް، ކުރީގެ އުއްތަމަ ފަނޑިޔާރު އަބްދުﷲ ސައީދާއި ކުރީގެ ފަނޑިޔާރު އަލީ ހަމީދާއި ސިޔާސީ ލީޑަރުންތަކެއް ހައްޔަރުކުރި ފަހުން، ސުޕްރީމް ކޯޓުގެ ތިން ފަނޑިޔާރުން ވަނީ އެ އަމުރު ބާތިލްކޮށްފަ އެވެ. އެ އަމުރަކީ ވެރިކަން ވައްޓާލަން ނެރުނު އަމުރެއް ކަަމަށް ސަރުކާރުން ތުހުމަތު ކުރެ އެވެ.

ރައީސަށް މެސެޖް ނުކުރުމަށް އެދި ފެބުރުއަރީ ފަސް ވަނަ ދުވަހު މުއާޒް ޓްވީޓް ކުރެއްވީ، އެއީ ރައީސް ޔާމީން ވަރަށް މުހިއްމު މަސައްކަތްޕުޅުތަކެއް ކުރައްވާ ވަގުތެއް ކަމަށް ވިދާޅުވެ އެވެ. އަދި ފޯނު މެދުވެރިކޮށް، ރައްޔިތުންނާއި ސަޕޯޓަރުންނާ މެދު ރައީސް އަބަދު ވެސް ނުހަނު ގާތްގުޅުމެއް ބާއްވާ ކަމަށާއި އެކަމަކު އެ ވަގުތު އެކަން ނުކުރެއްވުމަށް އެ ޓުވީޓުގައި އޭނާ އެދިވަޑައިގެންފައި ވެ އެވެ.

ރައީސް އޮފީސް ރައީސް އަބްދުﷲ ޔާމީން އިބްރާހިމް މުއާޒް އަލީ (މުއާ)

14 ކޮމެންޓް, 95 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓަރުންގެ ސިޓީ / އައްޑޫ ސިޓީ

27 July 2018

ތިއުޅެނީ ވަރަށްބޮޑަށް އޮޅިގެން “ޔާމީން އަބުދުލް ޤައްޔޫމްއަކީ އަހަރުމެން ޓެކްސްޓްކޮށްގެން ވާހަކަދައްކާންޖެހޭނެ މީހެއްނޫން” އަހަރުމެންގެ ފަރާތުން ޔާމީންއާއި ވާހަކަ ދެއްކުމަށާއި ޔާމީންކުރާ ގޯސްކަންކަން ހުއްޓުވާ އެކަންކަމަށް ފާރަވެރިވުމަށް އަހަރުމެން ޤާނޫނު ހަދާމަޖިލީހަށް އަހަރުމެންގެ މަންދޫބުން ހޮވާފައިވާނެ. . . . . އަހަރުމެންގެ މަންދޫބުން އުލުބައިންދާފައި އަހަރުމެންނަށް މެސަޖް ކުރެވޭނެއޭ ތިކިޔަނީ ޤާނޫނު އަސާސީގައި އޮތްގޮތް ނޭގޭތީ. . . . . އަހަރުމެން ބޭނުމެއްނޫން އިތުރަށް މެސަޖްކޮށް ވާހަކަ ދައްކާކަށް. “ޔާމީން އަހަރުމެންނާއި ވާހަކަ ދައްކާން ބޭނުންނަމަ، އަހަރުމެން ރައްޔިތުންގެ ފަރާތުން ނިކުމެފައިވާ ކެންޑިޑޭޓް އިބްރާހިމް މުހައްމަދު ސޯލިޙް އަދި ރަނިންގމޭޓް ފައިސަލް ނަސީމްގެ ނަމްބަރު ހޯދައިގެން މެސަޖް ކުރޭ” ތިއީ އަހަރުމެންގެ ތިޖޫރިއަށް އިހުމާލުވެފައިވާ މީހެއްކަމުގައިވާތީ އަހަރުމެން ވާހަކަ ދައްކަންބޭނުންވަނީ ތިޔަހުރި މަޤާމުން ދުރުކޮށްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭމުސް ބޮންޑު

27 July 2018

ކޮބާތަ މެސެޖްކުރަންވީ ނަމްބަރަކީ..ގެނޭ ނަންބަރ.. މެސެޖް ކޮއްލަދޭނަމޭ ޖަވާބު ތިކޮޅަށް ނުދެވޭނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކޭމީހާކިޔާމީހާ

26 July 2018

ހެއްވާގެވެސް ހެއްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިބާން

26 July 2018

މިހާރުދެން މުއާމަލާތް ކުރަން އަދޭސްކުރާނެ ކަމެއް ނެތް. ދިވެހި ރައްޔިތުންނަކީ ކަނޑުކޮހުންތަ؟ ފެންކައްކާ ބޮލީގެ އިއްޒަތް ވޯޓާ ޖެހުނީމަ. މިހާރު މިއޮތީ މާ ވިސްނޭ ޒަމާނެއް. ރުފިޔާ ނަގާފަވެސް ވޯޓު ދޭނީ ހަމަ ހެޔޮގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ުތފހދ

26 July 2018

މުއާމަލާތް ކުރެވުނިއްޔާ ކީއްތޯ ކުރާނީ. ގައުމު މިނިވަންވި އިރު އަޅުގަނޑުމެން މިތިބީ ފަރުދީ އަޅުވެތި ކަމުގައި. ގާނޫނާ ގަވާއިދު ނުހިނގާ މިނިވަން މުއައްސާ ތަކުގައި ވަޒީފާ އަދާ ކުރާ މީހުންނަށް އެނގޭނެ ރޫލް އޮފް ލޯއަކީ އެމުއައްސަސާގެ އެންމެ އިސްމީހާކަން.