މި އަހަރުގެ ރިޔާސީ އިންތިޚާބުގެ ކެމްޕެއިނަށް، އިދިކޮޅު ކެންޑިޑޭޓު އިބޫ، ނ. މަނަދޫގައި ހުރި އެމްޑީޕީގެ ޖަގަހައަށް ވަޑައިގަންނަވަނީ. - ފޮޓޯ: އެމްޑީޕީ
31 އޯގަސްޓް 2018 - 07:38
19 comments
އިދިކޮޅު ކޯލިޝަންގެ ރިޔާސީ ކެންޑިޑޭޓު، އިބްރާހިމް މުހައްމަދު ސޯލިހް (އިބޫ) ރިޔާސީ އިންތިޚާބުގެ ކެމްޕެއިނަށް ގއ. އަދި ގދ. އަތޮޅުގެ ރަށްތަކަށް މިއަދު ފުރާވަޑައިގެންފި އެވެ.
އަންނަ މަހުގެ 23 ގައި ބާއްވާ ރިޔާސީ އިންތިޚާބުގެ ކެމްޕެއިނަށް އިބޫ ކުރައްވާ ދަތުރުގައި ގއ. އަދި ގދ. އަތޮޅުގެ ހުރިހާ ރަށަކަށް ތިން ދުވަހުގެ ތެރޭގައި ވަޑައިގަންނަވާނެ އެވެ. އެގޮތުން، ގދ. އަތޮޅުގެ އަށް ރަށަކަށާއި ގއ. އަތޮޅުގެ ނުވަ ރަށަކާ އެކު، ޖުމްލަ 18 ރަށަށް އިބޫ ވަޑައިގަންނަވާނެ އެވެ.
އިބޫ އެންމެ ފުރަތަމަ ވަޑައިގަންނަވާނީ ގދ. ވާދު އަށެވެ. ވާދޫގެ އިތުރުން، ގދ. ތިނަދޫ، ގދ. ގައްދޫ، ގއ. ވިލިނގިއްޔަށް ވަޑައިގެން ބޮޑު ޖައްސާއެއް ބާއްވާނެ އެވެ.
އިބޫގެ ދަތުރުގައި، ގދ. ފަރެސްމާތޮޑާ، ގދ. ފިޔޯރީ، ގއ. ދެއްވަދޫ، ގއ. ކޮލަމާފުށި، ގއ. ކަނޑުހުޅުދޫ، ގއ. ގެމަނަފުށި، ގއ. ކޮނޑޭ، ގއ. ދާންދޫ، ގއ. ނިލަންދޫ، ގއ. މާމެންދޫ، ގދ. ރަތަފަންދޫ، ގދ. ނަޑެއްލާ، ގދ. މަޑަވެލި އަދި ގދ. ހޯޑެއްދޫ އަށް ވަޑައިގަންނަވާނެ އެވެ.
އެމްޑީޕީން ބުނި ގޮތުގައި، މި ހުރިހާ ރަށްތަކަށް ވަޑައިގެން، ރައްޔިތުންގެ ހާލު ބައްލަވައި އިދިކޮޅު ކޯލިޝަން ވެރިކަމެއްގައި ގެންގުޅޭ ސިޔާސަތު އިބޫ ހާމަ ކުރައްވާނެ އެވެ.
އިބޫ އެންމެ ފަހުން، ވަޑައިގަތީ ކ. އަތޮޅާއި ނ. އަތޮޅާއި ރ. އަތޮޅުގެ ބައެއް ރަށްތަކަށެވެ. އެ ރަށްތަކަށް ވަޑައިގެން، ރައްޔިތުންގެ ހާލު ބައްލަވައި، ބައެއް ސިޔާސަތުތައް ހާމަކުރެއްވި އެވެ.
އިދިކޮޅު ފަރާތްތަކުން ބުނި ގޮތުގައި ކެމްޕެއިން ދަތުރުތަކުގައި މިހާތަނަށް 150،000 މީހުންނާ ބައްދަލުވި އިރު، އޭގެ ތެރެއިން ގިނަ މީހުން ބޭނުންވަނީ ބަދަލެކެވެ. އަދި ގިނަ މީހުން ތިބީ ރައީސް އަބްދުﷲ ޔާމީންގެ ވެރިކަން ނިމުމަކަށް ގެންނަން އަތުކުރި އޮޅާލައިގެން ކަމަށް އިދިކޮޅު ފަރާތްތަކުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
falaku ain
31 August 2018
ބޮނޑެ ހުވަދޫން އިބޫމަށް މަރުހަބާ ކިޔައި 90 ޕަސެންޓް ވޯޓްގެ ތަރުހީބެއްދޭނެ. ހުވަދޫ އައްޑޫ ފޯއްމުލައް އަދި ބޮޑު ތިލަދުންމައްޗާއި މާޅޮސް މަޑުލާއި ހައްދުންމަތި އެކުވެގެން އައީމާ ޔާމީން ހުންނާނީ ތުރާތައް ހިތުގަޖެހިފަ. ކޮރަޕްޝަނަށާއި މަކަރާ ހީލަތަށް ހެއްލޭވަރަށްވުރެ ހޭލުންތެރިން ގިނަވާނެ.
ސާސް
31 August 2018
ގއ ގެ 8 ރަށަކަށާއި ގދ ގެ 9 ރަށް ވީމާ ވާނީ 18؟ 17=8+9 މިހާވަރުން ސާފުވާ ހަގީގަތަކީ ކަންކން އޮޅުވާލުމަށް މަސައްކަތް ކުރާ މީހުން އަބަދުުވެސް ބުނާ ޢަދަދަކާ ފެންނަން އޮންނަ ޢަދަދު ދިމާނުވާނެކަން.
ޕޮސްޓިކޯ
31 August 2018
އެމްޑީޕީން ކޮންމެ އިންތިހާބީ ދާއިރާއަކަށް 4 މިލިއަން ރުފިޔާ ކެމްޕޭން ގޮތުގައި ހަރަދުކުރުން އެއީވެސް އިސްރާފެއް ނޫންތޯ؟ ވަގުތީގޮތުން ދަމާ ޕޯސްޓަރާއި ބޭނާ އަދި ދިދަ ތަކަކީ އެއްވެސް އެދެވޭ މަންފާއެއް ކުރާ އެއްޗަަކަށް ނުވާ އިރު ބެލުމެއްނެތި ހަރަދު ތިކުރައްވަނީ!! އެހެންވީމާ ތިމާ އިސްލާހުވެގެން އެހެން މީހުން ރަނގަޅުކުރަން އުޅޭ
ދަތްނެތްކުއްޖާ
31 August 2018
ދުނިޔޭގެ ތާރީޙުން ވެސް ނުދެކޭ ވަރުގެ ބޮޑު އަޤުލަބިއްޔަތަކުން ގުލިފައިވާ އިދިކޮލު ކޯޅިޝަނުން މި އިންތިޙާބު ކާމިޔާބު ކުރާނެކަން ހަމަ ޔަޤީން. ދުނިޔޭގެ ތާރީޙު ފޮތްތައް ލިއުއްވާ ލިއުއްވުން ތެރިން އެވެރިންގެ ތާރީޙު ފޮތްތަކުގައި ރަން އަކުރުން މިކާމިޔާބުގެ ސިއްރުގެ ވާހަކަތައް ލިއުއްވާނެ ކަމާއި މެދަކު މަމެން އެއްވެސް ޝައްކެތް ނުކުރަމު. އަދި މިކަމުގެ އަލީގައި ދުނިޔޭގައި ދެން ތިއްބެވި ލީޑަރުން މިފަދަ އިންތިޙާބު ތައް ކާމިޔާބު ކުރެއްވުމަށް މި ނަމޫނާ އަކަށް ބަލައިގެން މަސައްކަތް ކުރައްވާނެކަން ޔަޤީން.
ފޫހި
31 August 2018
ސާބަހޭ އިބޫ. އުއްމީދުކުރަން ކުދި އާބާދީތަކަށްވެސް އިންސާފުން ކަންކޮށްދޭނެކަމަށް.
އަސްކޮއި
31 August 2018
އަހަރުމެން މަސައްކަތް ކުރާ މީހުންނަށް ބައި އަޅާފަ އެހެން ބަޔަކަށް ދެވޭނީީ. މިއީ އެޕާޓީގެ ވެރިކަމުގެ ދުވަސްވަރު އިވުނު އަޑެއް. އުއްމީދު ކުރަނީ އަދިވެސް އެ އަނދިރި ކަމުގެތެރެއިން ސަލާމަތެއް ނެތްކަމަށް.
ވަތަނޭ
31 August 2018
މުޅި ހުވަދު އަތޮޅު އޮތީ އިބޫ / ފައިސަލް އާއި އެކު... ކޮރަޕްޓް މީހުންނަށް ލިބޭނެ ވޯޓެއް ހުވަދު އަތޮޅަކުން ނެތް...
ބަބުރުކަލޯ
31 August 2018
ތީ ދޮގެއް. ކޯމަހެއް ޖެހި ނޫޓެއް ދައްކާލަންޖެހޭނީ.
ކަބްޖީ
31 August 2018
އިދިކޮޅު ކެންޑީޑޭޓަކީ ރައީސް ނަޝީދު ނަމަ، ޔަގީންކަމާއެކު އިންތިހާބު ކާމިޔާބު ކުރާނެކަން ކަބްޖީއަށް ކަށަވަރު!
ޚުރާ
31 August 2018
މި ލިޔުން ލިޔެފައިވެސް މީނީ ޔާމީނެށް. ޢެހެންވީމައި ނާއިންސާފަށް މީނަވެސް ލޯބި ކުރާނެ
ރަދީފުކޮއެ
31 August 2018
ފުރަތަމަ 3 އަތޮޅުންވެސް ތިއަދަދަށް މީހުންނާ ބައްދަލުވި ވާހަކަބުނި. އޭގެފަހުން ހުރިހާއަތޮޅަކަށްގޮސް ނިމެނީ. އަދިވެސް ބައްދަލުވިމީހުންގެ އަދަދަކަށް ބަދަލެއްނާދޭ. 150،000 މިކިޔަނީ ކީކޭކަން އެހެންމީހުންނަށްވެސް އެނގޭ. ކޮންމެއަކަސް މިފަހަރު ތަރައްގީ ޔަގީންކޮށްފި.
falaku ain
31 August 2018
ހިސާބުޖަން ދަސްކުރާ އިކޮނިމިސްޓްގެ އަވައިގަތިބީމާ ވާނުވާނޭގޭނެ.
ހުވަދޫ ސޮރު
31 August 2018
ޔާމީނު މުޅިދައުރު އެނިންމާލަނީ ގ.ދ ވާދޫގަ ފައިވެސް ޖައްްސާނުލާ! އިބޫ ފުރަތަމަވެސް ވާދޫ އަށް! ކުޑަ އާބާދީއަކަށްވީތީ އިގްނޯ ކުރާކަށްނުޖެހޭ! އެއީވެސް ދިވެހިން. ސާބަހޭ އިބޫ/ފައިސަލް! ދޮހާކުއަސް ވޯޓެކުން މީހެކެ ހޮވެންނޭފެހޭ މިކަލެ އިބޫ ހޮވަންނާ. ކުޅި ދައްކޭލަންނާ މިކަލެ. ލައްކަ ދޮހާކަޓެ ކެތެލީގެ މިފުރުސަތާޓެ.