ފައިސަލް މިހާރު ދ. އަތޮޅަށް ކުރައްވަމުން ގެންދަވާ ދަތުރުފުޅުގައި އުމުރުން ދުވަސްވީ މީހަކާ ވާހަކަ ދައްކަވަނީ: ދިވެހިންނަކީ ކަންކަން ވަރަށް ވިސްނޭ ބައެއް ކަމަށް ވިދާޅުވި
13 އޯގަސްޓް 2018 - 23:02
13 comments
"ވަކި ކާޑެއް ކުޅެގެން" ދިވެހިންނަށް ކަންކަން އޮޅުވާލެވޭނެ ކަމަށް ހީކުރުމަކީ މޮޔަ ކަމެއް ކަމަށް އިދިކޮޅު ކޯލިޝަންގެ ރަނިންމޭޓް ފައިސަލް ނަސީމް މިރޭ ވިދާޅުވެއްޖެ އެވެ.
އަންނަ މަހުގެ 23 ގައި ބާއްވާ މި އަހަރުގެ ރިޔާސީ އިންތިޚާބުގެ ކެމްޕެއިނަށް ދ. އަތޮޅަށް ފައިސަލް ކުރައްވަމުން ގެންދަވާ ދަތުރުގައި މީދޫގައި ބޭއްވި ޖަލްސާގައި ވާހަކަ ދައްކަވަމުން އޭނާ ވިދާޅުވީ، މި ސަރުކާރު ހޮވިއްޖެ ނަމަ، ދިވެހިންގެ ގައުމެއްގެ ގޮތުގައި އަދި އިސްލާމީ ރިވެތި އުސޫލުތަކުގެ މަތީގައި ރާއްޖެ އޮވެދާނެ ކަމާ މެދު ޝައްކު ކަމަށެވެ. އަދި ރައްޔިތުން މިއަދު ނުކުމެ ތިބީ ދީނާއި ގައުމުގެ ހައްގުގައި ކަމަށާއި އެކަން އޮޅުވާލަން ބަޔަކު މަސައްކަތް ކުރިޔަސް، އެކަން ކާމިޔާބު ނުވާނެ ކަމަށް ވިދާޅުވެ، ސަރުކާރަށް ނިސްބަތްވާ ބޭފުޅުންގެ ކިބައިން ފައިސަލް އެދިވަޑައިގަތީ ބުއްދި ގަބޫލު ކުރެވޭ "ހަގީގީ ވާހަކަ" ދެއްކުމަށެވެ.
"ވަކި ކާޑެއް ކުޅެގެން އިންތިޚާބެއް ކައިރިވެގެން އަންނައިރު، ވަކި ވައްތަރެއްގެ ވާހަކަތަކެއް ދައްކައިގެން ދިވެހި ރައްޔިތުންގެ ސިކުނޑިތަކަށް ސަވާރު ވެވޭނެ ކަމަށް ހީކުރުމަކީ މޮޔަ ކަމެއް. ދިވެހި ރައްޔިތުންނަކީ މަސައްކަތްތެރި ބައެއް. ތޫނު ފިލި ބައެއް. ވިސްނުންތެރި ބައެއް. އެހެންވީމަ މިއަދު ގަބޫލު ކުރަންވީ ދިވެހި ރައްޔިތުން ނިކުންނަވާފައި މި ތިބީ ސަބަބެއް އޮވެގެންނޭ،" ވިދާޅުވަމުން ފައިސަލް ވިދާޅުވި އެވެ.
ސަރުކާރުގެ ތަރައްގީގެ މަޝްރޫއުތަކަށް ފާޑު ވިދާޅުވަމުން ފައިސަލް ވިދާޅުވި ގޮތުގައި ކުރާ ކޮންމެ މަސައްކަތެއް ތަކުރާރުކޮށް ކުރުމަކީ ސަރުކާރުން ވަރަށް ކުރާ ހިތްވާ ކަމެކެވެ. އޭގެ މިސާލެއްގެ ގޮތުން އޭނާ ވިދާޅުވީ މީދޫ ބިން ހިއްކި ފަހުން އެތައް އަހަރެއް ވެގެން ދިޔައިރު ވެސް އެތަނުން އެއްވެސް ބިމެއް ދޫކޮށްފައި ނުވާ މައްސަލަ އެވެ.
ފައިސަލް ވިދާޅުވީ، މިހާރު އެތަން އަލުން ބޭނުން ކުރަން ބެއްޔަސް، އިތުރު ހިމާޔަތް ކުރަން އެތައް ޚަރަދުތަކެއް އެކަމަށް ހިނގާނެ ކަމަށެވެ.. އަދި އިދިކޮޅު ކޯލިޝަންގެ ވެރިކަމެއްގައި އެފަދަ ބޭކާރު ޚަރަދުުތައް ކުރަން ނުޖެހޭނެ ކަމުގެ ޔަގީންކަން އޭނާ ދެއްވި އެވެ.
"ތަޖްރިބާ އަޅުގަނޑުމެންގެ ޓީމުގައި އެބަހުއްޓޭ. ތި ބޭފުޅުންގެ ފައިސާއިން އަޅުގަނޑުމެން ކުރާ ކަމަކީ އޭގެ ހަަމަ އަގުގައި ކުރާ ކަމެއްގެ ގޮތުގައި އަޅުގަނޑުމެން އަބަދުވެސް ހަދާނަމޭ. އަދި ހަމަ އެއާ އެކު އެ ކުރާ މަސައްކަތުގައި އަޅުގަނޑުމެން ކޮލިޓީ ހިފަހައްޓާނަމޭ،" އިދިކޮޅު ކެންޑިޑޭޓް އެމްޑީޕީގެ އިބްރާހިމް މުހައްމަދު ސޯލިހް (އިބޫ) ގެ ރަނިންމޭޓް ފައިސަލް ވިދާޅުވި އެވެ.
ސަރުކާރާ އިދިކޮޅު ކައުންސިލަރުން ސަސްޕެންޑްކޮށް، ފިޔަވަޅު އަޅަމުންދާ ކަމަށާއި އިދިކޮޅު ކޯލިޝަންގެ ސަރުކާރެއްގައި ކައުންސިލްތަކަށް ބާރުވެރިކަން ލިބޭނެ ކަމަށް ފައިސަލް ވިދާޅުވި އެވެ. އަދި ކެމްޕެއިން ދަތުރުތަކުން ހާމަވީ ރައްޔިތުންގެ ޝަކުވާތައް ފުނިޖެހެމުން ގޮސްފައިވުން ކަމަށް އޭނާ ވިދާޅުވި އެވެ. ފައިސަލް ވިދާޅުވި ގޮތުގައި އެކަމުން އެނގެނީ ސަރުކާރު ފެއިލް ވެފައިވާ ކަމެވެ. އެކަމަކު، އެހާ ދިގު އިންތިޒާރެއް ދިވެހިންނަށް ދެން ކުރަން ނުޖެހޭ ކަމަށް ވެސް އޭނާ ވިދާޅުވި އެވެ.
"ހަގީގަތަކީ ކެރޭ ބައެއް ނަމަ، މަގާމުތަކުން އިސްތިއުފާ ދިނުން މާ ބުއްދިވެރިއޭ އެ ކަމެއްގައި އަތް އަޅައިގެން ތިބުމަށް ވުރެ. އަޅުގަނޑުމެން މި ނުކުތީ ގައުމަށް ހެޔޮ ބަދަލެއް ގެންނަން،" ކާށިދޫ ދާއިރާގެ މެމްބަރުކަން ވެސް ކުރައްވާ ފައިސަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ނަސީމް
15 August 2018
ހެހެހެ... އަމިއްލަ އައް ނިސްބަތްކޮއް ވާހަކަ ދައްކާ!!!
މަދިރި
14 August 2018
އިރާދަ ކުރެއްވިއްޔާ ކޯލިޝަނަކަށް ތިކަމެއް ނުވާނެ. ބޭކާރު ވަގުތާއި ފައިސާ ހަރަދު ނުކުރައްވާ އެހެން މުހިންމު ކަމަކައް ވަގުތާއި ފައިސާ ހަރަދުކުރައްވާ.
ފޮނިޓައްޕު ހަސަނު
14 August 2018
ޔާމީނަށް މިހާރު ހުންނާނީ މިދިޔަ 5 އަހަރުދުވަހުގެ ތެރޭގައި ސާސް ކުޅެވިފައި. ދިވެހިން ޔާމީނަށް އިތުރަށް ތާސްކުޅެން ފުރުސަތު ނުދެމާ ބަހީ.
ސުނާނު
14 August 2018
ހެޔޮ ބަދަލެއް ގެންނަންށޭ ކިޔާފަ ކުރިން އަންނި ވެރިކަމަށް ގެނައިމަ މިގައުމައް ވީގޮތް ބަލާލަބަލަ. މިއުމުގެ ޒުވާން ޖީލު މުޅިން މަގުފުރެއްދީ ހަމަ އެ އަންނި. ހެޔޮނުވާނެ މި މީހުންނައް އަނެއްކާ އެފުރުސަތު ދޭން.
ކެކުރި
14 August 2018
ކަލޯމެން ވަރަށް އަދިޅަ އަމިއްލައަށް އަމިއްލަނަފްސަށް އެއްޗެހިނުކިޔާ ހުރުންބުއްދިވެރި ގައުމެއްގެ ވެރިކަންކުރުމަކީ ސަމާސައެއްނޫން އެކަންކުރަން އަންނަންޖެހޭނީ އެކަންކުރެވޭވަރުގެ ބައެއް އެކަންކުރަންބޭނުވާކަމަށް ވަންޏާ ދަސްކުރަން އަދި ދުވަސްކޮލަކަށް މަޑުކޮށްލާ އަޅެ ދައްކަބަލަ ތިދެމީހުން މިގައުމުގައި ހިންގި ކުޑަކުޑަ އޮފީހެއްވެސް ވީއިރު އަދި ދުވަސްކޮޅަކު ތަޖްރިބާ ހޯދުމަށް މަޑުކޮށްލުން ބުއްދިވެރި.ކުރެވޭވަރުގެ ކަންކަމާ ކުރިމަތިލުމަށް އެދެން.
އާދު
14 August 2018
ފުރަތަމަ ކާރޑުހެދީމައުމޫނު ސާހިދު އާ ސަހީދު އާ ދެމީހުން މައުމޫނު ކައިރީ ތިދޭނެކަމެއްނެތޭ މަނިކުފާނުހޮވޭނޭ ކިޔާ ހުރިހާ ނުބައެއްހަދާ 2008 ފެއިލްކޮއްލީ....
ނަގޫރޯޅި
14 August 2018
ވަކިކާޑެއް ކީއްކުރަން ހިތައްއެރިކާޑަކުން ކުޅޭނީ، ﷲ ރަހްމަތްފުޅުން މިފަހަރު ރަންގަ ފާހަގަނުވާވަރައް ކުޅެލާނަން
އަޖުވަދު އަހުމަދު
14 August 2018
ވަކި ކާޑެކޭ ތިޔަ ވިދާޅުވަނީ ރައީސް ޔާމީން އިސްލާމް ދީން ޙިމާޔަތް ކުރާނޭ ވާހަކަ، ކަލޭމެންނަށް ގޮންޖައްސަވާ ވިދާޅުވަމުން ގެންދަވާވާހަކައެއްނު. ބުނަން ފައިސަލް ވާހަކައެއް. ދިވެހިން އެންމެ ބޭނުން ވާކަމަކީ ހަމައެކަނި އިސްލާމްދީން މިޤައުމުގާ ދާއިމަށް އޮތުން. ނަޝީދު ވެރިކަމުގަ ހުރެއްޖެނަމަ އެކަން ދިވެހިންނަކަށް ޔަޤީނެއް ނުވާނެ. އޭނާއަކީ އިސްލާމް ދީނަށް ފުރައްސާރަކުރާމީހެއްކަން އެއޮތީ ހާމަކޮށް ފެންނަން. ކަލޭމެން ވެރިކަމަށް އައުމަށް ފަހު ދެން ބަލާނީ އޭނާ މިނިވަންކޮށް ވެރިކަން އޭނާއާއި ޙަވާލުކުރުމަށް. އެއާހިސާބުން އަނެއްކާ ތާރީޚް އިޔާދަވުމަށް ދޫކޮށްލެވުނީ. މިގޮތް ދިވެހިން ބޭނުމެއެް ނުވޭ. ދިވެހިން ބޭނުންވަނީ އިސްލާމް ދީނުގައި ސާބިތުވެ އަދި ރަޢީސް ޔާމީން އާއި އެކު ތަރައްޤީގެ މަގުގައި ކުރިއަރާދާން. މިހާރަކު ފަސްބަލައިގެން ޤައުމު ފަހަތަށް ފިޔަވަޅު އަޅާކަށް މިޤައުމު ބޭނުމެއް ނޫން.
ބުއްދިނެތް
14 August 2018
ބުއްދި ހަމަޖެހޭނަމަ މޑޕ ގެއަސްލަކީ ކޮބައިކަންއިގޭނެ.. ނޭގޭނަމަ ރވަހީދުއާ ރީކޯ މޫސަ ކުރެން އޮޅުންފިލުވާ.. އަދި ފަސޭހަކޮއްދެން ބުނަން ގޯގޯ ލަތީފުކުރެން އަހާލާ މޑޕ އާ އިސްލާމްދީނާ ކިހާވަރަކަށް ގާތްގުޅުމެވޭތޯ.. ރމައުމޫނުއަކީ ތިކޯލިޝަނުގެ އެއްބައިވެރިއެއް.. އޮޅުންފިލުވާ މޑޕ އާ އިސްލާމްދީނާ ކިހާ ދޯޅަތޯ.. ވަރަށް މައުލޫމާތު ހުންނާނެ ރމާއުމޫނުއަތުގަ. އަދި އޮޅުންފިލުވާ ރނަޝީދުގެ މައިންބަފައިންކުރެ ރނަޝީދާ އިސްލާމްދީނާ ކިހާގާތްކަމެވޭތޯ.. ނައިބުކަންދޭން ނެރެފަހުއްޓަސް ތެދެއް ދޮގެނުކުރެވޭނެ.. ފައިސަލޫ ހޮޅުއަށިގަ މިއޮތް ދޮންއީސައަތުގަވެސް އޮންނަނީ ސްމާޓްފޯނެކޭ.. ވައިފައިވެސްހުރޭ.. އީސަވެސް ގޫގުލްކުރީމައަންނަނީ މިހެންނޯ އީސަބުނީ.. މިއީ 2008ނަމަ އޮޅުވާލެވުނީސް.. ވަރަށް ބާރު ސްޕީޑުގަ ރާއްޖެކުރިއަރާއިފި.
ރަދީފުލް އައްވަލް
14 August 2018
ދިރިއުޅުމަކީ ރާޒުވާ ގަނޑެކެވެ. ފައިސަލު ޅަވީމަ ނޭންގެނީއެވެ. ތިޔަބޭފުޅުންގެ ރޫހާނީ ލީޑަރު އަބަދު ހުންނަނީ ރާޒުވާގަނޑެއްގެ މަތީގާ ހަކުޅި ކުރިޔަށް ކުޅުއްވަކުޅުއްވައެވެ.