ވީއައިއޭގައި އިތުރު 10 ޗެކިން ކައުންޓަރެއް ހަދަނީ

ވެލާނާ އިންޓަނޭޝަނަލް އެއާޕޯޓުގައި މިހާރު ބޭނުން ކުރާ ރަންވޭއަށް އެމިރޭޓްސްގެ މަތިންދާ ބޯޓެއް ޖައްސާފައި. އަދި އާ ރަންވޭ މަތީގައި ބަޔަކު މަސައްކަތެއް ކުރަނީ. - ފޮޓޯ: އަހުމަދު ނިޝާތު/ މިހާރު

މުހައްމަދު ޔާމީން، މިހާރު

29 އޯގަސްޓް 2018 - 10:34

10 comments

ކުރިއަށް އޮތް ޔޫރަޕްގެ ފިނި މޫސުމުގައި އެއާލައިންތައް އަންނަ އަދަދު އިތުރުވާނެތީ، ވެލާނާ އިންޓަނޭޝަނަލް އެއާޕޯޓު (ވީއައިއޭ)ގައި ޚިދުމަތް ދިނުމަށް އިތުރު 10 ޗެކިން ކައުންޓަރެއް ހަދަން ފަށައިފި އެވެ.

ވީއައިއޭގައި އިއްޔެ ނޫސްވެރިންނާ ވާހަކަ ދައްކަވަމުން، މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ މެނޭޖިން ޑިރެކްޓަރު އާދިލް މޫސާ ވިދާޅުވީ، ވީއައިއޭގައި އޮޕަރޭޓް ކުރާ އެއާލައިންތަކުގެ ތެރެއިން ރަޝިއާ އިން އަންނަ އެއިރޯ ފްލައިޓުތަކާއި ގަތަރު އެއާވޭސްގެ ފްލައިޓުތައް ފިނި މޫސުމުގައި އިތުރުވެގެން ދާނެ ކަމަށެވެ.

މަތިންދާބޯޓުތައް އިތުރު ކުރަން ބައެއް އެއާލައިންތަކާ މަޝްވަރާ ކުރަމުން އަންނަ ކަމަށް އޭނާ ވިދާޅުވި އެވެ.

ވެލާނާ އިންޓަނޭޝަނަލް އެއާޕޯޓުގައި ހުންނަ ޗެކިން ކައުންޓަރެއް. - ފޮޓޯ: ހުސެއިން ވަހީދު/ މިހާރު

"އެހެންވީމަ ކުރިއަށް އޮތް [ފިނި] މޫސުމަކީ، މިދިޔަ ސީޒަނަށް ވުރެ ފްލައިޓުގެ ގޮތުން އިތުރުވެގެންދާ މޫސުމެއްގެ ގޮތުގައި ފާހަގަ ކުރެވިފައި މިވަނީ،" އާދިލް ވިދާޅުވި އެވެ.

ފިނި މޫސުމުގައި، މަތިންދާބޯޓުތަކުގެ އަދަދު އިތުރުވާނެތީ މިހާރު ބޭނުން ކުރަމުން އަންނަ އިންޓަނޭޝަނަލް އެއާޕޯޓުގެ ޖާގަ އިތުރު ކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ. ޓާމިނަލްގައި ހަދާ ޗެކިން ކައުންޓަރުތައް އަންނަ ޑިސެމްބަރުގެ ކުރިން ނިމޭނެ ކަމަށް ވެސް ވިދާޅުވި އެވެ.

"އަޅުގަނޑު ދަންނަވާނީ (އާ) ރަންވޭ ނިމުމުގެ ކުރިން، އިތުރު ޑިމާންޑުތައް އެބަހުރި. ރަންވޭ ނިމި ޕާކިން އޭރިއާ ބޮޑުވެ، އޭޕްރަންތައް ނިމުމާ އެކު، ގިނަ އެއާލައިންތަކެއް ދަތުރު ކުރަން ފަށާނެ ކަމުގެ ވަރަށް ބޮޑު ޔަގީންކަމެއް އެބައޮތް،" ހުޅުލެ ދެކުނު ކޮޅުން އާ ރަންވޭ ފެށޭ ހިސާބުގައި ހުންނަވައި އާދިލް ވިދާޅުވި އެވެ.

ވީއައިއޭގައި މިހާރު ޚިދުމަތް ދެމުން އަންނަނީ 34 ކައުންޓަރުންނެވެ. އެހެން ކަމުން އަލަށް ގާއިމުކުރާ 10 ކައުންޓަރާ އެކު ޖުމްލަ 44 ކައުންޓަރުން ޚިދުމަތް ދެވޭނެ އެވެ.

އެއާޕޯޓް ތަރައްގީ ކުރުމަށް ހިންގާ އެއް ބިލިއަން ޑޮލަރުގެ މަޝްރޫ އަކީ މިހާތަނަށް ރާއްޖޭގައި ހިންގާ އެންމެ ބޮޑު އެއް މަޝްރޫ އެވެ. މި މަޝްރޫއުގެ ދަށުން ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު އާ ރަންވޭއެއް އަޅައި ނިންމިއިރު، ހަތް މިލިއަން ފަސެންޖަރުންނަށް ހިދުމަތް ދިނުމަށް އާ ޓާމިނަލެއް ވެސް ހަދާނެ އެވެ. ޓާމިނަލް އާއި ރަންވޭގެ އިތުރުން ހުޅުލޭގައި ގިނަ މަޝްރޫއުތަކެއް ދަނީ ހިނގަމުންނެވެ.

ތަރައްގީގެ މަޝްރޫއުތައް އެމްއޭސީއެލް އާދިލް މޫސާ (ކުރީގެ އެމްޑީ، އެމްއޭސީއެލް) ވެލާނާ އިންޓަނޭޝަނަލް އެއާޕޯޓް

10 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަކުރުގެ ކުޑަ ހުސައިން

30 August 2018

ސާބަހޭ ރައީސް ޔާމީން ތީހަމަ ހީރޯއެއް. ރާއްޖޭގެ ތަރައްގީގެ މަޝްރޫއުއެއް ނުހިނގާ އެއްރަށެއްވެސްނެތް. ކޮންމެ ތަނެއް ތަރައްގީ ކުރިޔަސް ހަމަ ފަހުރުވެރިވާނީ ދިވެހި ދަރީން. ބޭރުމީހުނެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިންމާ

30 August 2018

އަޑުއިވޭގޮތުގައި 1.2 ބިލިއަން ޑޮލަރު ހަރަދުކޮށްގެން ހަދާ އެއާޕޯޓު ތައްޔާރުކުރަނީ 7 މިލިއަން ޓޫރިސްޓުންނަށް، އެކަަމަކު ހިދުމަތުގެ ފެންވަރު އެހާދެރަ ސަބަބަކީ 1.2 ބިލިއަން އެއާޕޯޓް ތަރައްޤީކުރަން ހޭދަކުރަން ނިންމިއިރު 1 މިލިއަން ރުފިޔާވެސް މީހުން ބިނާކުރުމަށް ހޭދަކުރުމަށް ނުހިމަނައި ޖީބަށް ބޮޑުބައިދާކަން، އެއާޕޯޓުގެ މެނޭޖުމަންޓް މުސްކުޅިވެއްޖެ، ހިދުމަތްދެމުން މިހާރު އަންނަނީ މީގެ 25 އަހަރު ކުރީއްސުރެން އެއާޕޯޓުގައި މަސައްކަތްކުރާ މީހުން، އަލަށް ކިޔަވައިގެން އަންން އެއްވެސް މީހަކަށް ފުރުސަތެއްނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްއަދުރޭ

29 August 2018

10 ޗެކިން ކައުންޓަރު ހަދަން 10 ބިލިއަން ރުފިޔާތަ؟ ޔާމީނުގެ ސަރުކާރަކީ، ރައްޔިތުންގެ ނަމުގައި ބޮޑެތި އަދަދުތަކުން ލޯނު ނަގާ، ބުއްދި ގަބޫލުނުކުރާ އަގުތަކުގައި ޕްރޮޖެކްޓު ހިންގާ، ތަރައްގީގެ ނަމުގައި އެހެން ކަމެއް ކުރާ ސަރުކާރެއް! މީނާ ރައްޔިތުންގެ ފައިސާ ގެންގުޅޭ ގޮތާއިމެދު ރައްޔިތުން އެބަޖެހޭ ފާރަވެރިވާން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Dhaandhoo

29 August 2018

ރައްޔިތުންގެ ޓެކްސް ފައިސާއިން ތިޔަކަހަލަ ކިތައްމެ ކަމެއް ކުރިޔަށް އޮތް ތަނުގައި އަންނަ ސަރުކާރުތަކުން ރައްޔިތުންނަށް ކޮށްދެމުންގެންދާނެ ކަމީ ކަށަވަރު ކަމެއް . ބޭނުންވަނީ ހަމަ އިޚްލާޞްތެރި ވެރިޔަކު ތިކަންކަން ހިންގައި ކުރި އަރުވަން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯބިވާ ޔާމީން

29 August 2018

ފްލައިޓް ތަކުގެ އަގުހެޔޮވަންޏާ ކިތަންމެހާވެސް ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

29 August 2018

ސާބަހޭ ރައީސް ޔާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

29 August 2018

އެމެރިކާ އަށް ވުރެ ޗައިނާ ކުރިއަރައިގެން ދާން އެމެރިކާ މީހުން ބޭނުން ނުވާ ފަދައިން ދިވެހިރާއްޖެ އިންޑިއާއަށް ވުރެ ކުރިއަރައިގެން ދިޔުމަށް އިންޑިއާ މީހުން ބޭނުން ނުވާނެއެވެ. ޓްރަންޕް ޗައިނާއާ ދެކޮޅަށް އިގްތިސާދީ ހަނގުރާމަ އެފެށީ އެހެންވެ. އިންޑިއާގެ މޮދީ ރާއްޖެއާއި ދެކޮޅަަށް މި ފަސް އަހަރު "ހަނގުރާމަ" އިއުލާނު ކޮއްގެން މިއުޅެނީ އެހެންވެ. އެކަމަކު މި 5 އަހަރު ރާއްޖެ އެންމެ މިލިމީޓަރެއްވެސް ފަހަތަކަށް ނުޖެހޭ. ވެލްކަމް ޓު ނިއު އޭޖް.