އެމްޕީއެލްގެ މުވައްޒަފުންނަށް ދެނީ 432 ފްލެޓު

ހުޅުމާލޭގެ ދެވަނަ ފިޔަވަހީގައި އެމްޕީއެލް އިން އަޅަން ނިންމާފައިވާ 14 ބުރީގެ ތިން ޓަވަރުގެ ކުރެހުމެއް.ފޮޓޯ: އެމްޕީއެލް

މުހައްމަދު ޔާމީން، މިހާރު

31 ޖުލައި 2018 - 13:23

މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ހުޅުމާލޭގެ ދެ ވަނަ ފިޔަވަހީގައި ހަދާ 534 ފްލެޓުގެ ތެރެއިން އެ ކުންފުނީގެ މުވައްޒަފުންނަށް 432 ފްލެޓު ދިނުމަށް އެ ކުންފުނިން ނިންމައިފި އެވެ.

އެމްޕީއެލް އިން ހުޅުމާލޭގައި ހަދަން ނިންމާފައި ވަނީ 14 ބުރީގެ ތިން ޓަވަރެވެ. އެ ތިން ޓަވަރުގައި ދެ ކޮޓަރި އާއި މެއިޑް ރޫމެއް ހިމެނޭ 330 އެޕާޓްމަންޓާއި އެއް ކޮޓަރީގެ 204 އެޕާޓްމަންޓް ހެދުމަށް ވަނީ ނިންމައިފަ އެވެ. އެ މަޝްރޫއަށް 560 މިލިއަން ރުފިޔާ އެމްޕީއެލުން ހަރަދު ކުރެ އެވެ.

"ޕޯޓް ހިޔާ ހައުސިން ސްކީމް" އިފްތިތާހު ކުރުމަށް ރޭ ބޭއްވި ރަސްމިއްޔާތުގައި އެމްޕީއެލް އިން ބުނީ އެ ކުންފުނީގެ ޓަވަރުތައް ހެދުމުން 3000 އަށް ވުރެ ގިނަ މީހުންނަށް ބޯހިޔާވަހިކަން ފޯރުކޮށްދެވޭނެ ކަމަށެވެ. އަދި މުވައްޒަފުންނަށް 432 ފްލެޓު ހާއްސަ ކުރާ އިރު، ބާކީ ހުރި 102 ފްލެޓު ދޫކުރާނީ އާންމުންނަށެވެ.

އެމްޕީއެލުން ޓަވަރުތައް ހެދުމަށް ހަވާލުކޮށްފައި ވަނީ ސިންގަޕޫރުގެ ޑަބްލިއު އެންޑް އޭ އޯވަސީސްއާ އެވެ. މި މަޝްރޫއުގެ އަމަލީ މަސައްކަތް މިދިޔަ ޖެނުއަރީ މަހުގެ ތެރޭގައި ވަނީ ފަށައިފަ އެވެ.

އެމްޕީއެލްގެ ސީއީއޯ އިބްރާހިމް އަބްދުއްރައްޒާގް ހަލީމް ވިދާޅުވީ ފްލެޓުތައް ބޭނުންވެފައި ތިބި ގިނަ އަދަދެއްގެ މުވައްޒަފުން އެމްޕީއެލްގައި އެބަތިބި ކަމަށެވެ. އަދި މުވައްޒަފުންނަށް އެންމެ ފަސޭހަ ގޮތަކަށް ފްލެޓްތަކަށް ކުރިމަތިލުމުގެ ފުރުސަތު ދިނުމުގެ ގޮތުން ހާއްސަ ކޮމެޓީއެއް އޮންނަ ކަމަށް އޭނާ ވިދާޅުވި އެވެ. އޭނާ ވިދާޅުވި ގޮތުގައި ޓަވަރުތަކުގެ މަސައްކަތް ހުއްޓުމެއް ނެތި ދަނީ ކުރިއަށެވެ.

އޭނާ ވިދާޅުވީ ފްލެޓުތަކަށް އެމްޕީއެލްގެ ދާއިމީ މުވައްޒަފުންނަށް ކުރިމަތިލެވޭނެ ކަމަށެވެ. އަދި މާދަމާ އިން ފެށިގެން އަންނަ މަހުގެ ނިޔަލަށް ފްލެޓުތަކަށް ކުރިމަތިލެވޭނެ ކަމަށް އޭނާ ވިދާޅުވި އެވެ.

އެ މަޝްރޫއުގެ ދަށުން އެ ކުންފުނިން ހަދަން ނިންމާފައިވާ 14 ބުރީގެ ތިން ޓަވަރުގެ މަސައްކަތް ކުރިޔަށް އޮތް ދެ އަހަރުގެ ތެރޭގައި ނިންމާލެވޭނެ ކަމަށް ވެސް އެމްޕީއެލް އިން ބުންޏެވެ.

ހުޅުމާލޭގައި ލައްކައެއްހާ މީހުންގެ އާބާދީއަކަށް އަމާޒުކޮށްގެން 25 ބުރީގެ 62 ޓަވަރު އަޅަން ސަރުކާރުން ވަނީ ނިންމައިފަ އެވެ. އަދި އޭގެ ތެރެއިން ބައެއް ޓަވަރުތައް ހަދަން ސަރުކާރުގެ ބައެއް ކުންފުނިތަކާ ހަވާލުކުރުމުން، އެ ކުންފުނިތަކުން އަންނަނީ އެކަން ކުރާނެ ބަޔަކު ހޯދަން އިއުލާން ކުރަމުންނެވެ. އަދި ބައެއް ކުންފުނިތަކުން ކޮންޓްރެކްޓަރުންނާ އެކަން ހަވާލުކޮށް، މަސައްކަތް ވަނީ ފަށައިފަ އެވެ.

ހުޅުމާލެ ތަރައްގީގެ މަޝްރޫއުތައް ބޯހިޔާވަހިކަން އެމްޕީއެލް ހުޅުމާލޭ ދެ ވަނަ ފިޔަވަހި ހިޔާ ފްލެޓްތައް

9 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބްރާހިމް ފަޔާޒް

01 August 2018

ޕްރެޝަރ އެއް ނެތް!!! އެކަމަކު ކޮބާހޭ ދިރާގުން އަޅާދޭން ޖެހޭ 7 ޓަވަރު!!! ކީއްވެތަ އެކަމައް ކަމެއް ނުވެގެން ތިއުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅޯ

31 July 2018

މިސަރުކާރުން އަޅާފަ ހުރި ފްލެޓެއް ހުރިތަނެއް އަޅެ ބުނެދީބަލަ! ރައްޔިތުންނަށް ދިމާވެފައިވާ އެންމެ ބޮޑު މައްސަލައަކީ ބޯހިޔާވެހި ކަމުގެ މައްސަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީޤު

31 July 2018

އެންމެފަހުން އެޅި ޕޯރޓް ބިލްޑިންގގަ މިހާރުވެސް އެ ހިންގަނީ އިލެކްޝަންސް ކޮމިޝަން މިފަހަރު މުވައްޒަފުންނަށް ތި ޢިމާރާތަށް ވަދެވިދާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލި

31 July 2018

ފުލެޓު ދިނުމުގަ ހާޒިރިއައް ބަލާތަ. މަ ވަރައް ގިނައިންސަލާ ބުނަން ނާނަ ދުވަސް ތައް އޮނާނެ އެކަމު މަވެސް ބޭނުން. އެކަމު މިއުޅެނީ ހަމަ ރިލީސްގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

31 July 2018

މިއީ މިއަދު ދިވެހި ރައްޔިތުންގެ އެންމެ ބޮޑު އެއްއުއްމީދެވެ، ސަރުކާރުން ސަރުކާރުކުންފުނިތަކާ ހަވާލްކޮއްގެން މިގެންދާ ގެންދިއުމަށް އަޅުގަނޑު ވަރަށް ތާއިދުކުރަމެވެ، އެއީ މިހައި ބައިވަރު ފުލެޓްތަކެއް ހަމައެކަނި ހައިސިން މިނިސްޓްރީން ކުރިއަށް ނުގެންދެވޭނެތީއެވެ، އެގޮތުން މިހެން އެކި ކުންފުނިތަކަށް ބަހައިލުމުން އެކުންފުނި ތަކުގެ މެންޑޭޓްތެރޭގައި މިފުލެޓްތަށް ނިންމުން ވާނީ ހަމަޖެހިފައެވެ. މީގައޮތް ބިރަކީ މިފުލެޓް ތަކާ އެކީ ކުންފުނިތަށް ބަގުރޫޓް ވުމުގެ ބިރެވެ، މިފުލެޓްތަކުގެ މަސައްކަތް ހުޅުމާލޭގެ ފޭސްދޭއްގައި ވަރަށް ބާރަށް އެބަކުރިއަށް ދެއެވެ. ސީ ސީ ބުނިހެން މުވައްޒަފުން އަތުން ލާރިނަގައި ފުލެޓްތަށް އެތަށް އަހަރެއް ވަންދެން ނުދެވި ހުރުން އެއީ މުވައްޒަފުންނަށް ލިބޭނެ ވަރަށް ބޮޑުގެއްލުމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިހުތާ

31 July 2018

ފްލެޓް އަކީ ދަރަންޏެވެ. ގޮވައްޗަކީ ރިޒްޤެވެ. ވިސްނާށެވެ. ރަށް ފަޅުކޮށްފަ މާލެ އަންނަން އަހަރުމެން "ރާއްޖެތެރޭ" މީހުންނަށް މަޖުބޫރު ކުރުވަނީއެވެ. އެ ރަށްތައް ވިއްކާލަނީ ކޮންމެވެސް މުއްސަނދި މީހަކަށް.. އެ ރަށްތަކުގެ އަސްލު ޙައްޤުވެރިންނަށް ވާ އެއްވެސް ފައިދާއެއް ނޯވޭ.. ވިސްނާށެވެ.