06 އޯގަސްޓް 2018 - 13:42
27 comments
ފައިސާގެ ދަތިތަކާ ހެދި، މިހާތަނަށް ނުނިންމި ހުރި ރިސޯޓުތަކުގެ ވެރިންނަށް ލޯނު ލިބޭނެ ގޮތްތަކެއް، އިދިކޮޅު ކޯލިޝަނެއްގެ ވެރިކަމުގައި ހަމަޖައްސަވައިދޭނެ ކަމަށް އެ ކޯލިޝަންގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހް (އިބޫ) މިއަދު ވިދާޅުވެއްޖެ އެވެ.
ލ. އާއި ތ. އަތޮޅަށް މިހާރު ކުރައްވަމުން ގެންދަވާ ކެމްޕެއިން ދަތުރުގައި، ވޭމަންޑޫގައި ވާހަކަ ދައްކަވަމުން އިބޫ ވިދާޅުވީ މުޅި ރާއްޖެ އަށް ޓޫރިޒަމް ފުޅާ ކުރަން ޖެހިފައިވާ ކަމަށެވެ. އަދި، ރިސޯޓް ހެދުމަށް މިހާރު 160 ރަށް ދޫކޮށްފައިވާ އިރު ފައިސާގެ ތާށިކަމާ ހެދި އެ ތަންތަން ނުނިމޭ ކަމަށް އިބޫ ވިދާޅުވި އެވެ.
"އަޅުގަނޑުމެންގެ ސަރުކާރެއްގައި މި ފަރާތްތަކަށް ފައިސާ، ލޯނު ލިބޭނެ އެކި ގޮތްގޮތް ހޯދައިދީ އެ ރަށްތައް މާކެޓަށް ނެރެވޭނެ ގޮތްތައް ހަދައިދޭނަން،" އަންނަ މަހުގެ 23 ގައި ބާއްވާ މި އަހަރުގެ ރިޔާސީ އިންތިޚާބުގައި ވާދަކުރައްވާ އިދިކޮޅު ކެންޑިޑޭޓް އިބޫ ވިދާޅުވި އެވެ.
އިދިކޮޅު ކޯލިޝަންގެ އަމާޒަކީ ޖަޒީރާ ގައުމެއް ތަރައްގީ ކުރުންކަން ފާހަގަ ކުރައްވައި އިބޫ ވިދާޅުވީ ވޭމަންޑު އާއި ގުޅިފައިވާ ރަށްތައް ގުޅުވާލާ ދޭނެ ކަމަށެވެ.
ވޭމަންޑުއާ އެއް ފަޅެއްގެ ތެރޭގައި ކިނބިދު އާއި އެލާ ކިޔާ ފަޅު ރަށެއް އޮވެ އެވެ. މި ތިން ރަށް ގުޅައިލަދިނުމަށް ވޭމަންޑޫ ރައްޔިތުންގެ ފަރާތުން މިއަދު ވަނީ އިބޫ އަށް ހުށަހަޅައިފަ އެވެ.
މި ރަށުގައި 1300 މީހުންގެ އާބާދީއެއް އޮންނަ އިރު ފެނުގެ ނިޒާމާއި ނަރުދަމާގެ ނިޒާމް ގާއިމް ކޮށްފައިނުވާތީ އެކަން އިދިކޮޅުގެ ވެރިކަމެއްގައި ކޮށްދެއްވާނެ ކަމަށް އިބޫ ވިދާޅުވި އެވެ.
އެމްޑީޕީ ސަރުކާރުން ފަށާފައިވާ ދަތުރުފަތުރުގެ ނިޒާމު އެއަށް ވުރެ ތަރައްގީ ކުރައްވާނެ ކަމަށްވެސް އިބޫ މިއަދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
06 August 2018
ނުހެދި ހުރި ޝިއުނާ އާއި ގާސިމްގެ ރިސޯޓްތަކަށްދޯ؟ 160 ރިސޯޓަށް ލޯނު ދެވޭނެ ގޮތެއް މިދައުލަތެއްގަ ނެތް.
ނަޙީދު
06 August 2018
މާދަމާ އިބޫ މިހެން ބުނީތީ ސަރުކާރުން މިކަން ކުރާނެއެވެ. ކެމްޕޭނުގެ މިހިސާބުންވެސް ރައީސް ޔާމީނުގެ އަމިއްލަ ބާރު ގެއްލިއްޖެއެވެ. ސަރުކާރު ހޮޅިވެ އެތެރެ ކޮއިލުގައި ރެނދުލައިފިއެވެ. ސަރުކާރަށް މިހާރު ކުރާހާ ކަމަކީ އިބޫ މަތަ ކުރެވޭތޯ ޖަގަހަތައް ޖުރުމާނާ ކުރުމެވެ. އެކަމުންވެސް ސަރުކާރަށް އޮތް ތާއީދު ގެއްލި އިތުރަށް ފަޞީހަތްވުން ކަމެއް ނުވެއެވެ. ރައީސް ޔާމީނު އަދި އެމަނިކުފާނު އަރިހުގައި ތިބި މީހުންނަށް ސިޔާސީ ކެމްޕޭނު ކުރަން އަސްލުގައިވެސް ނޭގެނީ ތޯއެވެ. ނުވަތަ ގަސްތުގައި ރައީސްއަށް ގެއްލުން ދެނީ ނޫން ބާވައެވެ.
ނާއިފް
06 August 2018
ކުރެވޭ ވަރުގެ ވާހަކަ ދައްކާ...ކުރިންވެސް އެމްޑީޕީ މީހުން ރަައްޔިތުންގެ ލޮލުގައި އަދުންއެޅުވި...އަޅުގަނގު މެންމިތިބީ ރައީސް ޔާމިން ހޮވަން..
ޙަފްޞާ / މާލެ
06 August 2018
ބަލަގަ އިބޫ! ރައީސް ޔާމީންގެ ސަރުކާރު ފެށުނުއިރު އަތްމަތިދަތިވެގެން ނުހެދިފަހުރި ކިތައް ރިސޯޓުތޯ މިހާރު އެ ނިމުނީ؟ ސަރުކާރުގެ ލޯނާ، ޑިޔުޓީފްރީ ކަލޭ އަޑެއް ނުއަމުތަ؟ މި 5 އަހަރުގެތެރޭގައި ، 40 ރިސޯޓް އަލަށް ހުޅުވޭނެ! މިހާރުވެސް 40 ހާ ކައިރިވެފަ އެއޮތީ!!! ޔާމީންގެ ވަޢުދުތައް ކޮޕީކުރިޔަސް ތިޔައީ ބޮޑުވަރު!
މުދިލިޔާރު
06 August 2018
ސަރުކާރުން ކަމެއްކޮށްދީގެން ހެދީ ކޮން ރިސޯޓެއް؟ ސަން ސިޔާމަށް ނޫނީ ސަރުކާރުން ކަމެއް ނުކޮށްދޭ!
ސާއިދު
06 August 2018
ދިވެހިރާއްޖެއަށް އާ ބާވަތުގެ ވިޔަފާރިތައް ތަޢާރަފްކޮށް ވިޔަފާރިތައް ކުރިއެރުވުމާއެކު އިތުރު ވަޒީފާތައް އުފައްދައި، ދައުލަތަށް ލިބޭ އާމްދަނީ އިތުރުކޮށް، ރައްޔިތުންގެ ފުދުންތެރިކަން އިތުރުކޮށްދިނުމަކީ ސަރުކާރުގެ ސިޔާސަތުތަކުގެ ތެރޭގައި ހިމެނޭ ކަމެކެވެ. މި ސިޔާސަތުގެ ދަށުން، އެނބޫދޫ ފަޅު ހިއްކައި ތަރައްޤީކުރާނީ، އާ ބާވަތްބާވަތުގެ ވިޔަފާރިއަށް ފަހި މާހައުލެއް އޮންނާނެ ގޮތަށް އަޅުގަޑުމެން މިތިބީ ރައީސްޔާމިނާއެކު
ފަލާހް
06 August 2018
ވާވަރު ކަންކަން ކިޔާނީ ކޮއްކޯ
ޝައުކަތު
06 August 2018
މިހާރުވެސް އެބަ ކުރެޔޭ. ނުހެދި ހުރި ރަށްތައް އެދަނީ ހެދެމުން، ހުޅުވެމުން.
ސާއިދު
06 August 2018
ހެޔޮ ނުވާނެ، ހަމަ ވޯޓް ހޯދުމުގެ ނިޔަތުގައި ހުސް ވައުދު ނުކޮށްބަލަ. ކުރެވޭ ވަރުގެ ކަންކަމުގެ ވާހަކަ ދައްކަވާ.
ލިޕޭ
06 August 2018
ލޯނުތައް ދެއްކޭނެގޮތެއްނެތޭ ކިޔާބަޔަކު އަދިވެސް ލޯނު ދޭވާހަކަ ގޮވާތީ ހަމަ އަންނަނީ ހިނި
ޢާބިދު
06 August 2018
ދެންބުނާ ޖަޒީރާ ރައީސް ބުނާހެން އެއީ ފަލްސަފާއެކޭ.
ކިއްލިބާޝާ
06 August 2018
އަދި ރިސޯޓުތައް ހަދަންތަ ލޯނުތައްދޭންވީ؟...... އެހެންވީމާ އިބޫގެ ސަރުކާރަކީ މަހުޖަނުންނަށްޓަކާ އަންނަ ސަރުކާރެއްތާ؟ ނިކަމެތިންގެ ސަރުކާރެއްނޫންތާ.