ބ. ފިނޮޅުގައި ހެދި ބީޗް ބަބުލް: މިތަނުގައި އެއް ރޭ ހޭދަކުރަން 600 ޑޮލަރު
03 ސެޕްޓެމްބަރ 2018 - 13:01
11 comments
ފިނޮޅު އެއީ ރާއްޖޭގެ އެންމެ ތަފާތު އެއް ރިސޯޓެވެ. ބ. އަތޮޅުގައި ޖޫން 2016 ގައި ހުޅުވި މި ރިސޯޓުގެ ކޮންސެޕްޓް ވެސް ތަފާތެވެ. އާންމުކޮށް ރާއްޖެއިން ފެންނަ ލަގްޒަރީ ޑިޒައިންތަކުގެ ބަދަލުގައި، ފިނޮޅުން ފެންނަނީ ކުލަ ގަދަ "ރެޓްރޯ ލަގްޒަރީ" ޑިޒައިންތަކެވެ.
މި މަހު ފިނޮޅުން ވަނީ އެހެން ރިސޯޓުތަކާ ތަފާތު އެހެން ކަމެއް ވެސް އަނެއްކާ ތައާރަފްކޮށްފަ އެވެ. އެ ރިސޯޓުގެ ރީތި ތުނޑީގައި ހަދާލީ "ބީޗް ބަބުލް" އެކެވެ. މިއީ "ގްލޭމްޕިން" (ގްލެމަރަސް ކޭމްޕިން)، ރާއްޖެއަށް ތައާރަފުކުރުމެވެ.
ބޮތްކެއްގެ ސިފާގައި ބިއްލޫރިން ހަދާފައިވާ "ގްލޭމްފިން" ޕޮޑް ތައްޔާރުކުރީ އެކަމަށް ދުނިޔެއިން މަޝްހޫރު 'އައި އިން ދަ ސްކައި' އިންނެވެ. ކޮންމެ މޫސުމަކަށް ވެސް މި "ބޮކި ކޮޓަރި" ފުދެ އެވެ.
ހިތްގައިމު މި ކޮޓަރީގެ އެތެރެ، ފިނޮޅުގެ އެހެން ކޮޓަރިތަކާ އެއްގޮތަށް ތަޅުމުގައި ވަނީ ލަކުޑި ޖަހައިފަ އެވެ.
ފިނޮޅުން މި ތަނަށް ބޭނުންކުރާ ނަމުން ނަމަ "ބީޗް ބަބުލް" އާ އެކު އެ ރިސޯޓުން ވަނީ "ޑްރީމް އެކްލިޕްސް" ޕެކޭޖެއް ވެސް ތައާރަފްކޮށްފަ އެވެ. ފިނޮޅުގައި ޗުއްޓީ ހޭދަކުރާ ގެސްޓުން އެތަނުގައި ކޭމްޕްކޮށްލަން ރެއަކަށް ދައްކަން ޖެހެނީ 600 ޑޮލަރެވެ. އެ ޕެކޭޖްގައި ހިމެނޭ އެހެން ކަންކަމުގެ ތެރޭގައި ހިތްގައިމު ތުނޑީގައި ޕްރައިވެޓް ބާބަކިއުއަކާއި ހެނދުނުގެ ނާސްތާ ވެސް އެ ތުނޑީގައި ހަދައިދެ އެވެ.
ފިނޮޅު ތަރަައްގީކުރީ ރާއްޖޭގައި ފެންވަރު މަތީ ރިސޯޓްތަކެއް ހަދަމުން އަންނަ ކޯސްޓްލައިން ގްރޫޕުންނެވެ. އެ ރިސޯޓް މެނޭޖްކުރަނީ ދަ ސްމޯލް އައިލެންޑް މޯލްޑިވްސް ކޯ" އިންނެވެ.
މި ކުންފުނިން ހިންގާ އެހެން ރިސޯޓްތަކުގެ ތެރޭގައި ބ. އަތޮޅުގައި އޮންނަ އަމިއްލަފުއްޓާއި މާލެ އަތޮޅުގައި ހަދާފައިވާ ހުވަފެންފުށި ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންކަލޯމީ
03 September 2018
ރިސޯތަކައް ދާނެ ލާރި ނެތީ ދެއްތޯ ދެއިރު ދެދަޅައައް ލަންކާއައް އިންޑިޔައައް ސިންގަޕޫރައް ދާނެ ލާރިޔާ 24 ގަޑިއިރު ކޮފީބޯނެ ލާރިހުރޭނު ރާއްޖޭގަ ހިތްގައިމު ތަންތަން ނެތިގެން ނޫންވިއްޔަ ލިބޭލާރި ކޮޅުހިފައިގެން ބޭރައް ގޮއްސަ ތަޅާބުރުވާފަ ތިޔަ އަންނަނީ ފެން ކޮންވާހަކައެއް ދައްކާކައް ދެކޮޅުޖެހޭތީ ދޯ ފުރަފުރާގެން ބޭރުތަންތަނައް ދަނީ ދާމީހުން ވަކިމަދެއްނޫން އޭސިޔާ ގައުމުތަކުގެ އަހަރީ ތަފާސް ހިސާބު ނެރޭއިރު އެނގެނީ ދިވެހިންކަން އެގައުމުތަކައް އެންމެ ގިނައިން ގޮއްސަ އޮންނަނީ މިދޮގެއްތަ އަޅެ މިހާރުވެސް ބަލާބަލަ ކުރިއައް މިއޮތް ބޮޑު ބަންދައް ކިތައް މީހުން ތޯ ރިޒަވޭޝަން ހައްދާފައިތީ ބޭރައްދާން ޗުއްޓީ ހަދާލަން
މަފުން
03 September 2018
ބަލަ ރާއްޖޭގަ އަގުބޮޑޭ؟ ދިވެހީންގެ ކޮނެސެޕްޓަށް ޓުއަރިޒަމް ތަރައްގީގަ ހިމަނާ ދިވެހީންނަށް ހާއްސަ ގޮތްތަކަކަށް އަތްފޯރާ ފަށުގަ ހުންނަނަމަ ހަމަ ދިވެހީން ދާނެ. ބޭރައް ދިޔައީމަ ޓްރެވަލް އެކަނި ބޮޑު ވަނީ އެހެން ކަންކަން ހަރަދު ހަމަ ކުޑަ. ދެން ޝޮޕިން ވެސް ހެޔޮ އަގުގަ ކޮށްލެވޭ އަނެއްކާ.
އެއްމިލިއަން ދެރުފިޔާ
03 September 2018
ޗިލް ބުރޯ.. :-)
ގާސިންބެ
03 September 2018
ދުނިޔޭގެ އެހެން ގައުމުތަކުގަވެސް އަޖައިބު ކުރުވަނިވި ހިތްގައިމު ތަންތަން ހަދާފަހުރޭ އެތަންތާކުވެސް އެގައުމެއްގައުޅޭ އެންމެން ޖަމާވެ ބިސްއަޅާގެނެއްނޫންތިބެނީކީ ހަމަ ހަރަދުކޮއްގެން ބަލަންދާމީހަކު ބަލަންދަނީ ހަމަ އަތާ އަނގަޔާ ދިމާނުވަމީހުންވެސް ވަކިމަދެއްނުވާނެ މިތަނައްވުރެ މިދިވެހިންނަކީ ސުކުރުވެރިނުވާ ބައެއް އެހެންނޫންވާނީ 30 އަހަރުގެ ތައުލީމެއް ނެތި ބޮޑެތިވެފަ ތިބިމީހުން ގިނައީ ލޮލް
އަލިފް ހ
03 September 2018
ތިޔަތާ ރޭކުރަން ކެރޭނެ؟؟ ކެކެ
ވާލުސޮރު
03 September 2018
ރާއްޖޭގެ ވެރިކަމަށް އައުމަށާ ވެރިކަމުގަ ދެމިތިބެން ބަޔަކު މަރުފަލިޖަހަނީ ކީއްވެގެންކަން އިނގެނީ ދުނިޔޭގެ މުއްސަނދި މަހުޖަނުންގެ ދުލުން ރާއްޖެއާބެހޭގޮތުން އިވޭ ބަސްތަކުން. ހއ. އަލިދޫ ރިސޯޓް އަކަށް ހަދަމުންދިޔައިރު އެ ރިސޯޓްގެ މަސައްކަތް ބަލާލުމަށް އައި (ލަންކާ ދަރިކޮޅުގެ) ޔޫކޭ ގެ މަހުޖަނަކު ހަނިމާދޫ އެއާޕޯޓް އާ ދިމާ ބީޗް ގަ ހުރެފަ އެރަށުގެ ބީޗް އާ މޫދު ރީތިކަމުން އެރަށް އެއާޕޯޓް އާއެކު ގަންނަން ލިބިއްޖެނަމަ ސަރުކާރުން ބޭނުން ގޮތަކަށް އެރަށު ރައްޔިތުންނަށް އެހެން ރަށެއްގަ ގެދޮރު އަޅާފަ ބަދަލުކޮށްދޭން އޭނަ ތައްޔާރުކަމަށް ބުނި.
އެއްމިލިއަން ދެރުފިޔާ
03 September 2018
ތިހާ މުއްސަންދިން ރާއްޖެކަށް ނާންނާނެ.. ފޭކް ވާހަކަ ނުދައްކާ... - ޕީޕީއެމް
ސިޔާ1
03 September 2018
ހާދަ ހޫނުވާނޭ
ވަތުބަތާނަ
03 September 2018
އަހަރެމެންޖެ ރާއްޖެ ވިއްކައިގެން ބަޔަކު މުއްސަންދިވާއިރު އަހަރެމެން ބަނޑަށް. އަދި އެއިން ތަނެއް ހުވަފެނުގަވެސް ފެނުމުގެ ނަސީބުނެތް.
ސައީ
03 September 2018
އައި ވިޝް އައި ކުޑް ސްޕެންޑް އަ ނައިޓް ދެއާރ.. މައި ޑްރީމް...
ވިސްނާލީމާ
03 September 2018
ހިތްގައިމުކަމުގެ ނަމޫނާ. މިސާލެއް ނެތްފަދަ ރީތިކަން. ޗާލުކަމުގެ ތިވަރެއްނެތް. މީ އަހަރެމެންގެ ރާއްޖެ. ރާއްޖޭގެ ރައްޔިތަކަށްވެ ހުރެ ރާއްޖޭގެ ރީތިކަމާ ހިތްގައިމުކަން މަށަށް ނުލިބެނީކީތްވެ؟ ޖަވާބަކީ އަހަރެންގެ ފައިސާގެ ތަނަވަސްކަން ހަމަ ނެތީއޭ. އެހެންނޫންނަމަ ތިޔަހުރިހާ ތާކަށްވެސް ލޯމަރާލާފާ ލޯހުޅުވާލާހާ ފަސޭހައިން ދެވުނީހޭ. އަހަރެންނަށް ނުލިބުނު ތަނަވަސްކަން އެހެންމީހުނަށް ލިބެން ބޭނުން. އޭރުން ހަމަގައިމުވެސް އެމީހުން ތިބޭނީ އުފަލުން ނޫންތޯ؟!